CHICKEN CHIKO

营业中

休息中

行過見呢間位於北角的韓式炸雞好似幾平，而且又多人食，於是決定入去睇下呢間到式好唔好食！一入到去，店員好熱情咁招呼我地入去坐低，睇睇個menu，呢間同出面啲大型韓式炸雞店一樣，都係可以揀兩個口味的炸雞做雙拼。我地叫左一個雙拼炸雞，叫左啲小食！韓滋雙拼炸雞（任選-無骨）$195:我地揀左蜜糖牛油炸雞同埋車打芝士炸雞！但呢度美中不足的是車打芝士的口味冇出面的咁好食，但蜜糖牛油的味道係同炸雞好夾，芝士味的就差啲啲，個芝士係好似分開咁，好似食緊芝士還芝士，炸雞還炸雞咁🥲韓式魚糕湯$88:呢個就冇咩特別，同出面的魚糕湯一樣，中中等等。烤牛捲飯$55:呢個我就覺得比較乾身，但個捲飯就好食的，但要配返飲品會比較好。推薦指數：7/10🔥

今日溫度突然急降得返10 度，想食熱野但又想食飯團，就諗住想食韓國野，北角行行下發現到呢間CHICKEN CHIKO就入左去試下，地點就腳，離地鐵站不遠！想食左熱野暖暖胃先，所以我地點左韓式魚糕湯魚糕湯熱辣辣好暖胃同埋有濃郁既魚湯味，主角有韓式魚糕，彈牙美味，配料仲有椰菜、紅蘿蔔絲、洋蔥、蛋、韓國年糕好豐富！食韓國野點小得炸雞，單叫，雙併，四併都可以選擇，我地點左雙併，原味併香蒜醫油，完全冇骨，個人較為喜歡香蒜油甜甜既味道，而且仲伴隨住蒜片，好開胃，而且份量好驚人，可以夠食3至4人，絕對係抵食之選！烤牛卷飯，蟹肉卷飯價錢親民既卷飯，總共有4款味道可以選擇！如果去到北角想食韓式食物，呢間餐廳性價比高！

CHICKEN CHIKO 地址: 北角明園西街2-6號明苑中心地下4號舖電話:=====================呢間炸雞由韓國人開的，韓國炸雞定價非常親民，韓滋樂四拼炸雞 $218有香蔥味、香蒜醬油、芝士雪花、車打芝士炸雞等共4個味 ，四個口味一次過試（其實好多炸雞店最多都係只有half half ，即兩個口味,所以見到4個味拼盤超開心）炸雞外層香脆肉汁滿滿，加上不同口味，無骨雞好實在方便，炸起再落調味粉/醬汁！額外濃郁又保持雞件外脆內嫩！多個口味炸雞，要來品嚐一下哦,亦有單點$108 有550g $83 炸醬麵食得多，試下炸醬年糕，要樣是用了黑豆醬，換了煙韌口感的年糕，好滋味。好鐘意韓國飯卷的麻油香，$53 辣豬飯卷，入面包了蔬菜條同辣炒豬肉片，美味，令人不知不覺食多了飯！食物份量足，炸雞口味多，良心小店水準不錯。

見到上網話呢間韓式炸雞好食😋 咁啱今日經過北角就試下！ 價錢真係好親民，同尖沙咀嘅韓國街完全唔同！ 睇Menu見到炸雞款式非常多 。 香蒜醬油炸雞無骨 推介❤️炸粉非常薄 調味適中 因為揀嘅係醬油，所以出邊係甜甜地再加啲炸咗嘅蒜片 ！裏面嘅雞肉有調味唔會太清。 重點係無骨嘅，適合各位懶人🤣😂 我朋友話覺得佢好食過韓國明洞嗰啲 ！ 見咗佢炸雞，有好多唔同味 ，個Staff話如果鍾意食辣，佢嘅辣味好出色！我就唔食得辣，不過都好想下次去encore其他味道👅 另外佢嘅沙律菜都比到驚喜我，醬汁食落去酸酸地，但係唔係醋！ 又唔係沙律醬厚身嘅肥膩感。 味道有啲似柚子味 ，好清新一啖沙律菜，一啖炸雞，但完全冇油膩感。隔籬枱嘅客人都忍唔住加錢refill! 泡菜餃子湯 特色個餃子比到驚喜我，裏面有啲豬肉同泡菜仲有少少粉絲碎。 裏面加粉絲碎令到成個餃子嘅肉餡煲出嚟會唔會好實。 怕辣嘅人都唔驚，佢個湯底係清嘅 ，有粉絲菜同年糕。 係餃子有少少辣，辣味係泡菜嗰種！ 我覺得都正常辣！烤牛捲飯唔知係咪紫菜落咗麻油，一上菜就望到啲紫菜好有光澤。 🤣🤣 睇相就知有好多舊，而且材料都好豐富。 仲有一個特別辣豬肉味。

一轉入明園西街就見到呢間韓國炸雞店。餐牌除咗炸雞仲有唔少熟食，平均都係$80 左右，全部都好吸引。炸雞點咗2份輕盈版，一份係傳統甜辣醬，一份係香蒜醬油味。輕盈版炸雞仲附送一份酸椰菜，可以解油膩。炸雞裏醬之後，仍然保持到脆度。香蒜醬油味有驚喜，咸咸甜甜。平時成日食泡菜煎餅，今次就試吓牛肉煎餅。塊餅都幾厚，外脆內軟。配上特製嘅醬料幾好食。另外仲點咗一個泡菜餃子湯。個湯除咗泡菜餃之外，仲有粉絲，年糕，雜菜，都幾大份。

放工想吃韓式炸雞，於是去了Chicken Chiko~港鐵北角站B1出口，步行約3至4分鐘，交通非常方便。店內裝飾簡潔，韓風格調，老板和主廚都是韓國人，菜餚全是正宗韓國菜，老板服務招呼都很熱情，推介這店的招牌菜。烤牛肉拌飯$85賣相吸引，多款菜類拌碟，飯面放置一隻煎蛋，多件薄切牛肉，肉質嫩滑多汁，份量十足，老板指引混拌來吃，味道極佳。部隊鍋$88湯汁極濃，酸辣調味極佳，鍋內材料豐富，有芝士、腸仔、肉粒、菇菌、多款香蔥洋蔥等，韓式年糕及粉絲柔軟有嚼口，吸入湯汁非常惹味。蜜糖牛油炸雞$108雞件炸至酥脆，肉質嫩滑多汁，外脆內軟，香濃牛油混上蜜糖，配搭非常好，配上幾件韓式年糕，真是手屈一指的韓式炸雞。烤牛肉煎餅$73餅的表面煎至金黃薄脆，餡料軟糯，混拌牛肉碎粒，更覺美味可口。士多啤梨梳打$28杯內飲品顏色吸引，淡紅色襯托著酸甜的士多啤梨味道，是餐後消暑清新的美味飲品。柑橘茶$15香濃熱的柑橘茶，調配酸甜恰好，剛吃了煎炸食物，平衡味蕾，為這餐劃上完美句號。

聽公司同事講呢間位於北角嘅韓國餐廳好正宗，價錢合理，而且餐廳位置好方便，北角地鐵站行都係幾分鐘！餐廳主打炸雞，有好多特別嘅口味，由於款款都想試，所以叫左個四式炸雞拼盤，我地揀左甜辣、車打芝士、蜜糖牛油同乳酪洋蔥口味。四款炸雞嘅賣相都超吸引😍😍😍攞上黎都仲係熱辣辣脆卜卜，而且雞肉嫩滑無骨！😋😋😋個人最鍾意乳酪洋蔥，酸甜酸甜咁唔會咁易膩，而且呢個口味出邊好少有，所以超推👍🏻👍🏻除咗炸雞之外，佢嘅韓式食品款式亦都唔少，所以我地樣樣都叫左少少，首先係蟹肉捲飯，好足料，啖啖都係蟹肉👍🏻另外仲叫咗個韓式炸醬麵同牛肉拌飯，前者好正宗，就係韓國食過嘅味道，係好食嘅炸醬麵，好食過出面唔少餐廳😋😋😋另外牛肉拌飯就同出面餐廳差唔多，不過佢都係好足料，牛肉份量好多，性價比比出面就高好多👍🏻👍🏻總括嚟講，唔一定要尖沙咀韓國街先有正宗嘅韓國嘢食嘅，呢間都一樣夠正宗好食，仲唔洗加一添，抵食！

近來北角區開左幾間韓國料理， 主打炸雞就第一次見， 炸雞呢款食物啱哂我呢d 鍾意食煎炸野嘅人啦。 韓滋樂四拼炸雞- 原味 甜辣 咖哩 蜜糖牛油， 四款味各有不同， 只有一樣野相同就係好好味， 炸雞有肉汁， 好juicy, 肉質嫩滑， 真係食極唔停口。 我就鍾意食甜辣同咖哩， 可能個人鍾意食辣掛。韓式炒粉絲-呢碟粉絲真係份量十足， 粉絲同牛肉非常多， 牛肉好嫩滑又厚切， 似牛柳絲多d, 唔似平時食開果d 乾哂身。 泡菜餃子湯-泡菜餃子材料十足， 辣辣地大大隻幾好食， 餃子湯重有粉絲做配菜， 非常抵食。藍色多瑙河梳打- 藍色嘅飲品， 非常吸睛， 味道似波子汽水， 食炸雞配杯冰凍飲品， 爽哂。

最近發現北角有一間由韓國人主理的韓國餐廳，餐廳主打係炸雞，炸雞味道非常多，而且價錢都很平民化，好抵食，重要的是質素高👍🏻最開心係餐廳炸醬麵，試過好多間餐廳都未搵到一間在韓國食過的味道，但今次我終於搵到了。非常開心🥳餐廳除了炸雞，還有很多韓國料理選擇😋👍🏻不得不提及，餐廳服務員十分有禮👍🏻讚👍🏻👍🏻👍🏻美食推介：👍🏻💛韓滋樂四拼無骨炸雞（原味+甜辣+乳酪洋蔥+蜜糖牛油）：原味炸雞已經好好食，皮脆肉嫩，而且仲好juice。甜辣醬甜甜辣辣，脆卜卜炸雞，辣醬不會太辣。乳酪洋蔥酸酸甜甜，味道清新，減油膩首選。蜜糖牛油味香甜蜜糖味，而且牛油醬汁與炸雞的配合十分夾。份量非常多，可以一次過食幾款味道，真係好開心，最重要係價錢都好抵食👍🏻💛烤牛肉飯卷：正宗韓國口味的飯卷，材料豐富，必點食物👍🏻💛炸醬麵：麵質口感彈牙，醬汁好好食，鈎起我在韓國曾經食過一間好好食的炸醬麵，估不到終於都可以在港島區搵到一間好食炸醬麵，大愛呀🫶🏻🫶🏻💛弘大玫瑰炒年糕：玫瑰醬濃厚，每一口年糕也能被醬汁包圍住，年糕口感煙韌，除了年糕還有煙肉、香腸、粉絲、雜菜，非常足料🤭💛西柚梳打：濃濃的西柚梳打清新又解膩💛水蜜桃梳打：蜜桃味香濃，不

好喜歡食炸雞，不論是韓式日式定港式，朋友介紹呢間韓式炸雞好好食，今晚特登嚟試試。餐廳環境都寬敞舒適，用QR code落單。2人點了3餸，泡菜煎餅，卡邦尼年糕及乳酪洋蔥炸雞拼甜辣炸雞（無骨）泡菜煎餅，一份有3大件，咬落口感軟棉，有滿滿的泡菜餡料，味道唔會太辣剛剛好，配搭特製醬汁食更美味。卡邦尼年糕，見到幾得意，用韓國年糕取代意粉，幾fusion。配料有煙肉，腸仔及粉絲等，有少量芝士粉及紫菜粉調味。年糕口感軟硬適中，同芝士白汁幾配合，而且加上咁多配料，成個餸好豐富好好食。乳酪洋蔥炸雞拼甜辣炸雞（無骨），乳酪洋蔥汁是另上，呢個方法幾好，試吓醬料口味先決定蘸幾多。乳酪酸味幾突出，配炸雞可以減輕油膩感。甜辣炸雞味道正常發揮，個人較偏愛乳酪洋蔥口味。飲品點了紅葡萄柚梳打及水蜜桃梳打，有氣飲品配炸雞真係一流！見到餐牌仲有幾款菜式都想試，下次叫多幾個朋友嚟試埋其他口味的炸雞。

今晚放工與同事嚟到一間韓式炸雞店🐔🐔🐔" Chicken Chiko "🐔🐔🐔 店舖好近地鐵站~北角B1出口向前行，位置方便，而且餐廳內環境舒適，兩個人都可以安排到闊落嘅大枱，唔使就住就住怕冇位放置食物！韓滋樂四拼炸雞 (無骨)🐔🦃🐓🐣$218 1) 芝士雪花炸雞~ 白碎芝士雞上面被芝士粉覆蓋， 味道濃郁， 食落一啲都唔膩，值得一試！🧀🧀🧀🧀🐔🐔🐔2) 蜜糖牛油炸雞~ 每件炸雞面層已有至愛嘅蜜糖，內裏肉質鮮嫩多汁，連雞胸都唔覺好乾身， 好味！🍯🍯🧈🧈🐔🐔3) 香蒜醬油炸雞~ 炸雞上面灑上脆口嘅蒜香片，外皮金黃香脆，醬汁好正，香蒜味亦好突出！4) 甜辣炸雞~好juicy! 炸到皮脆內軟肉質好嫩滑，咬落去仲有肉汁爆出嚟，用咗雞扒肉無骨啖啖肉好滿足！甜酸醬偏甜微微辣有蜜糖味，唔食得辣嘅人都唔覺辣，醬汁均勻地氈滿每一嚿雞，份量足夠！炸醬麵🍲🥘🥣$83彈牙嘅麵質與炸醬撈埋一起吃，味道很不錯，也是最佳拍檔😇🥰😆泡菜煎餅🥧🥧🥧$73好香口！熱辣辣上枱，傳出好香嘅泡菜味，口感豐富，喜歡吃泡菜的一定要選！烤牛捲飯🐮🍘🍘🍘🍘$55紫菜包住：青瓜、黃瓜、蟹柳、蘿蔔及烤牛……配料豐富，烤牛份量都唔少，絕對滿足

北角好似唔多韓式餐廳，有時睇韓劇睇得多，見到佢地食炸雞食得咁開心搞到我都心郁郁，今日行行吓見到呢間餐廳 ，價錢好抵晚市都唔收加一 。咖喱皇炸雞無骨$108 🍗平時出去食炸雞都兩百幾一份，呢度只係一百蚊多啲 。咖喱味嘅韓式炸雞好少見，咖哩粉唔會太搶，炸雞皮炸得好脆，仲有啲粟米中和下油膩 。韓式魚糕湯$88 🍲天氣轉涼好想飲啲熱辣辣嘅湯，飲返幾啖即刻熱辣辣，除咗魚糕仲有啲菜，營養均衡 。韓式泡菜伴冷麵$78 開頭仲好驚呢個冷麵會好辣，好彩唔太難，麵條好爽口煙韌，加埋脆脆地泡菜，口感豐富 。男朋友食食下就自己食晒，我食咗兩啖咋 。熟吞拿捲飯 $48捲飯上枱個陣紫色面好令，餡多飯少，食多幾舊都唔會太濟 。藍色多瑙河梳打$28柑橘汁$15

最近行過北角探親戚發現有間韓式炸雞舖幾高質，價錢相當親民，而且味道不錯，餐廳座位闊落，環境乾淨整潔，有堂食又有外賣。我先試咗韓滋樂嘅四拼炸雞，都係無骨嘅，有蜜糖牛油、車打芝士、香蒜醬油同埋甜辣炸雞，每一口都充滿咗韓國風味。炸雞外脆內嫩，蜜糖牛油炸雞散發甜味和牛油香氣，車打芝士炸雞就芝味濃郁，而甜辣炸雞火辣恰到好處，香蒜就蒜味十足而且醬油咸香，每款嘅獨特風味，令人彷彿置身於韓國街頭小食攤！其次，我點左辣豬捲飯，一口咬落去，辣味同豬肉嘅鮮美喺口中交織，再加上米飯香糯嘅口感，不錯。另外，點左烤牛捲飯，牛肉嘅鮮嫩烤香後散發香氣，而且牛肉嫩滑。至於飲品方面，西梅汁同柑橘汁都非常清新。西梅汁帶有淡淡嘅甜味，而柑橘汁帶嚟一陣酸爽。最後，以弘大玫瑰炒年糕作為完美嘅句點。年糕嘅Q彈同玫瑰香嘅結合，非常惹味。🍗🌶️🍚🍖🥤🌹

收工去北角接收工，睇8:20pm電影前就去左友人推介既CHICKEN CHIKO食返個炸雞宴先。一入門聽到老板講野就知係韓國人，咁一定係地道風味嘅保證😂人氣王牌炸雞系列，乳酪生洋蔥炸雞同芝士雪花炸雞絕對係給味蕾一個震撼！乳酪生洋蔥炸雞，啲雞塊炸得香脆而表面覆蓋一層特製嘅乳酪，味道濃郁而不膩口。乳酪嘅奶香同生洋蔥嘅辛辣完美結合，帶出幾層層次感，每一口都充滿驚喜。因為有醬汁原故，雞肉會以比較涼的方式上桌，更像是開胃菜蜜糖粟米雪花炸雞更是一道視覺與味覺的享受。雞塊上面鋪滿綿密甜甜雪花粉，一口下去，先是爽脆的外皮，接著是鮮嫩的雞肉，微微的蜜糖及粟米甜度,與雞肉鹹香相得益彰，讓人愛不釋手。韓式魚糕湯係另一個沒錯嘅選擇。湯頭鮮美，魚糕Q彈，配料包括蔬菜&粉絲，道地嘅韓國湯品，特別適合食完炸物後嚟返個清淡風味。泡菜煎餅外脆內軟，泡菜配上辣醬油,香脆口感，簡直係一個小小嘅韓國風味盛宴。整個用餐體驗都好舒適，唔單止係食物好味，而且啲服務員都親切有禮，加上舒適嘅環境，真係令人感覺好似身處韓國一樣。食飽飽就當然出發去睇好戲，咁又一日, yeah!

無意中搵到呢間敢喺KFC旁邊開炸雞店嘅韓國餐廳一入到黎餐廳乾淨企理，無油氣味道，枱與枱之間都有距離，坐得好舒服🤣🤣餐牌都有好多款地道韓國餸菜，我地最後叫左1個$218二人餐（包一款口味，份量大約15隻無骨雞、1款主食、2杯飲品）再加1個吞拿魚卷😍😍😍炸雞超級好味，唔會太油但又好炸，雞入面唔會太多脂肪，好似少啲罪惡感🤣🤣d雞就算開始唔熱都一樣咁香口同脆玫瑰年糕份量岩岩好，有埋粉絲撈埋個汁😍😍😍最後有一份韓式吞拿魚卷，份量都幾多，材料包滿曬👍🏻🌟主食份量多，唔需要叫太多。可以留番肚食下小食🤣🤣