影片
更多
2018-03-14
88 浏览
最近同女朋友放左工都成日周圍去睇下有咩好野食，而今日咁岩要去旺角拎d野，所以就黎左旺角搵食不過我地又唔想去d大商場食d周圍都有得食ge連鎖式餐廳，食得多都悶所以我地都將目光放左係d特色餐廳到，可能仲會有驚喜添！咁岩係我地行緊街準備睇下有咩好食ge時候，我地就經過左呢間有得食齊日式西式菜式ge餐廳，而且見佢做緊個蟹宴set就幾岩我地兩個好海鮮之人，所以就一於入去試試佢！由於我地六點半到就上去，所以完全唔洗等位，一上到去就有得坐低嗌野食。首先睇下個餐牌，其實佢地都好多食物種類可以揀，有佢地招牌ge龍蝦菜式，同埋好多唔同ge款式好似意粉同埋烏冬咁，不過其實我地一開始係門口已經俾佢餐牌上面ge二人日式蟹宴吸引住，咁唯有下次先有機會試佢地ge龍蝦set la haha咁落左order之後等左好快大概五至十分鐘就開始上菜，完全滿足到餓到飢腸轆轆ge我地兩個大吃貨！首先上ge係六小缽，佢將六樣精緻ge小食分別放左係一個木造容器ge六格裡面，幾有日本料理精緻ge特色，而六樣小食分別為:海鹽枝豆煮得軟熟適中ge枝豆，食落有淡淡的海鹽味，唔會太咸，開胃岩曬蟹肉玉子燒煮得香甜ge玉子燒配上啖啖蟹肉，令人食指
咁岩係我地行緊街準備睇下有咩好食ge時候，我地就經過左呢間有得食齊日式西式菜式ge餐廳，而且見佢做緊個蟹宴set就幾岩我地兩個好海鮮之人，所以就一於入去試試佢！
由於我地六點半到就上去，所以完全唔洗等位，一上到去就有得坐低嗌野食。首先睇下個餐牌，其實佢地都好多食物種類可以揀，有佢地招牌ge龍蝦菜式，同埋好多唔同ge款式好似意粉同埋烏冬咁，不過其實我地一開始係門口已經俾佢餐牌上面ge二人日式蟹宴吸引住，咁唯有下次先有機會試佢地ge龍蝦set la haha
咁落左order之後等左好快大概五至十分鐘就開始上菜，完全滿足到餓到飢腸轆轆ge我地兩個大吃貨！首先上ge係六小缽，佢將六樣精緻ge小食分別放左係一個木造容器ge六格裡面，幾有日本料理精緻ge特色，而六樣小食分別為:
海鹽枝豆
煮得軟熟適中ge枝豆，食落有淡淡的海鹽味，唔會太咸，開胃岩曬
蟹肉玉子燒
煮得香甜ge玉子燒配上啖啖蟹肉，令人食指大動
蟹子日式凍豆腐
豆腐都算香滑，而且配上蟹子同胡麻醬，最佳配搭(可惜只係得一舊xd)
虎蝦配芒果慕斯
令人耳目一新的配搭，清新ge芒果味很好地帶出了虎蝦的鮮味
酸辣羅勒海蜆
新鮮的海蜆配上酸辣香料醬汁，又一醒胃小菜
柚子醋海藻沙律
最令人意想不到，其貌不揚ge一碟前菜，清新的柚子醋同爽口鮮味ge海藻岀奇地配搭，令人不能自控係咁食
食完咁豐富ge前菜(大家唔好誤會，我係講緊種類豐富，份量其實唔會多，放心唔會阻住大家食黎緊ge主菜xd)，就黎到今餐ge重點 - 王樣 - 鱈場蟹海鮮紙火鍋la!首先員工先將個火爐同埋上面ge紙容器拎岀黎，之後就係重點 - 海鮮la!!!就咁睇佢有ge海鮮種類都唔少，有新鮮海蜆，大大隻海蝦，而蟹方面更加有鱈場蟹腳同埋足足半隻大膏蟹！另外除左海鮮佢其實仲有一盆配料，裡面有魚餅，魚丸，蒟蒻，香菇同埋唔同ge菜，就咁睇都已經令人流曬口水....
正當我地煩惱緊有咁多樣配料唔知落邊樣好ge同時，侍應都好貼心咁行埋黎教我地首先可以落左海鮮先，之後令個湯底入味後先再落其他配料，之後仲幫我地落左蜆同蝦，服務超好！
咁正當我地等緊海鮮熟時，套餐裡面另外一樣前菜 - 芝士蟹肉釀蟹蓋配三文魚子同埋白飯魚乾片就黎左la!咁我地都趁依個時候試試佢先，首先個白飯魚乾片好特別，佢將好多條迷你ge白飯魚炸成一塊薄片，食落脆口惹味，而且都有海鮮味;至於釀蟹蓋方面，啖啖極之足料而又充滿忌廉香味ge蟹肉配上燒得半熔可以拉絲ge芝士，再加埋一粒粒鮮甜ge三文魚子一啖啪落口，我諗你應該會明白咩叫人間一大享受!而且佢ge份量方面超足料，真心推介無叫呢個套餐ge朋友都可以點黎一試！
食完個釀蟹蓋，仲有個新鮮蟹蓋等緊我地！不過首先講番開始熟ge海蜆，雖然蜆肉唔算話好大粒，但係勝在鮮甜而且一粒沙都無，難得;至於海蝦方面份量都幾大隻，而且新鮮，不過略嫌蝦頭唔夠膏xd 不過唔緊要，黎到今日ge主角 - Holy crab: 首先鱈場蟹腳肉厚鮮甜多汁，而且餐廳仲好貼心咁準備好蟹剪方便我地處理佢，而膏蟹方面更加無得頂，肉其實都唔少，而且都算鮮甜，最重要係無論係蟹身，甚至係蟹蓋更加係充斥住邪惡ge蟹膏，食落超級甘甜鮮美，而且更加令個湯底增添鮮味，正呀！
至於配菜方面，雖然佢地只係配角，但係都睇得岀餐廳用料方面都係有質素，因為蔬菜方面十分新鮮，而且其他小食好似魚餅同魚丸都岀奇好味，值得一讚。
另外一蟹肉菜式 - 蟹之雜炊，其實佢就係加左蟹肉煮成，質地介乎粥同飯中間ge蟹鍋，食落蟹肉鮮味幾岀，但又唔會話太過得個鹽，但如果重口味ge朋友可以好似我地咁加番少少日式醬油撈一撈，更有風味！
最後個套餐其他仲包埋兩杯雪糕，再加上其實
除左個蟹宴，我地仲嗌左杯today special 的玫瑰奶昔，飲落幾有一股淡淡清幽ge玫瑰香，加上甜甜的奶香，為依餐劃上一個圓滿ge句號！
张贴
