Cosmos Restaurant & Bar (已結業)

話說我都好耐無食西餐，今次就去下尖沙咀食好西。呢間餐廳都幾就腳，尖東地鐵站出口行幾分鐘就到。餐廳餐牌沙律煙三文魚沙律：裏面有爆珠、沙律菜、藜麥和三文魚。煙三文魚有煙燻的香味，食落去有咸香味。爆珠就有少少酸但帶有少少甜嘅感覺。雜菜湯雜菜湯裏面有好多菜，例如蘿蔔、細菌等等……雜菜湯頗濃嘅蕃茄味，旁邊嘅蒜蓉多士好香脆、蒜蓉味好重。炸豬手炸豬手外層好香脆而且炸到金黃色，而且裏面肉都幾林而且幾滑，隻豬手無咩脂肪，食落去無咩油膩感。一份豬手差唔多兩個人份量。特飲呢杯特飲好特別；有一種好清新嘅感覺，第一啖有一陣青檸嘅味道；然後慢慢滲出紫蘇味。服務態度我覺得侍應態度服務好好，因為是應用溫柔嘅說話問我地想要啲乜嘢。

星期日放假，老公約左一班好朋友去尖沙咀的Cosmos Restaurant & Bar 吹水兼睇直播足球比賽，我也有跟埋去。吧內有大電視睇足球，坐位寬闊，加左98元又有任飲優惠，包括啤酒、紅白酒、Cocktail、Mocktail、汽水、果汁、咖啡。岩曬老公和一班朋友，邊食邊傾，邊睇直播足球邊飲啤酒，La Blonde 5,9：比利時金黃啤酒，有柑橘和啤酒花香，味帶微苦。Asahi生啤加拿大生蠔：生蠔好新鮮，海水味不太鹹，肉質甜美。磨菇忌廉湯夠濃郁，啖啖都有磨菇香味，口感creamy 。煙三文魚沙律頭盆:煙三文魚砌成一朵花，配新鮮的沙律菜，清新健康又美味！德國咸豬手：即叫即做，豬手都好大隻，外皮酥脆，肉質鮮嫩入味，配合埋啤酒一齊食，特別好味。帶子牛肝菌意大利飯：帶子煎至兩邊微蕉，味道鮮嫩，意大利飯creamy，再加上有牛肝菌增加了香味和口感。甜品菠蘿奶凍：奶凍甜滑，加有菠蘿粒更添口感和香味。奶茶：加糖加奶多少？由自己話事。

尖沙咀真係好多美食, 今日又食到間質素高味道好既西餐廳Cosmos Restaurant & Bar位於尖沙咀鬧市中心, 交通非常方便!!室內環境地方寬敞, 座位闊落, 同朋友傾計食飯睇下波都幾暢快, 科科menu都幾多食物種類選擇~有散叫, 又有set dinner~~先黎杯mango freeze (mango puree, orange juice)好鍾意呢杯飲品, 芒果味好濃, 甜甜地非常開胃!Virgn colada (pineapple juice, coconut milk, syrup)呢杯飲品既coconut味比較重, 岩晒鍾意coconut既朋友頭盤有煙三文魚沙律同水果串...沙律好大碟, 蔬菜新鮮~ 煙三文魚都有幾片呢, 正!水果串cute cute的, 幾個隱~除左沙律外, 仲有蒜蓉包同雜菌忌廉湯~蒜蓉包外脆內軟, 十分香口雜菌忌廉湯雜菌味濃濃的, 好好味丫!!!帶子牛肝菌意大利飯賣相非常吸引~帶子大大粒, 好鮮甜~牛肝菌份量都唔少, 啖啖都食到有牛肝菌呢!!意大利飯軟硬度適中鵝肝伴牛柳一上枱感覺非常豐富!牛柳好大件喔, 要左5成熟, 煮得剛剛好~牛柳肉質幼嫩又

講到尖沙咀旺角食得好有環境仲要有波睇 一定唔洗諗去呢間 仲要係寶勒巷靚地段 唔洗諗就算普通拍拖都夠情調我同朋友叫左2個set煙三文魚玫瑰伴田園沙津-煙三文魚卷到玫瑰花形 賣相好靚好好睇 蕃茄湯-個湯好濃好好飲 配埋蒜蓉包 yummy醒神水果串 好精緻既賣相 餐前食生果 聽講比餐後食更健康嫁爐燒紐西蘭羊架件帶子 份量超超超級大份！足足有4舊羊架 每件都份量十足！帶子煎得好香 非常好食鵝肝牛柳意大利飯 鵝肝淋稔好正 牛柳juicy 而家非常大件 意大利飯軟硬適中 啲飯索哂落啲汁度 非常好吃Mango Freeze 賣相好靚 仲唔係太甜好好飲Around the world 用菠蘿整ge coctail 非常易入口奶凍-餐後來個甜品 非常滿足！下次要約班fd 過尼食野開心share!

好友生日，佢話想去間有得睇波/ 飲酒/ 食飯既餐廳，我即刻諗到Cosmos Restaurant & Bar~次次經過不過就未試過，睇網上評價都好似唔錯，所以一於試下！聽侍應講晚餐時間，食主菜+$98 有無限任飲優惠，任飲選擇仲適用於全部種類，包括啤酒、紅白酒、Cocktail、Mocktail、汽水、果汁、咖啡，其實真係好抵～～～而平時十點後，無限任飲優惠就要$148/位！我地睇完MENU, 就先叫左2杯MOCKTAIL, 有VIRGIN MOJITO 同MANGO FREEZE, 兩杯飲落都有清新感覺!之後就係個Dinner Set，包括：  沙律、餐包、餐湯、水果串、主菜同甜品！今晚個沙律係煙三文魚玫瑰田園沙律，煙三文魚真整成玫瑰形狀，靚，食落好開胃，仲有水果串~之後個蒜蓉包同餐湯黑松露磨菇湯，飲落好香濃，而蒜蓉包好脆！主菜：香煎法式鵝肝伴牛柳配燒汁意大利飯  $188鵝肝好厚身，食落入口即溶，質感軟滑，而牛柳肉味香濃，RISOTTO 一D 都唔CREAMY, 食落岩岩好.爐燒德國咸豬手配芥茉子燒汁 $248份量超大，豬手外皮好香脆，入落肉質嫩滑，而配菜都好豈富，入面有青瓜、豆角

今日同屋企人一齊去到尖沙咀度cosmos restaurant and bar 食西餐，一嚟到都覺得呢度幾好feel，平時約朋友一齊嚟呢度gathering都幾好。睇到menu都算多選擇，最後我哋就揀食Set因為抵啲。首先有個煙三文魚沙律，呢個都幾好食，同埋三文魚嘅份量都好多。除咗個沙律之外，仲有蘑菇湯同埋蒜蓉包，我非常欣賞喱個蘑菇湯，佢將啲蘑菇打成茸，所以個湯好濃郁。我哋一共叫咗四個main course, 第一個係鵝肝配牛柳，剛鵝肝好好味，好香，入口即溶。個牛柳都不錯，但係有少少過熟，不過因為我哋有小朋友，所以要熟啲。我哋仲叫咗個德國鹹豬手，呢個鹹豬手好正，好大隻，而且燒到啲皮好脆，又唔算太過重口味，食到好滿足。另外仲叫左燒美國豬肋骨，但喱個普通，覺得啲肉有啲淋。仲有一個係帶子牛肝菌意大利飯，喱個飯好香，粒帶子都好味。另外我仲叫咗兩隻生蠔，一隻係加拿大，一齊喺美國，美國蠔$30一隻，所以個size大啲，食落好creamy。$10一隻嘅加拿蠔都幾好喎，雖然細隻少少，但係食落依然鮮味，好抵食。野飲我地試左就試左牛角啤，唔算太苦，都算fruity ,好飲，原來+98蚊有得仼飲全部飲品！抵

類似係酒吧類型嘅西餐廳，我哋2人叫咗2個set!首先有嘅係煙三文魚沙律，煙三文魚份量都唔少，仲有啲藜麥添！幾健康又飽肚！餐湯係黑松露忌廉湯，黑松露味幾濃，飲咗個湯都飽咗一半，都幾大碗！主菜有板燒鵝肝伴牛柳，一次過滿足晒想食肉同鵝肝嘅朋友！牛柳腍身，而且應該係預先醃過，唔係好需要另外調味！鵝肝如果再煎耐啲會更好！帶子配黑松露牛肝菌意大利飯，2大件帶子，好滿足，意大利飯味道亦啱啱好，唔會過咸！飲品方面，職員手調咗杯Cocktail 俾我哋，味道都幾fresh！甜品有朱古力慕絲，成餐都好滿足！

是日收工出黎尖沙咀，見下朋友，飲下野吹下水，尖沙咀咁多間酒吧唔知揀邊間好，但唔想去啲又大煙又吵嘅bar，見到呢間bar餐廳餐牌幾吸引，環境靜靜地無乜人正合我地意呢到有裝bein sports，鐘意睇波嘅又多個選擇坐低左之後，（疑似）經理介紹左有咩推介，呢到happy hour有99$嘅飲酒放題，可惜我今日想黎食野飲少少多啲，唔係嘅話真係好吸引最後我地叫左加拿大生蠔，同埋兩個set dinner，脆豬手同埋羊架，老老實實，我本來就唔鐘意食嘅，但係見做緊特價，婆仔心態唔執輸就想試下唔係講笑，我平時唔鐘意食生蠔因為唔鐘意嗰陣「腥亨亨」嘅味，但呢一款生蠔有種鮮甜味，好易入口，好鮮味！餐湯方面，佢係黑松露菇菌濃湯，好香嘅黑松露味，仲有少少菇嘅「碎」有啲咬口，不錯，個蒜蓉包亦焗得好香脆至於沙律，配菜都係平時食開嘅沙律菜，加左黎麥，營呀仲有個好mini嘅水果串飲品我叫左mojito，明明好似叫左mocktail，點解好似有酒味黎到主菜了，主菜係羊架x龍蝦沙律x薯菜羊架做得好出色，無羶味，唔乾，亦保留到好多肉汁；沙律好好味，真係食到好多蝦，醬汁搭配紫椰菜恰到好處，平衡到紫椰菜嘅苦澀脆豬手，真係整得好好

之前聽聞過呢間Cosmos有「10時後無限任飲 $148/位」同埋「任何飲品滿$45即可 $2隻任嗌雞翼」這兩個優惠，所以已經想來試試。但今晚路經Cosmos時只是8時半，於是選擇了吃晚餐。（晚餐時間食主菜+$98 有無限任飲優惠，任飲選擇仲適用於全部種類，包括啤酒、紅白酒、Cocktail、Mocktail、汽水、果汁、咖啡。）點了兩杯Mocktails :《Perfect Match $75》大杯抵飲。（Lime Juice, Grape Fruit Juice, Cranberry Juice, Sprite）《Gunner $75》大杯抵飲。（Ginger Beer, Ginger Ale, Angostura Bitters）《凱撒沙律伴煙三文魚 $88》煙三文魚、新鮮沙律菜、新鮮生果再加上荔枝味的爆珠，特別。《Canada Galioano Bay Oyster $10/pc》$10隻生蠔十分抵食，但朋友不吃海鮮，所以我簡單點了兩隻獨享。生蠔是加拿大產的，蠔味香濃，海水味偏淡，新鮮甜美。《松露雜菌忌廉湯 $68》配蒜蓉多士濃稠度剛好，不會太杰身，雜菌打碎粒粒碎口感，菇味香濃

早排同男朋友黎左尖咀呢間餐廳食野，印象幾好。餐廳氣氛好之餘平時仲有直播波睇，啲野食都好正！Dinner set超豐富，在主食外仲有餐湯、沙律、水果串加甜品餐湯有濃郁的黑松露野菌忌廉湯，配上香脆的蒜蓉包，非常開胃。而沙律就有煙三文魚玫瑰田園沙津。既爽口又清新。主食方面先有鵝肝拼牛柳意大利飯。鵝肝超厚超大塊，十分好味，配上鮮嫩的牛柳，可以話係雙重味覺享受。意大利飯亦好入味。仲有醬燒豬肋骨拼牛柳。份量十足！真係啖啖肉，厚身又多汁，口感一流。我地令加左兩杯野飲。男朋友叫左呢杯Around the world。Vodka 同菠蘿味都好出，飲落好清新，甜甜地酸酸地，相當易入口。我就揀左Fruit punch 。賣相好有夏日感覺，果味好正而且好有層次，咁啱近排天氣暖左，飲落好享受。最後還有草莓果凍同水果串，有藍莓、蜜瓜同木瓜。好正！整體超滿意。聽服務員介紹呢到十點後有每位$148無限任飲優惠，下次得閒實會再黎！

今日係『cosmos』同朋友食生日飯，開頭以為係普通西餐廳，入到去見到幾部掛牆電視同好大個投射屏幕全部都播緊足球比賽😅不過坐落環境都幾舒服，仲有個好靚嘅水吧位～「炸魚薯條」炸得唔夠乾身，食落好油膩☹️炸魚仲要勁咸⋯⋯真係太失望。烤乳豬就正常返啲，做到皮脆肉嫩👍🏼半碟嘅蔬菜份量都好足夠，不過個燒汁就有啲失色～鵝肝牛柳意大利飯都唔錯，鵝肝好大片，而且厚身喜歡食鵝肝嘅人應該會好興奮😂牛柳質素最好！肉味夠香，肉質夠嫩！不過燒汁配意大利飯食落有少少怪好似唔多夾。飲品方面有「Apple Ginger」同「Candy jelly」兩杯飲品無論賣相定味道都好一般。不過勝在地方舒適，食完野都無人趕你走，搵個地方傾下計都唔錯～

今日想靜靜地一路飲野一路傾計，所以黎左Cosmos Restaurant & Bar食dinner~我地叫左廚師精選拼盤（$338）係豬鞍+牛柳。牛柳牛味都幾重，豬鞍好大塊！香煎法式鵝肝伴牛柳配燒汁意大利飯（$188）鵝肝煎得啱啱好，我特別鍾意個飯，好creamy！我地都加左$68轉做set，所以有餐湯、餐包、前菜沙律、鮮果串同埋甜品。我特別鍾意佢個餐包係香脆嘅蒜蓉包，同埋餐湯都好濃郁！飲品方面，我地叫左Orange juice同Fruit pouch（$75）呢到十點後有 $148一位無限任飲優惠，仲有直播足球賽事tim，都幾啱同朋友黎睇波！

今晚放假真是要鬆一鬆，友人帶我來到位於尖沙咀寶勒巷這間Cosmos Restaurant & Bar。此餐廳有少少遠離繁榮的鬧市，在尖沙咀找到此較寧靜的酒吧餐廳真是非常難得，可以與友人一邊談天一邊吃晚餐都不錯的好地方!環境四周的燈光較昏暗，牆身及周邊用了柔和既紫色燈光，此外每張枱放置了一個小蠟蠋，天花掛上藍色的燈仔，裝潢都好別緻，再播放著輕鬆的爵士音樂，形造出浪漫而有情調的氣氛，餐廳內設有多部電視機，直播足球比賽中，又不會太吵，枱與枱之間都有足夠的距離，一邊是沙發而另一邊是皮櫈，感覺都好舒適不會坐得太迫。來到酒吧餐廳，我們今日不想飲酒精飲品，但此餐廳給我一份驚喜，店員都好主動介紹餐廳的飲品推廣，客人在晚餐時間食主菜加$98可以有無限任飲優惠(free flow)，當中包括啤酒、紅白酒、Cocktail 、Mocktail 、汽水、果汁及咖啡等，20:30pm 店員會向客人last order， 因為free flow promotion 去到21:00pm 就會結束。一打開drink list ，只是cocktail 及mocktail 的選擇都有很多，最後我們點了兩杯mocktail

無聊地係尖沙咀行街嘅時侯，突然背後傳來一把女子嘅聲音，原來係我以前中學同學，中學畢業後，佢去咗外國留學，最近先回流返香港，正在揾工，咁啱今日係尖沙咀行街嘅時候遇上咗，就諗住一齊去食飯再傾，我地係尖沙咀 寶勒巷 27號東匯商業大廈地下見到一間Cosmos Restaurant & Bar ，就入去睇吓有冇位，侍應俾咗兩個近門口嘅位俾我地， 朋友叫咗一個鵝肝牛柳意大利飯，我就叫咗一個蜜糖芥茉子豬手，要碎上嘅，飲品就要咗一杯Mai Tai同埋Margarita，頭盤係一個 煙三文魚沙律，煙三文魚都好大塊，跟住就係飲品，兩杯飲品都好似雞尾酒咁，味道好特別，再來就係主菜豬手同意大利飯，朋友嘅 鵝肝牛柳意大利飯，鵝肝超好味，牛柳又冧又有濃郁嘅牛肉味，因為我分享咗佢少少嚟食，我嘅豬手都俾咗一半佢食，豬手好大隻，炸得皮脆但肉質保持得好好，因為太大隻，所以分享咗啲俾佢，最後我倆互相交換電話号碼，約埋明晚去食燒肉放题。

呢間係尖沙咀地點好方便既一間餐廳，收工同老公一齊去試下。一如以往點左兩個餐，包括曬餐湯同前菜沙律，同埋餐飲。講起餐飲，呢間啲餐飲會包括埋house wine or draft beer，呢樣幾好，有啲都要另外加錢。沙律頗開胃，少有地加幾粒爆爆珠都幾得意。主菜份牛柳份量好夠真係無估到，真係好抵食，血水味都不錯，暈早知叫三成。五成都多左。但份量好多，搞到另外叫嗰個燴飯都唔太食得曬。廚師都非常好客，佢會出來和客人聊天，介紹菜色。也可以在這裡開party。