Darci by Aldou (已結業)

今日又去左元朗，係元朗揾野食，絕對冇難度既，因為越來越多唔同類別既食肆。鐘意西餐既我，係兒時成長地揾到呢間對我黎講係「新野」既餐廳我地坐係窗口位我地揀左2個SET，有餐湯同指定飲品/雪糕餐湯係南瓜湯，香氣撲鼻又濃郁，質感唔會太稀太稠。餐包微暖帶D脆，點湯或點個醋都OK。蟹肉咸香蛋黃忌廉RISOTTO：份量OK，不過一般RISOTTO比較飽肚，蛋黃味唔太重，反而係有陣香味，蟹肉都幾多，加埋有蟹子，口感多D層次。RISOTTO整體唔差，幾CREAMY 唔會乾身。蜆肉意粉，D蜆幾鮮又大隻，調味簡簡單單已經好好食。加埋檸檬汁就帶出另一個感覺，比較FRESH。最後我揀左雪糕原本以為係一球or現成既雪糕杯，點知係有小心思既雪糕，濃濃既朱古力寫上今餐既句號。