Coti the Bistro (企業廣場)

营业中

休息中

朋友喺呢度附近返工，今日過嚟搵佢食飯，嚟咗依間九龍灣企業廣場嘅西餐廳，本來唔抱有太大期望，純粹食餐午飯，但估唔到有意外驚喜，我哋食完讚不絕口，超平嘅價錢可以食到咁高質嘅美食🤩叫咗好多嘢食買單先至係$300左右，仲要樣樣都好好味😋原條鰻魚漢堡配番薯條🍟10分推薦大家過嚟食，必食推介，鰻魚超大塊，而且好入味，番薯條都好香，每一啖都好濃番薯味😚脆卜卜 正！慢煮烤雞西班牙甜椒蕃茄呢個都係另一樣必食推介🤟🏻烤雞味道超級入味，而且一啲都唔會乾爭爭，好鮮嫩多汁！仲有配左是日自製餐湯同埋沙律🥗朱古力咖啡咖啡果皮茶配蜜糖依度嘅咖啡真係整得好出色，咖啡嘅濃度啱啱好，而且飲落口勁滑，係勁滑😋最特別係咖啡果皮茶，出邊飲唔到㗎！

來到COTI 已感受到簡單而寫意嘅感覺，真是九龍灣中CB Cafe。餐廳提供All Day Menu，當中已包含了自家餐湯/沙律、飲品及主食，真的非常抵食。美食當前，已經流哂口水！提拉米蘇咖啡當中有我最喜愛的提拉米蘇，以厚厚的芝士忌廉，加在咖啡上，賣相已經攞哂分。提拉米蘇咖啡入口香濃幼滑，芝味濃郁，實是難得。黃金蟹肉意粉賣相搶眼，一眼已看到鹹蛋黃與蟹肉的份量非常多，真係落足料！鹹蛋黃醬汁沾滿每條意粉，每一口都感受到那濃郁的流沙感覺，口感好豐富，啖啖香濃，配上鮮味的蟹肉更是無懈可擊的組合。原條鰻魚漢堡 大大條鰻魚夾在漢堡中，第一時間打漢堡看看，鰻魚非常厚身，肉質彈牙，還加入了芝士、滑蛋，令整體味道更豐富，更澎湃。

餐廳環境十分雅緻，裝潢設計富格調，感覺高尚甚有氣氛，大部分座位均是軟座卡位，坐得舒適。還提供口罩卡給我們擺放口罩，很是周到。落單後食物很快送上。套餐附送是日自家餐湯或沙律，以及飲品一杯。羅宋湯好足料又香濃，不會好稀，十分美味。蘋果沙律份量不少，蘋果大大片又香甜，沙律菜新鮮爽脆，清新感十足，令人大開胃口。黃金蟹肉闊條麵好有水準，醬汁非常creamy，鹹蛋黃味濃厚。闊條麵軟硬適中，煙韌彈牙，每條麵都掛滿醬汁好入味，而且夾雜不少蟹肉，美味得很。原條鰻魚漢堡配蕃薯條大有驚喜，鰻魚非常大件厚肉，肉質嫩滑且帶有爽口彈牙口感，醬汁亦很入味，極高質。加上超滑溜的蛋，啖啖滋味。長長的蕃薯條也很有特色，外脆內軟，蕃薯味十足又香甜。凍鮮忌廉朱古力和凍抹茶鮮奶香滑濃郁，不會過甜。

放假訓晏少少就出外行下街。行街前要醫飽個肚仔，去左九龍灣企業廣場食lunch。 因為食完野會去megabox 辦下年貨。呢lunch time 時段都幾多人，但餐廳夠寬敞坐得舒服。餐廳野食野飲都幾多選擇，我哋揀左一中一西嚟試，lunsh set可以揀湯或沙律！羅宋湯濃味，沙律新鮮。黃金蟹肉濶條麵，黃金係指咸蛋黄蓉，撈落面度食真係唔錯，幾特別。麵質彈牙，蟹肉夠多。燉牛肋骨飯，牛肋骨大大件，燜得好腍，好入味，餸飯一流。再叫左兩杯好精緻既野飲，紅豆咖啡同有汽檸檬咖啡，兩杯都唔錯，可以自己調教咖啡既濃度。食飽就去辦年貨喇。

今天下午同太太去試一次，我叫了一個白汁蟹肉闊條麵餐（89蚊及要加一），個麵份量少，得小小蟹肉，味道算過得去，但碗南瓜湯稀到好似水咁，微暖，同埋隻碗本身已經不是大隻，但裡面啲湯得碗的一半，最後杯凍檸茶（嚴格來講，是一杯凍檸水先，一點茶味都無，淡到好似水咁），我同太太異口同聲講，一定無下次再嚟呢度

黃金蟹肉闊條麵賣相相當吸引，先唔理蟹蓋係唔係重用😂但有個蟹蓋好似嘔緊啲黃金出嚟咁，幾得意咁，但蟹蓋不見了，但勝在味道還ok。意粉醬香creamy鹹蛋醬令人耳目一新。番茄湯亦都比出面嘅唔同，有鹹香，入面嘅配料有麵包粒，脆脆口感正，整體感覺係高質嘅。carbonara 意粉就有好搶眼嘅蛋、煙肉粒同蘑菇，味道當然冇黃金蟹肉咁出，都冇乜特別期望所以都冇乜特別失望，我比較欣賞嘅係佢比較真味，感覺少啲味精。套餐包埋嘢飲，茶係甜甜地。

👧🏻😋👅🍽✨Coti the Bistro (九龍灣)-🤎餐跟湯/汁律同埋野飲，可加錢轉特飲，好多款式可以揀-燉牛肋骨飯 $88✨牛肋骨燉得好林好入味，仲痴埋少少筋好正，牛肋本身肉骨分得好開好易食✨蘿蔔同冬菇都係好入味，完全冇筋✨用左珍珠米，有咬口又香-黃金蟹肉闊條麵 $86✨蛋黃好香口，撈落去個意粉汁更有層次✨有al dente口感✨紅蘿蔔絲令個白汁意粉更清新，亦冇青草味-是日餐湯 - 磨菇忌廉湯✨好濃郁，好多菇-棉花糖朱古力 +$12✨雖然等左有D耐，但佢有用火槍燒過蒲面既棉花糖都係心機之作✨朱古力好香滑-黑白朱古力咖啡 $48✨新品試下，黑白朱古力整成既mocha勁打卡able，啡白色係透明杯外睇好似山景加白雲咁✨落左超超超多真朱古力好足料，甜到入心-加一服務費-

喺九龍灣約咗個朋友食lunch 見到零零些些呢間大排長龍 我同朋友都好想試吓究竟係咪真係咁好食 就決定等呢間 見到Menu係價錢相當經濟嘅西餐 我哋就叫咗兩個set lunch燉牛肋骨飯-賣相相當唔錯 牛肋骨好有份量 條條都好厚而且啖啖肉 燉得好淋身 好明顯牛肉好靚 就算唔使太多醬汁已經好好食 黃金蟹肉闊條麵-啲蛋黃好似唔駛錢咁 好多 完全夠撈成個意粉 本身意粉係carbonara sauce 已經好creamy好好味 意粉適中唔會過硬或者過淋 好味到我哋5分鐘之內就食晒沙律-個沙律好colorful 有生果有菜 相當健康蕃茄湯-蕃茄湯估唔到咁好味 好濃嘅蕃茄味 飯前飲相當開胃棉花糖朱古力-棉花糖同朱古力真係好夾 甜度適中 飲完好滿足咖啡果皮茶配蜜糖-冇諗過咖啡同果皮茶竟然可以match得咁夾 蜜糖完全提升左果皮嘅香味 真係好有意外驚喜

講起九龍灣大家應該來來去去都淨係諗起幾個大商場，都係啲集團式嘅餐廳，其實喺工業區同埋寫字樓區中間仲有好多小店，只要肯發掘就有好嘢食！今日嚟到企業廣場一期呢度試試！呢度嘅氣氛幾好，環境都尚算舒適，仲會每一位客人都派一個即棄口罩套，好貼心！今日叫咗西班牙烤雞甜椒蕃茄配返番薯條、原條鰻魚漢堡配番薯條、一杯玫瑰普洱冷泡茶同Piccolo咖啡隻烤雞其實係一份半隻嘅春雞，烤得非常好，皮脆肉滑，配上個甜椒蕃茄汁簡直係一絕！原條鰻魚堡個視覺非常震撼，食落更加係大滿足！蒲燒鰻魚有幾好食我相信都唔使多講，要特別讚嘅係佢個漢堡入面個炒蛋真係炒得好滑！兩份餐點所配嘅蕃薯條都係外脆內軟，好食！平時唔多地方有Piccolo，好老實講我其實唔知道一杯正宗嘅Piccolo應該要有咩元素，我淨係知道呢杯咖啡好好飲！不過就細杯咗少少，但係淺嘗一下更加滋味！玫瑰普洱冷泡茶香氣十足，玫瑰同埋普洱都唔會互相搶味！

Coti位於企業廣場一期，講地址未必知係邊，但講港鐵兩蚊拍卡機就知啦，就係果個場。每日午餐時段經過都排緊長長嘅人龍，是日晏左放lunch，兩點黎到少好多人，唔使等就有得入座，爽呀～人少左，居然一位都坐到卡座，好感動呀，卡座好好坐！午餐可以揀配餐湯或沙律，揀左後者，是日係西柚蘋果沙律，好清新，好啱做開胃菜。點左原條鰻漢堡配蕃薯條，賣相靚靚，絕對值得打卡。轉個背面先，睇下條原條鰻魚幾長，正呀喂～打開個包睇下，係芝士同滑蛋呀，芝士仲有拉絲效果添喎。切開睇，下面仲夾左蕃茄同生菜。一啖咬落鰻魚滑蛋度好滿足，太厚咬唔到全個，切開慢慢食一樣咁正，勁鍾意個甜甜嘅鰻魚汁。伴碟嘅係蕃薯條，炸得香口不油膩，也是甜甜的，正呀。餐飲加錢轉了抹茶鮮奶，要熱的，不失望地果然有靚靚拉花。勁濃綠茶味呀～飲落似某牌子嘅綠茶朱古力咁，又香又滑好好飲。好一個西日式的午餐，大滿足呀！

今日去九龍灣郵政局攞郵包，順便又幫襯下好一陣子冇品嚐過嘅Coti the Bistro。Menu内食物選擇非常多，各類款式齊備。而我就最鍾意呢度嘅咖啡，好多都相當有特色。南瓜湯屬於佢哋自家製嘅出品，非常香滑。鰻魚貝果配炸蕃薯條，呢個配搭非常新穎，大大條鰻魚大概有三份二外露出嚟，非常有氣勢。餡料亦都相當豐富，包括有芝士、炒蛋、蕃茄、生菜，當然仲有主角鰻魚一大條。另外就叫咗個蟹肉牛油果配窩夫，仲有沙律拌碟，沙律有沙律菜同新鮮生果，非常清新。而佢嘅窩夫係有啲似丹麥麵包嗰種酥脆嘅效果，所以充滿牛油香味，非常可口。蟹肉牛油果上面加入蟹肉沙律，除咗有蟹肉之外，仲有青瓜粒、洋蔥粒等等，再加咗少少辣椒碎作調味，我就好鍾意呢個配搭。焦糖布甸咖啡上面係一層薄薄嘅焦糖，咖啡夠滑夠濃，非常出色！凍朱古力加咗忌廉，特別香滑。

上星期同朋友嚟食過，覺得呢間餐廳食物質素真係非常唔錯，而且啲飲品好靚，好啱打卡😆所以今個星期專登帶男朋友過嚟食多次。餐廳位置非常闊落，而且好多卡位，坐得好舒服！一坐低佢哋嘅職員會即刻比一個口罩套你，哩個細心位值得一讚👍🏻而家做緊全日餐牌，而我哋分別叫左兩個餐，佢會包一杯飲品同埋餐湯或沙律🥗我哋就叫咗一個沙律同埋一個餐湯share，今日嘅餐湯係蕃茄湯，蕃茄味非常濃郁，而沙律加咗日式芝麻醬，係我最鍾意嘅沙律醬，唔夠仲可以再問店員加。🎈油漬蕃茄味未來牛肉闊條麵原本我完全唔知未來牛肉係咩嚟嘅，見到個餐牌先知道佢係素食，但最神奇嘅係佢食落去同真正嘅牛肉真係無咩分別，鍾意食素食嘅人真係可以試吓！而且呢個闊條麵嘅面質煙韌好咬，蕃茄味同牛肉味都好重，仲有淡淡的香草味，非常唔錯！我男朋友為咗令我可以影到張靚啲嘅相，特登幫我卷咗個玫瑰花出嚟，大家可以睇吓似唔似😂🎈慢煮西班牙烤雞甜椒蕃茄呢個真係重點推介❤️因為我兩次黎都有食佢，佢嘅肉質非常嫩滑，而且個皮好脆，食落去非常香口！因為慢煮嘅關係，佢鎖住咗啲肉汁，所以一啲都唔乾，就咁食已經好好食！再點埋佢個甜椒番茄汁嘅話，食落就會酸酸甜甜，好開胃，如果黎食嘅話都真係

疫情下少左好多出街食野既機會今日去開mega box 所以就係附近搵下美食Coti 係正mega box行前少少既對面 好易搵鋪頭裝潢得好靚 一眼就被吸引了由落單到上菜直至埋單 店員的服務態度都好好值得一讚今日點了一份網上好多人推薦的原條鰻魚漢堡配蕃薯條一上檯 深深被個漢堡吸引著 原條鰻魚上真的好特別 漢堡內仲配有芝士，生菜和蛋第一次食漢堡和鰻魚的配搭個味道很不錯 2者好配合 鰻魚上塗了鰻魚汁 所以食入口都唔會好乾身 個鰻魚汁仲當埋漢堡入面既醬汁 真係好好食而個蕃薯條份量都好充夠 而同行朋友點了燉牛肋骨飯個牛肋骨大大舊咁上檯 一開頭仲驚會好鞋口同好硬點先一用刀切的時候就知道個牛肋骨煮到好軟身 超級容易便切開餐廳都花了很多時間去燉食入口肉質有少少鬆化的感覺 好好食岩晒我地呢D唔鐘意食硬野既人而個醬汁甜甜地 和牛肋骨好配合而且仲好多 可以撈埋飯食另外，飲品方面呢度既咖啡值得一試擺盤靚之餘味道也很好而且咖啡的款式都好多 今次點了一杯棉花糖泡泡咖啡和蜂巢咖啡第一次飲蜂巢咖啡 原來味道好特別用蜂蜜的甜代替了咖啡糖的甜 又是另外一番風味 這杯咖啡味道都不錯

減肥第一星期，只吃肉！同事介紹呢間公司附近的西餐廳 【Coti Bistro】 門面開揚，餐廳以木作主調，感覺温暖。 午餐選擇有12款，包括湯或沙律及餐飲，$60~150 價格不等豐儉由人。 雞扒滑蛋飯 $65  (減肥關係走飯走汁) 雖然走飯，但雞扒有兩件又大件，一個普通女仔已經夠食。再加上蛋及沙律菜健康又飽肚！雖然走飯，但雞扒有兩件又大件，一個普通女仔已經夠食。再加上蛋及沙律菜健康又飽肚！雞扒表面煎得香口惹味，肉質柔軟又juicy。雖然走了醬汁，但都味道不錯。滑蛋金黃又夠滑，今天食了份飽肚的減肥餐。

今日收早，去左九龍灣呢間餐廳食LUNCH環境好舒服，岩哂收工去嘆下，正值午餐時間見到人流都多，午餐價錢已經包一杯飲品同餐湯/沙津。今日天氣都比較凍，所以選擇左餐湯暖下身子先，餐湯有南瓜湯，味道都幾濃郁。主食叫左份慢煮西班牙烤雞同黃金蟹肉意粉，擺盤賣相都相當吸引，西班牙烤雞有半隻份量，雞肉好嫩滑，切落去仲漏埋雞汁，好juicy ! 味道帶有少少香草同甜椒味。配菜就有番薯條，第一啖食口感好脆，不過建議大家唔好放喺蕃茄汁太耐，因為會淋！黃金蟹肉意粉呢，蟹肉份量足夠而且平均，蛋黃入口不會太咸，加上小小白汁托底，成碟意粉幾CREAMY，闊條麵都煮得幾有咬口。午餐免費配既飲品其實相當大方，除左平時既奶茶、檸茶之外，哩度更加有水果味既茶。但因為佢飲品MENU實在太吸引，補小小錢就決定升級 ! 見到好多人大讚杯TIRAMISU，我緊係都一試究竟。飲品的分層做得相當清晰，上面一層CREAM做得相當濃厚，味道甜甜地剛好中和咖啡既酸同澀。但杯面有好多朱古力粉，提醒大家飲既時候要小心同入口細淡D，要讚下餐廳選擇用細細粒嘅碎冰，咖啡味唔會太容易被沖淡！飲完真係超級飽啊！朋友就叫咗一杯咖啡果皮茶配蜜糖，餐廳嘅蜜糖