Coti the Bistro (企業廣場)

营业中

休息中

同朋友行完MegaBox去咗附近嘅企業廣場食晚飯☺️，估唔到呢個商場仔都有間靚靚地嘅Cafe，餐廳風格偏向簡約木系風🪵最鍾意係環境舒適，全部座位都係用上梳化位🛋️同朋友慢慢食飯吹水又多個好選擇！/晚餐時段所以叫咗兩份Dinner Set，都包含咗一份蟹肉藜麥沙律🥗同一份自家特選餐湯！今次嘅餐湯就係羅宋湯🍅酸酸哋都幾開胃～/◽️主菜《🐮燉牛肋骨飯》$ 92牛肋條份量相當多一啲都唔好孤寒👀，醬汁甜甜哋似日式燒汁，最重要係煮得好腍非常容易切開，而且燉得非常入味！米飯都用上日本珍珠米偏有咬口，好滿意👅～/《🥑牛油果軟殼蟹漢堡配蜜糖薯條》$ 108漢堡軟熟輕輕烤過有牛油香擦上沙律醬，原隻軟殼蟹炸得非常脆身，牛油果亦都熟透加上新鮮蕃茄同生菜🥬，一啲都唔覺油膩，薯條加上蜜糖好惹味！/◽️飲品《☕️提拉米蘇咖啡》凍 $48賣相真係好靚，唔知仲以為叫咗甜品🤣！飲品分別有三層，最頂層佈滿薄薄的咖啡粉，中間用上軟滑細緻的忌廉，而最底下是手沖咖啡☕️，飲落味道相當有層次，對於怕飲太苦嘅咖啡嘅我非常容易接受到，味道亦都唔會太甜，亦保留到咖啡香👍🏻/《🍯咖啡果皮茶配蜜糖》凍 $52點諗到果皮同咖啡可以有連繫🙀！味道方面亦唔會

lunch hour always 見到“沒完沒了”的排隊，呢間野開左一年幾但就已經得到大家既心今日我地就一於試試佢啦我今次食既係牛肋骨飯D source甜甜地 係日式既味道牛肋骨飯不過$88有點貴,但公道D講 佢係有D質素既牛肋骨加埋一要96.5反而我想講講既係 佢既餐湯係幾有水準既羅宋湯好好味

去左megabox 行街，行到攰想搵地方坐下食下野。但周圍都多人，又唔太岩食。上網睇吓，俾我搵到呢間餐廳😋價錢又唔貴，見幾正咁。位置就係megabox附近，一於揀呢間啦！🥳仲有優惠！一去到，環境幾靚，夠哂舒適闊落！Set dinner 都好吸引。前菜沙律🥗一啲都唔求其。有啲蟹肉係面，仲有好清新橙肉，食落好開胃😋配上一碗濃味既羅宋湯🍲飲落好香又有少少既辣味，好惹味！主菜揀左：黃金蟹肉闊條🍝賣相好靚呀！滿滿既蟹肉同鹹蛋黃舖滿左係面。將蟹肉同蛋黃撈匀，食落每一啖都有鹹香鮮味既味道，闊條麵好creamy 香滑😋牛油果軟殼蟹漢堡配蜜糖薯條🍟平時食漢堡都好少揀軟殻蟹漢堡，總覺得漢堡係要食牛肉先好味。但見到呢個仲配埋牛油果🥑，好少有一於試下！軟殻蟹炸到好脆身🦀熱辣辣，連埋牛油果一啖食，可以解一解油膩，好清新既口感。唔錯👍🏻飲品都好特別，叫左杯棉花糖朱古力🍫賣相好靚，朱古力夠哂濃郁！加埋啲棉花糖同cream，夠哂sweet呀！冷壓蘋果汁🍹鐘意飲蘋果汁既就要試下喇！飲落好 fresh 既感覺，好香既蘋果甜味，好解渴👍🏻

響九龍灣返左年幾工，今次係我第二次到訪。第一次係同事介紹，力推呢度餐飲latte 唔使加錢😅同埋呢度嘅燉牛肋骨飯。今日同另一fd 食飯我提議再嚟呢度。雖然我一早到咗，不過都要等人齊先入坐。個menu大致上都同之前差唔多（如果我冇記錯）😀我地兩個人agree左叫一個意粉同一個burger share (有伴食飯嘅好處）🙃#原條鰻魚burger響其他cafe 都有見過用原條鰻魚造做嘅菜式，今次都係第一次試，配埋嫩滑炒旦+芝士同蕃茄，重有甜薯條，估唔到都ok! (好彩佢唔係用芝麻包（個人口味唔喜歡芝麻包做burger)🤣不過點講都好始終覺得鰻魚係應該配飯夾d。#油漬蕃茄未來牛肉闊條麵講真我係因為油漬蕃茄而叫，其實只要個意粉煮得好，有咬口，唔好過火，求其加啲醬撈下佢或者甚至只係蒜片橄欖油加d黑椒，已經可以好好味😋可惜今次個闊條麵就差少少啦，對我來講太過淋身，油漬蕃茄未免太少，未來牛肉感覺健康，仲提升左成個意粉嘅價錢添😅😂Lunch set有餐湯或者沙律仲有咖啡或茶（仲要唔使另外加錢就有得飲拉花鮮奶咖啡）質素又唔錯，簡直物超所值！

二月有次響九龍灣行去mega box，途經呢個廣場，響openrice見到想試吓，點知上到去無開，摸門釘。今次星期六下午又係去mega box，唔想成日食大商場連鎖嘢，今次打去問，有開了，不過話得假日餐牌。嗌咗個牛油果軟殼蟹漢堡，上網見好多人食個黃金蟹肉意粉，但餐牌又無，一場黎到好想試，問店員佢話可以加錢做俾我地。先來一碗餐湯，係羅宋湯，夠濃郁。之後就到友人期待的黃金蟹肉意粉，同想像中有啲出入，蟹肉得少少，咸蛋黃味好重，忌廉汁濃郁，不過不失。牛油果同軟殼蟹我都好鐘意食，牛油果軟身夠熟，但個軟殼蟹有陣腥味，有啲啲失望。薯條香脆，漢堡個醬都好味。唔記得咗幾錢，大概每人100，無叫飲品，見佢啲咖啡都幾吸引。食完落電梯見到地鐵慳$2機，嘟埋。

今日喺附近做嘢，嚟咗呢間cafe試吓我哋嗌左兩個餐，分別係黃金蟹肉意粉同埋慢煮雞胸沙律我地加左個南瓜湯，中規中矩，想飲下湯嘅人都可以加講吓黃金蟹肉意粉，意粉煮得啱啱好，而且蟹肉份量好足，仲有鹹蛋黃，雖然係用白汁煮，但係食落啱啱好唔會膩慢煮雞胸沙律呢個好surprise, 雞胸一d都唔’鞋’，個source都好特別，係無花果醬，估唔又幾夾。沙律菜都好新鮮，好推介呢個👍🏻野飲叫左peach tea 同rose tea，rose tea 又真係有幾塊花瓣👍🏻😹

今日係九龍灣見客，見客前想揾個地方舒服坐下食個靚飯，個客咁岩係企業廣場返開工，介紹我去佢樓下既一間餐廳Coti Bistro，佢話個lunch抵食又好味，於是我就去試下啦！因為疫情關係，好多人wfh，所以今日Lunch time都唔係話好多人排隊，我等左幾分鐘都入到去。入面環境舒服，有cafe既感覺，好適合黎放鬆。Lunch menu好吸引，有黃金蟹忌廉闊條意粉，仲送沙律，只係89左右（未加一），我再加左杯暖既Matcha Latte～只係加12！食物賣相非常吸引，好有誠意，意粉幾有咬口，蟹膏味好出，忌廉調味都幾好，朋友果然無介紹錯。睇下啲蟹膏 勁足料！沙律都好驚喜，竟然有原隻柚肉！好足料。matcha latte勁濃，落足抺茶粉，飲完都仲有好多濃抺茶，超正滿足的一餐，下次黎九龍灣做野都要黎食！

呢日我同老公都係 WFH，但下午要落 site，所以趁住中午同佢响屋企附近這間餐廳食飯。來到都算人多，排咗一陣隊至入到餐廳。無諗過對住郵局都有一間咁有情調的半開放式餐廳，同老公一齊食個飯霎時覺得浪漫咗。我們點好菜式後，先來個南瓜湯，南瓜味道突出，帶點香滑。燉牛肋骨飯牛肋骨的肉質相當腍，好容易切開，加埋肉汁十分 juicy，用來餸飯格外開胃。黃金蟹肉闊條麵第一次食加入咸蛋黃醬的闊條麵，覺得好特別，無諗過跟清新的蟹肉可以咁夾。而闊條麵索咗不少的白汁，加埋一齊完全唔覺得膩，下次再來可以 encore。最後，老公除了點了杯凍蜜桃茶，還貼心的替我安排了熱抹茶鮮奶。蜜桃茶甜甜地透心涼，而我 favourite 的抹茶鮮奶好香滑，抹茶和鮮奶兩種味道平衡得到。

今日Lunch time到左九龍灣附近的一間西餐廳食。是日餐湯羅宋湯餐飲：提拉米蘇咖啡-好香好濃加埋提拉米蘇個口感好厚滑😋慢煮西班牙烤雞甜椒蕃茄-份量有半隻烤雞外脆多汁肉質鮮嫩份量有多再配左番薯條，我鐘意食番薯薯條因為甜甜地比較特別。焦糖布丁咖啡-飲落第一啖充滿咗布丁味道，以為入邊真係會有布丁🍮，原來係因為鋪面的焦糖味道。好傻呀🤣🤣我以為真係會有一粒布丁係入面。燉牛肋骨飯-醬汁味道有啲似韓式牛肋骨飯甜甜鹹鹹的十分開胃，蘿蔔亦都另外煮過味道有啲似關東煮的蘿蔔很入味，牛肋骨嘅肉煮得十分林入味👍

可一要可再，食過返尋味🤤！農曆新年假期前同朋友食餐好就梗係要啦！上次喺新蒲崗食完，今次就揀埋另一間分鋪，位於九龍灣企業廣場嗰邊食返個晏晝，𝕓𝕠𝕠𝕜咗𝟙𝟚:𝟙𝟝，去到已經𝕗𝕦𝕝𝕝 𝕙𝕠𝕦𝕤𝕖，不過餐廳好快回枱，等咗一陣就安排咗坐卡位，餐廳格局比較商業化，坐位一字排開，共𝟜排，空間比較親密，座無虛席，可能始終係𝕝𝕦𝕟𝕔𝕙 𝕥𝕚𝕞𝕖!今次食咗另外𝟚款套餐(已包括餐湯或沙律、 主菜和飲品)，無論食材、賣相，什至味道，都仍然帶俾食客驚喜同滿足😋，飲品種類選擇多，既有特色，味道更加出色！朋友未食飽已經諗定下次同其他老友記嚟食咩飲咩好啦！真心值得向大家推介👍🏽

中午同老公去開九龍灣shopping，去到午飯時間都要搵地方食嘢，Openrice 搵到呢間Coti the Bistro，咁啱係附近好就腳，而且都有唔少人食緊，就一於試試。午餐有好多唔同選擇，我哋鍾意食漢堡包，所以試吓呢個鰻魚漢堡，同埋試吓佢燉牛肋骨飯。鰻魚漢堡一上碟，好澎湃！全條鰻魚好足料，鰻魚漢堡我真係第一次見，好有特色！賣相好靚，而且餐薯條香甜香脆。燉牛肋骨，肉燉得好林，好入味。連啲蔬菜都係同啲牛肋骨一齊燉嘅，成個口味好鮮甜👍飲品方面我哋點左熱朱古力，分別棉花糖朱古力同忌廉朱古力，好香好滑。

農曆假期前夕與朋友到Coti the Bistro吃午餐， 位於九龍灣企業廣場1期1樓， 下午差不多兩點， 成場坐滿客人。 餐廳環境舒適， 今次叫了兩款套餐， 已包括餐湯或沙律、 主菜和飲品， 午餐有黃金蟹肉闊條麵$86、 慢煮烤雞西班牙甜椒蕃茄$115、 黑白朱古力咖啡$48、 咖啡果皮茶杯蜜糖$12（ 跟餐價）。沙律～ 沙律菜新鮮， 配上甜甜酸酸的沙律醬。餐湯～ 餐湯有淡淡的南瓜香味， 熱辣辣夠暖胃。慢煮烤雞西班牙甜椒蕃茄～慢烤做到雞肉多汁柔嫩，雞髀部位細膩嫩滑， 加上甜甜酸酸的甜椒蕃茄醬， 與雞肉融合得很好。黃金蟹肉闊條麵～ 有鹹香味的蛋黃醬， 加上鮮甜的蟹肉，整個口感濃厚而不膩，味道剛好。黑白朱古力咖啡～ 朱古力味濃郁， 反而咖啡味淡一點。咖啡果皮茶杯蜜糖～甜感高，且具有濃郁的水果味， 添加適量的蜜糖，味道更加唔錯。朋友與我都覺得Coti the Bistro唔錯， 食物質素好， 幾喜歡這裏的咖啡。

餐前南瓜湯入口creamy, 有少量南瓜蓉黃金蟹肉闊條麵 $86咸蛋黃、紅蘿蔔絲、蟹肉，creamy的白汁，比例岩岩好，闊條麵比普通意粉有咬口👍🏻原條鰻魚漢堡配蕃薯條 $82原條鰻魚好吸晴，無骨加分炒蛋超嫩滑配埋甜甜的醬汁、香脆鬆軟的麵包🥯好味😋提拉米蘇咖啡(凍) $48賣相好吸引，激似甜品一層薄薄咖啡粉下面係厚厚的cream，食到停唔到口整杯咖啡軟滑細緻，超推介咖啡果皮茶配蜜糖(凍) $52樽裝果皮茶，蜜糖另上可以自己調配甜度入口有清香果皮味，加埋蜜糖潤一潤解渴消脂整體而言，各樣食物、飲品質素不錯，值得一試餐牌上有好多選擇，下次可以再試

同男朋友去MegaBox諗住行宜家傢俬，去到嗰度又唔知食乜好，喺OpenRice搵就搵到呢間餐廳😇😇諗住是是但但入去食下😛😛點知就10分有驚喜！🙆🏻‍♀️🙆🏻‍♀️入到去好彩唔係最多人食飯嘅時候😝所以就即刻有位，喺呢啲商業區來講有間可以坐低靚靚囝囝嘅餐廳都幾少有！👍🏻👍🏻今次同男朋友叫咗兩個lunch set，有齊前菜嘢飲，價錢合理！👍🏻👍🏻前菜可以選擇湯或者沙律！🙆🏻‍♀️🙆🏻‍♀️慢煮烤雞配西班牙番茄呢隻雞整得10分滑，唔會煮過龍，切落食落都勁有肉汁！👍🏻👍🏻👍🏻黃金蟹肉闊條麵呢個闊條麵唔會煮得太林，蟹肉份量合理，仲要有好多蛋黃！🥰🥰😍😍😍鍾意食蛋黃嘅朋友千祈唔好以錯過🙆🏻‍♀️🙆🏻‍♀️🙆🏻‍♀️奶醬啡呢杯咖啡入面加咗花生醬，飲落有淡淡花生嘅味道😍😍棉花糖朱古力基本上唔會失敗嘅嘢飲！😎🙆🏻‍♀️朱古力入面有棉花糖，睇到都想飲😋😋😋

今日要去MegaBox到整啲嘢，整完之後咁岩就到就lunch time，就睇吓附近有咩食啦揀咗呢一間西餐廳，同朋友一人帶咗一個lunch set。一個就係蟹肉黃金意粉，令一款就係慢煮烤雞配甜椒，每位都有煎菜嘅，一係沙律一係湯，我朋友就要做晒啦我就要左羅宋湯。先講吓個主菜先加黃金蟹肉意粉，味道好特別佢嘅黃金即係好似有啲鹹蛋黃金，估唔到同蟹肉加埋都幾夾。至於個烤雞都正正常常，另外佢仲配一啲番薯條。飲品方面我哋試咗侍應介紹新推出嘅果乾菊花紅茶，估唔到呢度飲白酒真係幾好飲，值得推薦。環境方面坐卡位都幾舒服嘅。