Dazzling Cafe (The ONE) (已結業)

嘢食ok，但有一個女職員態度爆差。收銀時其中一部機壞咗，等咗差唔多五分鐘都沒整好 我見後面都好多人排隊買單，就話，算啦，我換一種方式比錢。佢成塊面好黑，一d歉意都無，仲要全程黑口黑面。到最後離店，一句多謝同唔該或者sorry都無。講真，嘢又唔算好食，價錢都唔算平，人又寸，下次都唔會再幫襯。

Dazzling Cafe是台灣的過江龍，雖然是網紅店，但食物質素非常好，常常是我和朋友聚餐的地方。食物:5/5這裡最有名的是鬆餅甜點，其實其他咸食類都非常岀色。「柚子蜜雞翼」是單骨雞翼，比較方便吃，非常貼心！香脆雞翼配上酸甜的柚子蜜汁非常開胃！而且外面少機會能吃到！「花枝干貝麵」有魷魚 帶子 西蘭花 蕃茄 磨菇 配上黑椒炒 非常鮮味「蔓越莓蘋果茶」清新口味，配有蘋果碎，不會太甜，解膩「蜜桃柚香冰茶」這杯比較甜一點性價比：4.5/5價錢可接受，但限時90分鐘所以扣一點分數

Just wanna have a milky tea for this special weather❄️❄🌬️☕ hot Almond milk tea❤️ so warm..踏進12月了 又係充滿濃濃節日氣氛既聖誕月。周圍都滿佈住聖誕裝飾擺設/播著聖誕音樂，感覺係全年最開心`最期待`最歡樂既節日🎊🎁🎄⛄️❄️l呢種開始凍既天氣，最岩就係飲暖笠笠既熱飲最適合不過。喝下能讓我感覺冬天；又能滋潤肌膚既飲品；而我又會特別偏愛既味道 –杏仁奶茶。一種獨特既杏仁香 又調配得宜奶味濃。好好喝喔💕 是我喜歡的 特別適合冬天飲既季節味道。..要來一杯嗎。。☕️🍂🍂 感覺是喝得到的幸福。..Coffee or tea ...❓I prefer Almond milk tea❤️..

第二次黎食已經無早幾年排到出門口咁誇張叫左意粉 waffle 同野飲三樣既擺設當然都好精緻同好靚啦Waffle品會話甜得過份 又大份好開心飲品都係令人有驚喜至於主菜就係正常既西餐

生日去食飯本身諗住開開心心，但可惜店員態度十分惡劣，叫左不少東西食，但奶茶鬆餅可以不試，鬆餅入面唔夠熟食唒所有野，因為同行朋友生日，所以自備蛋榚諗住可以切蛋糕慶祝下，入座時及餐廳內都沒有表明不可以帶外來食物，，當放好唒個蛋糕影好相，店員就行埋黎話唔可以係到切蛋糕，其他餐廳最多都係收切餅費，但e度就話唔可以食，直程連切都唔比，但店員並唔係一開始就表明唔可以食，而且之後個蛋糕就算就咁放係到都好，都會一直有其他店員不斷望住你，仲會一直行埋黎用d好差嘅語氣叫你收埋個蛋糕總言之餐廳食物質素係不錯，但如果想受氣可以黎食。

行街行到腳斷要坐坐🤘🏻好耐無食過啦人龍減少係有原因嘅 服務生唔再扮台妹而且又無化妝😅令氣氛無咁親切了 而且飲品質素實在麻麻 失望😞 得個窩夫keep到水準 綠茶雪糕味濃救佢一命...檸檬青醬義大利麵 $95好大陣草青味 唔推薦Hazelnut latte $45 無咩咖啡味似奶一杯紅豆綠茶窩夫$85 👍

Book左夜晚7點，一去到就有位坐了。點餐時至被告知原來無論嗌幾多嘢食都好，每人都一定要叫一杯飲品白汁蘑菇意粉、香草醬雞腿意粉都非常有台灣夜市鹽酥雞、炸物嘅感覺 - 咸到一個點，就連suppose健康嘅雞腿沙律都做到咁咸，真係非常特別被迫一人叫一杯飲品，意外發現店員原來唔太熟啲飲品名同種類，送上枱，俾我地問一問係咩黎又送返走......兩杯嘢飲都係咁見呢度出名甜品，就嗌左個草莓鬆餅（加麻薯餡）開心些牙。鬆餅本身已有味，再點附上嘅草莓醬、糖漿、淡奶就太甜喇。食食下個鬆餅，我地被告知差唔多要交枱，而book枱時同到達時都冇人同我地講過。我地話未食晒，杯茶又未飲完喎，店員就話加時的話要每人再嗌多round飲品...而當時餐廳根本冇坐滿，外面亦冇客人等緊！全個晚餐最好味竟然就係杯橙汁......三個人咁就食左600幾蚊，唔抵！

有日經過尖沙咀好想食甜品，同男朋友去咗呢一間然後買咗一個心型嘅士多啤梨窩夫，有唔同既醬可以落，好好味！ 最後再叫多個豬扒三文治，肉汁豐富！好好味～再同男友一齊飲水果茶 好滿足！

中學同學聚會, 原本想去主題點心, 但只可用餐一小時, 所以就決定另覓餐廳, 呢間都只可以坐90分鐘, 我以為只係任食既地方先會限時, 雖然同學係美國回來想聊久點, 但因為吾想再轉來轉去, 就照樣入去了!可能因為吃完午飯不久, 所以沒有什麼特別想食, 就由其它同學仔發辦!蜜糖雞翼不錯, 佢個蜜糖並吾係只在表面, 即使內裡都是甜甜的!地中海雜菇原本我有點擔心個味會好怪, 但其實跟普通雜菇一樣, 所以不清楚地中海既特式在那!意粉雖然細碟, 但料都好足, 帶子亦很大粒!飲品選擇亦很多!

朋友文青的聚餐第一次嘗試 果然不負眾望除了排了一下對之外食物確實令人讚嘆青醬奶油雞腿義大利麵材料：厚切的雞腿 外脆內軟 醬汁豐富 十分入味 青醬撈義大利麵 十分奶滑辣味雞肉義大利麵材料：新鮮西蘭花.迷你番茄 條型的雞肉條 口感香辣 份量十足 十分惹味明太子義大利麵材料：豐富的明太子 CREAMY的義大利麵 帶有些少辣味 芝士味濃郁小吃：炸雞亦 洋蔥圈 脆卜卜 非常爽口草莓蜜糖吐司就看賣相已經收買了不少少女的心大大顆的草莓還有一個涼冰冰的雪糕厚厚的吐司怎麼飽也能把它吞下去水果茶 非常清香撲鼻朋友來杯凍飲 來紓解辣味

好耐之前去台灣都有聽過dazzling cafe但係一直冇機會試。香港開咗分店之後一直都好想試，終於同個同學一齊嚟食佢嘅下午茶。價錢同份量都okay。個豬扒三文治都夠兩個人食，最緊要唔會好厚粉。甜品就叫咗烤土司，甜度都okay，好香嘅蜜糖味。

認識Dazzling，全因為它那造型精緻、餡料獨特的窩夫。有別於坊間的窩夫，它的窩花是花形的，由八小塊水滴形窩夫拼湊而成。每塊窩夫均為一口size，正好讓人可一口吃掉。這次我點的是草莓口味的。窩夫外脆內軟，帶有淡淡的蛋香，既能搭配草莓醬食用，享受酸甜的草莓滋味，又能搭配煉奶和蜜糖食用，味道更香甜可口。而且我還特意要求往窩夫裡頭加入麻糬餡料，因此吃起來口感更為豐富。麻糬煙煙韌韌的，又軟糯Q彈，令窩夫的口感變得更為特別。加上窩夫表面還有一些草莓朱古力粒、忌廉，而且旁邊亦配有一球冰凍的草莓雪糕，一冷一熱之下味蕾可謂更為豐富，十分美味可口呢！

一向都覺得呢間野有D貴, 但要讚既真係服務態度, 好專業﹐ 講真真係有D台灣既service感覺。  之前食左個窩夫一直未有時間去寫, 我覺得球雪糕係精髓﹕ 其實所謂既貴真係一分錢一分貨, 我好肯定呢球係吃緊掉品牌既冰淇淋! 而呢件WAFFLE加左MOCHI裡面煙煙韌韌﹐ 而外皮少少脆加埋名牌雪糕真係無得輸!  我比9分 =)   是次食Dazzling遇到一個小插曲, 令我覺得呢班人做野真係好得: 有個女40歲香港人一入去就講英文, 問點解要同客人講國語, 男侍應已經解釋得好清楚係公司要求, 但呢位呀太大抄大鬧話自己靜係識講英文, 最後當然無幫襯, 我見果位男侍應事後好平靜無投訴繼續專心工作, 我覺得年紀輕輕已經EQ這麼高要讚讚﹐ 應該都關培訓事吧。  

今日同朋友整完個死人頭，諗唔到食咩，不如上黎 THE ONE 望下有咩食 !! 諗起好耐冇黎 DAZZLING，會會仲要等好耐位呢？！黎到門口冇人，GOOD !! 即刻入座 ~~ YEAH !!咁耐冇黎又好多樣野想食，我地點左兩個小食 + 一個主菜 + 一個甜品 ~ 每人再叫多杯野飲 !! 呵 ~~黃金烏魚子蒜香意大利麵，意粉炒得好乾身，烘乾既烏魚子既味道咸香咸香咁，同意粉好夾，每一啖既意粉都勁多烏魚子 !!柚子蜜雞翼，單骨雞翼，個柚子蜜好好，唔會太甜，雞翼單骨易熟，所以入面仲好多汁 !!松露薯條，又一個好邪惡既小食 !! 面好多松露碎，我諗應該係用松露油混過，因為食到落底都仲有陣味 ~~ 仲附上一個松露芝士醬，薯條炸得好香口，襯埋松露都真係太邪惡喇 !!檸檬薑 MOJITO，本來又想叫水果茶，但諗 ... 每次黎親都係 !! 梗係要有d新意啦 !! 好清新 ~~ 即刻將食到好滯既我，開胃番少少 !! 可以食甜品 !! 哈哈 ~~京都宇治枺茶紅豆鬆餅 +麻糬，黎到都真係唔可能唔叫甜品 !! 鬆餅好正架嘛 ~~ 好香蛋味，外脆內軟 ~ 綠茶雪糕同埋綠茶醬都好濃味 ~~ 我地仲升級左加麻糬

要排隊既cafe 你排隊唔係拎飛🤦🏻‍♀️ 好才係the one 有冷氣所以都還好Waiter唔識聽英文直接講普通話會快小小.1️⃣明太子意大利麵HKD$98意粉彈牙 明太子勁多勁濃好creamy 會有少少辣味係一食會上癮.2️⃣綿綿珍珠奶茶鬆餅（加左麻糬）HKD 88+15奶茶味唔算好重 但都叫幾特別既不過加麻糬其實同本身無咩分別無煙韌都無圖拉出黎個下可以唔洗加 但又係唔夠熱.3️⃣熔岩焦糖蜜糖吐司HKD$93唔夠熱 吐司都幾鬆脆 本身有加蜜糖去焗 所以唔中意太甜可以唔落蜜糖雪糕都唔錯 但焦糖有小小多.每人都要叫一杯飲品 但我無影到相😂水果茶同蜜桃柚香冰茶都唔錯但會有小小太甜薄荷蜜糖蘋果茶同草莓沙冰都唔太好D味太濃好假