Cosmos Restaurant & Bar (已結業)

第一次嚟到尖沙咀既Cosmos Restaurant & Bar, 餐廳既裝修格局好有情調，都幾浪漫.叫咗兩個餐.前菜有三文魚沙律同水果串,沙律新鮮，酸酸甜甜。是日餐湯蘑菇忌廉湯，菇味濃郁，好香，相信一定落足料！好飲過好多高級西餐廳主菜帶子牛肝菌Risotto ($168, 另加$68轉set)刺身帶子半熟狀態, Risotto軟硬適中牛柳拼鵝肝($248)牛柳有兩件,表面煎得焦香,而且肉汁豐富好juicy, 肉質夠軟!叫得Restaurant & Bar, 我當然要叫兩杯cocktailCoco hill 睇左幾次,到落單都以為係叫Choco hill,哈哈因為呢杯既材料有朱古力! Baileys味濃正朋友飲Tequila Sunrise最後食埋甜品, 奶凍, 呢餐真係好豐富, 好滿足 喺尖沙咀嚟講，價錢適中，氣氛亦都好好,見到餐廳有得包場, 晚餐時間食主菜+$98就有任飲優惠，啤酒、紅白酒、Cocktail都包哂!!, 仲可以睇英超直播!下次都可以考慮黎開生日party

行過尖沙咀，想食西餐，經過見到環境唔錯，幾有氣氛，好似酒吧餐廳咁，一於試下先！-有Dinner Set 沙律、餐包、餐湯、水果串、主菜同甜品，食晒係超飽足🤣🤣🤣-煙三文魚玫瑰田園沙律🥗煙三文魚真係扮成玫瑰型，好有少女心感覺 前菜有沙律當開胃前菜👍🏻仲有串mini水果串添～跟著就係蒜蓉包同餐湯磨菇湯蒜蓉包脆脆的，而磨菇湯都10分足料，食到粒粒蘑菇同真係稠架🤣主菜黎了，簡左板燒法國鵝肝配牛柳伴黑松露紅酒忌廉汁牛柳大概係五成至七成熟之間，切開仲見到紅紅唔係熟哂，食落肉質嫩滑！一d唔鞋口唔韌口😍口感一流，係好食呢！！牛柳牛味都重，伴上黑松露紅酒忌廉汁更加突出味道。而鵝肝就中規中矩呢！除左扒之外，我地仲試左risotto!係香煎帶子刺身•黑松露牛肝菌雜菇意大利飯個帶子刺身超大粒，煎既技巧都唔錯，係表面煎香而裏面保持到帶子嘅嫩滑同鮮味，好好食幾高質🙌🏻牛肝菌意大利飯味道超濃郁，粒粒都係牛肝菌既香味！-最後點左兩杯Mocktail正😚氣氛不錯 店員態度都良好適合同朋友聚餐

同朋友慶祝食飯，帶去黎左呢間酒吧西餐廳。之前黎過飲酒，十點後 $148就有得無限任飲，對呢間餐廳印象幾好，覺得氣氛唔錯，都幾多野食，所以今次帶朋友再黎喇🤗。原來晚餐仲有優惠，食主菜加$98 都可以有無限任飲優惠，包括啤酒、紅白酒、🍷Cocktail、Mocktail、汽水、果汁、咖啡 。又幾抵喎！鐘意飲酒就岩哂！而且仲有直播足球賽事⚽️可以一路飲一路睇。叫左兩個set:前菜沙律🥗煙三文魚沙律這個沙律好特別，加了爆珠落去，加一點口感，一咬就爆汁😋煙三文魚好開胃！仲配埋鮮雜果，更開胃。餐湯有蕃茄海蜆湯，味道似周打蜆湯，鮮味濃郁好好味，好多海蜆同一粒粒既蕃茄，好好飲！多士可沾一沾個湯黎食，更滋味！板燒法國鵝肝配牛柳黑松露紅酒忌廉汁🤗呢個要推薦俾大家！超嫩肉既牛柳，嫩到唔似食緊牛扒咁！好好味🤤好juicy!一切個下就feel到有幾嫩😻食落好多牛汁同重牛味。配埋黑松露紅酒忌廉醬👍更加出色。好creamy!鵝肝更加唔洗講。😽一切開啲鵝肝汁真係好juicy! 好滋味！香煎帶子 配黑松露牛肝菌燒烤菇意大利飯。大大粒好肥美既帶子呀😬咬落飽滿鮮甜！正意大利飯煮到軟硬適中，食落好濃既黑松露牛肝菌味，夠哂濃味呀

趁假日去逛重開後嘅星光大道，行到攰攰哋，至愛提議食埋晚飯先返歸，又好啫，不經意咁行到呢間餐廳。原來佢好鬼馬，一早已經訂咗位，話就嚟中國情人節(元宵)，順便慶祝吓喎。17:50去到，原來餐廳正落場，18:00先至營業，外面寒風陣陣，好彩店員貼心，俾我哋入去坐住先。等待期間睇定食咩，夠鐘就可以落單喇，見網路上幾多人推介，揀咗2款心水晚餐。晚餐前菜係煙三文魚沙律，沙律擺盤幾靚，有藜麥好健康，仲有3粒乳酸爆珠，幾特別另外有一串小小水果串，清爽。是日餐湯係松露野菌忌廉湯，湯內有好多菇碎，無咩松露香，蒜蓉包香脆可口香煎刺身帶子配黑松露 牛肝菌 烤蘑菇 意大利飯好長嘅名...兩片刺身帶子好搶眼，輕灸後仍保持清甜鮮味面頭有撮新鮮嘅苜宿芽，高纖低卡又係健康之選。意大利飯混入牛肝菌 烤蘑菇 好香，對個人來說飯粒有啲硬，腍啲更好，味道OK嘅。至愛叫嘅板燒法國鵝肝伴牛柳配黑松露紅酒忌廉汁顏色賣相唔係咁討好，但佢話鵝肝甘香肥美牛柳熟度剛好唔鞋有肉汁，牛味濃郁，份量都幾大，點黑松露紅酒忌廉汁有助解膩喎。一開始就叫咗餐飲Virgin Mojito清新好味嘅飲品，薄荷同青檸真係特別夾嘅Tequila Sunrise好

又到了兩姐妹一齊慶祝生日的日子，今次阿妹㨂左呢間餐廳， dinner set 二百幾蚊起， 有沙律，湯，主菜，甜品，飲品， 主菜份量都幾多， 我們每人一 個set din 再另加多一個甜品，飽到吾識行。最開心係餐廳知我倆生日，在另加的甜品的碟上寫了字句，播住及唱住happy birthday歌把甜品送上。妹好surprise， 因為地方係佢搵嘅，但冇想過有呢個驚喜！ 無他嘅，因為她有一個專門攪事嘅家姐囉～～^_^不過餐廳方面有一點需要留意，音樂大聲左少少， 傾偈有點難度。 而service 就非常好啦！

這天我們又來到尖東覓食啦！ 先到這間西餐與Bar的混合體，最適合看下球賽、喝杯酒再聊聊天啦！我們點了兩個set，首先來個黑松露野菌忌廉湯！黑松露和野菌的味道非常濃郁，還有粒粒野菌，充滿口感！ 再配個香脆蒜蓉多士！接著的頭盤就是煙三文魚玫瑰伴田園沙律  和旁邊的醒胃水果串。除了沙律菜、煙三文魚，還有superfood藜麥，非常健康，配上沙律醋立刻很開胃！男友點的是板燒法國鵝肝伴牛柳配黑松露紅酒忌廉汁！鵝肝煎的非常香脆惹味，而牛柳肉質相當軟稔又充滿肉汁！ 配上香濃的黑松露紅酒忌廉汁，更加滋味！而我點的是香煎刺身帶子配黑松露牛肝菌燒烤菇意大利飯。帶子刺身實在太厚身了，而且生熟程度控制的剛剛好，爽口又鮮味！ 而意大利飯煮的很濕潤煙韌，重點是黑松露和牛肝菌的味道非常濃郁突出！飲品方面我們點了House Red Wine和大大杯Asahi。紅酒相當易入口，配個牛柳就最夾啦！而套餐的甜品就有牛奶凍，細細杯為整頓飯畫下甜甜的句點！

Cosmos Restaurant & Bar 喺尖沙咀寶勒巷，交通便利，就算飲嘢飲到夜一夜都唔怕冇車返屋企。漂亮的吧位和帥哥美女Bartender，是酒吧的標準配置。場內有多個電視直播球賽，幾乎做到零死角！Welcome Fruit藍莓密瓜哈密瓜串，清甜爽口！忌廉湯配蒜蓉包蒜蓉包焗得夠香脆可口，忌廉湯亦夠濃夠細滑，不錯！沙律套餐仲有個沙律，係胡麻醬煙三文魚沙律，仲加入咗益力多味嘅爆珠，又特別又過癮又好味。不過啱啱愛隊有入球，興奮得濟冇影到相就食晒！Frozen Margarita $88經典的Cocktail，酒味近乎零，可以當係思樂冰咁飲，好味又好看，如果杯邊有埋鹽花就Perfect喇！Perfect Match $75無酒精的Mocktail，由數款果汁及雪碧組成，甜酸比較恰到好處，果然係Perfect Match！香煎刺身帶子配黑松露牛肝菌燒烤菇意大利飯 $168另加$68轉Set Dinner。刺身級嘅帶子超大粒，仲要有兩粒咁多！帶子橫刀切半煎至微焦，香甜鮮味，菇菌類令整個意大利飯香氣四溢，而且啲飯仲索哂啲菇嘅精話，又香又有𡁻口。板燒法國鵝肝伴牛柳配黑松露紅酒忌廉汁 $248

上個禮拜肥妹仔同朋友去咗尖沙咀一間餐廳happy gathering。咁嗰間餐廳呢除咗飲酒喇睇live之外呢，原來仲有得食晚餐嘅。入去肥妹仔嗌咗個煙三文魚salad，佢個三文魚份量好大份， 沙律菜好fresh。之後嚟咗個蒜蓉包配蘑菇忌廉湯。佢個蘑菇忌廉湯仲有啲磨菇粒喺度，口感一流。主菜叫咗四個，第一煙三文魚carbonara，因為佢個煙三文魚 就係太好味啦，所以再encore。Carbonara d source 好creamy， 配埋唔同種類嘅mushroom，意粉煮得軟硬適中，簡直係一個享受。再嗌多個香煎帶子海鮮汁risotto，帶子煎得香脆又大隻，risotto煮得偏林少少，啱我口味。再整多隻熱辣辣嘅德國咸豬手，皮脆肉嫩，熱食一流。 再嚟多個香煎鵝肝安格斯牛柳，鵝肝好肥好香，牛柳超林，有牛味， 真係好正。

老細醒我情人節嗰日陪佢去日飛去日本分公司開個特別會議，話要訓示下班o架人喎。咁即係，情人節嗰晚唔可以陪Honey食晚飯。為咗補鑊，就預早一日陪Honey食飯慶祝。地點由佢揀。佢揀咗去尖沙咀因為可以就佢放工。我哋去咗寶勒巷嘅酒吧兼餐廳，貪佢氣氛好，而且有Now Sports台，咁啱仲重播緊曼城大戰阿仙奴，都幾正!坐低就叫嘢飲先，Honey呢輪喉龍唔多舒服，所以唔飲酒了，只是叫了Earl Grey Tea，嗲下茶喉龍都舒服啲。而我就叫了Apple Cider Rita，係蘋果味嘅Soda Lime，再加些少酒，甜甜地，易入口。店員俾咗份情人節餐牌我哋，約略睇下，價錢OK，不過就太多嘢食，我哋驚食唔晒，所以都唔叫情人節餐了。我哋都係叫咗個【板燒法國鵝肝伴牛柳配黑松露紅酒忌廉汁】套餐 $248，同埋一個【香煎刺身帶子配黑松露牛肝菌燒烤菇意大利飯 】$168 +$68 轉set，加加埋埋都係五百幾，對比起食情人節套餐慳足一半，呢餐絕對性價比高。個蘑菇忌廉湯味道非常濃，而且有好多蘑菇蓉。頭盤係三文魚藜麥沙律。份量都幾大，味道調得好，煙三文魚鹹鹹地又肥美，幾好食。仲有一小串的生果串，幾開胃，增加食慾

第一次寫食評，本來純粹想試下d 10蚊生蠔，以呢個價錢來講都算不過不失。加拿大蠔，不算肥美，味道有點淡。後來叫左兩個set，一個羊架一個牛柳。羊架賣相ok，但係我叫Medium，佢比個rare我。同侍應講佢都整返medium比我，都算啦。跟住來個鵝肝配牛柳，叫Medium，同樣賣相尚算ok。一切開...... 唔係Medium都算，一食落成陣鬆肉粉味同質感.... 唔講以為食緊大家樂鐵板牛，仲要未煮熟果隻....好在今日唔係咩大日子，純粹casual食下野。但已經極度失望... 永遠black list冇下次，完！

今晚約左個中同黎tst，飲杯野傾下計咁，同埋要恭喜我呢個朋友，佢下月尾結婚啦！但我要陪男朋友過生日，去唔到佢婚禮，但佢會理解的，冇理由將佢個結婚蛋糕當生日蛋糕咁切架嘛！我地約左係k11等，之後就向寶勒巷方向進發，行行下見到呢間cosmo，環境幾靚幾grand，咁我地就入左去。❣️環境&座位呢度既座位係以table枱為主，枱與枱之間既空間都OK，2個人想甜蜜晚餐or一大班人黎飲杯野都好適合。咁我地今晚就叫set dinner既。❣️Menu夜晚就提供set dinner同散叫既，仲做緊幾樣優惠。個人就覺得 「叫一個main course，+$98就有任飲」呢個幾抵，可以叫紅白酒、啤酒、mocktail、cocktail同埋汽水果汁都ok，不過我地聽日仲要反工，唯有下次先啦！我地叫左2個main cousre，每人加$68就轉做set dinner。✨牛肝菌濃湯&包 (+$68轉set dinner就有)以大量既菇菌打碎煮成湯，飲既時候會食到一粒粒菇菌，新鮮菇菌的香味充滿整個口腔，滿滿的滿足感。✨沙律(+$68轉set dinner就有)超欣賞佢有近期好hit既藜麥，仲有令人驚喜既乳酸爆珠，沙

約左朋友去尖沙咀寶勒巷（Cosmos Restaurant & Bar）原來而家係晚上時段，叫主菜加$98有無限任飲優惠，可揀全部種類，包括啤酒，紅白酒、Cocktail、Mocktail、果汁、汽水、咖啡等，仲可以睇埋足球賽事，在這餐廳非常方便，食飯後可再飲埋野，一站式不假外求。咁大部電視機，就係提供直播足球比賽。玫瑰三文魚田園沙律，沙律菜非常新鮮，十分醒胃。法國鵝肝伴牛柳配黑松露紅酒忌廉汁$248，牛柳份量十足，叫咗五成熟剛好，肉質非常鮮嫩，好有牛味，配上入口即溶的鵝肝，點埋黑松露紅酒忌廉汁，超極上的口感。香煎刺身帶子配黑松露牛肝菌燒烤菇意大利飯$168，帶子都好大粒，味道鮮甜，將黑松露及牛肝菌等的食材烹調而成的意大利飯帶著濃郁的香味。乳酸奶凍，酸酸甜甜，幫助消化。

當晚點左2個套餐, 有前菜、餐湯、主菜、甜品同飲品 前菜煙三文魚沙 , 沙 菜同煙三文魚好Fresh, 另有粒粒小爆珠, 味道有小小檸檬味!!都幾特別!另附上餐前生果清洗一下味蕾 飲品點了Candy Jelly 及Peppermint 餐湯係雜菜湯，飲落薯蓉味重!好幾好飲! 重點係塊香脆蒜蓉包, 好惹味 叫左一個主菜香煎帶子黑松露牛肝菌燒烤菇意大利飯 ($188) 帶子好鮮甜, 香煎帶子時間剛好, 外脆內軟! 個人好怕意大利飯好硬身, 但廚師烹調得好好, 好Creamy 黑松露牛肝菌燒烤菇份量好多, 每一啖食到唔同菇菌 另一個主菜板燒法國鵝肝伴牛柳配黑松露紅酒忌廉汁($248) 鵝肝表面好香脆, 入口即溶！ 點了7成熟牛柳, 有兩大塊, 而且好厚身同嫩滑!牛味濃!食落好JUICY! 是日甜品係奶凍, 都幾香滑, 不過個人認為有甜了小小。

不錯夠味，意粉硬度剛好可惜分量太小，唔夠飽可能我比較大食😹😹重口味偏鹹牛柳偏生 我自己就接受唔到咁生🤦‍♀️我地唔夠飽，所以叫左個芝士火腿菠蘿蛋黃醬意大利薄餅呢個好好食 個皮好脆 芝士唔留 值得一試

難得約左女性朋友食飯，點都要搵間有情調既餐廳先得，選擇尖沙咀區基本上都係穩陣之選第一次嚟Cosmos Resturant & Bar, 基本上係俾嗰咁特別既名吸引左入嚟，內裏格局十分有情調，頗有浪漫感覺，適合情侶用餐談心一望餐牌，Main course既板燒法國鵝肝拼牛柳配黑松露紅酒忌廉汁Set才$248,簡直超值，二話不說就點了這個Set前菜既三文魚沙律，水果串及黑松露忌廉湯十分不錯鵝肝味非常濃郁，係優質貨，牛柳兩大件份量十分足，肉嫩兼牛味濃，非常驚喜，而且仲包埋甜品同飲品，性價比極高。另外亦點了香煎刺身帶子配黑松露牛肝菌燒烤菇Risotto, 味道媲美我係意大利食既正宗Risotto, 係香港嚟講叫處理得非常出色，黑松露味香濃得嚟不會太搶，意大利米軟硬度控制得剛好，加上我非常喜愛既牛肝菌，值得推介以尖沙咀地段嚟講，價錢非常吸引，氣氛亦好，下次絕對會再返轉頭幫襯