Day and Nite by Master Kama (已結業)

早幾日去左旺角既Day and Nite by Master Kama book左19:30 黎到之後被帶左上2樓 燈光都幾光猛 應該係「Day」主題？個裝修既風格都幾靚睇完menu之後就決定打邊爐啦😆▫️The Holy Crab🦀 · Two $588-▫️六小缽最先黎到既係前菜六小缽 一格格咁放好精緻呀💕有蟹肉玉子燒 蟹子日式凍豆腐 虎蝦配芒果mousse 柚子醋海藻沙律🥗 酸辣羅勒海蜆 海鹽枝豆當中我最鍾意柚子醋海藻沙律 平時出邊好少有海藻沙律食 好鍾意海藻個口感 味道酸酸地 好開胃-▫️芝士蟹肉釀蟹蓋🧀🦀蟹蓋入邊有唔少蟹肉同芝士 芝士係拉絲架上邊插住既係白飯魚乾片 都幾香脆旁邊仲有三文魚子同火箭菜🌿-▫️蟹之雜炊🍚當我準備食紙火鍋既時候蟹之雜炊就黎左啦 蟹肉粥都幾綿 有淡淡既蟹味-▫️王樣·鱈場蟹海鮮紙火鍋🍲全餐既重點‼️ 紙火鍋係昆布湯底 但略嫌個火鍋實在有點細 唔可以一次過放太多食材入去煮海鮮盤入邊有4款海鮮 有龍蝦 鱈場蟹腳 大蝦 沙白 最好味最驚喜既係鱈場蟹腳 好鮮甜🤤🤤 龍蝦亦爽口彈牙👍🏻-除左海鮮 仲有好大盤蔬菜盤 有南瓜 娃娃菜 油麥菜 菇 粟米 大蔥 獅子狗 魚餅等等南瓜

想去day and night by master kama 好耐，之前上網見到食物相超級吸引，環境又特別。聽講早上同夜晚既氣氛都唔同。我同寶寶提早黎呢度dinner慶祝白色情人節💕店面唔難搵，要搭lift上一層。藍藍地既燈光幾有moodKama signature lobster set ($458)一個set入面有3樣菜式，分別係龍蝦包，烤蒜蓉牛油龍蝦，同龍蝦什錦海鮮石鍋湯烏冬或飯，我地揀左烏冬。烏冬質地幾有彈性，好吸汁食落好重龍蝦湯味😍入面有兩粒好可愛既魚蛋片。湯底濃郁，仲有好多海鮮粒。如果湯既份量再多d就好啦😋😋龍蝦包望落已經好正，上面鋪滿龍蝦肉，中間查左沙律醬，令口感更豐富。薯條同蕃薯條稍為失色，蕃薯條太幼，而且唔係太食得出甜味。最後係蒜蓉龍蝦，size大隻啖啖肉😋Unicorn dream ($58)bubble soda and grape flavor少女心大爆發💗💗粉紅同藍色沙冰好可愛，仲有幾粒綿花糖作點綴。打卡必叫😚

今日一早起身去睇醫生,睇完都已經覺得肚餓了，係時候要去醫下肚先！途經波鞋街見到呢間以龍蝦為主既餐廳，就入去試試佢啦！!呢到地方不算太大，但坐得好舒適！😁我地1⃣️坐低，服務員就遞上menu俾我地睇,睇完個menu樣樣都想食，所以就點左個龍蝦匯$458(套餐已包含龍蝦包、烤蒜蓉牛油龍蝦（half size)、龍蝦雜錦海鮮石鍋湯烏冬或飯3⃣️樣野，剩睇menu ge相片已經流曬口水,急不及待想快d🈶️🉐️食點完餐等左1⃣️陣間，食物陸續送到!!首先送到既係龍蝦包薯條及烤牛油龍蝦，先講個包先：包入面夾滿大大件龍蝦肉，仲有附送到1⃣️個白色既汁，可以倒落個包到，等個包味道更出更入味薯條又夠長身及大條，仲有兩款口味，有原味及蕃薯兩款，本人較為喜歡後者，蕃薯薯條街外較為少有，且炸得十分香脆可口，熱辣辣，超正再黎就係烤龍蝦， 啖啖肉，肉質十分鮮甜，蝦頭亦有好多膏，好食到停唔到口食到半飽之際，最後龍蝦石鍋烏冬亦送到了！烏冬吸曬d龍蝦湯十分鮮甜美味,烏冬又夠滑，真係食到停唔到口配料又足，有多款海鮮係裏面（八爪魚、蝦、蜆肉......）超豐富！！食埋個烏冬已經飽到上心口 大滿足連埋加1⃣️$504 haha 久唔久係要食豪d 對

最近同女朋友放左工都成日周圍去睇下有咩好野食，而今日咁岩要去旺角拎d野，所以就黎左旺角搵食不過我地又唔想去d大商場食d周圍都有得食ge連鎖式餐廳，食得多都悶所以我地都將目光放左係d特色餐廳到，可能仲會有驚喜添！咁岩係我地行緊街準備睇下有咩好食ge時候，我地就經過左呢間有得食齊日式西式菜式ge餐廳，而且見佢做緊個蟹宴set就幾岩我地兩個好海鮮之人，所以就一於入去試試佢！由於我地六點半到就上去，所以完全唔洗等位，一上到去就有得坐低嗌野食。首先睇下個餐牌，其實佢地都好多食物種類可以揀，有佢地招牌ge龍蝦菜式，同埋好多唔同ge款式好似意粉同埋烏冬咁，不過其實我地一開始係門口已經俾佢餐牌上面ge二人日式蟹宴吸引住，咁唯有下次先有機會試佢地ge龍蝦set la haha咁落左order之後等左好快大概五至十分鐘就開始上菜，完全滿足到餓到飢腸轆轆ge我地兩個大吃貨！首先上ge係六小缽，佢將六樣精緻ge小食分別放左係一個木造容器ge六格裡面，幾有日本料理精緻ge特色，而六樣小食分別為:海鹽枝豆煮得軟熟適中ge枝豆，食落有淡淡的海鹽味，唔會太咸，開胃岩曬蟹肉玉子燒煮得香甜ge玉子燒配上啖啖蟹肉，令人食指

今日做無飯煮夫，帶老婆去食佢既最愛龍蝦紙火鍋。女人仔最鐘意十下十下又最愛海鮮，早排收工經過見到呢間食龍蝦食雪場蟹既食店，當然記住等有機會氹下女人仔。呢間野好多人食，如果walkin真係要撞彩睇下洗唔洗等，為左無令女人仔失望我一早訂定位兼且訂埋要食呢個每日限定既蟹宴😬好快上到去坐底，入面裝修都幾年輕，有品味，有啲蟹既公仔係窗前幾棧鬼，全院滿座我仲偷偷聽到服務生話booking full哂，我暗暗讚左自己一下，哈哈，講返呢到先，因為我地一早訂左食蟹宴，服務員亦知道我地食咩無須講就已經幫我地準備。好快就有得食，先來芝士蟹肉釀蟹蓋，滿滿芝士，香噴噴，混入洋蔥增加口感香味，好吃，再來蟹宴既頭盤係6小砵，6個格仔有6款不同既凍盤，有胡麻凍豆腐，日式煎旦，蕃茄凍蝦，凍蜆，支豆同海藻。的的色色，賣相精緻，味道亦十分不錯，相當醒胃。主菜蟹宴紙火鍋，昆布湯底先下龍蝦頭煮出味，海鮮有4款，龍蝦，硯，雪場蟹腳，海蝦。款款鮮味無窮，啖啖肉，肉質鮮美且甜，女人仔食得大快朵頤。食哂海鮮還有一整盤雜菜拼盤，雜菜盤有2款時令菜，3款菇，南瓜，蒟蒻條等等，下湯煮吸入蟹湯精華，滋味無窮！最後是蟹之雜炊，蟹粥用熱鍋上枱，用蟹

聽朋友介紹過呢間餐廳幾次，佢地成日話呢間嘅龍蝦包好食，但都未食過，今日收工就來到旺角店，店鋪位於山東街，之前每次行過都見到有不少人龍，最近大家都善用預約系統，比較方便，我地都訂左位，8點鐘前就來到。餐廳分兩層，我地被安排到一樓，一樓位置較多，大部分係梳化位，有d二人枱。餐廳裝潢都幾少女，淺藍色為主，幾適合朋友聊天原本就為龍蝦餐而來，但被另一個「蟹宴」吸引左，蟹宴價錢係588/2位，包括6小砵、芝士蟹肉釀蟹蓋、鱈場蟹海鮮紙火鍋、蟹雜炊，全部以蟹為主題，但就唔包飲品，連埋加一，人均都三百，好在整體來講，都好夠飽肚，而且幾有新意。6小砵基本上係冷盤，有蟹肉玉子燒、蟹子日式凍豆腐、虎蝦配芒果慕絲、柚子醋海藻沙律、酸辣羅勒海蜆、海鹽枝豆。用個小木箱裝住，都幾得意，但個小碟放到tup tup好，其實唔係太方便夾出來。其中凍豆腐同虎蝦芒果慕絲幾好食，酸酸地，幾開胃。芝士蟹肉釀蟹蓋呢個幾吸引，蟹蓋面頭鋪滿蟹肉，面頭加一層厚厚芝士燒起，芝士拉絲效果十足，蟹肉已經拆成絲，口感明顯，亦有蟹鮮味。芝士燒到香口，好美味。伴碟仲有三文魚子，撈埋一齊食更鹹鮮。仲有片白飯魚乾片，幾香口王樣、鱈場蟹海鮮紙火鍋紙火鍋都係

其實之前已經經過幾次，一直都好想試吓，難得今日老公來接收工，我當然唔會放過呢個機會，上去試吓先😝😝，上到去個環境都唔錯，服務員都幾有禮貌，同老公睇咗一陣餐牌，一致贊成試吓食呢個鱈場蟹火鍋👍🏻，1）首先上既係六小缽，內有蟹肉玉子燒，蟹肉日式凍豆腐，虎蝦配芒果慕絲，柚子醋海藻沙律，酸辣羅勒海蜆，海鹽枝豆，係呢6款當中，我個人最鍾意係虎蝦配芒果慕絲，因為酸酸甜甜好開胃，老公就鍾意蟹肉玉子燒😂，2）芝士蟹肉釀蟹蓋，芝士味非常香濃，加埋個蟹肉一齊食，非常咁夾，再加埋上面個白飯魚干片，好好食👍🏻，3）之後就到主角出場，鱈場蟹，好新鮮，蟹肉好鮮甜👍🏻👍🏻，4）蟹肉雜炊，近似糊仔狀態，都幾鮮味，但我略嫌鹹咗少少，食埋呢個蟹肉雜炊，我已經覺得非常滿足💪🏻，整體來講，值得一試😋😋

食左龍蝦包，豬手同芝士海膽忌廉意粉。本來食完個晚餐都覺得唔錯，除左個海膽太苦，食落唔多覺新鮮，其他味道都唔錯。到凌晨果陣，我突然有d肚痛，之後又痾又嘔，仲入埋急症室(ICU)，原來係因為我腸胃炎，應該係食左d唔新鮮or骯髒野。我諗番全日食既野，全部都係同人一齊食既，除左呢樣，咁就中左招。我真係多謝晒呀，岩岩慶祝完家人生日，你比d咁既禮物比我，我呢世人第一次入急症室就比左你地，唔該check真d你地既食物啦!!食左400蚊野，比左180蚊急症室，真係好抵食囉!

成日聽有個龍蝦包好正 有次慶祝朋友生日所以決定去試試佢！打左電話去book枱 點知去到仲要等大半個鐘🤷🏻‍♀️ 入坐後嗌左個最想試既龍蝦包 龍蝦芝士通心粉 忌廉咖哩烏冬 同小食拼盤！龍蝦包有啲失望 可能聽太多人講好正 心入面有好高期望 但龍蝦唔多 包都係普通包 唔脆🤔 龍蝦芝士通心粉係一致認為最好食既 可能真係咩野食物撈芝士都會不敗😂 忌廉咖哩烏冬 咖哩味係遮晒其他味 試過就算 唔會再嗌😂 小食拼盤無特別要求 而又真係無特別驚喜 所以無特別評價😂 另外有嗌兩杯飲品 幾多料 打卡用好靚（不過我反而無影😂）整體感覺麻麻 因為已經好餓 book左位仲要等咁耐 仲要比想像中遜色 仲要價錢唔平 坐位唔太舒服 試過一次就算了 不過影相黎講係靚既 想打卡可以黎😂

原本打算係旺角睇戲，點知想睇的電影場次較夜，於是就同朋友去搵食，上網search下就發現Day and Nite, 見到龍蝦包好吸引，所以一於去試下，去到餐廳樓下，門口已經見到有d人等緊，等左陣侍應就安排好上去，仲要有卡位坐入到餐廳見到牆上的得意蟹公仔，還有天花牆角有個餐廳名，打開餐牌都有好多選擇，最後當然揀龍蝦匯，一個餐有齊龍蝦包、半隻焗龍蝦、龍蝦什綿海鮮石鍋飯／烏冬，今次揀左飯，覺得會飽肚啲，還有薯條最先上枱係龍蝦什綿鍋飯，個鍋熱辣辣，入面有好多海鮮，分別有青口、八爪魚，蛽肉、蟹柳等，湯飯好鮮甜又濃的龍蝦味，加上好多海鮮，食每啖飯都感到好豐富，味道確係一流，無得輸。👍龍蝦包有焗過，表面香脆，但包身仍然好鬆軟，夾住好多彈牙的龍蝦肉，加埋沙律醬，好好味。另外薯條都好好食，除左正常薯條，還有另一隻係蕃薯條，蕃薯條甜甜地，仲好味😋半隻焗龍蝦，龍蝦肉有用蒜蓉同埋香草一齊焗，食落爽口又彈牙，加上夠新鮮，食得出龍蝦的鮮甜味

是日相約友人有大事商量，旺角要搵一個食飯靜靜地，坐得舒服，嘢又好食嘅地方唔多所以搵咗呢個樓上舖坐低慢慢傾兩個人就叫咗呢個蟹宴食，店員通知話當日冇膏蟹，換上龍蝦，仲正頭盤有六小缽，我最鐘意蟹肉玉子燒，友人就鐘意醃海帶，食食下主角就嚟啦神奇哋紙火鍋就嚟啦，打成晚邊爐都唔會燒穿，勁神奇海鮮有大蝦，蜆，龍蝦同長腳蟹，份量十足，兩個人食勁飽另外一盤係蔬菜同魚旦，是特別係獅子狗裡面有舉篛焗釀蟹蓋裡面蟹肉爆多，又多芝士，上面銀魚餅食落脆口，同個蟹蓋味道好夾食完紙火鍋其實都飽飽哋，仲加埋個蟹肉雜炊，真係勁飽足足坐咗兩個鐘，店員有禮真係可以慢慢坐傾下計

是日呀叔生日-有幸娘娘請食飯⠀又是一年春事了今日呀叔生日 呀叔大晒嘅！你問生日今日全日點過？呀叔已經一早叫娘娘跪係面前好好反省佢嘅過錯了平時恰呀叔呀嗱 今日唔治下你 呀叔就唔姓"呀"⠀好啦ff完了一個男人要係個mon到發洩不滿真係好可悲其實呀叔都無乜不滿女朋友對呀叔好好生日帶左呀叔去食好西⠀今餐去左食小龍蝦餐 叫左一個包 一個飯 同一個麵先講個龍蝦包 個包本身搽滿左牛油已經好香 加埋啲龍蝦肉都好多好大粒 一啖咬落去就係一種啖啖蝦肉充滿口腔 好滿足嘅感覺跟餐有個薯條&蕃薯條薯條同蕃薯條無咩味同無咩特別 不過不失⠀龍蝦濃場配嘅烏冬好好食其實要煮碗好好食嘅烏冬 個湯底係非常重要無論你煮到個烏冬嘅質地有幾咁完美都好無一個好味嘅湯 個烏冬都係會失敗嘅望住個職員拎個仲滾緊熱辣辣嘅湯出嚟個湯正正夠濃夠香夠熱放個烏冬落去自然就好好味啦而個飯吸晒啲湯 又係另一種感覺了呀叔推薦烏冬多啲⠀而個豚肉卷....炸得太硬好咸......不了⠀龍蝦包連沙律薯條 $188龍蝦濃湯雜錦海鮮手打烏冬 $92龍蝦芝士濃湯&流心豚肉卷燴飯 ＄93⠀P.S.個包唔太抵食 但個飯同烏冬就goodgoodgood見到隔離打邊爐都好

有時要食一餐美味食物都要搜尋一下，睇吓主打菜式係乜同口味等等，咁先可以食到自己喜歡嘅食物，就係上星期同朋友去咗呢間餐廳食飯，食佢呢度特色招牌菜，而餐廳位於旺角山東街夠晒方便至於菜式係主打海鮮再混合埋日式同意大利烹調已成獨有嘅菜式，睇完一輪餐牌就點咗蟹宴，內裏已包含幾款美食連同甜品夠晒豐富，而且每款食落都會有不味道，連煮法亦不一樣多完化，先來有六小缽有海鹽枝豆，酸辣羅勒海蜆，柚子醋海藻沙律，虎蝦配芒果慕斯，蟹子日式凍豆腐同蟹肉玉子燒，六款小食都有用了海鮮材料製作而成，每款食落各有特色口感層次不同再來有芝士蟹肉釀蟹蓋配三文魚子同白飯魚乾片，魚乾片香脆，輪到蟹蓋外皮酥脆可口，用匙揭開已見蟹肉相當豐富再加芝士香濃，入口食到蟹肉夠鮮甜多汁，記得連埋三文魚子一齊食更滋味食完一輪美食到鱈場蟹海鮮紙火鍋，包括海鮮拼盤同蔬菜份量十足，等湯滾起就先放海鮮落去，海蝦肉質爽彈又大隻，蛤肉質夠鮮甜，到鱈場蟹肉肉質夠豐富之餘，食到肉嘅鮮嫩香甜，再落埋蔬菜吸收湯汁食落零舍不同夠飽滿到另一款係蟹之雑炊，睇落好似平平無奇咁就錯啦，其實每啖都會食到蟹肉絲粥底又夠綿，估唔到食落咁鮮味有驚喜，最後食埋甜品夠滿足，又品嚐咗一次

朋友向我推介過好多次呢間龍蝦專門店，一直都未的起心肝來一試，今日襯放假早少少來食個飯試下，捉其左個同事陪我，因為佢已經食左野，所以我地唔係點左好多野，純粹過下癮呢度午餐都有套餐，又有意粉，小食果d，選擇都多。當然唔少得招牌嘅龍蝦產品，又有龍蝦包、龍蝦三文治，又可以焗龍蝦同龍蝦湯烏冬，都幾吸引。價錢預左貴左少少，食左四百蚊，都可以接受，最緊要好食。呢度裝潢以白色、淺藍色為主，大部分係梳化位，卡位，都坐得舒服龍蝦包 188：試一試最多人食果個包，上枱都好吸引啊，又有埋薯條、沙律。包面烘過，好香脆，內面軟熟，中間夾在龍蝦肉，份量都唔少，好似半隻龍蝦拆肉咁，新鮮爽口彈牙，好正，好滿足旁邊嘅薯條都幾特別，即時炸ge，比較幼身，炸得香脆，仲有部分係蕃薯條！沙律菜都好新鮮龍蝦玉子燒 88：相對龍蝦包，玉子燒就冇咁抵食囉，但味道係唔錯ge。玉子煎得厚身，濕潤唔乾，又有蛋香，好軟綿。裡面只有手指尾咁大條龍蝦肉，係鉗位，都好新鮮。cookie and mint 58：沙冰好大杯，有好明顯薄荷味，又有d曲奇碎，又唔會太甜strawberry rose tea 48：

今日出咗旺角波鞋街買波，衰佬話過咗十五可以買波鞋啦＂終於＂。我明明記得要過咗正月先買得鞋，都唔明屋企已經十幾對波鞋，佢都唔心滿意足。見佢洗錢咁開心，而我就咩收穫都無，嬲嬲哋要佢請我食好西。誤打誤撞吓搵到呢間Day and Nite by Master Kama，有我鍾意既龍蝦食，就㨂你啦。喺樓下等位等咗一陣就有位啦，餐廳以藍白色裝飾為主，佢窗台放咗好多龍蝦既公仔好搞鬼，仲有幾個龍蝦頭套，見有啲食客帶住黎影相好好笑。我哋叫咗一個龍蝦匯套餐，套餐包括龍蝦包、烤蒜蓉牛油龍蝦（Half size) 、龍蝦什錦海鮮石鍋湯飯龍蝦包－自從上次喺日本食咗龍蝦包後，就對所有龍蝦包好有好感，呢間既包係用排包造既，因為本人好鍾意食排包所以好加分包面既表皮有用牛油煎香，中間夾住龍蝦肉、龍蝦肉既份量都唔少，可以啖啖都食到肉。烤蒜蓉牛油龍蝦 －龍蝦好大隻同新鮮，調味剛好，變相可以食得到龍蝦既原本味道，配上好大份既炸薯條。龍蝦什錦海鮮石鍋湯烏冬龍蝦湯飯－石鍋上菜是仲係冒煙起泡。龍蝦湯味道濃郁，配埋白飯既組合啱啱好！ 野飲我哋叫咗Unicorn dream 同Magic fairy，兩杯都好靚，啱晒我呢啲即時打卡放上