Dazzling Cafe (The ONE) (已結業)

排半個鐘，個場得四成滿，空城計？Waffle 無得走 cream，邊上得唔得呢？「唔得！」（無尾音）凍飲無得少甜，走甜更加係「強人所難」，杯「果茶」甜到封喉，算！個人口味嘅野... 自已加水囉。糖水唔值錢，明嘅！重點：個waffle 係「室溫」嘅、唔脆，火都黎埋 🔥$90一個疑似整定嘅waffle，呢口價，熱同脆都係基本啦。$15 雞蛋仔都即整.... 我明白你交好貴租，但你都要對得住食客囉。

久仰大名的DAZZLING CAFE！！有機會當然要同好姊妹分享~門面舖頭唔算大，但裝潢好靚！岩唒充滿少女心既我地，都坐得好舒服，不過當時因為太多人等位用餐時間只有1.5小時MENU都好多選擇，我地落單都花左好多時間簡食物不過不失，我地每人叫杯野飲，2個主食＋1款甜品~我叫左杯奶茶（唔記得咩名），都好香丫！主食令我最深刻印象就是我最愛的黑松露意粉，黑松露味好香呀甜品簡直令人心心眼，睇得又食得，影相打埋卡先食最岩！

超受歡迎嘅台式fusion餐廳，要食就要排得！花多眼亂，見到menu太多野揀都唔知點揀好呀！🧇經典巧克力鬆餅 Classic Chocolate Waffle+$15有QQ麻糬賣相靚！😍窩夫少少脆身，都算外脆內軟😋有朱古力醬、朱古力雪糕～ 窩夫點雪糕食🍨，一流，正呀！👍🏼 食落仲好有層次感！加唔加蜜糖就睇個人喜好啦，我自己就覺得夠甜喇，唔需要加蜜糖都得！美中不足嘅係...藍莓少少酸😖其他意粉同果茶都好味嘅，不過都係甜品最吸引😋

早排佢慶祝唔記得幾多周年 果個禮拜都有折 （身份證中指定數目字就有折）唔怪得知果陣時排哂隊 我地都等左差唔多成個鐘先入得去女朋友就係食過呢間既明太子意粉之後一試就愛上咁難得一場黎到 緊係要嗌啦！依然都係咁高質 意粉軟硬適中 好夠味 之後都嗌左個飯 個汁我覺得少少偏甜 佢仲要比左好多汁 可能下次都係嗌番個意粉比較穩陣少少我見好多人都推介鹽酥雞拼盤 咁都嗌左份黎食咁多人推介係有原因！ 都好有台灣既味道 起呢段日子無得飛 食番少少鄉下野都咪話唔過癮抹茶latte 都係正！希望遲d都推多d折扣優惠 可以瘋狂去食pasta

今日同男朋友夜晚各自有野做，一東一西，於是揀咗係尖沙咀醫肚先再向左走向右走。諗起早幾年風靡一時嘅Dazzling Cafe我至今都未光顧一次，終於可以係唔洗等位情況之下入座，令我有一絲「太幸運了！」嘅錯覺😬點咗3樣野食 + 2杯飲品。軟殼蟹凱撒沙律🥗一隻佈滿芝士粉嘅軟殼蟹 配 有啲發黃嘅羅馬生菜，濃濃嘅沙律醬黏附於每一塊菜上，食完確實令人有啲倒胃口。炸豬排三文治🥪份量似午餐，整碟菜式感覺都好新鮮，三文治跟薯條都好脆口，賣相亦不錯。珍珠奶茶口味窩夫🧇相片與實體相符，珍珠口感煙韌，雪糕亦非常有奶茶味，呢道甜品果然名不虛傳！點咗2杯一凍一熱拿鐵，外觀跟味道都達滿分💯👍🏼美中不足嘅係當中嘅服務，服務員人數不少，但主要圍住傾閒偈，對客人似乎愛理不理。呢啲情景係現今香港地都真係司空見慣，只係同樣注重服務嘅我，無咩事都唔會再幫襯罷了🙂

看佈置及裝修顔色配搭，便可以知道，這是專攻女生市場的餐廳。在餐廳內所見，幾個女生一起用餐，一邊拍照，一邊聊天，也有情侶檔，坐我傍邊的情侶，便找我替他們拍照。我是約了朋友在尖沙咀，打開手機，看看附近那裡有優惠及有所推介，便到那裡用餐。在這個情況下，我們兩個大男人，便到了這家打卡網紅店。每人需要點一杯飲料，我點了印度大吉嶺茶，朋友則是四水菓茶，他們所用的茶葉，質素不錯，有茶香味道。我們點了松露炸薯條和軟殼蟹沙律，大家分享，炸薯條確實不錯，難怪每一台也有點，沙律一般般。這裏位置方便，顏色配搭舒適，難怪這麼多年青人喜歡到來打卡。

靚靚打卡Cafe今日姊妹們ssss約我嘆下午茶同傾偈☕️這間Cafe粉紅色裝修為主，而且有一道花花牆影相好靚呀當我地坐低咗，大部份女仔都喺度相機食先...haha食物方面我地叫左👇👇✨夏威夷熔岩漢堡扒飯✨草莓繽紛冰淇淋鬆餅✨烤布蕾奶蓋紅茶✨草莓奶茶夏威夷熔岩漢堡扒飯～有驚喜喎！個熔岩汁食落幾得意，有少少似咖喱味又甜甜地呢度嘅甜品賣相靚之外，味道都非常好味😋 烤布蕾奶蓋紅茶甜道係啱啱好唔會太甜👍

和風BBQ豬扒三文治，諗住嗌呢個大大份影相都靚啲，勝在份量十足超飽肚，麵包烘過，吉列豬扒有啲鞋，配左蛋黃醬都係整體乾得制，薯條方面冇調味，太幼身，個人喜歡粗身既多啲。走左紫菜後既明太子義大利麵，賣相欠奉，不過食落味道不過不失，都好多一粒粒既明太子。水牛城辣雞翅佐藍紋芝士醬都幾辣下，唔食得辣既話可能唔係好食到，我辣到要飲野，芝士醬因為係blue cheese，我朋友就唔係好接受到佢個種獨特既味，就咁食雞翼反而味道更加好，本身已經濃味，另外有一兩隻中間部分唔夠熟，有啲紅。凡爾賽荔枝茶既漸變色好適合打卡，味道飲落重玫瑰味，反而荔枝味唔太出，整體味道唔錯，甜度岩岩好。朋友嗌左仲夏熱帶水果茶，飲到好濃既雜果味，用料一啲都唔馬虎，唔係求其沖。當然唔少得飯後甜品😋京都宇治抹茶紅豆鬆餅加麻糬，有得加麻糬係窩夫內層好特別！口感變得豐富，有啲煙煙韌韌。因為係朋友生日所以餐廳幫我地預備左蠟燭，窩夫賣相不錯，生日牌係我地自己加上😂然而，部分水吧店員服務態度冷淡，出現不回應客人問題的情況，負責上甜品既店員做法生疏，竟然係壽星面前問蠟燭插邊然後先插上，實在令人尷尬。整體而言食物質素同美觀程度唔錯，餐廳環境適合打卡

好耐冇同小朋友出街啦！呢日我哋就去左超夢幻的Dazzlini Cafe食下午茶，粉紅色裝潢真係好靚呀，仲有好多打咭位，簡直令媽媽嘅少女心爆發。呢度除咗打卡一流，食物方面都有驚喜！和風BBQ豬排三文治大大份，豬扒厚切又夠脆草莓繽紛冰淇淋鬆餅份量很大，配有三款不同醬汁 (蜜糖丶煉奶丶士多啤梨醬)，暖暖的鬆餅外脆內軟，配埋冰凍雪糕口感一流小朋友杯熱朱古力賣相好靚，見佢飲得津律有味！而我點的仲夏熱帶水果茶，味道酸酸甜甜好清新，裡面仲有好多新鮮水果令口感提升！仲有好靚嘅花花牆打咭，好滿足的一餐！

可能好多朋友都有去過，之前裝修是粉藍色，而家轉左粉紅💕 加左花花牆 backdrop 打卡位🌸🦄入座限時 90min 要爭取時間😆食物不錯，必食 🍊柚子雞翼🍗 必需每人要叫一柸飲品🥤我地叫左士多啤梨奶茶，又靚又好飲🍧🍓士多啤利甜品🍓外脆內軟 👍🏻👍🏻 可以當埋生日蛋糕慶祝🎂唯職員服務態一般，冇計啦，佢都唔憂做，長期排長龍要等位都大把人幫襯😑🍭 Dazzling Cafe📍The One 3/F 22號舖💰人均 $210

好耐無去Dazzling Cafe喇😍😍適逢佢一週年優惠，去排隊食下👍🏻諗左好耐最後都係揀左水果茶🥭真係得呢度先有得飲🤤健康又好味～Hazelnut Coffee ☕️ ~~~咖啡都係Dazzling cafe必飲之選 再配合埋塊餅乾🍪好match👍🏻👍🏻明太子意大利麵睇落以為好單調 其實又唔會！因為撈勻左之後原來好多紫菜架😍 好夠味！偏鹹😋另一個就係義式牛肝菌香菇義大利麵呢個比較多餸 有好多菇～薯條🍟好味不在話下佢嘅黑松露醬先正👍🏻👍🏻👍🏻最後食埋個生招牌waffle就完美喇😋😋😋

行開The One 見到有一間充滿粉紅色嘅Cafe，環境好靚，同埋有好多人喺度排隊，於是就朋友決定去試下，幸好唔使排太耐，等咗15分鐘左右就可以入座😂明太子意大利麵明太子醬汁嘅味道十分濃郁，加上紫菜呢個組合十分之夾，啱晒鍾意食明太子嘅人😙醬汁配合意粉嘅質感好creamy，而且蟹籽嘅份量都好多，每一啖意粉都食到滿滿蟹籽，值得推薦👍🏼Hazelnut latte不過呢杯榛子拿鐵就有點失色，味道偏淡，只係飲到好淡嘅榛子味，有機會會試吓其他飲品😣

係佢新開既時候已經食過一次 個次食既真係幾好味 而且服務仲好好 可能因為新開張啦 之後一路都冇再食過lu 其實一路都想食多次 佢既甜品同野飲都好令 岩晒打卡見佢最近裝修過 成間變左粉紅色 仲有個位專係俾你坐底影相打卡 咁岩社交平台見到佢做梗6週年優惠 睇下中幾多個身份證號碼就有幾多折 咁岩又想食 朋友又中左好幾個 全單有7折 中多個就全單半價 可惜差一個 不過唔緊要啦 反正都想食咁耐約左朋友平日去食 諗住會冇咁多人 應該星期六日會多人啲 大約下午2點左右到 已經有10幾個人排梗隊 同朋友一路排一路諗定食咩好 最主要係想食佢地既窩夫 仲一定要加麻糬 同埋佢最低消費係要每人一杯野飲 咁我同朋友就諗住叫兩杯野飲 一個小食同一個甜品大約等左1個鐘左右 3點鐘可以入座了 佢係規定入座起計時90分鐘 有限時始終會好好多 唔洗食完坐係度係咁傾計 坐係度唔走 咁出面等位既先唔洗等咁耐 3點鐘入座 拿拿林點野食 叫左個香草冰淇淋窩夫 柚子蜜雞翼 同埋一杯凍紅茶 一杯凍既荔枝茶 冇幾耐野飲同野食都一次過黎晒 先講兩杯野飲先 睇黎係好令既 凍紅茶有啲生果係入面 蘋果粒 菠蘿粒同半粒士多啤梨 但原來兩杯野飲都

由於最近餐廳做緊優惠，我和KA決定去食午餐。一早知道這餐廳人氣高，所以我地一早就去排隊。餐廳開12點，我地11:45就到達餐廳門外排隊，當時有少量人龍。隨著愈來愈接近12點，人龍也愈來愈長，等候期間，店員派點餐紙給我地打發時間。一踏正12點，店員開始引領顧客魚貫入場，這裏的最低消費是每人一杯飲品，食物另計。餐廳用餐部份分為室內和室外，幸運地我哋被安排在室內入座。我哋叫咗一個抹茶紅豆鬆餅，一杯熱大馬士革玫瑰花茶，一杯樂活蜜桃柚香冰茶。花茶芳香味濃，配以棉花糖和茶包另上，十分貼心。喜歡甜的話，可以加上方糖或奶。至於冰茶味道清新香甜，也是不錯的選擇。環觀店舖，多款飲品都賣相精緻，配以新鮮水果，十分吸睛。鬆餅香脆，抹茶雪糕和紅豆一向是絕配，配合鬆餅，整體感覺很融洽。這裡環境優美，行少女風，有甜美打卡位，而且店員上菜速度都算快，值得去朝聖。 在場見很多枱客都點松露薯條，下次都要試下唯一不足是張枱比較細，食物和餐具擺位有點迫，兩人枱和枱之間的距離近。

當日朋友生日去食 門口有個牌寫住收9點入到去坐底左 就話今日收8點半 你地快啲落單(態度差到爆)一心諗住黎食個窩夫 所以照落單食！食到最後 因為朋友生日 所以想同佢影張相 但由於我地坐中間二人枱位置 所以影唔到，之後就問d員工可唔可以比我地坐去卡位 食個甜品 同埋影相，之後個店員妹妹就走左去問黑色衫既同事唔知係唔係經理啦，問完之後走過來同我哋講，唔好意思 你哋唔可以我個去卡位度影相，聽到個下真係呆咗，咁簡單嘅要求都唔得 你好意思想我+1服務費？？原本我哋都係得45分鐘時間 去到8:30 佢地已經即刻同我哋講，唔好意思其實我哋已經要閂門，一到8:30即刻吹客人走？你地好趕住收工？黑衫唔知係咪經理既 一樣態度差到爆 啲語氣又串串貢，真係唔會再幫襯！比錢黎受你氣？