Dawn (已結業)

朋友話想試下太子一間cafe 我當然奉陪啦！呢間cafe晏就都多人幫襯！ 店內有不少裝飾，睇得出用心經營。 門柄係咖啡機個柄，好得意架，大家可以留意下！開飯啦！叫咗個蒜片辣椒意粉，一嚟到勁香！上面仲有隻溫泉蛋 賣相好唔錯架我覺得個意粉好香橄欖油味，仲有咁多隻蝦，好抵食！不過我認為蒜片可以再多啲，咁就啱我啲重口味人士啦!另外，我地叫咗個烤釀雞胸。唔好睇碟嘢細細地，其實好飽架! 我覺得最有驚喜係個corn fritters!好少香港咖啡店有做哩個菜，好有新鮮感！雞胸都烤得好濕潤，一個字，好味最後必須要讚下杯Matcha Latte ，睇顏色就知正啦! 連泡泡都好有抹茶味！會為咗佢再返嚟!!

三嗰女仔一個墟，梗係去cafe chill下傾下計啦，太子既咖啡店近排只係去過哩間😋😋不過我地三個一個好鍾意飲咖啡☕️一個唔飲咖啡☕️一個病咗冇得飲最後嗌左Flatwhite❤️lemonade😌😌今日杯Flatwhite好似失左水準，啡味唔夠濃喔😌😌😌朋友唔飲咖啡，所以嗌左杯lemonade🍋又幾得意喎，飲到底好似有啲話梅嘅味道，好fresh好清新☘️ 三嗰人嗌左兩嗰Brunch share💕💕一個係烤豬腩肉配埋水波蛋蔬菜🥬夾包🥯柚子胡椒汁😛哩嗰配撘又幾好食既，豬腩肉烤得都算脆身既，只係唔夠烤得均勻，只係一半脆身，而且肉質遍鞋口，唔夠水份，嗰水波蛋okay 既沙律🥗配埋嗰柚子汁係幾醒神既😉第二個係❤️燻牛肉沙拉 🥗哩嗰真心一般既，記得上次食過好似okay 架啵，今次啲燻牛肉夠重雪藏味，我諗起碼有兩嗰星期嗰種咁強烈嘅雪藏果，唯一好食嘅就係個法包，脆口鬆軟得黎又好有麵包味🤝🤝🤝

繼續黃店巡禮👍🏻這家位於太子的Dawn今年六月才開業 食物質素挺不錯烤釀雞胸 ($108).特別是烤釀雞胸 很適合著重飲食健康的人吃雞胸生熟程度和調味都恰度好處👍🏻加上釀入了醃製過的菇菌 令雞胸添了一層的口感和美味😍配上粟米餅和水波蛋 挺新穎的配撘😛.蒜片辣椒意粉 ($98).蒜片意粉很惹味 蝦球也很爽口彈牙略廉欠缺點辣味的和想像中有點不乎🥺店內座位挺逼狹 在我背後走過的人不時也會碰到我的椅背🥺不過食物是有質素的 值得再訪

今次是同兩位姐妹去食，當然要再次點豬腩肉啦，因為實在太好味啦！如果個白夾包多一塊就好啦～然後有介紹朋友飲refreshing tonic , 真係好fresh 的感覺，另一位朋友就飲左cascara ,是無咖啡因的咖啡殼飲品，有點酸，都幾特別，不過我個人就喜歡refreshing tonic 多d. 牛肉沙律份量足夠，味道保持水準，卷通粉賣相好靚（其實全部食物賣相都好靚），份量多少少就好～之後我地再叫多一個burger,一件cheesecake, 個burger 好香口，令我地自己都想返屋企試下整。cheesecake 的味道較淡，如果味重一點就更好。埋單唔洗$500～～～

老公要出太子整野吩咐我搵下太子有咩好西吃呢排食中餐多就一於搵下西式小店食個brunch先～我地揀左煙三文魚同卷通粉賣相好靚 味道都唔錯如果跟兩塊麵包會更好卷通粉上碟熱辣辣芝士味濃 雞肉都算多但食到尾會有小小漏店員有禮貌 好笑容我地唔小心倒瀉水即刻幫我地清潔又拎餐巾比我地抹

今日又黎左哩間咖啡店啦😜😜上次因為太多人無入去食野，咁岩朋友問有無新開既咖啡店，一諗就諗到哩間啦☺️一於帶朋友去chill chill佢先🤩平日中午一點半黎到，有位呀有位呀，仔細望下四周既裝飾，係用木系為主，有種舒服既感覺🍀牆上既畫好文青呀😝係我鐘意既style呀⭐️諗下有咩好食先，原來哩度只得一個Menu，即係全日都係食一款既Menu，而且全部單點既，所以咖啡要另外買既😊最後我地嗌左「烤釀雞胸」同埋「燻牛肉沙拉」「Dirty」「Flatwhite」☕️ Flatwhite上次都有嗌過既，沒有令我失望喔朋友既dirty都不錯看⭐️⭐️「烤釀雞胸」既烤雞雖然唔係juicy既質感，佢係實淨既質感，夾埋芝士拎去焗，配埋粟米餅同流心蛋，多重口感😋「燻牛肉沙拉」好fresh呀，燻牛肉切到好大條，配埋芒果等等嘅生果同沙拉🥗感覺好健康🤝🤝🤝

生活中不能缺乏的是什麼呢？對我來説絕對是咖啡了吧☕️☕️☕️☕️今日剛好行過太子買花，行過通菜街，發現哩間小小的咖啡店😊😊😊好像是新開的吧？裝飾是行木系風格😊❤️❤️門口的手柄係用左沖咖啡既手調儀器，令我覺得眼前一亮🤫🤫🤫可能因為新開嘅關係所有嘢都係好新淨，牆上面有一大幅畫，文青既感覺番哂黎呀🥳🥳其實入面都算闊落，有好多位座架，只可惜全部都full晒剩返近門口走廊位置既兩人位置🥺🥺🥺呢個位置有啲唔好，就係門口經常有客人打開，感覺好熱😆😆最後因為趕時間嘅關係嗌咗杯「Flatwhite」☕️☕️☕️店員會問你想要咩類型嘅咖啡豆🤪🤪最後我揀咗果味重啲嘅咖啡豆😊😊好快我杯咖啡就沖好啦😎不過好似杯咖啡有啲細杯啵唔通真係貴精不貴多？即刻飲番啖先，真係好有水準呀，唔會好似出邊啲咖啡店咁，啡味唔突出，反而奶味好濃郁，雖然真係好細杯，但係係出色嘅！

好耐無食過一間真心覺得性價比都好高既餐廳， 店內裝飾清爽， 而我本身就中意d光猛既店， 不喜歡太暗既餐廳， 這間非常好， 餐廳內廚房開揚但唔會令間店覺得好熱， 今日去一行6大3小， 位置好舒服當晚叫左好多款嘢食， 差不多餐牌有既都叫左，但都煮得好快而且樣樣都好精緻， 每一碟拎上枱朋友都係嘩嘩聲覺得好靚好想食，特別欣賞係主食中都伴有充足的沙律菜， 而且樣樣都好好味， 飲品方面就無咩特別驚喜， 都係一般coffee最穩陣， 朋友叫左杯refreshing tonic我就最欣賞， 係帶草青味既類似青瓜梳打，可以一試

心血來潮想慰勞一下每日由05:00忙碌到19:00嘅自己～(⁎⁍̴̛ᴗ⁍̴̛⁎) 見到呢間café 個名咁特別，亦令我諗起每日早晨色彩多變嘅晨曦🌅，感覺就係呼喚緊我。既然如此，就不妨試下啦！用openrice訂座服務，可累積飛行里數或積分作以後兌換優惠之用。完成網上訂座，店員立即打電話黎確認時間及用餐人數，有效率而且好有禮貌。向店員了解咗晚餐時間，20:30 last order，21:30 閂鋪。想食晚餐嘅客人最好訂位及於20:00前入坐，以便廚房早作準備。Dawn 位於內街，鋪面並不起眼，室內裝修優雅、環境清靜，適合想係繁囂中尋找一片寧靜嘅客人。用餐流程：先係門口櫃臺落單比錢，拎個號碼牌作記認，店員會親自送上餐點。1\燒豬腩肉燒豬腩肉脂肪分佈平均，肉質鮮嫩、肉汁豐富。外皮燒得微微脆口，可能晚市臨閂鋪，燒肉唔係新鮮炮製，外皮有丁點兒韌。柚子胡椒醬汁經過調配，酸甜帶啲微辣，幾開胃。🥗沙律菜及蔥絲份量頗多，而且新鮮，配搭酸甜醬汁，可減低燒豬腩肉嘅油膩感。水波蛋生熟程度剛好，蛋黃仍維持水水嘅狀態。煮嘅時候落咗白醋，令蛋白冇飛散出黎，形狀工整。食法按個人喜好，可以一啖放入口中，或把燒豬腩肉切片沾蛋黃

間唔中都會透過IG望一望有咩新店，同一時間留意到兩間咖啡店，分別位於大角咀同太子，以呢間Dawn嘅質素較好，主打brunch嘅小店，菜式設計用心，配搭唔常見，唔係一街都係嘅全日早餐，都值得試下Dawn位於太子花園街，附近係車房、酒吧，位置唔算就腳。黎到時先認得，原來我地都食過上一手餐廳。相對比比皆是嘅打卡店，餐廳裝潢簡單，客人會更專注於食物嘅質素。近門口位置為咖啡吧枱，可以見到咖啡師沖泡咖啡，裡面約有二十零個座位。除左牆上嘅咖啡豆水洗過程圖，仲有色彩繽紛嘅風味輪，展示每種豆嘅味道，如果冇頭緒，大可參照風味輪，搵出屬於自己嘅喜好半開放式嘅廚房，煎炸食物唔多，所以就算坐喺面向廚房嗰枱，都唔會有油煙味道。餐牌簡潔，早午餐六款，分別有烤釀雞胸、烤豬腩肉、沙律、北非焗蛋以及一款全素的選擇，定價$68-108。意粉麵食四款，配搭嘅醬汁幾特別，例如蕃茄紅菜頭湯、田螺忌廉汁等。另有幾款甜品包括蛋糕(芝士蛋糕/檸檬撻)、磅蛋糕、蛋白脆餅。烤釀雞胸 $108好豐富嘅早午餐！烤雞肉裡面夾有煙肉、菇菌，輕輕調味，雞胸肉雖不至於滑溜，但口感亦不乾嚡，而且冇乜油份水波蛋流心度高，粟米餅自家製，粟米量多，口感豐富，

自問試過港九新界不少既人氣Coffee shop，可能有時期望太高反而失望而回。竟然係一條唔多起眼既街上行過有一間Brunch Coffee Shop!所以膽粗粗入去試一試！Rosted Pork Belly豬腩肉皮脆肉冧加上日式柚子汁唔會油利，沙律新鮮配上特別醬汁非常開胃，另外有一個中式既小包，中西合璧好有心思！Green Miles呢個係一個全素食，有紅菜頭蓉 /酸法包/雜菜餅/煎蛋，另外旁邊有蘋果凍麥皮同沙律，對於素食者已經係一個非常豐富既選擇，絕對唔敷衍！總括泥講:呢間係一間好有心思既Coffee  shop!食物質素非常好，絕對唔會感覺係馬馬虎虎。而咖啡就真係要去試一試！因為盡在不言中！

久違的咖啡☕️點了杯Latte～拉花美美的，看著也滿足～飲落又夠咖啡香，正！💕蒜片辣椒意粉大蝦意粉配了最愛的蛋❤️還要是温泉蛋🤤單看樣已經很吸引了吃下去😋😋😋😋😋更吸引！蝦肉夠實夠爽好正，整得又夠味👍🏻看到有辣椒2字以為會辣的，但吃下去是不辣的雖然很愛吃辣，但這不辣也沒關係因為即是不辣也已經很夠味很好味！.以往在旺角那邊行街總是想不到去那吃好⋯現在發現這小店真好～之後也會再來幫襯💗.P.S. 店內畫了的風味輪和咖啡豆處理方法～很靚很得意呢😆

近排愛上周圍捐窿捐罅，想係周圍貢同時搵一處可以靜靜地清下嘢，聯絡下好耐無見嘅朋友。係太子最近都多咗一啲咖啡店，呢個位置以前比較多酒吧。喜歡飲咖啡嘅，又唔係好知自己其實要咩，呢個圖正正簡單介紹有咩類型嘅咖啡，而且好靚。選擇同價錢正常等有人走左先影相，環境幾好，我個人幾鍾意白色同木系感嘅裝修，簡單又舒服。兩邊工作台，一邊係咖啡師，一邊係廚房。讓我安靜地度過一小時，飲左杯flat white，今日個mood比較想nutty啲，唔錯幾好。

想係花墟附近食tea，這間餐廳就係隔一條街，附近多車房，名為DAWN COFFEE & BRUNCH。Menu 唔係好多選擇， 我地選左「北非焗蛋」及「烤釀雞胸」，另加一杯Flat White & Hand drip。無套餐，要散叫。可能店內比較少人，上餐算快。北非焗蛋，入面一定有蛋😆，仲要有兩隻蛋黃添。 焗芝士下似肉醬意粉，將所有配料混合已成。但法包香脆👍🏻。此份量較少，男士未必飽肚。烤釀雞胸，口感特別，非純雞胸肉，內夾蘑菇。但粟米餅一切就散，雖然有整粒粟米，但味道一般。配菜沙律好乾，未有加醋，最後食唔落。Flat white 加$轉左oat milk , 咖啡☕️唔夠順滑，比較稀，未飲完咖啡，拉花pattern已散😢手沖咖啡，揀左隻果酸度低既豆，飲落好平淡。總結：店內菜式較為少見，值得一試。不過咖啡可以再加強。

尋日同朋友在墟花hea到攰，路經呢間coffee shop，見門面新新地，膽粗粗就入咗去試下。可能太新的緣故，客人唔多，起初都擔心有伏，後來發現好有驚喜。呢度主打咖啡和澳洲style的brunch，也有唔少pasta。1. 女巫 見個名幾特別，所以order咗呢個。一擺上枱，覺得好吸睛﹗原以為係普通茄汁意粉，食落發現原來個汁係蕃茄紅菜頭凍湯，酸酸甜甜，帶輕微玉桂味，配埋雙色冷麵和墨魚仔， 味道特別之餘，亦好有心思，大熱天時食呢個真係幾開胃﹗之不過點解會叫女巫﹖下次要問下店主^^2. 烤豬腩肉呢碟的decoration都好靚呀﹗舊豬腩肉的皮好脆，腩肉部分幾juicy，最驚喜係個柚子胡椒汁，好fresh，同個豬腩肉真係好夾﹗配果個中式包食，有d中西cross-over的感覺，幾特別﹗順帶一提，店內的裝修簡單但舒服，近門口幅牆上面關於咖啡的graphic好靚，好適合打卡﹗但由於太晏，大家驚飲咗咖啡瞓唔著，所以唯有下次先試咖啡啦~