Darci by Aldou (已結業)

過完農曆新年再度幫襯，點知原來已經換咗套餐嘅餐牌，冇咗我至愛嘅焗蟹蓋😢😢我地一行四人點左兩個$568嘅二人套餐。👉🏻波士頓龍蝦生蠔海鮮凍盤生蠔大蜆新鮮甜美，凍龍蝦就普普通通。👉🏻龍蝦芝士火鍋芝士不會太漏，用來浸冇乜味嘅龍蝦味道都唔錯。👉🏻蜜糖焗德國豬手個人今晚最鐘意呢一道，外皮焦脆充滿蜜糖香，肉質鬆軟用刀輕輕一撥就已經切開。👉🏻紐西蘭西冷牛扒Order了五成熟，牛味足夠略嫌肉質實淨左小小。👉🏻乾瑤柱蟹肉蘆筍意大利飯第一次試呢個組合，感覺都幾新鮮，意大利飯收水收得幾靚。👉🏻香煎北海道帶子伴龍蝦汁意粉略嫌龍蝦汁不夠濃，可能怕龍蝦汁搶走左帶子嘅鮮味，但就變咗食整體個味唔係太夠。