Coffever (已結業)

一直很想在香港找好喝的咖啡，看過各種推薦之後，選定了這家咖啡。位置在銅鑼灣，挺好找，但是在樓上3樓，很容易錯過。但是這裡位置幽靜，遠離街道，喝咖啡都是為找清淨，所以環境舒服很滿意。老闆服務態度非常好，坐下就開始介紹menu，還推薦店裡的招牌菜式同飲品。牛腹肉不是每家店舖都有，因為這個部位的肉很難處理。所以一定要選這個試一下啦。手撕燻豬肉扁意粉都是招牌。那就選這兩個啦。牛腹肉的口感非常獨特，精瘦的來，一點也不柴，還有一點爽口，配上洋蔥同法式麵包，這個三明治有特色。手撕豬肉扁意粉的調味不錯，豬肉很入味，搭配扁意粉的口感，都幾有滋味。餐湯是南瓜湯，南瓜味幾濃。飲品，來cafe肯定要試下咖啡啦。天氣太熱，凍飲適合點。一杯dirty，試下這裡的這裡拼配豆子配方，果然不失望，我個人不是太喜歡酸味偏重的拼配豆，但是老闆的豆子基本沒有酸味，烘焙度也適中，搭配明治牛奶作為基底，是我喜歡的味道。重點推薦一下老闆的獨家配方—伯爵鴛鴦，同行朋友仔說，這是他喝過最好喝的鴛鴦呀。伯爵茶的獨特香味，搭配酸味不突出的espresso，加入香滑牛奶，這杯鴛鴦很有回味，超出期待！臨走我們還外帶一杯，就知道我們有多愛啦。甜

之前食過一次，諗住經過又試下啦點知就踏上中伏的旅途。。。環境第一次去覺得ok幾靚，點知今次去d餐具洗完好似冇洗過咁😰有潔癖真係唔好試！最衰唔記得左影相！揮手叫餐好似冇人想應我。。。咁既服務態度點留得住客！仲要係樓上小本經營既cafe！個次去已經唔算係多人，員工就自己掛住吹水～想像唔到多人去會點野食麻麻地～食個時其實已經有少少凍，記得唔好期望太多 冇希望就冇失望！因為退步左好多，甜品又係麻麻地～～對唔住個價錢🤷🏾‍♀️雖然價錢唔算太貴，但唔會再試！！

有朋友介紹來這一間餐廳試試食物及手工咖啡。我們懷著興奮的心情來到，怎料卻強差人意。這一間餐廳的職員招呼甚差。當坐下的時後並沒有遞上餐牌，直至我們叫餐廳職員攞餐牌才有得看。加上，我們點餐並不多，但食物遲遲也未能送上。但當時只有數檯客，並不多客人。不知為何遲遲未能送上食物。還有手工咖啡有點酸，不知是否用了不新鮮的咖啡豆用來沖製。縱觀而言，甚差。我不會再來這一間餐廳，而我也不會介紹其他朋友來這裡食及飲咖啡☕️。

令人後悔黎食既餐廳😭老公話想据扒 食幾貴都得 唔介意價錢上網見到好多廣告話呢間好食 雖然見呢間價錢都唔平但一生人難得一次結婚五週年 咪諗住試下點知一食就把幾火一入到鋪頭 態度已經唔太好 明明見有空位 但都仲要等 等左成半個鐘 終於可以入到去坐但原來又係坐番果個空位 等咁耐都唔知等咩睇一睇個menu 見到個安格斯慢煮牛扒見幾吸引 咪諗住試下我唔係幾食得生野 所以叫左七成熟老公就無所謂 所以叫左五成熟本身好期待 但個餐黎到之後我同我老公眼都突埋塊扒細到 同平時大家樂大快活据扒有咩分別我真係眼都突埋 比咁貴但得咁既質素 原來又係靠賣廣告真係寧願食花園餐廳好過

銅鑼灣出名樓上cafe多！今次黎到哩間好cozy嘅 cafe，店員服務好，而且食物質素又高，款式夠多，咖啡夠香，而且仲要好睇好食，有得打咭。食物定價一啲都唔貴，直頭係物超所值！先黎佢嘅Hand Drip coffee，平時 main stream 度度都有得飲嘅咖啡就飲得多，哩啲另類咖啡唔係度度有得飲，而又整得好飲。哩度就唔同了，佢地嘅咖啡頭係有水準的，飲落帶甘香，而且仲有淡淡嘅果味，完全係一個好令人意想不到嘅味道！主菜叫左佢嘅手撕豬肉意粉，獨特之處係佢嘅豬肉係慢煮烹調，除此之外仲用左好多種唔同嘅醬料醃製而成，好用心嘅準備工夫，果然係有好味嘅出品！意粉撈埋溫泉蛋，即時提升左整體味道，加埋好特別味道嘅豬肉，仲有爽口彈牙嘅意粉麵底，好搭調慢煮牛肉真係不得了，肉質好鮮嫩亦好鮮味非常軟熟，煮嘅熟度亦剛剛好，唔太生亦唔太熟！配埋嘅薯蓉亦好好味，一啲都唔會太膩亦夠滑

手沖咖啡在咖啡機流行的年代算是小眾玩意，但最近熱潮卻由日本傳到來香港。雖然工具簡單，但由於水溫、注水速度和方向都能影響咖啡的風味，變相每一杯咖啡的風味都不同，對於咖啡愛好者著實有一定魔力。咖啡熱是一間樓上咖啡小店，不單提供獨一無異的手沖咖啡，最意想不到是食物同樣有質素，是近年少有的有heart小店。＊＊＊＊＊＊＊＊＊＊＊＊＊＊咖啡熱店面不大，店內裝潢簡約，讓人有一種放鬆的感覺。手沖咖啡($60)手沖咖啡較平時用咖啡機煮出來的咖啡相比較為清徹，顏色像紅茶一樣。由埃塞俄比亞咖啡豆沖出來的咖啡帶點檸檬酸味，因為手沖咖啡一般幾分鐘就沖好，所以不像平時的咖啡般苦澀，對於平時不太飲咖啡的我來說非常易入口。慢煮安格斯腹肉牛扒伴薯蓉($268)據店員介紹，這個腹肉牛扒用上牛腹部對落近橫隔膜的部位，供應不多，軟嫩之餘牛味亦較濃。牛扒先輕煎再慢煮兩小時，呈玫紅色但卻沒有血水流出，牛扒軟腍沒有筋，做得出色。牛扒有12安士，份量非常多。旁邊還伴有沙律和薯蓉，食完都幾飽肚。慢煮鴨胸伴蔗香意粉($188)鴨胸雖然好多地方都食倒，但小店先輕煎把油份迫出，慢煮後再第二次煎煮把更多油份迫出，所以入口比平時食到的鴨胸少油

星期五本應瀰漫着令人興奮嘅holiday mood。但近來嘅氣氛真係有一點沉重。所以今晚就決定搵一間樓上Cafe嘆番杯靚咖啡，好好沉澱一下自己嘅心情☕️咖啡熱店面細細，因為冇訂位所以店員安排左我哋坐bar table。但點完菜之後有人走，佢好貼心咁安排返我哋坐正常座位，舒服得多☝🏻要讚🧡先黎一杯signature啡😸 我地最愛單品豆。因為每一種豆無論國家、曬法、烘焙程度等都各有不同。每一次試新嘅豆都充滿未知嘅驚喜🤗來自哥斯達黎加嘅咖啡豆，淡淡酒香，佢嘅after taste同聞落去就有好香果甜味。唔屬於好濃嘅咖啡，但飲落令人覺得好relax嘅一種！今日好luck. 點咗最後一份👊🏻慢煮安格斯腹肉牛扒，胸腹肉是位於肋骨下方的橫隔膜，以肉香聞名，整條牛扒都不帶骨並附有少量脂肪，廚師係處理食材(桃筋)廢時。再慢煮2小時，上桌時再烤令肉味更香濃，食落柔嫩、多汁🤤Share食所以我地再叫左客慢煮鴨胸伴蒜香意粉🍝 鴨胸經兩次煎煮，慢煮令肉質爽口嫩滑，而且不會太膩。鴨肉部份不僅多汁，重點係我終於食到鴨胸係嫩而晤係乾身好鞋嘅口感喇🙊🙊低溫煮出黎嘅肉類到底有多大嘅魅力？用真空袋真空，令調味快速入味。時間掌

利舞臺望向對面，發現到呢間餐廳。就決定入來避雨。簡單而寧靜嘅環境，本來只係想點一杯普通咖啡，你staff極力推介下，我哋試咗Hand drip咖啡。Hand drip咖啡望落去好清澈，與其話係咖啡，望落去更似一杯茶。依家飲咖啡，好多時都用大型咖啡機去調制，令你感覺好專業，每一杯都做到一模一樣嘅效果。相反，Hand drip咖啡只係用簡單嘅器具，更考驗沖咖啡嘅功力。慢煮安格斯腹肉牛扒廚師先慢煮牛肉2小時再煎封，staff同我哋講腹肉係連接橫隔胸肌肉，產量稀少。調味方面，簡單用上少許鹽同香草調味，令客人減少味蕾嘅負擔，可以更感受到牛肉嘅質感同味道。而且肉質非常煙韌，令人好有驚喜。除咗牛肉，仲有黑醋沙律及薯蓉，平衡返營養均衡之餘又滿足到飽肚感。慢煮鴨胸伴蒜香意粉每一去塊鴨胸皮都係煎至金黃色，肉質鮮嫩，味道以食材嘅鮮味為主。而且廚師巧妙利用鴨胸釋出嘅油去煮意粉。加入少量蒜蓉、黑椒、香草調味，令意粉同鴨胸更合拍。係呢度，Staff會好詳盡去解釋每一道菜，你可以感受到佢哋對咖啡、對食物嘅細心、熱情。呢一樣嘢係商業化社會，機械式製作食物嘅年代近乎罕有。

當香港人對食越嚟越有要求，就會食得越嚟越刁鑽。以前嘅年代每逢節日先有機會食牛扒，今日大家食嘅已經唔再係牛扒咁簡單，可能會係一啲牛嘅特別部位。上年喺上環食過一間精品☕咖啡小店，黎到今年佢哋選擇搬到銅鑼灣一間樓上店舖繼續經營；搬鋪可能有種種原因，每一個決定都會好艱難，當然到今時今日我仲選擇去光顧佢，因為佢哋對食物有一份執著同埋熱誠。今次嚟到佢就畀我初體驗食到牛嘅非常罕有部位，Butcher's steak又名Hanger Steak，因為十分少有所以比較少食到：一隻完極嘅🐂牛只有少於2kg呢個部位，而且後製嘅處理過程非常複雜，所以餐廳都未必會選擇。佢嘅口感比任何一個牛嘅部位要較腍，簡單嘅調味就可以令牛咪相當突出。經慢煮再以火槍燒面頭，更具一陣香濃，達至外脆內軟。配菜薯蓉絕對唔馬夫，食得唔係真薯仔壓成，唔係薯蓉粉開，淡淡嘅調味唔會搶過牛嘅味道。慢煮鴨胸意粉同樣出色。經慢煮再香煎嘅鴨肉質依然軟腍，皮更做到香脆口感。超欣賞意粉質感，軟硬度合適，富香濃欖油味。手沖咖啡唔係個個接受到，香港人對於咖啡嘅認識可能係奶味香濃個啲，而手沖咖啡絕對係另一個層次。咖啡師教我地當佢係一杯特飲飲用。有趣嘅係，趁熱飲

一直對樓上Cafe印象一般，食物質素通常不過爾爾和煙霧瀰漫。但是夜經朋友介紹到此有意外收穫。這裏有手沖咖啡，提供有用音樂家巴哈命名的咖啡豆，先曬成葡萄乾的狀態，再脫果皮蜜處理發酵。香氣濃郁，充滿酒香和莓香，喝下順滑，有紅茶的餘韻。層次口味豐富，$78比起一些索價$50的糖漿凍飲實在超值。慢煮牛腹肉牛味濃郁，肉質軟稔無渣，脂肪少。薯蓉新鮮，沒有以一般的處理法加入大量牛油或忌廉，保持嚼勁，只加gravy和parsley。質素不遜不少高檔扒房。溫泉蛋手撕豬肉扁意粉，豬肉慢煮處理，以十多種材料醃製，軟稔入味不過鹹，意粉Al Dente，配合蛋醬增添濕潤口感，絕對是上品。這裏食材用料上乖，烹調用心，值得推薦。

香港人的工作壓力實在太大，偶爾真想到一些舒適的地方放鬆一下，而香港中令人感到舒適的地方，不離也是一些戶外的地方和樓上cafe。早已聽聞過在上環一間叫「咖啡熱」的樓上咖啡店，但好像是因為一些問題而搬到銅鑼灣，心想，這間有名的咖啡店在上環時我也沒試過，搬到來銅鑼灣試試也無妨。咖啡熱在銅鑼灣的一座舊式大廈裡，門口不算顯眼，但上到那層也不難發現。然後一進去便看見了不少擺設如香薰、乾花等等，賞心悅目，感覺非常舒適。以木製的桌椅，簡約，令人置身在一個沒什麼煩惱的地方。靠近玻璃的位置更可看到外面的街景。餐廳在晚上以套餐為主，食物的價錢在銅鑼灣也算是差不多，最便宜的也要百多元，最昂貴的則要二百多元。聽說這間餐廳的手沖咖啡不錯，引得我這個不太對咖啡有興趣的人也有興趣嘗嘗。有兩隻小杯子，咖啡則用了一個酒瓶去盛載，店員為我們介紹，這裡的咖啡跟我們平常喝的不一樣，別的咖啡店可能是用普通的咖啡粉去弄咖啡，這裡的則是手工做的。在不同的溫度下，喝的味道也會有分別；在熱的時候喝，能喝到茶的味道，溫度適中的時候，能夠有清爽的感覺，到最後，能喝到最原始的手工咖啡的味道。很久沒有吃過那麼高質素的前菜了！這裡的蒜蓉多士可不是

今次嚟到呢一間係銅鑼灣樓上鋪嘅高質休閒小店，小編同女朋友入到餐廳入邊就order左兩個套餐，小編10分推薦慢煮安格斯腹肉牛扒同埋48小時慢煮手撕豬溫泉蛋扁意粉，一隻牛只得2公斤腹肉嘅呢個部位仲要係完全冇根嘅，可想言之製作係幾咁繁複，小編10分欣賞呢間鋪頭製作嘅牛腹肉，食每一啖都感覺好正，絕對值得推薦。而另一個主菜手撕豬製作得好細緻同溫泉蛋和意粉撈埋一齊食係一個10分好嘅配搭，甜品方面，呢間餐廳嘅伯爵茶奶凍雪凍都好正啊，仲有佢哋嘅手工咖啡絕對唔係一般嘅咖啡，飲落好特別好似咖啡茶咁嘅feel啦，大家不妨上去試一試啦

今次算係食過香港最好食嘅牛柳機緣巧合之下朋友去過之前間鋪食但因為佢哋搬咗黎呢度所以冇機會跟佢試咁啱今日行街醒起原來去咗銅鑼灣地址都幾隱蔽 但係開係樓上可以減低個成本 終於帶到高性價比嘅食物比顧客今次試左三樣嘢Butcher steak 鴨胸意粉同埋手工咖啡個steak真係會令人一試愛上喺香港冇乜點食過咁好食嘅牛入口鮮嫩而且有牛味 個口感超級特別 冇乜係其他地方食過真係好好奇問店員先知 原來因為處理麻煩而且一隻牛可以提供嘅部位好少所以唔係咁多地方可以食到 我強力推薦一定要黎試吓鴨胸意粉經過慢煮鎖住啲汁再燒香外面層皮 食落唔會好油 但係都會有一陣香味 意粉煮得啱啱好 唔會太淋仲有咬口 整體都算高質手工咖啡更加冇得彈 就連平時唔飲咖啡嘅女朋友都讚飲完之後唔係得苦澀味仲有回甘同少少酸 飲得出所用嘅咖啡豆都係精心挑選呢一間高度推介一定會再返嚟食

估唔到銅鑼灣鬧市會有間小品咖啡廳，命名做咖啡熱，個名已經充滿住店主對咖啡既熱誠，當然要試佢既手沖咖啡，每個師傅對沖既速度同溫度都有唔同要求手沖咖啡同平時連鎖店飲到既咖啡完全唔同，細細品嚐有不同層次，而且唔同溫度都有差別，熱既時留係嘴齒間既澀味會重d，涼少少香味會比較濃，淡淡既酸味同冇苦澀味。主菜係慢煮butcher steak，味道濃郁，牛味重，經過細心處理改件，令佢同時好軟淋易咬冇筋，配上薯蓉，新鮮薯仔打蓉好有薯味同留有少許薯粒，黑醋沙律開胃驅散牛既油膩感。另外仲有慢煮溫泉蛋手撕豬肉意粉，豬肉經過慢煮覺得已經變成另一種口感，有少許似吞拿魚，配上多種香草同少許辣味，撈埋溫泉蛋黎食，食唔停口。最後臨走我再叫多左一杯手沖咖啡，咖啡師話係呢種豆係屬於音樂家系列，叫巴哈，磨粉前比我地聞一聞，除左咖啡味仲有陣香濃既酒味，非常有趣，飲落比之前既咖啡少左酸味，好似飲緊好溫和既威士忌，非常得意!下次會再上黎試其他豆

咖啡通常與濃厚、香醇甚至苦澀等形容詞掛勾，但今次到樓上咖啡店體驗了另類咖啡，它是清澀、甘香與清新的感覺一洗對咖啡一貫要加糖加奶才可入口的觀念，品嚐咖啡就如品嚐紅酒一樣，體會其原有味道，嚐出其果香之味，這是餐廳老闆開「咖啡熱」的宗旨，也是他想宣揚的理念。看他恭敬有禮地向朋友與我介紹開業因由，我倆也被這股熱誠所感動在走廊放有多本有關咖啡的書籍供參讀，完全感受到老闆希望客人光顧時不但品嚐咖啡，還可更加了「咖啡」的背景與由來，這數步而過的走廊頓時變成了小小咖啡博物館經過那「咖啡廊」後來到餐廳中央，餐廳以淺啡、白色及灰色為主色調，並用乾花與舊式路牌作擺設，整體有文青感。大愛面向街景的大窗戶，眺望喧嘩街道時多慶幸自己在繁華鬧市中找到一片寧靜餐牌簡而精，食品大概就只有Set Dinner 頁內款式，而飲品除了衡常泡沫咖啡、摩卡及拿鐵等咖啡外，還有老闆大力推薦的手沖咖啡。最後點了2款主食及手沖咖啡品嚐等待食物飲品中途見服務員在咖啡吧埋頭苦幹地忙著，滿有好奇心的我走上前看看，原來手沖咖啡採用了滴濾法，用濾紙把咖啡渣隔去並萃取純咖啡液第一次品嚐咖啡如飲紅酒般，咖啡用玻璃瓶盛載著並附上小杯兩個，咖啡不論質感