Cosmos Restaurant & Bar (已結業)

同姊妹兩個係尖沙咀,想搵間靜靜地傾計食野，就簡左cosmos,可能一開始無咩期望，結果又幾驚喜！我地叫左set dinner,先上左菌忌廉湯跟片麵包，好香菇味，好creamy,前菜係煙三文魚沙律,本身好中意食煙三文魚，所以食得出吾係其他店比既cheap野，比較驚喜係沙律用左爆爆珠，原來可以咁夾！帶子意大利飯份量唔少，唔會煮得好淋，好有咬口又夠creamy,入面仲有d冬菇，而且帶子大大隻，正！ 另一個主食係鵝肝牛扒配薯菜，鵝肝好大塊，而且煎得好好，兩邊都脆脆地，食落超滿足，好味，全餐飯最滿意部分！牛扒叫左五成，送上黎岩岩好，佢唔大塊但好厚，唔洗點汁都好濃肉味，薯仔係原粒上，比炸薯條更好！無咁熱氣！最後仲有個奶凍做甜品，吾會太甜，幾好！總括黎講，餐廳環境食物同服務都好好，絕對會回頭！

男朋友之前嚟過呢度睇波所以今次特登再帶我嚟本身我都好抗拒架以為地方好嘈點知入到黎又另一回事啵！入到餐廳一啲都唔嘈而且播既音樂都柔和好有情調終於有個地方係可以陪到男朋友睇波啦仲要係有得睇直播！今次我哋點左兩個法國品味之蠔食落海水味比較淡但食落就好彈牙可口前菜都整得好精緻主菜方面就點左肉眼扒配龍蝦同埋德國鹹豬手肉眼扒肉質好新鮮一啲都唔硬整得好好味而且咁大塊都唔多筋食得好開心！龍蝦雖然得半隻但係食落都好鮮甜至於德國鹹豬手職員好好幫我地切好啱晒我呢啲懶人啦啲皮鹹鹹地好脆口而且啲肉都好入味食得過飲品方面都好多選擇佢呢度比較特別嘅係唔會限制你酒精飲品所以叫主餐都可以叫酒精飲品㗎唔需要額外加錢至於甜品就有一個果凍魚膠粉份量落得啱啱好食落唔會太硬下次可以再同男朋友黎睇波加十點後黎$148無限任飲啦！正正！

之前Honey都同朋友嚟過Cosmos飲嘢，話可以任叫$2隻雞翼超扺，今次帶我來食晚餐撐枱腳😘🌟煙三文魚蝦卷配西芹蕃茄沙沙🌟先來一個小食，係我最鍾意嘅蝦同三文魚，醬汁好好味，加埋沙律菜好開胃！🌟巴馬火腿鮮蘆筍配香瓜🌟一口size，甜甜的哈密瓜同巴馬火腿係絕配，加埋迷你蘆筍，又靚又好味！生蠔都唔貴有三款，三四拾蚊，Pacific Rock Oyster做緊特價$10隻，叫左兩隻試吓，肥美大隻，新鮮有蠔味正啊！✨西班牙黑毛豬伴香煎鵝肝配紅酒燒汁✨鵝肝要趁熱食😝第一時間就切咗Honey半嚿鵝肝😁嘩！入口即容，表面香脆，濃濃的鵝肝味好吃到唔捨得吞！至於件黑毛豬亦超正，肉質細密但唔痴牙、唔會靭，好有肉味，就連啲配菜都好味。✨爐燒德國鹹豬手配蜜糖芥末籽汁✨分量十足好大隻，上枱時已起肉切件非常細心 ，豬手皮脆卜卜，啖啖肉鹹香惹味。值得一讚係個蜜糖芥末籽汁，甜甜地同鹹豬手好夾！意大利雪糕球🤤好多好特別嘅優惠🤣仲有直播足球賽事👍🏻👍🏻

係尖沙咀買完嘢，本來想返屋企附近先開餐，不竟係尖沙咀食飯都比較貴，但行行下冇意中比我發現呢間西餐廳，見個餐牌嘅價錢都算是相當合理，環境又不錯，最終還是決定係度食埋先返屋企...很喜歡呢個磨菇湯及又香又脆嘅蒜蓉包呀太平洋生蠔 HK$10/隻嘩！估唔到只係10蚊隻黎自美國嘅生蠔都可以甘肥美同鮮甜，唔係啱啱病好，我會食夠一打，今次偷偷地試住一隻先！哈哈病完乖乖地食返個清清地嘅 Parma Ham 沙律先，帶鹹香嘅 Parma Ham 加雜菜，味道不錯 德國咸豬手 HK$248豬手都算幾大隻呀！好似食極都食唔晒甘！皮脆肉嫩又冇乜肥膏，絕對泊得住d德國餐廳質素 大蝦意大利飯 HK$248堅係大蝦！肉質爽口又夠彈牙！個意大利飯軟硬適中，食得非常滋味！係唔知道飲乜好嘅時候，店員推薦左呢杯 cocktail 比我黎，一上枱個賣相已經令我嘩嘩聲，飲落甜甜地，酒味唔重，非常之適合女仔飲呀Virgin Colada HK$75呢杯 mocktail 賣相同樣令人嘩嘩聲！飲落椰子味好重，感覺好似飲緊椰子沙冰甘呀！今次唔係病病地嘅關係，我一定試呢個HK$98 happy ho

今日想介紹尖沙咀一間新嘅餐廳，無論設計座位及氣氛都唔錯，唔適合收工同啲同事一齊食飯或者過嚟約會。我哋今日嚟嘅時候，今晚英國超級聯賽，仲有得睇利物浦，非常正！黑松露忌廉湯，牛油蒜蓉多士爐燒德國鹹豬手豬手醃得好入味，外皮燒得香脆，分量十足，用嚟配返啤酒就最適合。切開咗之後，入邊肥瘦均勻，配上芥茉燒汁，十分配合。香煎帶子意大利飯帶子煎得好香口，配合味道濃郁豐富嘅意大利飯。La corne比利時黃金手工啤酒，味道清爽，即使在場嘅女同事都非常讚不絕口。啤酒杯非常有趣，用咗一個好似號角，半月形嘅啤酒玻璃杯 🍺 ，所以飲起來嘅時候都非常有氣氛。法式拿破崙餅餐廳雖然有幾款甜品，但相信這款是屬於值得推介佳品！濃郁嘅吉士醬，配合幾層香脆可口脆餅，加上一些清新水果小吃，如果配合雞尾酒會份外有意。

每次閨蜜生日，搵餐廳都好苦惱，經過朋友介紹之下，就去咗尖沙咀呢一間餐廳試一試。今次間餐廳叫Cosmo，d 野食、環境同服務都唔錯☺最鍾意係個意大利飯同埋個甜品，好好食！😋個意大利飯每粒飯都被濃濃既野菌汁包住，味道濃郁但唔會好鹹 ; 而心太軟甜度適中，內軟外脆，真係係流心㗎，超好食☺聽主廚Cola講，連各大明星都好鍾意食。好少有廚師會親自同客人有交流，了解客人嘅用膳喜好，從而製作出貼近客人口味嘅菜式，很窩心！❤整體感覺不錯，適合二人浪漫燭光晚餐或者一大班人聚餐💕

餐廳會直播球賽節目，所以晚市時段相當熱鬧。餐廳經理跟我們說這裏的生蠔跟酒店一樣，所以十分有保證！即開生蠔果然夠新鮮，而且肉質飽滿，鮮味十足。晚餐時間優惠選擇一款主菜，加港幣$98更可享無限任飲優惠！焗芝士龍蝦伴忌廉龍蝦汁意大利粉完隻龍蝦分量十足，而且肉質鮮嫩彈牙。加入芝士一起焗煮，味道更為惹味。 流心芝士雞胸 雞胸肉非常滑嫩，以煙肉包好再焗鎖住肉汁。大廚加入芝士打造流心效果，賣相非常吸引。這裏的飲品亦都非常有特色，不論有沒有酒精都有很多選擇！

爐燒德國咸豬手配芥茉子燒汁🐷 $248豬手份量好大🙈😆兩個人share食岩岩好喔😙豬手外層炸得好脆卜卜 而肉質好淋好嫩滑🤤覺得可以唔需要點佢個醬汁 因為本生豬手調味已經夠咸😋🦞爐燒波士頓龍蝦伴牛柳配香草忌廉牛油汁 $348/Set 至於呢個龍蝦同牛柳要加分🤩龍蝦大大隻 好新鮮好多肉🦞肉質好鮮甜 又有牛油香味 而且好juicy🤭同朋友一路食一路讚😝牛柳叫左medium rare 熟稔程度岩岩好 食落一啲都唔韌 牛味濃郁👍🏼🥳推薦大家黎到要叫呀🥰餐廳環境都好有情調😍係慶祝紀念日嘅好選擇🤭另外以家做緊晚餐時間食主菜+$98 有無限任飲優惠 任飲選擇仲適用於全部種類，包括啤酒🍺、紅白酒🍷、Cocktail🍸、Mocktail🍹、汽水🥤、果汁🥂、咖啡☕️😆快啲去試下啦😇

食完主菜叫個甜品，餐牌得三款甜品，諗住叫拿破崙，點知無，轉左要心太軟，20:50落單，要等15分鐘，我地覺得合理，之後等左20分鐘都未黎，覺得唔對路就問係咪整緊，佢話整緊，好啦，再繼續等，等左七個字，再唔對路再問，點知得到既回應係，"整緊架喇，應該第一個整穿左，所以而家整緊第二個"😒我地好無奈，整穿左要我地等咁耐唔好意思都無講過，咁係咪代表廚房整三次都穿，我地都要繼續等?! 我地仲有講，已經等左45分鐘，都係回應我地整穿左要再整過，到我地食緊既時候，幾個waiter自己係我地附近討論係咪真係等左45分鐘，專登講俾我地聽既，我地就再講我地係20:50叫既，而家都21:37喇。其實係我地問之前老實講要再整過我地都唔會咁嬲，仲要同我地計確實等左幾耐，呢啲係咩服務態度?! 仲要講到我地催單係我地唔岩咁，完全係惡人先告狀😵同埋係我地等既45分鐘入面，好明顯我地只係爭甜品未食，啲waiter好得閒咁係度自己碰杯飲野食意粉都唔收枱，甜品上左都要叫先識拎餐具黎最尾仲有個插曲，埋單既時候因為好多唔同既折扣，所以我地有睇返點解有啲七折有啲八折，因為真係太多優惠，最後走果時見朋友無拎到張單，我就諗住拎黎自己

今日同幾個朋友過來尖沙咀行街，覺得累想溫附近比較無甘多地方坐下，結果見到哩間氣氛不錯而且不多人。西冷牛扒配鵝肝，5成熟剛剛好，無血流出，鵝肝大大塊而且勁香。德國鹹豬手，烤到外皮酥脆，入面軟滑，而且好多汁，重要係距唔係好鹹。勁大份。豬肋骨，入口軟滑，配上番茄汁食上去無甘油膩，喜歡軟軟質感你地一定會喜歡這個。帶子義大利飯，帶子剛剛熟，鮮甜，義大利飯不是很軟，而是便硬少少，本人比較喜歡硬少少，剛剛好。其中有2個係餐set,配西湯（好飲）加沙拉。之後還點左2隻生蠔，鮮甜大隻。飲品方面叫左距地出名牛角啤酒，好香麥味。

All Day Breakfast 都可以任食？係呀，你無聽錯，仲要唔駛100蚊，配料任加！今次試既Cosmos Restaurant & Bar 正正就係有All day breakfast 既優惠仲包一杯野飲Tim! 佢個All day breakfast 既配料都幾多，有炒蛋，生果，3款唔同既腸，薯仔，沙律菜，漢堡扒等等。3款腸既質素都唔錯，薯仔整得非常之香脆，好正！唯一美中不足既係炒蛋比較水左小小，對比之下有小小失色！不過以呢個價錢慢慢食，可以過番一個輕鬆既下午，絕對係值回票價既！

老公上星期同朋友去咗酒吧睇利物浦決賽， 發現呢間吧都有晚餐供應， 趁假期前夕就帶我呢試下，位置係尖沙咀寶勒巷Cosmos Restaurant & Bar，Bar內有大電視，座位寬闊，燈光柔和、整齊、乾淨、好舒服嘅環境，可以好好享受晚餐， 都好多人客黎食！個menu 望落都算抵食，主菜都係2百頭到，加$98可以任飲優惠，我地就叫左兩杯雜果賓治relax 下！爐燒德國咸豬手配芥茉子燒汁$248，豬手即叫即做，連木盤上的咸豬手配上芥茉子燒汁和薯菜很正！上完枱影完相侍應生好好人幫我地拎去廚房切開，非常貼心!豬手外皮香脆，肥肉唔算多，肉質細嫩，分量足夠，夠兩三人一齊食。豬手整得出色，醬汁調配令人味覺充實，口感和味道唔會覺得悶，整體覺得驚喜，性格比極高！爐燒法式春雞釀燒烤菇蒜子配露絲瑪莉燒汁$238，燒春雞放在一個雀籠設計的架上，看起來賣相非常吸引！春雞烤至金黃色，燒得剛好，外表好看，表皮脆脆、肉質依然能夠保持嫩滑，雞肉juicy，又不會油膩。切開有些驚喜！原來將茹、蒜釀左係春雞肚內面，再配上配菜及燒汁真係好好味！法式焦糖燉蛋配意大利雪糕$88，燉蛋甜度啱晒我口味，不會太甜，食落好滑好滑，又有蛋

今日約左一個好耐無見的朋友出街，因為僗係尖沙咀返工，所以就係個到搵間坐得耐的餐廳去食食下野飲下野，所以我地揀左係寶勒巷附近個D酒吧餐廳，可以食野加飲野，係一個幾好的選擇。呢間餐廳有Dinner Set，同時就算唔啱食都可以揀其他野食再＋68轉餐，有好多選擇。我地揀左烤帶子意大利飯同德國咸豬手，兩個都轉餐再Share食，餐飲本來係咖啡和茶，我地就轉飲酒，我揀左Coco hill。落完Order好快就上前菜，係一個煙三文魚沙律，都幾大份，之後比左個生果串我地，好快就調好左酒了，味道都唔錯，鍾意飲Cock Tai的朋友都應該會鍾意。之後就上左個意大利雜菜湯加蒜蓉包，飲酸酸地，都幾開胃。黑松露燴飯配帶子都一樣好好味，但我最愛的是豬手，因本身自己都好鍾意食豬手，豬手脆卜卜，好香脆，不過建議要熱食。跟餐會有一個甜品，今次個甜品係花生醬慕絲，自家製，味道都幾特別，不過佢地就會不停轉是日甜品，所以下次再去又會有另一款甜品，有不同驚喜

呢間餐廳真心要推介下～員工好親切～食物又做得好好～又整得好靚～特別係個芒果拿破崙又靚又好味～D蠔重做緊Promtion~$10隻咋～😍叫左2隻試下～好新鮮～平時 cocktails 一杯都差唔多$100～依傢18:00-21:00 $98蚊 重飲真係好抵～我叫左杯coco hill ～chocolate & Bailey & cream &Milk & vodka 口味～好岩女仔飲～放工，拍拖梨食飯岩哂～必叫意大利飯～整得好正中

上星期約個舊同事出嚟食晚飯傾下偈，喺尖沙咀行經見到呢一間餐廳，環境唔錯氣氛好適合傾計，侍應生招呼非常周到，我倆都各自點了一個餐，食品 都幾豐富。一個黑松露野菌忌廉湯配搭一件蒜蓉多士，野菌忌廉湯口感頗幼滑，黑松露香氣芬芳，多士香脆可口。主菜北海道鱈場蟹腳，大大隻，蟹肉幼嫩，味道不過不失。我比較欣賞佢個 免翁牛柳，火路控制得好好，好啱心意，肉質軟綿綿，牛香濃蜜，當你輕輕切開，眼見肉汁非常豐盛，令你會急不及待放進嘴裏，還有佢嘅黑松露忌廉燒汁配搭，更添惹味。 另一客爐燒德國咸豬手， 整隻渾圓寬大豬手，金黃亮麗，外皮脆卜卜，肉質多汁幼滑，咬口柔韌兼備，唯獨是鹹咗一啲，如果喜歡好濃味嘅朋友就會啱。還好佢嘅餐飲都不錯，多種果汁調製，清香怡人， 還有很多提供選擇，緩和肉味嘅濃蜜。這晚跟舊同事邊吃邊談天，暢談當年舊事，結帳後大家心情都很愉快地 離開。