Day and Nite by Master Kama (已結業)

個日上左黎食lunchset lunch 價錢正常跟餐可選沙律或餐湯跟餐既沙律都幾大份，味道都唔錯要左個牛柳粒烏冬加配半熟蛋蕃茄湯底濃郁，牛粒唔韌，烏冬亦夠彈牙！以石鍋呈上，熱力十足！！！最後飲埋杯餐茶，滿足呢個signature set都幾豐富咁，一於下次搵埋朋友試下先-但係呢度上菜真係比較慢，要扣少少分------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

之前去過Master Kama 食龍蝦大餐， 賣相靚又好味，呃 like 一流。今日天陰陰，去咗旺角波鞋街行左轉，又諗起呢間，見時間尚早試吓 walkin，果然又有位喎！餐廳主調以素色為主，但佢serve嘅食物同飲品就七彩繽紛啦。我地見到龍蝦滿場飛，但同友人都有默契，今日唔食龍蝦想試吓其他野。頭盤我哋叫咗，雞軟骨餃子 $45。係韓式煎餃子。皮好香又好脆，裏面係豬肉饀仲有粒粒雞軟骨，口感非常好。一客有六件，旁邊有甜醬油，配埋仲好味。仲有沙律菜伴碟，作為頭盤小食，性價比超高。真心推介！Main course 我叫左一個 light D既，法國藍青口 (小）300g $148，另加左 $15 配蒜蓉法包。 青口係用白酒忌廉汁來煮，真係有濃濃白酒味， 忌廉汁香滑，稠度適中。再加上用左熱辣辣的鐵盤上，全程keep住美味的溫度，好細心。藍青口一般size 不大，但勝在係新鮮甜美。我哋加左＄15要蒜蓉法包，香脆可口，用嚟點青口汁一流。旁邊仲有蕃茄莎莎埋薄荷碟，隨意加入青口或法包之中，提升美味層次。另一個 main 我揀鮮茄虎蝦扁意粉 $138，蝦係沒有殼的，蝦肉結實但我地覺得唔夠香，如果佢略為先煎吓

今晚約咗女團出嚟旺角慶祝生日，一行幾人，我被引領到 Day and Nite by Master Kama如果唔係朋友帶路，平時我都好少會留意到原來有間融合西式與日式烹調美食的 Kama打從店內佈置就已經可以感受到包羅萬有，琳瑯滿目的海鮮菜式，尤其龍蝦佳餚甚有一手坐低一於決定叫個二人蟹宴 $588 （二人份量，當天晚上座無虛席，蟹剛剛售罄，店員提議以龍蝦代替，我們都十分歡喜，照食可也最先上台的是六小缽, 特色前菜做得十分有心思。西、日合璧的風格。我最喜歡的是滿滿蟹肉玉子燒 ，甜美的玉子燒，鋪滿蟹肉，份量都算大哦！芝士蟹肉釀蟹蓋，配上三文魚子，仲有一片好特別嘅白飯魚製成的魚乾片。我將蟹肉+三文魚子放在魚乾跪片上一齊吃，啖啖蟹肉超好吃的，口感十分有層次。今晚重點主角是鮮味王樣．龍蝦海鮮紙火鍋耶，相片出來的顏色藍藍的，皆因店如其名，日與夜餐廳皆有不同的情調。音樂、制服、燈光在兩個時段完全相異，我朋友都話同上一次 lunch 嘅感覺完全唔一樣。有趣有趣朋友未見過紙火鍋，覺得好奇，店員提醒紙火鍋個底好薄，千萬不要篤佢！鱈場蟹腳、海蝦、沙白都係超新鮮的蟹肉厚身而且鮮甜。海蝦新鮮爽口又彈牙！蔬菜盤

慳家小妹當然唔會正日慶祝情人節啦，所以當所有人都唔慶祝嘅時候，小妹就黎同男人慶祝！一早做好哂功課！$588 二人餐，是晚侍應表示，由於蟹供應量不足，所以升級做龍蝦🎉Lucky!!前菜有六小物：當中令小妹最印象深嘅係虎蝦配芒果慕斯！凍食嘅虎蝦依舊爽甜，配埋芒果，酸酸甜甜，感覺好fresh♥️除左六小物，仲有芝士蟹蓋釀蟹肉超多蟹肉係入面😱😱😱而且配左白飯魚乾一齊食，咸咸地，蟹肉味道仲出d！！小妹一個人KO左一大半呀！火鍋到！！！！超多料！龍蝦你好🤤🤤🤤龍蝦啖啖肉，超彈牙，而且肉質係一梳梳，超新鮮👍🏻同場火鍋，仲有大量日本丸物，十足十關東煮🍢一樣🤤仲有大量菇同蔬菜☺️☺️☺️同大家都飽飽地嘅時候！！！驚覺原來仲有個蟹肉炊飯😱😱😱炊飯味道好清清地，淡淡蟹肉味是日甜品🍮綠茶慕斯！慕斯好香茶味，而且好滑身👍🏻

新年逗完利是就想食龍蝦豪一豪，對自己好D，一定會諗起Master kama，上openrice睇下book枱又有得賺哩數，真係正！要book枱，個場真係好爆。龍蝦公仔好得意。有街景睇。有卡位坐。龍蝦匯 Kama signature lobster set ($458)幾抵食，有lobster roll、grilled lobster和烏冬，食盡龍蝦的裡裡外外。先上兩款，見到已經留晒口水，賣相超吸引。龍蝦包厚身的麵包面夠香脆，質地十分鬆軟，夾住爽口彈牙的龍蝦肉、火箭菜和沙律醬，食第一啖已經令人非常滿足，很美味。烤蒜蓉牛油龍蝦 （Half size)龍蝦肉很Q彈，有蝦膏，而且很新鮮，肉質很肥美，這龍蝦很大隻，用燒的方法能保持龍蝦的原汁原味。薯條有蕃薯和馬鈴薯mix唔錯，蕃薯味道特別甜。龍蝦什錦海鮮石鍋湯烏冬龍蝦湯用熱鍋上超熱的，食完仲出緊煙。雜錦配料有蟹柳、魚蛋、粟米、魷魚粒、青口、蝦、海帶等，但重點在湯，龍蝦味道不單濃郁，帶出濃濃的鮮味，唔會太咸，烏冬吸收晒個湯，味道超棒的！

星期五臨放工突然想食龍蝦，記得之前廣告介紹過就打去book 位，竟然book 到。未夠鐘就去左，當時落緊雨，店員好親切俾位我入去先，不過仍然提醒有個半鐘限時。order 左龍蝦pizza, 龍蝦包，炸雞翼配龍蝦汁同一杯飲品，仲特別$15 加多個黑松露醬。雞翼加上芝士粉配龍蝦汁超入味，炸得脆嫰。龍蝦pizza 簿脆底唔heavy, 龍蝦包好足料，唯一不足不夠牛油香。特別推介黑松露醬配薯條，本來龍蝦包已經有一set 薯條加檸檬汁俾你，但係黑松露醬真係超夾薯條。二個人食五百幾埋單，完全覺得好回本，三個人食都得。下次再試下其他龍蝦食物先。

難得老公接收工，梗係去食好野啦～ 係旺角返工，一早聽聞呢邊有間 Master Kama 嘅龍蝦包好正，今晚一於去試試。Master Kama 分為兩層，位於大廈1樓同2樓。去到樓下，已經有侍應接待我地。餐廳地方唔算好大，色調以粉藍色為主，令人感覺好舒服。望望餐牌單叫價錢，相信龍蝦匯會係最抵，而且仲係每天限量供應，所以即刻 order 咗。　　龍蝦匯 $458龍蝦包、烤蒜蓉牛油龍蝦（半份）、龍蝦什錦海鮮石頭湯飯先黎龍蝦什錦海鮮石頭湯飯飯裡材料都幾多～ 有青口、魷魚、蟹柳、栗米粒。飯除左吸收咗龍蝦濃湯之外，再吸埋其他海鮮精華，十分鮮甜。熱辣辣～ 咁涷個人食完即刻暖笠笠。跟住係期待嘅龍蝦包。龍蝦包係同烤蒜蓉牛油龍蝦用木盤一齊上，仲配有沙律同薯條。龍蝦包夾住一件龍蝦鉗肉，而內裡龍蝦肉就唔算多，但個包真係好好食。麵包好有牛油香，烘到外脆內軟，龍蝦鉗肉質滑嫩，加上香草同淡淡檸檬香混合嘅醬汁，好好食～龍蝦賣相幾好，牛油味香氣撲鼻，但蒜蓉味就唔太突出，入口肉質彈牙，只可惜份量只有半份，唔係太夠喉。炸薯條有驚喜～ 原來唔止係炸薯條，仲有炸蕃薯條，蕃薯條係出面比較少見。薯條、蕃薯條炸成金黃色，香脆可口，但

朋友係我生日訂左依間餐廳食生日飯，朋友知我係龍蝦迷就即刻book左依到，Master Kama環境都唔錯，可能因為果日係星期五既所以都好多人去食焗龍蝦+龍蝦包+薯條蔬菜沙律有少少帶酸都幾開胃龍蝦好似焗得耐左所以肉同殼有少少難分開，而且比較乾身冇咩肉汁但龍蝦包反而做得唔錯有足夠既牛油香同龍蝦肉都算拉上補下番薯條就炸得比較挺身唔會太多油都唔錯既

同朋友成日行過旺角都好想試下食間 Day and Nite by Master Kama，今日就決定放左工去試試佢。天氣咁凍，咁岩又見到佢有一個叫王樣‧雪場蟹海鮮紙火鍋，所以就決定試下佢!!係打邊爐之前店員就為我地送上六款唔同既小食，分別係蟹肉玉子燒、蟹子日式凍豆腐、虎蝦配芒果慕絲、柚子醋海藻沙律、酸辣羅勒海蜆同海鹽枝豆，而我覺得最特別既就係蟹肉玉子燒、蟹子日式凍豆腐同虎蝦配芒果慕絲。蟹肉玉子燒既玉子仲可以見到一層層，而且唔會太甜，加上放係玉子上面既蟹肉，食落既時候更加鮮甜。蟹子日式凍豆腐亦都整我好好，豆腐滑溜溜加上上面既蟹子同芝麻醬，令平平無奇既豆腐添上色彩。虎蝦配芒果慕絲酸酸甜甜，蝦肉亦都非常彈牙而且鮮甜，芒果慕絲同虎蝦兩種唔同既口感令到食落去既時候有兩種唔同既層次，非常有特色。芝士蟹肉釀蟹蓋配三文魚子加白飯魚乾片:蟹蓋入面既蟹肉加上芝士，再放上三文魚子，入口啖啖既甜味，齒頰留香，如果鐘意食芝麻菜既朋友可以加埋芝麻菜一齊食，食落更會多種清新既感覺。主菜:鱈場蟹海鮮紙火鍋，新鮮既海鮮加上不同既配菜，望到都已經唾涎欲滴，個人認為可以先放入蟹，再放入海蜆同大蝦。因為湯底會愈黎愈鹹，如果太

❤第200回❤淘小姐既食評終於黎到第200篇❤緊係要食好西好好慶祝一番啦❤Master Kama最出名就係龍蝦！但今次要黎試既係⋯⋯蟹宴！Master Kama位置於山東街交界漆黑裡既螢火蟲，雖然係樓上鋪，但都好易搵到～Master Kama最近推出日式、西式兩款二人蟹宴！「Holy Crab」呢個名真靠特別，原來Holy係取自Whole，全部都係蟹既意思。日式風格的 Holy Crab Two $588 （二人份量）包括「鮮味王樣．雪場蟹海鮮紙火鍋」及「蟹之雜炊」等 。每份蟹宴均包含六小缽前菜、芝士蟹肉釀蟹蓋及甜品。特色前菜六小缽蟹肉玉子燒 甜甜的玉子燒，雖然係前菜，蟹肉份量都不少。柚子醋海藻沙律 雖然用醋調味，不過有少少腥，爽口。虎蝦配芒果慕斯 少少甜，唔太重芒果味，蝦好新鮮。海鹽枝豆 蟹子日式凍豆腐 幾特別幾好食！酸辣羅勒海蜆 我最鍾意係呢個！！！個汁超好味～雖說係日菜，呢個前菜好有泰色風味！！！芝士蟹肉釀蟹蓋 配 三文魚子 ・ 白飯魚乾片上面個塊原來係白飯魚起初唔知仲以為係金菇添～啖啖蟹肉超好食！好Creamy~ 三文魚子都好好食，不過配重口味既火箭菜，好似有D唔配合。到王樣．

王樣。雪場蟹海鮮紙火鍋今日同個朋友喺旺角睇完戲就去 搵嘢食，朋友介紹我到呢一間用紙嚟打邊爐餐廳，聽起來都覺得好新穎，佢坐落旺角樓上舖價錢 都好實惠。六小缽蟹肉玉子燒蟹子日式凍豆腐虎蝦配芒果慕絲柚子醋海藻沙律酸辣羅勒海蜆海鹽枝豆六款前菜都好精緻，各具特色都係海鮮食材，尤其係個凍豆腐，製作非常出色，豆腐滑捋捋，配上卜卜脆嘅蟹子，味道恰當，兩種口感非常匹配。虎蝦爽甜，夾著芒果慕絲，又係另一享受。海蜆都非常新鮮，鮮甜味豐富。其他玉子燒，沙律，枝豆，不遑多讓。芝士蟹肉釀蟹蓋配三文魚子。白飯魚乾片 另一個釀蟹蓋，香味濃郁，份量唔少嘅蟹肉，混合芝士濃香再釀有三文魚子，配合得天衣無縫，非常滋味。鱈場蟹海鮮紙火鍋有肥大嘅蟹腳，每件都非常飽滿，肉質豐厚，肉汁鮮甜。大大隻龍蝦，鮮味無窮，蝦肉爽脆彈牙又冧冧肉。還有新鮮嘅大蝦，同樣出色，鮮甜味出眾，還有鮮甜嘅海蜆，全是新鮮食材，冇得輸。蟹 之雜坎最後一個菜都非常吸引，一鍋鮮甜蟹粥，材料極之豐富，用多款嘅海鮮食材煮製，蟹肉滿載，粥底綿綿的，滑溜溜，滋味到不得了。 最後還有一款甜品奉上，清甜香滑嘅雪糕，令呢個晚餐畫上一個完美句號。

好耐無約家姐飯聚，呢晚約去呢間超食海鮮嘅人氣餐廳🍴撐吓檯腳👭裝修都幾有特式，餐廳內廳呈長形，牆上有好多蟹仔cushion公仔擺設，仲有蟹仔頭形玩偶頭箍，比你戴上頭扮🦀當晚未到14號已有情人節餐點提供，而今晚我地食咗人氣蟹宴🦀🦀$588 二人套餐非常豐富首先係六小缽：有蟹肉玉子燒、蟹子日式凍豆腐、虎蝦配芒果慕斯、柚子醋海藻沙律、酸辣羅勒海蜆、海鹽枝豆六小碟前菜放喺木盒內，每碟都幾精緻架～玉子燒是我最愛，上面鋪滿蟹肉酸辣羅勒大蜆&虎蝦芒果慕斯有d似泰式口味，酸酸辣辣有少少甜，幾有新鮮感柚子醋海藻沙律較爽口，好開胃～豆腐配麻醬當然無得輸，不過兩個人分就有少許麻煩～枝豆就無特別第二道菜係芝士蟹肉釀蟹蓋，賣相一流蟹蓋面放嘅米白色海藻狀物，其實係炸白飯魚乾香香脆脆配芝士蟹肉醬汁幾好味，加上三文魚子口味偏咸，加火箭菜好少少，但如果可以撈白飯就更好～單吃感覺好寡第三道菜王樣·鱈場蟹海鮮紙火鍋係全晚重點主菜紙火鍋唔係度度有得食，鍋仔細細，但呢個套餐嘅食物絕對唔嘢少！有一隻蟹、有十隻白蜆、兩隻大蝦望見隻蟹恨死隔離檯一對母女而食火鍋又點少得配菜呢？有日本本菇、彩色魚蛋卷、魚餅、獅子狗🐩魚蛋、粟米仔、冬菇、南

同男朋友去食grilled lobster，好好味，不過真係純粹夠頂下癮，因為比得$228都估到份量一定唔多，不過真係好香幾彈牙多肉。整體菜色既份量都偏少，大食人士/男仔應該要食1.5碟，因為叫一碟一定唔夠。我地叫左2個餐，食完再去其他地方醫肚😂😂

同朋友book 咗6點半枱，事前有提醒只有90分鐘食飯時間，去到唔洗等入得，好快安排咗我哋坐卡位，座位都算舒服。食物方面：1. 沙律 味道清新 配搭都幾夾2. 芝士肉醬薯條肉醬香濃，粗薯仲係熱嘅同香口，同朋友好快清晒！3. 龍蝦包龍蝦唔算多，也唔係特別好食，但個包配埋個醬就唔錯4. 巴馬火腿水牛芝芝pizza薄底薄而脆，但唔芝士唔太香餐廳上菜速度幾快，事前講明90分鐘，但食咗一個鐘待應已經不停走嚟收嘢，收晒啲嘢就直接拎張單嚟叫你埋單。雖然冇出聲叫你走，但已經唔好受，同朋友都拿拿聲走。

今日約咗朋友在旺角睇戲，既然未夠鐘，而且我們也未吃午餐，就諗住睇戲之前先吃些少東西。我們走到了朗豪坊，轉到入山東街覓食。行過一間名叫day and nite by master Kama 的餐廳，名字聽落幾得意，而且食物款式夠多，還是樓上鋪，我們想應該可以坐多一會兒，便上去一試。餐廳環境優雅，裝潢以白色，淺藍色作主調，感覺很乾淨，而且還有不少卡位，坐得舒適。這裏有不少set lunch選擇，不過我們喜歡單點。我和朋友都是大胃王，先點了一個小食，墨西哥芝士三文魚烤餅配番茄沙沙酸忌廉。墨西哥芝士三文魚烤餅配番茄沙沙酸忌廉$50想不到這個前菜小食的份量都幾大，足足都有六件。墨西哥裏面夾着芝士和三文魚，口感豐富，而且餡料夠多。三文魚香和芝士完全滲入烤餅之中。番茄沙沙酸酸甜甜，很開胃，再加上酸忌廉沙律醬，感覺清新，不膩。意式鮮茄肉醬闊條麵 $68原來這個是比較中式的煮法。選用的並不是西式的闊條麵，而是像粗麵的質感。入口比意粉更爽口彈牙。鮮茄肉醬比例都幾多，足以與整個闊條麵拌勻。鮮茄肉醬味道香濃，而且肉碎很多，醬汁濃郁，味道不錯！Kama石鍋龍蝦芝士濃湯鍋配醬燒豬手 ＄100這個招牌石鍋濃湯鍋可以