Coti the Bistro (企業廣場)

营业中

休息中

點了黑松露三文魚貓耳，結果讓我非常失望。這道菜的味道完全無味，吃下去就像是在嚼水，意粉又硬。三文魚的質量也不佳，缺乏新鮮感，整體的口感讓人感到非常沮喪。88蚊的價格實在太貴，卻得不到相應的質量，讓我覺得非常不值。我真心希望這道菜不會再出現在菜單上，因為它完全無法吸引顧客的興趣。我向店員反映了我的感受，卻發現他似乎沒有任何反省的態度，對顧客的意見置之不理，這讓我更加失望。餐廳應該重視顧客的反饋，以提升菜品的質量。總之，這道黑松露三文魚貓耳超級難食，實在不推薦給任何人，希望店家能夠認真改善，否則會失去許多顧客！

SALMON ROE PARCCHIETTE MENTRIKE BAUC明太子三文魚籽貓耳朵粉老豆覺得太細份同貴🙈SMOKED SALMON QUENGA SALAD煙三文魚藜麥沙律呢個做得不錯唯一係芝麻醬太多COLD PRESSED APPLE JUICE冷壓蘋果汁AMERICANO 美式咖啡杯啡混雜左好多味🥹完全吾知飲緊杯咩黎

最近在九龍灣發現了一間超有特色的秘店✨這裡的每道菜都讓我驚喜不已，特別是他們的腐乳蒙古羊鞍，羊肉鮮嫩，加上特製的腐乳醬，讓人一試成主顧！😋另外，雞扒藜麥沙律的雞扒厚身，搭配新鮮的藜麥和溫泉蛋，真的是物超所值！🍗🥗還有那道霸氣的鰻魚蛋包飯，整條鰻魚蓋在滑嫩的蛋包飯上，令人垂涎欲滴。最後，喝一杯天然蜂巢咖啡，香甜滋潤。想滿足一點棉花糖朱古力也相當吸引，香甜的朱古力面上有甜到溜的棉花糖，完美結尾！☕️🍯如果你也想找個地方放鬆一下，這間Cafe晚市不算太多人，感覺很輕鬆，工作後想約朋友傾幾句，這裏都是一個選擇！📸

上星期五放工後，同同事去咗九龍灣企業廣場嘅「Coti the Bistro」試新嘢。餐廳環境靚靚哋，有種歐陸小餐館嘅感覺，氣氛輕鬆，啱哂我哋呢啲下班吹水嘅人。烤美國豬鞍芥茉汁配薯條（$168）豬鞍一上枱已經香氣撲鼻，肉質嫩滑 juicy，外層燒得啱啱好，微微帶焦香。醬汁剛好唔太鹹，完全提升豬鞍嘅層次感，配埋外脆內軟嘅薯條，真係一流。明太子三文魚籽貓耳朵粉配嫩滑帶子（$108）貓耳朵粉煙韌有嚼勁，吸滿咗明太子嘅鹹鮮味，三文魚籽仲會爆汁，啖啖都好滿足。帶子煎到微焦但內裡嫩滑，好鮮甜。酥炸單骨雞翼（$78）雞翼外層炸到金黃香脆，咬開啲肉仲嫩滑 juicy，調味剛剛好，食到停唔到口。飲品方面，我揀咗抹茶鮮奶（$42）抹茶味道香濃唔苦澀，配埋濃郁嘅鮮奶，口感順滑。同事揀咗玫瑰鮮奶咖啡（$42）咖啡香中帶住淡淡玫瑰香氣，層次感十足，佢話飲完成個人都 relax 咗。

寒風凜冽嘅夜晚，喺九龍灣搵食，無意中發現咗呢個西餐廳暖黃嘅燈光、木質嘅裝修、悠揚嘅音樂，瞬間驅散咗身上嘅寒意，溫馨又舒適。**烤美國西冷10安士配燒汁薯條 主角登場！10安士嘅西冷牛扒，份量十足，表面煎至金黃微焦，切開後粉嫩嘅肉質令人垂涎三尺。牛扒火候掌握得恰到好處，外焦內嫩，肉汁豐盈，入口即化，牛味濃郁。搭配嘅燒汁香濃惹味，同牛扒完美融合。薯條即叫即炸，外脆內軟，熱辣辣**明太子三文魚籽猫耳朵粉 猫耳朵粉口感煙韌彈牙，每一粒都沾滿咗香濃嘅明太子醬，鹹香鮮美，令人回味無窮。三文魚籽粒粒飽滿，喺口中爆開，增添咗一絲海洋嘅鮮味。**雞佳八藜麥沙律沙律菜新鮮爽脆，雞肉嫩滑多汁，搭配營養豐富嘅藜麥車厘茄等，口感清爽。特調嘅沙律汁酸酸甜甜，令人胃口大開。**冷壓蘋果汁 新鮮蘋果冷壓而成，口感清新自然，甜度適中，帶有淡淡嘅果香，解膩又健康。

烤美國豬鞍配芥末汁$168豬鞍肉質鮮嫩，搭配嘅芥末汁減輕油膩感，令整體口感更加豐富。🥰酥炸單骨雞翼（5隻） $78雞翼外脆內嫩，炸得恰到好處，如果有醬汁配合就更好食啦！😆雞扒蛋包飯 $108蛋包飯的雞扒多汁😍而且有兩塊咁多！蛋皮滑嫩，米飯係珍珠米提拉米蘇咖啡$48係必點之選！👍👍👍下面係Espresso嘅咖啡☕️上面嘅提拉米蘇有厚厚嘅忌廉🤩加上可可粉，必須先食兩啖！再加上手指餅配合一次過實現甜品同埋飲品嘅願望😆鮮忌廉朱古力$42🍫係奶味比較重嘅朱古力飲品😛味道唔算太甜朱古力味可以再濃啲就更出色👍#COTI #COTITHEBISTRO #西式 #咖啡店 #九龍灣 #新蒲崗"Coti the Bistro (九龍灣)九龍灣常悅道9號企業廣場1期1樓4號舖

九龍灣除咗mega box 有得食，商廈都有唔少選擇🤗 仲幾精緻，價錢親民🫶🏻🔸煙三文魚藜麥沙律 $86配料清新豐富🥗大大塊煙燻三文魚片、小番茄、頂部仲有水波蛋，滑嫩嫩💚。賞心悅目之餘，藜麥令口感更豐富健康😋🔸腐乳蒙古羊鞍配薯條 $178中西合璧之作，淡淡腐乳的鹹香與羊架的厚身肉質🐑鮮嫩相得益彰，再配上脆口薯條，幾特別👍🏻🔸鰻魚蛋包飯 $125😱霸氣鰻魚🐟成條10吋長橫跨整個蛋包飯，香甜惹味鰻魚汁，配埋滑嫩旋風蛋，份量超足不得了😍🔸棉花糖朱古力 $42寒冷的日子❄️當然要配上暖入心的熱朱古力！夢幻香濃朱古力，配上鬆軟棉花糖，絕對係熱朱天花板🤭🥰🔸抹茶鮮奶 $42抹茶的微苦與鮮奶的香甜完美結合，獨特口感滿足味蕾🥰

🐝去MegaBox買完野行去隔離棟大廈搵食🐝天然蜂巢咖啡：好喜歡呢個，上枱係牛奶，蜂蜜同埋咖啡，可以按個人喜好加入唔同份量嘅咖啡同蜂蜜我夜晚去食，驚太多咖啡因會瞓唔着，所以就加咗少少咖啡同埋多多蜂蜜。🐝提拉米蘇咖啡：靚靚，成份甜品咁，用飲管吸會咖啡味濃啲，用匙羹就會似食Tiramisu甜品多啲，可按個人喜好食用。🐝酥炸單骨雞翼:上枱熱辣辣，炸得好香脆，雖然係單骨，但隻隻都幾多肉。🐝美國西冷牛扒: 叫左五成熟，份量都幾大，而且有不少薯條同埋沙律。🐝鰻魚蛋包飯：西式的蛋包飯，唔會有半生熟的蛋，鰻魚都幾大條，味道不過不失。

Coti the Bistro．九龍灣出色情調CAFE位於九龍灣嘅 Coti the Bistro，真係朋友情人食飯的好地點，服務好，食物會變，好有驚喜！餐廳位於九龍灣常悅道 9 號企業廣場，一入去，就覺得燈光好溫柔，裝修又好新淨，成個環境好靜，好有浪漫嘅情調，好適合約會或者同朋友聚會。講到佢哋嘅飲品，真係好有特色。首推奶醬咖啡！一入口，咖啡嘅香濃同埋奶醬嘅香甜完美融合，好特別嘅口感，成個味道好有層次，飲落去好滿足。我朋友選了「提拉米蘇咖啡」，香濃細膩將提拉米蘇嘅甜膩同咖啡嘅醇厚結合每一口都好似將甜品同咖啡一齊享受，好正！小食方面，炸魚手指薯條必試！炸魚炸得金黃酥脆，咬落去 “卡滋” 一聲，裡面嘅魚肉好嫩滑，薯條又夠曬香脆，一啲都唔油膩，搭配一啲番茄醬，簡直一流。主菜更係唔會令人失望。雞扒蛋包飯，一上檯已經好吸引。兩件雞扒好香脆，咬落去肉汁都鎖住，好 juicy。個蛋包旋風得好靚，金黃色嘅蛋皮包裹住粒粒分明嘅飯，一叉落去，好有滿足感。另外，烤美國豬鞍芥茉汁配薯條都好正。豬鞍肉烤得好香，肉質好嫩，搭配上獨特嘅芥茉汁，將豬肉嘅鮮味完全帶出嚟，味道真係好出色。旁邊嘅薯條都唔馬虎，粗粗嘅薯條，

公司附近有一間好高質既coffee shop + café【Coti the Bistro】，係九龍灣返左幾年工都去過幾次食，而menu都會定期更換。Lunch hour人流非常多，經常性要等位、但晚飯時間就會鬆動好多，建議夜晚黎。烤美國西冷10安士配燒汁配薯條：牛扒都算好大一塊，無咩筋肉質都算霖、牛味濃，燒汁唔會搶曬牛味。薯條炸得好香脆。明太子三文魚籽貓耳朵粉：貓耳朵粉好有咬口，加上明太子cream都幾惹味。三文魚籽鹹香、帶子鮮甜。雞扒藜麥沙律：沙律菜好新鮮同分量都好多、加上微酸芝麻醬好開胃。另外有溫泉蛋好creamy，雞扒外皮煎得好香脆。玫瑰鮮奶咖啡（熱）：鮮奶咖啡好香唔會好苦、玫瑰味都幾香。鮮忌廉朱古力（熱）：可能叫左少甜，所以有少少淡，但真係但一D都唔甜，上面鮮忌廉有少少椰子味、好creamy。

呢間餐廳見網上好多人推薦話好好食，今次放假加特登約左朋友同自己去試下先，入去係比較悠閒，服務態度係超好，d野食都幾好食，又好食打卡又靚📸🌟腐乳蒙古羊鞍配薯條有2隻超大隻雞羊鞍，眼見就已經好juicy，食落去係好想口，d肉係好緊實淡淡既腐乳味，鹹香鹹香，超好食，d薯條係粗薯條🍟但係炸到好脆，好香🌟鰻魚蛋包飯上面係一整條既鰻魚，中間係好滑既蛋，d鰻魚既肉好肥美，啖啖鰻魚肉真係好滿足🌟酥炸單骨雞翼呢個係炸到好酥脆，入面既雞肉又唔會整到好老，一啖落去出面係好香脆，入面係好juicy😋d肉好嫩🌟棉花糖朱古力一啖落去係好重既朱古力味🍫仲有淡淡既棉花糖味，上面仲有少少既奶蓋，奶香奶香🌟鮮忌廉朱古力個顏值係超高，上面既忌廉係好滑，完全唔會好甜🍹下面仲有好濃既朱古力，撈咪一齊飲係好絲滑

呢間餐廳啲咖啡絕對係被低估！點解之前九龍灣返工唔早啲識到你！除左基本款嘅咖啡同茶呢度啲signature coffee居然有成12款！好多款想試都未試到下次再同fd去！提拉米蘇咖啡！不可不點嘅一款完全係一杯飲得嘅tiramisu上層係tiramisu 加可可粉下層係咖啡兩者一齊飲個陣真係超正超夾暫時係飲過最正嘅咖啡朋友本身想點杯奶醬啡，但呢款得熱飲，所以臨時轉做有汽檸檬咖啡$42（凍）有汽檸檬水同espresso係分開上自己將espresso 倒落去望住透明杯入面慢慢由清變黑好療癒腐乳蒙古羊鞍配薯條$178羊鞍有兩件多汁肉質岩岩好羊騷味唔會過重大家好易接受明太子三文魚籽貓耳朵粉$108汁醬creamy 貓耳朵粉食落煙韌有嚼頭份量對男仔黎講都飽肚煙三文魚藜麥沙律$86煙三文魚好大塊同埋都幾多塊沙律菜有幾款而家望落好新鮮配埋藜麥呢碟沙律啲顏色好fresh好吸引

是晚同朋友黎COTI食餐飯，年近歲晚，食中餐嘅人較多，西餐廳相對易搵位😆店員好快安排入座，送上水同餐牌，睇下食咩好先。⭐洋蔥圈配他他汁洋葱圈係朋友至愛，即刻點左一客。新鮮炸起又香又脆，炸皮入面的洋蔥好甜呀，正😋⭐腐乳蒙古羊鞍主菜點了羊鞍，厚身大大件，羊肉甘香唔酥，醬汁鹹鮮又真係有腐乳味喎，好味又創新，仲有新炸起的薯條，份量十足好飽肚。⭐明太子三文魚子貓耳朵粉上枱時有驚喜，餐牌無寫有帶子㗎，感覺抵左😆貓耳朵粉有咬口，明太子醬汁鹹魚，好食👍⭐鮮奶咖啡朋友點了凍latte，啡味好香啊～⭐棉花糖朱古力自己就點左朱古力，冬天特別想飲熱朱😆又香又甜暖笠笠，正。餐廳濶落好坐，係傾偈的好地方。

呢間餐廳次次行過都好多見人排, 咁岩朋友話想食西餐, 決定去試下我地叫左烤美國豬鞍芥茉汁配薯條 + 芝士磨菇意大利飯 + 酥炸單骨雞翼個豬扒好大塊, 肉質鬆化而多汁，味道濃郁另外, 佢D薯條係新鮮炸出黎, 所以好脆 (加分加分)單骨雞翼個份量都好多, 餐牌上仲寫左特別推介, 果然冇令人失望, 非常脆口, 來到又熱辣辣芝士蘑菇意大利飯risotto咬落煙韌，充滿芝士既油香, 口感非常軟滑飲品揀左茉莉茶和蜜桃茶, 可以順便去一去油膩

呢間小店真係估佢唔到幾好食！原本淨係抱住試吓嘅心態去，點知竟然有驚喜！首先，腐乳蒙古羊鞍🇲🇳🐏$178，羊鞍肉質鮮嫩，完全唔韌，個腐乳汁好香濃，鹹甜適中，完全蓋過咗羊嘅羶味，配埋啲配菜一齊食，簡直係完美！呢個價錢食到咁高質嘅羊鞍，真係抵到爛！雞扒蛋包飯$108都好食！雞扒炸得金黃香脆，肉質juicy，蛋包滑溜，飯粒粒分明，醬汁夠味！小食酥炸單骨雞翼$78，外脆內嫩，調味啱啱好。飲品方面，天然蜂巢咖啡$48幾特別，咖啡味濃郁，帶少少蜜糖嘅甜味，好香！熱檸茶$36就係普通嘅熱檸茶，不過茶味幾濃，夠晒正宗！呢間小店嘅食物質素唔錯，價錢合理，份量十足，環境乾淨企理！