CHICKEN CHIKO

营业中

休息中

北角站B1上到地面，左轉直行幾分鐘，就看到明園西街，這家炸雞店就大隱隱於市地開設在這條小街上。夜幕降下來，約上兩三好友，來這裡chill下。.因為是韓國人開設，所以店內有很明顯的韓國本土元素，兩塊電子屏上都播放著不同的韓流節目，室內設計也非常韓國簡樸風。既然是主打炸雞店，那麼必須點個炸雞拼盤試下，選了自選四拼，分別口味選擇了：香蒜醬油炸雞，甜辣炸雞，乳酪洋蔥炸雞，車打芝士炸雞。個人和同行朋友都更偏好前兩種，比較直衝味蕾，不會太膩。份量不少，每種口味均有6塊。老闆親自下廚，因為第一次上菜後吃了幾塊，覺得不夠熱辣辣，讓老闆加熱下，結果要求很高的老闆重整了新一份給我們，被老闆的敬業精神感動，點贊👍炸醬麵大份且好味，炸醬味道很正，有洋蔥和茄子在裡面，甜而不膩，推薦！還下單了韓式魚糕湯，88元一鍋，份量不算太多，但因為炸雞和炸醬麵佔據了很多肚子容量，魚糕湯對我們就很夠量了，還附送白飯，白飯稍微蒸過軟身了些，建議商家可以提升下。飲品點了西梅汁和紅葡萄柚梳打，西梅汁有些寡淡可以改善。紅葡萄柚梳打很不錯。

住所附近最近新開了一間韓國餐廳，就在明園西街7-11及KFC旁邊，黑色招牌不算太起眼。但經過時看見餐牌價格還挺便宜，於是相約朋友放工後一試。餐廳由韓國人主理，用餐環境不錯，桌子之間挺寛敝，電視機還會播放著韓式歌舞。可以掃CODE下單，還發現了掃CODE比紙質餐牌多了一些輕型炸雞的選擇。我們兩個女生胃口不大，想試多一款炸雞這種輕型版最適合我們。我們點了醬油炸雞及乳酪洋蔥炸雞，雖說是輕型版但也不少，有五大舊再配上椰菜絲。醬油炸雞很惹味，乳酪洋蔥則很下飯，炸雞吃過後不會覺得熱氣，雞肉亦很滑嫰。韓式魚糕湯跟平時有點不一樣，不是串起的魚片，反而是厚實點的星星魚糕。泡菜煎餅有3大塊，咬得出爽口泡菜粒，味道有點偏辣，沾醬汁後則更辣更惹味。之前還擔心不飽再加多一份烤牛捲飯，但其實已經很飽了。烤牛捲飯非常足料，當小食或主食都可以。飲品方面點了士多啤梨梳打及藍色多腦海梳打，顏色鮮艷，味道清新，打咭亦一流。老闆及職員都很熱心，細心介紹菜式，又會幫忙拍照，非常有人情味，加上性價比很高，絕對會再光顧。

最近行經北角明園西街明苑中心地下，見到有間賣韓國菜和韓式炸雞的新店。午飯時間，有好多人堂食及外賣。據知店主是韓國人，在外地和香港其他地方都有店。今天散叫，朋友發辦，叫了數個招牌菜。先吃新鮮清爽的蔬菜沙律。韓食怎少得美味的炸雞? 炸雞款式多，有水準，炸雞迷一定不會失望。我們揀的招牌原味炸雞無骨，啖啖肉，香脆惹味。蜜糖牛油炸雞甜香脆，加埋煙韌的韓國年糕，食到停唔到口，正! 炸雞嫓美韓國吃到的。泡菜餃子湯辣辣地好開胃，泡菜餃子有美味的粉絲泡菜豬肉饀，湯內有可口的年糕和淋甜的蔬菜，好味道。烤牛肉伴飯也真材實料有營，牛肉好食，飯有咬口，伴菜的冬菇絲，菠菜，豆芽，甘荀等新鮮，增加口感。朋友鐘意忌廉鮮奶，我的熱红棗水好飲，和暖養顏。最初驚朋友叫太多浪費，怎知因太好味全部食哂，大滿足!整體而言，此店的食物好味地道，不會太咸太油，散叫多選擇而且價錢合理，套餐抵食，是朋友聚餐叫外賣的好地方。下次再試其他菜式。

經過明園西街，見到有間新餐廳，八卦望下，原來是韓式炸雞餐廳，正中下懷，炸雞🐔我所好也✌。餐廳個招牌雞🐔好醒目，好可愛，五顏六色，遠遠就望到。👀門口貼上餐單，所有食物一目了然，想食乜可以揀定，心中有數。炸雞有好多種味道，原味之外仲有十二種味道，真是應有盡有，有辣有唔辣，我地就揀左原味，甜辣，乳酪洋蔥，車打芝士，全是無骨啖啖肉，韓滋樂四拼炸雞，每款都有好多舊，份量超大，滿足大胃王的要求。🙃🙃食炸雞🐔之前，仲送一份新鮮椰菜沙律，真是很窩心❤的安排，食完新鮮爽脆酸酸甜甜的沙律，胃口大開，叫多幾樣野食。🤗🤗炸雞🐔外脆內嫩，加上不同的醬汁，食到舔舔利。👅我最鐘意乳酸洋蔥，味道極上無得頂。💯炸雞之外仲叫左吞拿魚🐠壽司🍣，部隊鍋，兩杯飲品，都係每人百幾蚊，超抵食，這裡交通方便，坐得舒服，價錢實惠，住在附近真好，多個飯堂。🤩🤩

CHICKEN CHIKO 地址: 北角明園西街2-6號明苑中心地下4號舖電話:=====================韓國炸雞攻佔全世界，能做到炸雞香脆，肉汁滿滿，加上不同口味，配上汽水或是啤酒，是心中的comfort food韓滋樂四拼炸雞：$208原味、香蒜醬油、芝士雪花、車打芝士炸雞 ，四格口味，一次過試曬！人唔多叫一份岩曬三月兩意的人。酥脆可口，最愛芝士叫了韓國啤酒，啤酒甘加上氣泡，夾埋炸物食一流。辣炒泡菜豬肉飯：$83 加上煎太陽蛋，外賣營養都照顧到了，個豬肉辣辣地好開胃。多個口味炸雞，要來品嚐一下哦

最近發現觀塘新開左一間韓式既料理店，今日終於決心入去試一試。先講講環境，四四正正，坐得都幾舒服，兩邊都掛住電視，一邊播緊MV，另一邊播緊Running Man。餐牌既選擇都多，我所揀既係佢既《自選一碟》先揀既係佢既主食，可以揀飯或者粉絲，或者一半半。我就揀左一半泡菜炒飯一半少粉絲，味道就中規中舉啦，不過以韓食來講偏淡。然後可以揀2份料理，有炸雞又有泡菜煎餅可以揀。我就揀左甜辣炸雞同蒜香醬油炸雞，我覺得都幾好味，外皮沾滿醬汁，不過甜辣口味可以再辣啲，而蒜香醬油口味就啱啱好。不過共通點都係唔夠熱。最後，就係揀飲品，飲品方便選擇都唔錯，我飲既 柑橘汁都夠凍夠大杯。另外，仲送左個沙律，賣相一般，但非常清新好味。

除左炸雞外脆內軟好好味，我地仲叫左韓式烤豚肉飯，豚肉厚切有少少唔夠淋，但醃個醬汁好好味，撈飯一流👍🏻佢有好多唔同種類炸雞選擇，食落唔會覺得乾爭爭，亦唔會覺得食兩舊就唔想食，所以呢間我會再幫襯😋