Darci by Aldou (已結業)

幫襯多次，我感到餐廳不斷找路線，今日光顧，餐牌換了較多東南亞風味。我點了巴東牛肉飯不知在何時開始，已減了餐湯，直接是主菜，牛肉較濃味，而且有點辣，曾經幫襯過，點過同樣的牛肉飯，今次味道較濃較辣，吃完感到口渴，如果你喜歡吃濃味，可以嚐嚐，牛肉軟硬度尚可，賣相也不錯。餐茶點了玫瑰茶，其實是茶包，味道一般。整體來說，我較喜歡之前的漢堡、等菜式，原來過去了便是過去，值得一提是環境不俗，支持小店也可以幫襯。

朋友入嚟元朗食飯，同佢去一個bookmark咗一段時間又未試嘅餐廳— Darci by Aldou🍴呢間西餐廳由yoho行過去都只係六七分鐘，算方便，食完仲可以喺yoho行街。我地當日點咗一份二人餐 set b, 選擇咗泰式拼盤、燒虎蝦咸蛋黃忌廉意大利飯、澳洲肉眼扒8oz配沙律薯條。跟餐仲有餐湯同飲品，以$508兩位嘅價格嚟講，係抵食又親民。將餐飲加錢轉咗啤酒🍻一共有三款，最後揀咗小麥香味濃嘅hoegaarden，夏日炎炎整返一杯真係非常refreshing!泰式拼盤份量都幾多，包括有燒蟹蓋、泰式鳳爪、魚餅、串燒、豬頸肉，睇落已經流晒口水！店員細心地提醒我哋要先食燒蟹蓋，撈匀趁熱食。蟹蓋上有蟹膏、蟹肉同醬汁，混合後同吃好滋味，啖啖都係蟹肉絲同甘香嘅膏味，啱晒蟹控我呀！牛雞串燒同豬頸肉都好juicy，而魚餅有淡淡香茅味，整體嚟講全個拼盤都不錯👍🏻澳洲肉眼扒亦令人滿意，叫咗medium，熟度剛好。肉質柔軟，切開後點一點燒汁，好味啊！今次同朋友對餐廳嘅食物同環境都好滿意，相信好快會再嚟食😛

元朗多嘢食係人都知，而其中西餐餐越開越多！但價錢同質素往往未必成正比！自己都試過幾間西餐廳！但都未覺好滿意呢日又搵到間西餐廳近Yoho Mall!地方唔難搵，隔離左右都係食店！呢間餐廳格局幾清新，簡單自然嘅設計，座位舒適！打開Menu 第一頁一盤生蠔呈現眼前！二人套餐有兩款選擇！今次選擇咗海鮮拼盆、意粉、牛扒。先嚟黑松露野菌湯！我好鐘意呢個配搭！黑松露香味濃郁！每啖都充滿細碎野菌再嚟就係海鮮拼盆！當中有蝦、藍青口、黃金螺同蠔！每一樣都好新鮮甜美！而黃金螺係我最欣賞嘅！肉質鮮甜無沙！另外生蠔都好新鮮！海水味重但唔會好咸肉眼扒 配薯條！粗身薯條剛剛炸起最好食！牛扒5成熟肉質唔錯！最後係大蜆忌廉意粉意粉軟梗度調整得恰到好處！大蜆肉厚肥大！配忌廉汁好好味埋單唔洗$600😱係600已經食到咁高水準嘅一餐！我必定會推介多啲朋友嚟試下！支持小店

是晚揀咗一間佈置很美的西餐廳。餐廳樓底較高，牆身的花藝佈置都好靚，好有feel🥰我們分別點了：❤️《即開生蠔海鮮拼盤》～生蠔好正，充滿海水味，食材入口便知新鮮🤩，亦都足夠2人份量的。食用前店員會提供濕紙巾予你，期間會幫你不時更換餐碟，以免堆積得過多海鮮殼，完餐後再有濕紙巾抹手，好體貼的服務態度👍🏻🧡《香煎刺身級帶子龍蝦汁意粉》～帶子係刺身級，廚師輕煎兩面已經好香。帶子好肥美，大大粒，原粒食實在過癮。意粉配上Juicy的龍蝦汁，絕對不會乾身。*Main Course 另加+$28 可配餐湯及餐飲。是晚餐湯💛《黑松露野菌湯》～口感有豐富層次，亦十分Creamy，配上淡淡的松露味，入口一試愛上🤤最後鍾意飲酒嘅老公梗係揀咗Stella配海鮮🦞，而我自己就鍾意飲清新嘅玫瑰花茶☕️

朋友本月生日，因為快要為初生BB做百日宴 所以靚媽媽話要keep fit 唔去吃生日飯，我告訴她我們去吃優質東西便可。來到 darci by Aldou 我選擇了一個健康又好味的沙律，Scollops with watermelon salad 即是刺身帶子西瓜黑醋沙律，帶子略略煎香表面 放在冰凍的西瓜球上，底層還有加了黑醋的沙律菜 盛於一個西瓜盅內，這個沙律由選材、賣相、健康都是滿分，帶子鮮美，西瓜清甜，健康之選。廚師很細心，西瓜盅下還放了碎冰，確保整個食物能保持溫度。澳洲肉眼扒8oz 配沙律薯條及燒汁，我倆都喜愛五成熟的牛扒，所以一同分享也沒有什麼問題。嘩，牛扒外面是封得好好，切開時見到肉汁鎖在肉內，顔色好漂亮啊！我倆每人切了一小塊放入口中，都說好味，件肉眼扒有肉味，口感軟腍，我喜歡加少少芥茉醬，好味。Keep fit 的order 了藍蝶花檸檬梳打，燈光下那個紫藍角很迷人，我的士多啤梨香蕉奶昔 很滑，足料。最後我決定一定要吃個甜品，法式焦糖燉蛋，這個份量很多，朋友只分享了1/3，燉蛋是滑的有點布甸的口感，我們説說笑笑吃了一頓開心的生日餐。

家住元朗的同事向我推薦一個他認為很好吃的意大利飯，我說入開元朗一定會去試一下。今天工作在身，回程時差不多行到元朗西鐵站，突然想起同事的介紹，上網看一看，原來很近地鐵站，於是便去找一找。還未到6時用餐時間，我等了一會兒，店員有禮地告訴我這裡設有用餐時間，對我來說當然冇問題啦。餐廳佈置簡潔，白色的半磚牆身，天花掛上點綴的乾花，加上枱上的小蠟燭座營造舒適浪漫的氣氛。我點了同事推介的 燒虎蝦咸蛋黃忌廉意大利飯，在等待食物途中，我已聞到陣陣燒烤的香味。意大利飯上桌時，香味四溢，燒虎蝦也很大隻，下面的意大利飯呈金黃色，當然要手機先食，拍了幾張急不及待要起動了，先試一口黃金色的飯，真估唔到這個配搭是超乎我想像，咸蛋黃的鹹香加上忌廉的滑，包裏著每粒risotto ，每個飯粒都圓潤飽滿充滿香氣加上少少雜菌 令個意大利飯味道和顏色都更出色。燒虎蝦味道鮮美，蝦肉彈牙爽口，兩者配合得很完美。溫馨提示: 吃這個飯 最好是趁熱地吃，更顯飯的香味，如果配上一杯熱的玄米綠茶就更完美。

約了朋友一起吃午餐。因為我無食朋友嗰啲，所以只寫我食嗰份。全日早餐$88煙火腿班尼迪蛋鬆餅，鮮果沙律，薯餅，茄汁豆，豬肉腸班尼迪蛋：有d驚喜，因為有2隻。篤穿隻蛋，蛋滲哂落鬆餅，有蛋味。煙火腿蛋白鬆餅一齊放落口。沙律面上有塊火腿咸咸地，再配埋哈蜜瓜，幾好。沙律幾清新，幸好無落黑醋。薯餅：炸得脆，乾身，無油味。豬肉腸：普通，正常味，應該煎過。咖啡梳打黑咖啡，淡淡地，配埋梳打，個味好似普通咗啲啲。建議：轉用波子氣水或檸檬，口感更佳。

黎到set dinner有兩款價格。揀左408出頭既配搭，外加左1人兩隻生蠔，因為預訂左所以送左個泰式拼盤。泰式拼盤小食有驚喜，朋友鍾意個春卷夠香，我鍾意魚餅個香料味夠出，雞肉串都夠入味。套餐的蘑菇湯香濃，配湯的薄餅外脆內暖，口感好好。椰汁藍青口作為前菜，青口份量足夠，食完可以飲兩啖椰汁感受一下，椰奶香味入口留香。冬蔭公蟹肉意大利飯份量充足，淡淡的冬蔭功味，唔會搶左蟹肉同蟹子的鮮味，又豐富左成個意大利飯的口感同埋味道。寶雲酥羊西冷，淡淡的羊羶味，搭配埋香草清新，有種草原的感覺，羊肉嫩滑，入口鮮甜，真心推薦比鍾意食羊既朋友。餐廳員工係非常之熱情，不過自己唔太慣。餐廳入面成個氣氛係好舒服，值得三五知己享受！

啱啱同好朋友食完Glasshouse round 1 生日飯，唔飽，再用APP去訂位8:30再食，APP訂位有65折，入場前女店員講明『頭盤，主菜，意粉 這三欄』都享有折扣，其他正價，在場6個人明白。跟後女店員再表明每人最少消費$130-，好，在場6個人都明白。點了四道菜後，女店員提示，你地只是消費了三佰幾，要再點菜！好，因為女店員再表示以65折後計算每人最低消費係$130-，所以我地再柯打。我地按照女店員温馨提示，點了2個頭盤，價錢係$210/6隻生蠔。到埋單後，看見賬單並不是收兩盤生蠔$210x0.65折，即查詢該名女店員。女店員跟後表示話：$210/6隻生蠔已是特價，冇折，要按原價計算。大姐，我分別點了3Round菜，你每次都講呢啲呢到有65折㗎，呢到你差幾多錢先到人頭最低消費。但就刻意唔講原本有65折，係屬於係頭盤菜單內既生蠔原來冇，收費係要叫原價2x至3x逐隻計。咁你呢啲咪唔老實囉，女店員仲要明明講左兩次，我地再重覆問過佢都話係有65折，但埋單收錢就話冇。。。。你有冇覺得你地做生意好有問題？

餐廳裝修幾靚，室外都有2張靚木枱室內光線暗得黎，又唔會睇唔到野枱與枱之間有距離感，幾舒服餐廳應該經常轉餐牌openrice見到既野都無得食😂留意返9點就last order，要早啲黎食🔹Set Dinner for 2 ($408 / $548)set for two有兩款價錢，只係差個前菜唔同貴少少可以食生蠔鮑魚海鮮凍盤實惠啲就可以揀藍青口，或者三文魚沙律我地就揀左平果set黎食.🍵餐湯🥖薄餅湯係用鮮蘑菇打蓉，上面加少少忌廉蘑菇味好重，味道留好耐加少少忌廉提味難得既係，食到蘑菇蓉既同時，又覺得口感幾滑.餐包係餐廳少見既Pita Bread有少少似印度薄餅，麵包香包重上枱時又香又熱提供油同醋，亦可以點湯食.🐚椰汁香茅煮藍青口難得唔係用酒煮好香既有椰香同香茅味，但又食到青口鮮味青口肉唔算大隻，但有成16隻肉質嫩滑，處理得幾乾淨.🐑香羊寶雲酥羊西冷 (加$48)微微羊羶味，有啲似低溫慢煮肉身好紅，食落鮮嫩多汁係近期食過最高質既羊連伴碟既薯蓉同蔬菜都好用心整.🦀泰式蟹肉冬陰公意大利飯講到咁好食，但其實呢個飯係有啲唔對題，個味唔太冬陰功，不過個味都好泰式，係椰奶同香茅味，仲有少少泰式特有既酸味

今次㨂左尼間小店同時為兩位朋友慶祝生日。一入店內已經發覺店裡有點焗，可能因為open kitchen 關係，抽風設備唔太理想。至於食物方面，小店嚟講選擇都算唔少。我地揀左個二人套餐另外再揀多個海鮮拼盤同帶子墨汁意粉。飲品方面，杯藍蝶花檸檬乳酪梳打最吸睛Cheers 海鮮拼盤份量足夠四人分享，質素方面都算唔錯最估唔到係個香煎北海道帶子墨汁意粉竟然係咁好味道，連平日唔多欣賞墨汁食物嘅我都忍不住添多一次全晚最差嘅竟然係尼件安格斯西冷扒，已經係五成熟，但用刀都切唔開嘅，根本就食唔到慶祝生日就當然唔少得生日蛋糕啦！蛋糕味道都算可以，最緊要兩位主角都喜歡💕總括嚟講，除左牛扒之外，其他食物都算唔錯，我應該會為左個墨汁意粉而再去嘅

CP值較為低的小店，價錢偏貴，晚餐有最低消費每人$130，未加一，牛扒難吃，雞肉串及豬手味道不錯。雞地近十年變化很大。以前這條街賣的還是平民美食，現在很多中價食肆進駐。其實這家店我跟男朋友都駐足過幾次，總是因價錢而卻步。說實在，旁邊的食肆（包括茶餐廳及西餐廳）才賣50-60元一碟飯連飲品餐湯時，這家店價錢上完全沒有競爭力吧。另外，如果想要環境及服務都好，倒不如入yohomall，這個價錢，yoho mall也有大把選擇。不過店內裝潢設計風格還不錯，桌子是雲石面，很漂亮。Menu如下。Set dinner $408 for 2未加一 ，有兩個main course。價錢在這條街及yoho mall來講，算偏貴。難怪店家總是在打折。單點的話，所有主菜都是100尾到200中的價錢。晚餐有預約的話有折扣。如享用折扣，主菜的另加$28配飲品及湯，沒有優惠，飲品需按正價計算，即是$28只享有一碗湯。Juicy，調味可口，可惜份量較小。上菜不夠貼心，使用高身的碗盛裝醬汁，肉串根本沾不到醬汁，然後我們需要把醬汁倒出來，那這個碗子豈不是畫蛇添足？大伏。很久沒有吃過質素差的西冷。比起元朗一些舊式扒房還要差

一直都好鐘意食呢間餐廳～ 首先要讚既係佢既頭盤餐包，唔係普通既牛油餐包，而係一塊類似簿餅皮，配上欖油加黑醋汁去品嚐！酸酸地既黑醋汁非常開胃！而且呢種食法係同區非常少見，實在創意十足Order左一個蟹肉牛油果包$68，擺盤非常精美，仲有兩舊介開左既哈蜜瓜麵包焗到脆卜卜！香口好食！不過牛油果蟹肉餡料非常少，餐包以牛油果蟹肉加青瓜加蕃茄加生菜做餡料，牛油果蟹肉只佔1/4。而且入面既蟹肉得幾粒，非常唔夠喉！

有時真係很喜歡光顧一些小型餐廳，因為相信他們都是用心經營認真烹調的餐廳。這間餐廳我光顧了很多次，是一間我仍然想再吃的餐廳。我們全部都是喜好海鮮的，所以二話不說便點了一個海鮮拼盤，還加了半打生蠔吃過頭盤，便吃意大利飯還有最好味的煎魚

這裡環境舒適，座位不會太迫，待應很親切，服務態度很好。今日再次來幫襯，食佢既午餐。點好菜，過一陣就奉上餐湯， 餐湯是磨菇湯，入口好細滑，非常好飲，麵包是新鮮出爐的、配上橄欖油和醋，相當有誠意。今次點再次點了，檸檬🍋蜆肉意大利粉作為主菜，蜆肉非常鮮甜，意大利粉既軟硬度剛剛好，配以酸酸既檸檬汁，非常開胃。另外，還點了，手打和牛肉配牛油果🥑醬漢堡，漢堡份量大大件，牛肉非常juice，配以新鮮生菜同蕃茄，再加上香香的牛油果醬，真係配合得好好。伴碟既薯條🍟，應該係真是新鮮炸好，非常脆口。最後，還有餐飲，可選茶或咖啡☕️。#支持小店 #CP值高 #元朗 #服務態度很好 #訂位有優惠