影片
更多
2018-03-13
3334 浏览
聽朋友介紹過呢間餐廳幾次，佢地成日話呢間嘅龍蝦包好食，但都未食過，今日收工就來到旺角店，店鋪位於山東街，之前每次行過都見到有不少人龍，最近大家都善用預約系統，比較方便，我地都訂左位，8點鐘前就來到。餐廳分兩層，我地被安排到一樓，一樓位置較多，大部分係梳化位，有d二人枱。餐廳裝潢都幾少女，淺藍色為主，幾適合朋友聊天原本就為龍蝦餐而來，但被另一個「蟹宴」吸引左，蟹宴價錢係588/2位，包括6小砵、芝士蟹肉釀蟹蓋、鱈場蟹海鮮紙火鍋、蟹雜炊，全部以蟹為主題，但就唔包飲品，連埋加一，人均都三百，好在整體來講，都好夠飽肚，而且幾有新意。6小砵基本上係冷盤，有蟹肉玉子燒、蟹子日式凍豆腐、虎蝦配芒果慕絲、柚子醋海藻沙律、酸辣羅勒海蜆、海鹽枝豆。用個小木箱裝住，都幾得意，但個小碟放到tup tup好，其實唔係太方便夾出來。其中凍豆腐同虎蝦芒果慕絲幾好食，酸酸地，幾開胃。芝士蟹肉釀蟹蓋呢個幾吸引，蟹蓋面頭鋪滿蟹肉，面頭加一層厚厚芝士燒起，芝士拉絲效果十足，蟹肉已經拆成絲，口感明顯，亦有蟹鮮味。芝士燒到香口，好美味。伴碟仲有三文魚子，撈埋一齊食更鹹鮮。仲有片白飯魚乾片，幾香口王樣、鱈場蟹海鮮紙火鍋紙火鍋都係
原本就為龍蝦餐而來，但被另一個「蟹宴」吸引左，蟹宴價錢係588/2位，包括6小砵、芝士蟹肉釀蟹蓋、鱈場蟹海鮮紙火鍋、蟹雜炊，全部以蟹為主題，但就唔包飲品，連埋加一，人均都三百，好在整體來講，都好夠飽肚，而且幾有新意。
6小砵
基本上係冷盤，有蟹肉玉子燒、蟹子日式凍豆腐、虎蝦配芒果慕絲、柚子醋海藻沙律、酸辣羅勒海蜆、海鹽枝豆。
用個小木箱裝住，都幾得意，但個小碟放到tup tup好，其實唔係太方便夾出來。
其中凍豆腐同虎蝦芒果慕絲幾好食，酸酸地，幾開胃。
芝士蟹肉釀蟹蓋
呢個幾吸引，蟹蓋面頭鋪滿蟹肉，面頭加一層厚厚芝士燒起，芝士拉絲效果十足，蟹肉已經拆成絲，口感明顯，亦有蟹鮮味。
芝士燒到香口，好美味。伴碟仲有三文魚子，撈埋一齊食更鹹鮮。仲有片白飯魚乾片，幾香口
王樣、鱈場蟹海鮮紙火鍋
紙火鍋都係第一次食，幾特別，估唔到用紙都可以打邊爐，不過都係gimmick大於實際作用，一路打一路又驚整穿張紙，另外個爐面積較細，唔係好夠位，但變相令你放緩進食速度，或者都係好事。
除左一兜海鮮，裡面有成隻鱈場蟹，仲有兩隻蝦加埋沙白，都幾豐富，湯底點都會帶出鮮甜味。
鱈場蟹都唔細，而且幾貼心，鉗位、腳位都已經剪開，方便食用。
蟹蓋都帶少少膏，而且都幾好肉地，鱈場蟹嘅肉都係一絲絲，幾鮮甜
蝦肉新鮮爽口；蜆肉乾淨飽滿，但就唔係粒粒都打開，可能有d已經係死左吧。
按店員指示，首先淥蟹，然後先淥蔬菜盤，湯底鮮甜
蔬菜盤有生菜、娃娃菜、雜菌、南瓜、大蔥、麻糬(?)、丸類、魚糕等，都幾豐富，所以唔洗擔心呢個餐唔夠飽。
特別鐘意一條條嘅麻糬，幾煙un有彈性！
蟹粥
到最後，店員送上埋蟹粥，粥底杰身，偏鹹一點，煲得夠綿，有d澱粉質落肚，大滿足
张贴
