Day and Nite by Master Kama (已結業)

繼續同同事係旺角覓食上1樓雖然門口位置偏細 但入到去餐廳都幾好feel, 由餐牌至碟都都好靚，心情up午餐中共試了3款，我選擇的是漢堡。午餐包括湯或沙律，我的青瓜沙律，又靚又好食，上面的小配食令沙律貌相加了分。但如果唔鐘意食青瓜嘅就不要選，因為就是滿口清新的青瓜味。主菜：BBQ豬肉漢堡，配有沙律及薯條，薯條迷的我無所抗拒熱辣辣的薯條，之後食漢堡，女仔黎講呢個餐真係非常飽足，食了半個漢堡就已經很飽，但亦非常不錯，內面bbq豬肉加上芥末汁， 唔知係咪我掛住食薯條原因，搞到個包凍左，如果唔係應該更加正。食到好飽後，食淨返嘅沙律去下油膩感，作為配菜嘅沙律都唔係求其貨色，有各種沙律菜。*不過其實食完個飽後好口渴，可能係d bbq醬及芥末醬，但美味程度完全足以蓋過*提外話，樓下門口接待妹妹話下載程式，提早訂座可以有折扣優惠，但非openrice, 可自行查詢。

朋友告訴我, 在旺角有一間樓上餐廳, D嘢特別得來又好好味道, 而且個個侍應都係又好生, 又靚仔又靚女, 懷著好奇的心跟住朋友上去食了一餐, 真的唔錯, 所以要在這裡同大家分享下. 聽講這間餐廳出名的是食龍蝦, 我們一場來到就咁係要試下他們的招牌菜啦, 睇到餐牌, 有一個套餐叫”龍蝦匯”, 有龍蝦肉包, 有燒龍蝦, 仲有一個海解石鍋湯飯/烏冬, 首先上來的是燒龍蝦, 大大隻蝦鉗露出啖啖肉, 另一邊龍蝦燒得啱啱好, D龍蝦肉一D都唔鞋, 好鮮甜, 而且非常爽口, 果然是招牌菜, 龍蝦的用料非常新鮮. 另一個龍蝦包, 是一個枕頭包中間切開, 放了龍蝦肉入去, 仲有其他配料, 呢個好好食, D枕頭包外脆內軟, 有少少面包的甜味, 加上啖啖龍蝦肉同埋的醬汁, 一啖咬落去, 入口有面包的香脆, 然後再有龍蝦肉的爽口及鮮甜, 加上特製醬汁調味, 絕對是食完再想食, 正! 之後, 上來了一款熱辣辣的”大阪燒”, 椰菜加面粉加墨魚整成的一道日本名菜, “大阪燒”的底部已煎到脆脆的, 最面頭鋪滿了墨魚片, 中間有香軟的面粉夾住甜甜的椰菜絲, 加上日本醬汁, 好好食, 在口中咀嚼有多重口感, 有墨魚的煙韌

我同男朋友兩個去食，叫咗一個Lobster Mac N Cheese Risotto同埋一個吉列牛排配忌廉蘋果咖喱撈烏東。說實話個忌廉咖喱烏東我好耐之前喺首爾食過，人地做嗰個忌廉比較厚身口感好好多，所以有比較之下我只可以比佢算整得合格。不過佢個Lobster Mac N Cheese Risotto為我帶嚟驚喜，龍蝦肉同芝士一齊balance得啱啱好，賣相又靚，隨心影都好有stock photo感覺，我相信我會推介你哋去呢間餐廳嗌有關龍蝦嘅食品會比較正～

今日旺角行街，又去咗同一間餐廳食嘢，呢次係我第二次黎呢間餐廳 原本想叫番上次個餐 點知個套餐已經唔同左。一問之下先知道 原來佢地定時轉餐牌 同特色飲 幾乎每幾個月都有新攪作。今次我同朋友選左佢個The Holy Crab One 二人套餐，同埋兩杯限定飲品。我叫左杯Magic Fairy 我朋友叫左杯 Little sunshine。Magic Fairy 飲落去好清新又有提子味再加埋嗰啲香草飲落去非常好飲。 同朋友傾計前後不過五分鐘前菜就已經 準備好，前菜叫六小缽，分別有六種配菜。海鹽枝豆，柚子醋海藻沙拉，蟹子日式煮豆腐，蟹肉玉子燒，虎蝦配芒果慕絲，酸辣蘿勒海蜆。 前菜甜酸辣有齊非常開胃，特別提提個蟹肉玉子燒尤其出色。第二度菜芝士蟹肉釀蟹蓋，蟹肉同芝士擺到滿一滿，食落口啖啖蟹肉鮮味同埋濃濃嘅芝士味 基本上一上就旋風式咁比我地清晒。之後上既係 蟹肉芬奴意式烤麵包，麵包烤到金黃鬆脆 雙面鋪滿厚厚嘅一層蟹肉。如果冇食錯佢係蟹肉加沙律醬，食落去口感同食魚子醬加焗麵包有得揮！其實食到喺度已經半飽啦。食左半個鐘左右 終於輪到主菜Master海鮮糕蟹拼盤，原本嘅配搭雖然已經滿足，但我再另外加左青口

同朋友係旺角行街，上openrice睇下附近有咩好食，搵到e間好似幾多好評，個賣相又唔錯，所以就揀左黎e間。但食完之後強烈懷疑係搵打手寫好評（？）首先，職員冇服務態度。我地搭lift上1樓，d職員企係入面見到我地入黎都係唔理，係要我地自己推門入去，入左去之後仲要冇人招呼冇人理😌食物方面，我地叫左個pizza，賣相吸引，但食落係冇咩味，同埋比想像中細過。另外，叫左個小食盤，一黎到d野已經凍凍地，唔係熱/暖，同埋一樣係食落冇味，只係外表吸引。完全係中伏，好睇唔好食但仲要有咁多好評

等男朋友放工，一早已經book咗呢間一齊食晚飯，之前食過一次覺得呢間整龍蝦嘅水準唔錯，所以今日就揀咗呢間食晚飯喇我哋揀咗個The holy crab one套餐，今次就唔食龍蝦食蟹宴，係for二至三個人食，頭盤有六種小食，1）蟹肉玉子燒，蛋上面鋪左d蟹肉,同蛋一齊食，幾好味 2）蟹子日式凍豆腐，估唔到兩個食物溝埋個味道有幾夾喎 3)海鹽枝豆 4）酸辣羅勒海蜆，食落去有少少泰國嘅味道🙈 5)柚子醋海藻沙律 6）虎蝦配芒果慕絲，隻蝦幾爽口第二道餸係芝士蟹肉釀蟹蓋，配埋三文魚子添，一層厚厚嘅芝士鋪係蟹肉上面，下面係啖啖都係足料嘅蟹肉第三道係蟹肉芬奴意式烤麵包，麵包烤到好趣口，上面當然又係厚厚既蟹肉啦主菜嚟啦，master 海鮮膏蟹拼盤，配埋惹未香草牛油汁，個汁有少少辣，我哋怕唔夠食，另外加左龍蝦同埋藍青口，其實本身入邊已經有好多嘢食架啦，有帶子，海蜆，大蝦，麵包蟹半隻，仲有啲配菜，麵包蟹同龍蝦都勁多膏，啲海鮮食得出幾新鮮，不得不讚個龍蝦係整得好好食👍🏼，食完之後仲有個甜品，櫻花味嘅雪糕添仲有呀，佢哋每日都有today special drink,我就叫咗杯菠蘿白桃特飲，重菠蘿味，兩隻味都幾

繼上次食完Day meun既流心芝士龍蝦三文治後一直都好想再食埋另一款龍蝦包～今次終於有機會喇🤗～但當然唔會淨食飽咁單調，都要試下佢地其他既食物架麻。食物1.加洲脆片香橙雞肉沙律配芝麻薑汁加洲脆片就係我地平時食開既墨西哥脆片，食落好脆但係個人都係鍾意食卡樂B果類既薯片多D～原來呢個沙律同平時食開既有出入，係將菜切絲，配上雞肉碎同香橙（認真黎講應該係柑🍊），對我黎講都幾新奇😃。整體感覺都唔錯，但薑味甚少，外觀上因為用左類似船仔形狀既容器～幾得意。2.鮮茄虎蝦扁意粉意粉食落唔係我鍾意既口感，但整體都算OK，但對比起價錢有小小唔抵！3.龍蝦包188的價錢如果得包就好唔抵！但呢個係連埋薯條同埋少量沙律。薯條邊面有平時食開既普通薯條同埋番薯薯條～食落脆脆，無奈欠缺了點熱。龍蝦包方面，個包食落好軟好香，但龍蝦就小左D，起碼都要食三啖先有一啖有龍蝦～4.Unicorn dream好耐之前上網見到呢到既特似係好鬼死令，滿滿的少女心，由其是係呢杯～七彩既顏色，再配上綿花糖～～～飲落係汽水味的沙冰咁，都唔錯，畢竟我要既係外表咋～～😂（膚淺既人類（啪）整體都是不錯的！可惜又上唔到2樓既位😣

朋友一直都好想食呢一間，今次佢生日，梗係識做啦，環境舒適。叫咗一set餐，感覺會滿足我呢個大胃口。第一樣嘢食，六小碟前菜。用木盒裝住，細細碟，好精緻。有枝豆，蟹籽豆腐，玉子，大虾等等。第二碟菜，係焗蟹蓋。蟹肉多，食落啖啖肉。芝士味淡淡地，更加突出蟹肉嘅鮮味，上面仲有魚乾既脆片，卜卜脆。主菜，紙火鍋海鮮有蟹蝦蜆，蟹已切件，好方便食用，海鮮睇落都幾新鮮。蔬菜類有菇，南瓜，生菜，白菜，粟米仔，仲有魚肉等等。見到有啲心形，星形既圖案，可以呃like了。第一次用紙火鍋，好特別，好似比較少見到餐廳有。初頭好驚個紙會着火，表示大鄉里出城。結果係冇事既，仲煮熟哂啲食物。不過，有個論盡位就係張紙俾蟹腳吉穿咗，係咁漏水，好彩staff好好人咁幫我哋換咗個新既。小總結環境舒適，紙火鍋特別，蟹肉多肉。我太大食，覺得有少少唔飽👉🏻👈🏻

上星期我同朋友仔訂左位，去一間食龍蝦包既日式西餐廳！聽聞這間日式西餐廳既水準唔錯！加上我之前係日本大阪食過一間龍蝦包後，就對龍蝦包產生左一種情意結！這間餐廳位於旺角鬧市中既樓上鋪！完全置身於鬧市中寧靜既一角！可以慢慢享受龍蝦包及其他美食！我地頭盤ORDER左一碟香脆雞翼配龍蝦汁個汁簡直係一流！龍蝦汁完全包圍任整隻雞翼！另外，ORDER左一碟章魚小丸子！這個比較失望！因為小丸子內既饀料太少了章魚粒都無食完頭盤！當然到主菜啦！龍蝦匯龍蝦匯包三款菜！薯條配龍蝦包！半隻龍蝦！龍蝦海鮮湯烏冬！龍蝦包！啖啖肉！配埋龍蝦汁！簡直一流！半隻龍蝦仔！就不過不失啦！蝦肉比較少！不過都好好味！鮮味十足！龍蝦湯烏冬比想像中吸引！每一條烏冬都被龍蝦汁包圍住！入晒味再加埋海鮮配料同半隻龍蝦！鮮味十足幾個fd爭住食！差d唔夠分最後，每人來一碗龍蝦茶碗蒸茶味香濃！齒夾留香！蒸蛋滑蛋面仲有龍蝦肉

Happy Friday 想食個龍蝦大餐Happy 一下，點知中伏。。。環境同食物一般！意粉同pizza 都ok , Nachos 係"林" 的😑之後叫待應斟水，加完俾個drink menu 我，叫我order 野飲🙄即係唔想斟水，你自己叫杯野飲啦。。食左一個鐘，個經理突然已經拿張單放係枱面！他話樓下有人等位，要埋左張單先。我再同他確認我係有90分鐘先要交枱，他都要我俾錢先！好無禮貌！😤過左10分鐘又再過黎同我講多次。。😤咁的食物+環境+服務質素，還有下次？

樓下地面取票, 好在立即有位. 住LIFT上去立即有店員帶位.環境舒服, 雖不是太闊落, 不過店面唔大,唔算好嘈.2個人, ORDER左飲品/小食同主食.MASTER分享盤 $168– 有6個不同小食.包括: 香脆炸雞翼, 三重芝士雞肉烤餅,章魚燒, 芝士條, 雞軟骨餃子, 炸薯條.香脆炸雞翼最好食, 炸得好脆.芝士條用了較幼的芝士, 個皮厚過芝士, 亦好快凍左,無得拉絲了.其他中規中舉啦.每款有3件, 3-4個朋友SHARE最好.吉列牛排配忌廉蘋果咖喱撈烏冬 $148 - 吉列牛排外脆內軟,牛味十足, 而且看得出肥瘦岩岩好, 肉帶一點點粉紅,好新解, 炸的技巧好好, 肉仲好嫩唔過火.忌廉咖喱撈烏冬好特別, 忌廉係泡泡蘋果味黎,好輕盈, 下面的咖喱又可以掛汁, 烏冬軟硬岩岩好,有D咬口, 好正. Alska Fruit Cider $68 – 好易入口的Cider,我們選了Lemon & Ginger, 薑味不濃, 亦不太酸,有4%酒精, 成500ml一支,岩岩好夠喉!Apple Crumble $68 – 新鮮即製, 香脆的燕麥脆脆下,有薄薄一層, 灑了 一片片的蘋果片,配上曲奇雪糕

上黎見到呢到好似唔錯，睇相杯野飲深深吸引住我眼睛，所以決定要黎試下，我地三個人食2個人1800到，佢話只可以坐90分鐘，唯有等埋個朋友先上去，上到去得一枱，，點解唔比我地坐耐點，，，跟住點知杯野飲真係夠曬難飲，又熱又口干都飲唔到2分一杯，其他食物味道一般正常，龍蝦湯超淡，罐頭會比較好味，仲要88蚊一碗，pizza 個皮好簿，不過唔脆，係硬，最好味係日式xxx，

朋友們一直想去試下食龍蝦包, 最後決定黎哩間試試順便食埋生日飯!星期二晚上七點半,預先book左位,上到去唔full,但陸續都坐滿人4個人坐卡位,地方闊落坐得舒服一坐低Waitress同我地介紹兩個新推既蟹餐,一個海鮮火鍋,一個海鮮拼盆,兩個都好吸引,最後選擇左拼盆再加隻龍蝦,吉列牛柳忌廉烏冬同埋雙重炸薯條一開始黎左個六小盆,蟹肉蛋同蟹籽豆腐好好食,蟹肉好似圖中睇到咁多,豆腐又滑跟住重有蟹肉多士,一樣都係蟹肉多多,不過個人覺得D洋蔥有少少蓋過左D蟹肉味道接住重有釀蟹蓋, 啖啖蟹肉加埋淡淡地既芝士味道連埋其他唔會搶左主角既配埋料相當不錯終於到主角出場,海鮮拼盆,原隻龍蝦(另加)同蟹,好幸福,龍蝦肉爽口,除左蟹蓋D膏,拆開蟹腳好多肉,海鮮重有青口,帆立貝,大蝦,蜆,薯仔,二人份量,但都大大件,而且海鮮配香草汁都好夾,底D薯仔都好甜好味吉列牛柳忌廉烏冬,吉列豬莧食得多,吉列牛就第一次,幾特別但乾左少少,即刻比其他食物比下去,忌廉烏冬就唔錯,甜甜地加埋彈牙既烏冬,下次會試下其他雙重炸薯仔,食落發現除左薯條之外重有蓄薯條,幼身又甜甜地,個人覺得好食過薯條,成碟都係蓄薯條都不過份,配三種醬,龍蝦芝

收工行完波鞋街諗住搵野醫肚 ，突然望到個熟悉既樣子..坤哥🤣即刻Openrice 下呢間餐廳先，原來係用龍蝦做主打，咁岩同事係龍蝦控，未及細看就比人拉左上去餐廳主打的龍蝦包，毫不吝嗇地原隻龍蝦拆肉，夾起烘得脆皮的包入面食，每一啖都是鮮甜的龍蝦肉，令人滿足伴碟的薯條亦不失色，薯仔控既我當然對粗薯條愛不釋手...沒想到原來蕃薯條略帶甜味更加吸引龍蝦濃湯石頭鍋鳥冬，鳥冬吸收晒龍蝦湯既精華日本的玉子燒係唔少人既寵愛，不過分左關東同關西風，你又知唔知關西風的玉子燒～厚厚的蛋+內藏龍蝦肉，咬落口感十足，不過我諗我鍾意關東風多啲🤣章魚片份量一啲都唔少食完真係飽到一個點🙈

旺角鬧市中，多數都是茶餐廳、街邊小食檔，Day & nite by Master Kama在這裡好像別樹一格，裝潢設計具時代感，外面的黑白招牌襯上無腳字配上紅色的閘，暗地裡已散發意日Fusion的感覺。 餐廳需要搭升降機上去的。坐下後再仔細觀看餐廳，佈置得十分有心思，有很多卡通龍蝦仔出現，而且我十分喜歡餐廳的天藍色！很開心可以在這裏吃東西 餐牌的設計都別出心裁😭🤤想多看數眼。 龍蝦包 $188 龍蝦包的外層微微的暖脆，吃起特別有溫暖的感覺，除了龍蝦還加了一些菜和特制沙律醬，份量超大的！吃起來的時候有點困難，當心龍蝦掉下！不過仍然是超級推薦大家點這個。 還配了沙律和薯條。沙律十分開胃，清新的，白醋味足夠，酸酸甜甜的。薯條可以品嚐到當中的薯泥，而且還有兩款薯條。 炸雞翼配龍蝦芝士汁 $78 雞翼炸過後超鬆脆，炸粉不會過多。而賣點龍蝦芝士汁會以蠟燭暖著，一直維持在暖暖的狀態，讓你慢慢品嚐雞翼，沒有想過龍蝦芝士汁都可以這樣合襯！ 日式雞軟骨餃子 $45 從來都冇食過雞軟骨餃子，外皮香脆十足，內裡多了雞軟骨更由內脆到外！吸引度上升！ 石頭濃湯鍋燴飯 $72+12 可以選擇燴烏冬或燴飯，而平時較難