Darci by Aldou (已結業)

Darci by Aldou是一間小型西餐廳，開業於元朗鳳攸南街，頗鄰西鐵站，地點相當方便。餐廳裝潢挺簡潔，晚市配合微微泛亮的燭光，用餐環境與氣氛很休閒也帶點浪漫。餐湯是南瓜忌廉湯，是南瓜蓉十分足料，口感軟綿幼滑，吃起來很香很甜。頭盤先吃紅松葉蟹腳海鮮盤，有時令生蠔、松葉蟹腳、翡翠螺及青口，生蠔鮮甜、重海水味，螺肉爽口彈牙。主菜有和澳洲西冷扒8安士，我們點5成熟，膩感不重，肉味濃，肉汁豐富，比較韌。主食有北海道帶子魷魚墨汁意粉，沒有一點腥味，當中的帶子和魷魚，用料新鮮，肉質結實。至於意粉，入口滑溜，繼而見嚼勁，加上墨汁份量味道剛好，整碟意粉做得頗為美味！整體來說，餐廳的食物質素較預期佳。

今天下班，經過好順利大廈附近，看見一間裝修不起眼的西餐廳，店內非常熱鬧，有不少情侶在進餐，而且門口也有露天的位置，更看見一對情侶帶同狗隻來享用晚餐，覺得店舖很有愛心便進了去。當店員看見我們是一男一女進入時，店員很細心地給了二人座位，而且每張枱的中間也有蠟燭，環境十分優雅，蠟燭再配上西餐，就像燭光晚餐一樣，更可以慢慢享用，雖然店舖細細，但環境和座位都會令人十分舒服！在看餐牌的途中，店員向我們推薦了， 二人套餐，套餐包括有餐湯，餐包，前菜，主菜，飯/意粉，餐飲！餐湯是每天不同的，今天便是南瓜湯，前菜是哈密瓜巴馬火腿配黑醋火箭菜，意粉飯方面是蟹肉冬陰公意粉飯，主菜是蜜糖焗德國豬手配鮮燒菠蘿，餐飲方面叫了普通的凍檸茶，店內更有特色的是玫瑰黃金桂！南瓜湯很有特色，不是罐頭來的，原來是廚師自己新鮮烹調的，用上新鮮南瓜🎃，再加上自己調配的忌廉，所以味道十分突出！前菜的巴馬火腿配哈密瓜🍈，原來這種配搭是令人喜出望外，火腿是鹹鹹的，再加上新鮮哈密瓜的甜度，鹹甜合一，便味道更加突出，再配上黑醋的新鮮有機沙律菜，便人更開胃，剛好可以清清腸胃去吃主菜！店內很有特色竟然想出冬陰公意粉飯，冬陰公再配上忌廉，原來味

今日同朋友慶祝生日, 朋友話事揾餐廳, 她比較熟悉元朗一帶, 所以就選了這間餐廳, 距離元朗西鐵站大約8-10分鐘路程, 亦算方便易揾。我們點了一個"夏日系列東南亞海鮮二人套餐"。今日餐湯是忌廉粟米湯, 粟米湯幼滑, 有香濃的粟米味, 而且有粟米蓉粒, 可以细嚼。這個餐有麵包附送, 附送的餐包不是一個個包, 而是好似薄餅, 而且還有點熱度, 軟熟無比。還附有橄欖油和醋给客人沾上, 比起用牛油搽麵包健康得多。頭盤是一個海鮮拼盤, 有生蠔, 翡翠螺, 鲜蝦, 蜆和長腳蟹腳, 非常豐富。生蠔不算太大隻或者太细隻, 不過望落去幾飽滿和亁淨。加少少檸檬汁和茄汁作辟除蠔腥味, 有淡淡的海水味, 鮮甜的蠔味, 夠新鮮和冰冷。翡翠螺很乾淨鮮甜, 唔靭, 很容易弄出來食。蝦亦很爽口彈牙。蜆和長腳蟹腳就比較遜色少少, 味道很淡, 沒有鮮甜的海鮮味。平時去德國餐廳多數都會點德國鹹豬手食, 鍾意食豬皮脆卜卜, 夠香口, 多數都係亁身。但今次食既德國鹹豬手是𣺉身, 不是脆卜卜。侍應放上桌時, 豬手很大隻, 好厚身, 將它切開時, 很容易切開, 而且骨肉分離, 肉質厚實軟𣺉而不肥膩, 但味道比起亁身的豬手鹹左少少

Darci by Aldou 未開之前，其實已經從元朗朋友口中聽過Aldou Café。兩間大概是同一老闆開的吧。難得星期四去開元朗，諗住碰碰運氣，睇下試唔試到呢間久仰嘅餐廳（因為呢度一到星期五、六、⽇就一定爆滿，仲排哂隊添）。竟然俾我哋一行二人攞到剩返嘅兩張枱嘅其中⼀張由於我哋兩個都係懶人，所以一⾒到餐牌上嘅⼆人套餐，諗都唔諗就揀咗。點完無耐就上餐湯同麵包，今⽇餐湯係南瓜湯，麵包係pita bread。南瓜湯：南瓜湯⼀定要打得夠細滑，唔可以有南瓜粒粒。呢度做到，加埋drizzle of cream，成件事creamy得嚟唔會蓋過南瓜果種香甜，咸甜度適中。Pita bread：䁔䁔的，味道無乜特別，不過點咗balsamic vinegar + olive oil就令到件事酸酸甜甜咁，特別開胃。羅勒白酒忌廉煮藍青口：羅勒同白酒同藍青⼝好夾，屬於穩陣嘅配搭。忌廉汁嘅味道調教得啱啱好，每個青口殻入面都有肥美嘅青⼝⾁，洋蔥同青⼝吸哂個汁嘅精華，唔會得個青⼝殼有味。香燒焗香茅鱸魚 配 西柚檸檬汁：有人話，食⼀間餐廳嘅⿂就最能夠食得出大廚嘅廚藝。⼤廚選擇⼜燒又焗呢條鱸⿂，其實有啲冒險，好容易會ov

元朗實在太多好野食！離又新街再行遠多少少，黎到近鳳攸南街尾，一樣有間高質Cafe！之前食過lunch set都唔差，今次試dinner。歐美ins風，坐得舒服，另設少量戶外座。店員服待周到，非常有禮貌。👍🏻經過一日繁忙既工作，連食都唔想諗食咩，就揀個二人餐試下！🔸Dinner Set for Two $388 for 2 (原價$458)🔹南瓜忌廉湯南瓜打得好滑無渣，仲跟左兩片薄包配橄欖油加黑醋。黑醋中加少少糖，帶點甜。正正同黑酸有contrast，幾特別。🔹羅勒白酒忌廉煮藍青口白酒忌廉汁煮得好creamy，但恰到好處唔會膩，就咁飲個汁都一啖接一國停唔到。加左少少羅勒搭配，就算唔多鐘意食香草都接受到，幾香。青口size正常，勝在都幾多隻。🔹蟹肉冬蔭功意大利飯普遍餐廳意大利飯都係黎黎去去幾款，但真係好少見到有冬蔭公味既配搭！有幾多蟹肉蟹籽，配冬蔭公味既飯有種多國fusion既感覺，幾特別，值得一試。🔹蜜糖焗德國豬手 配 燒鮮菠蘿片豬手Size超巨型，應該有兩個拳頭咁大！豬皮上有塗上蜜糖，唔怕肥既話可以食少少，好「Q彈」！豬手肉唔算超級淋，但我反而鐘意佢炆到剛好有啲着嚼勁，沾啲芥末醬好好食

罕有元朗環境優美西餐廳收工後想找個落腳地舒舒服服咁食好野，這裡最好不過。每張枱都擺了一座蠟燭，配合店內柔和的光線，環境十分有格調。和朋友二人聚聚舊，餐牌選擇頗多，不想傷腦筋選擇食物，就來個二人套餐吧$388兩個人，價錢也不算太貴，可以接受。羅勒白酒忌廉煮藍青口青口口感十分幼嫩，而且每一隻都完全吸了白酒忌廉的味道，相當入味，忌廉味道與青口這個配答也是第一次嘗，味道意想不到地好吃，而且食完青口更會忍不住喝盡白酒忌廉湯，湯內也帶有點點青口的鮮味，十分鮮甜。是日餐湯有是忌廉南瓜湯，不會有很膩感覺，湯味道十分濃郁和清新，而且杰杰地，再配合薄餅一起進食，有一點點飽肚感。巴西火腿牛肝菌意粉意粉食落味道好濃，牛肝菌醬汁好惹味，配合巴西火腿加意粉夠爽口彈牙，十分有口感，味道亦相當吸引。澳洲8安士西冷扒配燒汁西冷扒七成熟略為熟左小小，可以叫六成熟會更加好食，扒內肉汁依然，配合燒汁食法幾特別，而且也有不小其他配菜。玫瑰黃金桂玫瑰花茶養顏清新，而且飲落味道好香玫瑰花味，有舒神作用。二人餐性價比也高，不算太貴，環境也可以。

真心覺得呢餐食完係有驚喜， 冇諗過喺元朗都有咁高質素嘅西餐廳， 裝修格調比美中環。海鮮拼盤有松葉蟹腳，翡翠螺， 大蜆，生蠔 ，海蝦 。生蠔夠大隻鮮甜， 值得一讚。餐湯粟米同水配合得好好，唔會太稀亦唔會太濃，成碗湯都好足料，飲完碗湯都飽咗。主菜叫咗澳洲西冷扒，但最令我驚喜嘅就係個薯蓉，因為佢加咗黑松露， 可能因為我好鍾意食黑松露🤣🤣🤣🤣墨汁意粉係我喺香港食過最好食嘅 ，調味調得好好， 好重墨汁味，唔會太鹹，唔會蓋過墨汁味。最後食埋個甜品成餐就好滿足， 甜品酸酸甜甜好開胃 ，減少咗成餐飯嘅飽滯感。 呢個甜品雖然唔知叫乜，但係至少唔係其他西餐廳食開嗰啲好普通嘅tiramisu, 朱古力brownie， 感覺似喺酒店食開嘅甜品款。

一開波就有一個南瓜湯好香甜同有濃濃南瓜味仲有一個餐包，外表鬆脆，食落口都幾香可以點黑醋同橄欖油。點可以缺少海鮮拼盤有生蠔 蟹腳 蜆 蝦等等估唔到元朗都食到啊！全部都好新鮮 同埋份量都幾多岩晒鐘意食海鮮冷盤既朋友。虎蝦意大利飯蝦剪得十分之香 肉質鮮嫩 爽口 不錯意大利飯濕得岩岩好 而且超級香 飯口感一粒粒配撘很好最後便是鮮蜆加洲鱸魚配牛油忌廉粒粒薩丁麵有魚有蜆 蜆每一次都十分肥美食落去仲有湯汁流出黎 好鮮甜魚方面，肉質都好滑 唔會太老而且仲有一粒粒好似珍珠既麵真係好有新鮮感！

Firstly I reserved a table for two for my babe’s birthday. When the waiter reconfirmed with me for the booking, I asked specifically if they would provide a birthday cake with the note I have left for them. They said yes they do have a small cake and and write some words.When we entered the restaurant, the waiter offered us a larger wooden table which could fit four persons. I thought it was nice of the waiter to offer us that.As usual, we ordered the food and try to order wine, but we were told

之前食過另一間分店的下午茶，感覺一般！今次試下呢間店嘅晚餐，感覺截然不同！有2位男waiter服務非常好，感覺親切，因應我哋嘅需要而介绍嘅食物，建議我哋適合2個人嘅分量而大膽比意見，用心服務👍👍因為我哋今次係2個女仔加隻狗仔，所以坐左outside，感覺好舒服自在！因為室內隔住透明玻璃，所以需要order時亦非常方便！至於食物方面真係有驚喜，我哋点左2個main course:1)蜜糖焗豬手配燒鮮菠蘿片:豬手外脆內軟，表皮加上蜜糖出奇地夾，再加上芥辣醬油，簡直係錦上添花👍👍👍👍👍2)香煎孖宝虎蝦咸蛋黃忌廉意大利飯:虎蝦開邊好细心！啱哂女仔食夠方便😅😅意大利飯加左蛋黄，所以好香，意大利飯軟硬適中👍👍👍3)皮塔餅:通常前菜會用餐包，呢度用皮塔餅，口感柔軟😍配上橄欖油同埋醋，好適合餐前傾住計等侯！特别讚下個醋，酸甜度適中餐飲叫左玫瑰花茶，味道太淡，而且茶壺太小要分好多次加水，有待改善！今次嘅體驗好好，會再次光顧！

同我妹嗰日起yoho mall行完諗住食埋飯先番家，但又唔想食商場d連鎖餐廳，就行出出面條街睇有咩食，始終商場貴啲同迫啲。 行經見到呢間darci by aldou ，就甘望個門面好靚，我呀妹又話想食西餐，甘就試一試。入面環境都好舒服。本來我想試中間crab legs seafood platter個餐，因為見到隔離嗰台嗌左好似好正，奈何我阿妹好多海鮮都唔食，唯有嗌個vodka clams不過個蜆無令我失望，個酒味唔算重，d蜆剛剛好熟，個汁同d辣椒洋蔥吸收晒蜆的鮮味。是日餐湯係粟米忌廉湯，有d似粟米羹，飲得出有一粒粒打爛了的粟米在內。個餐包係配橄欖油同埋黑醋，感覺不油膩。澳洲西冷配燒汁。先講配菜，沙津菜份量好多，點d燒汁或薯蓉食好夾。個薯蓉我同妹妹超喜歡，係加了黑松露的薯蓉。至於個牛扒都冇令我地失望，點了7成熟我哋覺得剛剛好，若果能再煎香一點會更好。虎蝦鹹蛋黃意大利粉，呢個都不得了，個蝦係煎到剛剛好一d都唔老同乾。個飯非常之香，咸蛋黃的意大利飯都係第一次試，味道有幾邪惡相信就甘睇都諗到份量若再多一點就好。是日蛋糕係朱古力慕絲蛋糕，仲有雪糕或飲品揀。下次有機會可以帶其他家人來試

見佢8月有下午茶放題 產檢完就即刻黎食 一個人入黎 見到其他檯客人嘅食物份量好多 由於唔食得沙律 加上個日蛋糕只得綠茶撻 我唔食得 唯有叫咸點 食左:*巴馬火腿碎蛋沙律包:麵包烘到脆脆 好食*雞翼薯條:叫佢地比少d份量我 調左味嘅雞翼好味*班尼迪蛋:配煙肉係完美 由於唔食得太生嘅蛋 要麻煩煮熟晒隻蛋*卡邦尼意粉:雖然略偏甜 但我覺得煮得好唔錯 唔會太多汁 意粉又唔會煮到淋晒 仲有芝士碎*窩夫:唔食得雪糕 又要麻煩要淨窩夫 個窩夫醬都唔係求其比果醬你 係用新鮮莓整醬仲要有裝飾下個甜品 望到心情都好 總捨: 有質素 唔會因為放題就hea你食物即點即製 員工好服務 入面打荷哥哥會叫侍應們睇下我有咩需要 環境舒服 係有少佈置嘅小店 其實呢個價錢真係太太太超值 可能元朗競爭大 如果餐廳位置係我以前住嘅將軍澳肯定每日都大排長龍 即使價錢再高多d我都覺得值得食

今天放假去元朗逛逛，聽聞鳯攸南街有很多美食，於是去試下見到間西餐廳，雖然細細間，裝潢望來簡潔，於是入內一試大家唔想傷腦筋，見到二人餐又啱食，便點了南瓜湯唔太稀，好香南瓜味道，薄餅熱辣辣蘸埋酸酸地黑醋，十分開胃燒泰式海鮮盤滿滿一盆海鮮有燒魷魚筒、燒阿根庭紅蝦、焗蠔、泰式魚餅及燒菠蘿，相當豐富泰式魚餅唔太腍，香茅味道濃郁，好惹味紅蝦大隻，新鮮又彈牙，啱啱肉菠蘿燒過之後，味道更加鮮，咬落多汁，鮮甜，食到停唔到呢個意大利飯好有驚喜，意大利飯軟梗適中，食落口感唔錯，啖啖飯又有咸香味道，十分突出

每次回家都會經過這家餐廳但就是沒有進去試試今天終於有機會跟朋友到這裡最近他們出了新推廣$78 海鮮放題90分鐘只需每人叫一個主菜就享有此優惠了可惜我們兩個女孩子吃不下 叫了二人套餐我們選了海鮮拼盤為頭盤有翡翠螺，蝦，松葉蟹腳，法國生蠔我最喜歡便是法國生蠔了，鮮味和鹹味剛剛好；翡翠螺也不錯套餐配的是南瓜餐湯沒想到只是一個餐湯還蠻有驚喜的南瓜甜味配上忌廉香味 濃而不膩主菜來了 我們選了澳洲西冷牛扒8oz和虎蝦蛋黃意大利飯先說牛扒 我們沒想到是很厚的半成熟剛剛好不過熟我喜歡鹹一點 特地叫店員加了一點岩鹽呢 沒想到配菜是配黑松露薯蓉 好險牛油不多所以沒有太大罪惡感再說是意大利飯 加了蛋黃味道是挺特別 當初我還以爲會很膩想不到我們吃了吃了就把把整個吃完了呢 虎蝦新鮮爽口 值得推薦下一次目標一定要叫多一點朋友吃海鮮放題啊！

元朗向來以美食聞名，這天剛好在這裡遊玩半天，大早前記得看見一間名為Darci By Aldou，餐廳環境果然夠晒浪漫，用不同特色的吊燈，再加上牆上掛了幅絢爛紙花掛畫，仲播住英文歌，每張枱上都放咗小蠟燭感覺好浪漫。不過肚餓了的時候也不多作深究了，晚餐就鎖定了這一間餐廳了。餐廳晚上生意非常不錯，去到的時候已經滿座。只好耐心排隊，幸好只是大概等了20分鐘便能入座。有選擇困難症的我們喜歡跟隨set manu點餐，Darci的夏日二人晚餐以價錢和食物選擇來看，算是非常不錯，最重要是省略了需要花精神去決定「食咩好」的難題是日餐湯是南瓜忌廉濃湯和椰菜花忌廉湯，南瓜香味特別香濃，再仿效意式吃法，餐包點橄欖油和黑醋，不同的是將常見的軟軟餐換成Pita Bread 皮塔餅，幾有新意。前菜是香茅白酒煮鮮大蜆，白酒香茅祛腥味而且帶出了蜆肉的鮮味，蜆肉鮮甜得誇張，精華還流進了白酒湯汁裏面，忍不住一人幾口把湯汁也瓜分了。yummy以前很怕吃墨汁意粉，一是因為有過齒頰留「腥」的可怕回憶，二是因為吃這道菜後，牙齒嘴唇均會被染黑，好鬼尷尬。眼看周圍的大部分食客都點了北海道帶子魷魚筒墨汁意粉，而且面露滿意表情，也就豁出去