Coti the Bistro (企業廣場)

营业中

休息中

又同同事過黎食飯啦,今之兩個人,我同事唔想食咁多肉,所以叫左烤菇青醬意粉呢個青醬真係不得了,味道超級濃,D甜羅勒味好足料,食落去仲有淡淡油香如果可以加一小塊的香煎雞排,有菜有肉就更正另一個我地叫左黃金蟹肉意粉,拆肉蟹 配上白汁 ,配上蘿蔔 ,仲有一塊大大黃金醬,呢個醬味道有點膩 味道是好 哈哈 我食了一半就放棄了如果你係邪惡鹹蛋既粉絲 你應該很愛吧今日餐湯係南瓜湯,南瓜味道濃,混合忌廉,如果可以REFILL就好了 ,

喺MegaBox睇完傢俬舖 發現新蒲崗人龍餐廳Coti喺企業廣場有分店 週日晚上冇咗上班族群 免攞籌就可以坐低食飯歎特調咖啡🥰-🥣#羅宋湯🥗#蟹肉沙律隨主食奉送是曰餐湯或沙律 羅宋湯夠熱 沙律加入青蘋果切片 味道清新-🍖#法式燉煮羊膝 $138羊膝大隻連意粉上都幾抵食 紅酒蕃茄醬汁微酸開胃 羊膝肉全熟肉質依然軟腍 再蘸啲酸忌廉一齊食 食唔到羊肉羶味👍-🍝#烤大菇青醬闊條麵 $76如果改用較大隻嘅portobello再加啲松子仁同炒蒜片 口感會更強 闊條麵比較掛汁 青醬可以再落多啲🙃 -☕️#紅豆鮮奶咖啡 $48新蒲崗店嘅tiramisu latte令我留下好感 朋友鍾意嗜甜 紅豆latte啱晒佢 紅豆粒起沙 味道甜美有口感 鮮奶咖啡香滑 飯後嚟一杯 係一種享受-🍯#咖啡果皮茶配蜜糖 $52咖啡味甘醇帶淡果皮味同芳香 少冰走蜜糖飲嘅話 味道更有個性 -📍#Coti the Bistro九龍灣企業廣場1期1樓4號舖

放工同同事想食個dinner先歸家, 唔想去咁遠，係附近搵咗呢間靜靜地望落幾舒服嘅西餐廳食。入去唔洗等，我哋兩女仔個即刻攝去Car位，環境舒適，枱上有好貼心嘅口罩咭供應。叫咗個脆脆軟殼蟹漢堡飽，都幾有特色，唔會好油膩，亦唔會好滯口，薯條非常新鮮，夠粗好食，一個女仔咁嘅main course份量剛剛好！亦叫咗個燒南瓜吞拿魚沙律，材料充足，岩晒夜晚唔想食得太飽嘅我哋！杯棉花糖朱古力有點驚喜，上面嘅棉花糖加cream嘅造型非常可愛，喜歡佢嘅朱古力味夠濃，加上少少苦澀嘅味，非常ok!是日沙律都非常新鮮磨菇湯夠濃玫瑰鮮奶咖啡造型優美，香濃！值得支持再去試其他嘢！

春分已過，但天氣仲係又凍又熱。今日著長袖出街，一落樓下個風大到呢，冇帶外套仲驚好凍，點知出去巿區又熱到暈…… 去九龍灣就梗係行megabox啦，雖然疫情又上又落，但絕對影響唔到香港人出街既決心! 話說megabox有高達展，又點會少得啲家長帶埋小朋友出黎放下電~ 雖然megabox幾好行，但講到食野又好似冇乜好食咁，如果有好介紹，可以留言話我知架~ 平時除左因為想去megabox，通常都係附近啲廣場同大廈有outlet/速銷先黎九龍灣~之前有朋友係呢頭返工，話佢lunch有時都會食下，如果唔係真係唔知呢道有間西餐~ 餐牌一眼睇哂，見到有羊，即叫個法式燉煮羊膝。有餐湯跟，叫左雜菜湯，雜菜幾多。法式燉煮羊膝，跟意粉。羊膝幾淋，一切就骨肉分離。仲有啲薯蓉同兩舊紅蘿蔔。crab夠多，夠哂飽肚，男仔叫都唔怕唔夠。最後加杯flat white作完結。

頗有水準的港式西餐，無論係環境、價錢、食物質素都一流。我哋試左一份法式羊膝同蟹肉窩夫，兩樣野都係包餐湯（羅宋湯）或沙律。羊肉一啲都唔重羊味，肉好大件，食完都幾飽。 窩夫係牛角包但用窩夫機整熱，配蟹肉牛油果好有夾，仲有沙律添！另外我哋都叫左兩杯野飲，凍朱古力及凍matcha, 朱古力偏甜，matcha 偏淡，但整體不錯，有咖啡店質素。呢間其實cp 但唔錯，平均每人$150-$170 就會有前菜、主菜及飲品，但份量，味道都對得住價錢。 推介！

晚餐時間約咗朋友喺九龍灣食飯，去咗平時唔會去嘅商業區，朋友帶路，去咗呢間西餐廳，餐廳主打係佢哋嘅𝐶𝑜𝑓𝑓𝑒𝑒 ☕️，選擇好多，仲有餐廳精選口味，好多款都想試。我哋心大心細，叫咗野食先，款式都唔少，我地order咗2個𝐷𝑖𝑛𝑛𝑒𝑟 𝑆𝑒𝑡. 𝐷𝑖𝑛𝑛𝑒𝑟 𝑆𝑒𝑡附送餐湯或沙律。蟹肉藜麥沙律 - 細細份，材料新鮮，開胃之選餐湯 - 牛肉雜菜湯，牛味濃，雖然細細碗，但有好多牛肉係入面。黃金蟹肉闊條麵 - 好香鹹蛋味，鹹蛋配上蟹肉，幾好嘅配搭😋牛油果軟殼蟹漢堡配蜜糖薯條 - 牛油果🥑好新鮮，軟殼蟹炸得剛好，唔會太油！我最期待嘅𝐶𝑜𝑓𝑓𝑒𝑒 𝑇𝑖𝑚𝑒 ☕️黑白朱古力咖啡 - 好有層次感，有黑朱古力的苦澀味道，又有白朱古力的甜，再加上咖啡，唔錯嘅組合，呢個係限時，值得一試！伯爵茶 - 茶夠濃，refill 2次都仲夠味餐廳環境幾好，坐得舒服，晚餐時間，唔多人，可以靜靜地傾下偈，唔錯嘅選擇。

這天到這區逛街，並想找個寧靜的地方吃飯，所以我們便多走幾步，來到這裡！餐廳座位設計比較寬躺，而且當日人流不算多，所以我覺得環境很舒服，很適合聚會。湯是番茄湯，番茄味道非常濃郁，我非常喜歡！而且，湯裡頭有一些脆片，口感配搭出色！原條鰻魚漢堡配蕃薯條的視覺效果很吸引。我覺得鰻魚肉質很結實，是我喜歡的質地。另外，它亦完全沒有泥味，與香濃的醬汁、細滑的雞蛋，再配上芝士，整體配搭得宜。這是果乾菊花紅茶。我覺得紅茶味道不明顯，主要是菊花的味道比較明顯。這個菊花紅茶不會苦澀，甜味亦適當，所以我覺得它是一個健康又美味的選擇！

行完Mega Box！鍾意黎呢度搵食😛！坐得舒服！每人揀個主菜！包埋沙律或者餐湯🥣！是日餐湯係🍅湯！味道酸酸甜甜好開胃🤪！原條鰻魚漢堡配蕃薯條～🤩超大條鰻魚！烘熱咗嘅Burger好軟熟！外脆內軟！配上蕃薯條！真係🍠不簡單😋！法式燉羊膝～一大支羊膝！炆得好淋易入口！醬汁好惹味！羊膝一d都唔穌🤪！真係大大大件！食完已經飽咗一半🤣！玫瑰🌹普洱冷泡茶～落咗🌹糖漿！飲起上嚟🌹味都算濃！

同朋友行完 Mega Box , 差唔多七點鐘，順便係周圍發掘吓有冇好野食😊！見到對面企業廣場一樓有間(Coti the Bistro) 環境不錯，所以就試一試！牛油果軟殼蟹漢堡配蜜糖薯條 ＄98原隻即炸軟殼蟹🦀，熱辣辣，口感非常鬆化，內裡還夾有蕃茄、生菜和牛油果，整體味道幾清新，加上牛油果熟透軟綿綿與脆卜卜的軟殼蟹一起吃，絕配👍🏻👍🏻👍🏻！慢煮烤雞配西班牙甜椒蕃茄 ＄115雞件🐔先慢煮後，再烤至脆皮，所以肉質細膩嫩滑，加上西班牙甜椒，令番茄醬汁味道更香醇濃郁😋😋😋！跟餐附送餐湯🫕／沙律🥗棉花糖泡泡咖啡／黑白朱古力咖啡 ＄48咖啡☕️口感厚滑，晤苦澀，賣相亦一流👍🏻！

今日要去九龍灣工業區整啲嘢，跟住見到OpenRice 好似幾多人推介呢間coti, 於是就膽粗粗去試吓。可能因為六點太早，冇乜人，有時清清淨淨都幾好👍🏻👍🏻叫咗兩個set，都跟湯同沙律，湯係忌廉蘑菇湯，都幾香濃，食到少少蘑菇蓉，沙律就正正常常冇乜特別。黃金蟹肉闊條麵 $92嚟到見到個樣幾靚，不過兩條蟹柳扣咗啲分，如果多啲蟹肉會好啲。個汁唔錯，白汁撈埋鹹蛋黃勁香，咁配搭都幾特別❤️牛油果軟殼蟹漢堡配蜜糖薯條 $108個包甜甜地，如果熱啲會好食啲。另外佢係成隻軟殼蟹上，所以幾足料，如果牛油果多啲會更好！而薯條炸得夠熱，加上蜜糖感覺幾新鮮😋Tiramisu Coffee $48外貌真係冇得頂👍🏻上面嗰層係Tiramisu ，啲cream好香濃、好滑同好甜，然後食幾啖之後就將啲cream同咖啡攪勻，令成杯咖啡都甜甜地，飲落去好似真係食緊tiramisu咁😍Marshmallow chocolate $42呢杯就冇咖啡咁特別，都係普通朱古力加2粒棉花糖，不過上面嘅拉花有加分，個樣靚靚哋可以用來打下卡😂整體來講呢個質素都可以叫抵食，如果經過可以一試😉

好耐冇同媽咪食晚餐～放咗工近近地去呢間coti ，夜晚嚟講都幾多人喎🤨🔥牛油果軟殼蟹漢堡配蜜糖薯條 hkd 108 🤜🏿晚市套餐包沙律同餐湯，野飲要另叫～沙律好有誠意，入面真係有蟹肉係到！佢個漢堡入面個牛油果係分開放的，不過軟殼蟹都好大隻，個包烘到好脆，食完會超飽！至於薯條，加咗蜜糖😍不自覺會食晒🤣🔥黃金蟹肉闊條麵 hkd 92🤜🏿上面仲會有鹹蛋黃喺度！勁正🤩同埋會有兩大條蟹肉棒～即刻諗起韓國gs25個啲🤣撈勻啲醬汁咁食真係好正！嘢飲叫咗杯抹茶拿鐵同玫瑰紅豆咖啡～我媽飲完杯咖啡讚到佢天上有地下無😂抹茶拿鐵有茶嘅甘香，好飲😊

黃金蟹肉意粉 $92 （套餐）賣相相當吸引，呃like之選鹹蛋黃與蟹肉嘅搭配出奇地夾相輔相成鹹蛋提升咗蟹肉的鮮味蟹肉同時平衡咗鹹蛋嘅油膩感整體感覺濃厚而不膩另外還有兩大條激粗蟹柳好加分燉牛肋骨飯 $92（套餐）用刀可以輕易切開入口牛的味道很濃郁肉汁豐富口感同時嚼勁十足沒有因為久燉而變的很軟爛個人最愛筋膜交接處的肉肉味更濃，再帶有一點牛脂肪的香氣配搭白飯一流Tiramisu Coffee $48牛奶同咖啡比例剛剛好中間一層厚厚的cream 增加了咖啡的口感附加的餅乾酥脆鬆軟淡淡的甜為咖啡畫龍點睛焦糖布丁咖啡 $42表面覆蓋一層香脆的焦糖然後是一層香濃的布丁層次感豐富沙律 （跟餐）很清新清爽胡麻醬香濃而且個兜有雪過有心之作

之前食過一次好好味，鍾意佢環境舒服，lunch 價錢相宜，去完mega box 買野黎食就最就腳。✨餐湯羅宋湯幾好飲，好足料，蕃茄味唔會太酸。✨手撕蟹肉牛油果他他： 個牛油果夠晒熟好香好軟腍，蟹肉鮮甜，加埋面頭少少辣椒粒辣辣地好過癮。個waffle 最有驚喜，係酥皮既質地，鬆脆得黎個心又帶點煙韌，加上面頭既蜜糖真係好好食。沙律有好少見既西柚，鍾意佢唔會太酸又帶點甜。✨每次必點都係呢個tiramisu 咖啡， 面頭既忌廉好creamy, 加上可可粉攪混黎飲好香甜，好似咖啡雪糕既感覺。✨法式燉羊膝：個羊膝都幾多肉，腍到好容易就骨肉分離。肉質真係好腍滑，又唔會太羶。個蕃茄醬汁好好味，帶少少辣，用黎點薯蓉唔錯。意粉夠乾爽，煙韌度啱啱好。

完全冇諗過企業廣場會有如此高質量西餐廳九龍灣行完街真心可以黎試試黃金蟹肉意粉黃金指的係鹹蛋黃好新奇有趣的搭配但卻撞出了好味道芝士+鹹蛋聽起來會好油膩但店家份量控制得很好蟹肉雖然份量不算特別多但做到了點睛的作用上碟時後埋蟹蓋很適合打卡視覺感十足佳作提拉米蘇咖啡同樣係比較少見到的選項咖啡與可可的苦苦澀互相融合得很好中間的奶油也豐富了咖啡本身的body 苦澀的咖啡也起到了解膩的作用味道很不錯唯一缺點係碎冰太多喝的時候不斷走入口中

放工約左男朋友去IKEA買野🤪但係成日係Mega Box食野已經有D厭,見到附近企業廣場有間幾令既西餐,所以就決定行過去試下!!食物方面:👩🏻‍🍳叫左2個Dinner Set,跟蟹肉藜麥沙律同羅宋湯⚪️燉牛肋骨飯牛肋骨燉到好淋好入味,份量都幾多配飯好好味😛⚪️牛油果軟殼蟹漢堡配蜜糖薯條漢堡都幾大個,軟殼蟹熱辣辣好脆😍配上好熟既牛油果好滑,仲有薯條伴碟,正!⚪️凍抺茶鮮奶抺茶味好濃郁,溝鮮奶好香好味,唔會太甜👍🏻仲保留到抺茶既苦澀味但又唔好苦,唔錯!⚪️凍忌廉朱古力超級滑,加左忌廉好似飲緊朱古力奶昔咁,唔會太甜,好濃朱古力味岩埋我哩個朱古力迷🥳整體方面:餐廳係Mega Box旁邊好易搵,上一層電梯就見到,座位都幾多,唔迫座得好舒服,食物好新鮮而且味道都好好😋重點係晚餐最平先係HKD80,好抵食,不過就唔包飲品,要另外叫,但整體都好滿意!