CHICKEN CHIKO

营业中

休息中

北角呢間韓國餐廳主打韓式炸雞，淨係炸雞嘅口味已經有11款。我地叫左甜辣炸雞、車打芝士炸雞、蜜糖牛油炸雞。炸雞無骨，外層炸得非常酥脆，唔會太多炸粉，雞肉仲保留住鮮甜嘅肉汁，雞肉軟腍。甜辣味嘅炸雞唔會太辣，甜味比較突出，幾鐘意呢款口味😆車打芝士味道濃郁，蜜糖牛油有香濃嘅牛油香味，加上蜜糖嘅甜味都幾特別!除左炸雞，餐廳仲有提供韓國傳統料理，如韓式伴飯、炒年糕、泡菜煎餅等。我地叫左份泡菜煎餅。煎餅加入泡菜、泡菜汁，味道酸酸地，配埋個醬汁都幾好食！烤牛肉捲飯都值得一試，餡料有烤牛肉、青瓜、紅蘿蔔、黃瓜，口感豐富，味道唔錯。水蜜桃梳打同紅葡萄柚梳打大杯，味道都好濃郁。

一開始入到門口嗰環境係唔錯既，主體顏色用白色，光線充足，俾人一種簡潔明亮幾舒服既感覺，枱凳擺放得整齊唔會好密集好迫，其中幾張靠牆邊既枱仲有梳化，係坐得幾舒服既。可惜美中不足嘅就係餐廳入面嘅韓國元素偏少得兩部電視喺度播韓國嘅歌，仲要係冇聲嘅。點餐就掃QRCODE，都幾方便，入座到點餐既過程中都冇乜太大既問題，不過到上菜既時候就發現老細同店員都會經常出錯枱上錯嘢，另外啲嘢食上到枱居然係唔熱既，裝拌飯個碟既扶手好油，一擺住黎撈飯就會成手都係油，同埋啲炸雞既肉亦都唔滑，份量仲要得好少，叫個部隊鍋得嗰少少，用個好薄既兜裝住，根本就食唔飽。2個人叫3樣嘢，分別叫咗一個拌飯一份炸雞一個部隊鍋，最後埋單306蚊，價格對比份量黎講偏貴。整體黎講唔算太OK。

今日同朋友喺lunch去咗北角一間韓式炸雞舖，入面嘅裝修都幾簡潔，播放住K-POP同韓綜。望咗咩了解我哋就揀咗個魚糕湯、四味炸雞、牛肉煎餅同兩杯飲品。魚糕份量都唔少，配埋年糕、粉絲等等其實都幾飽，不過我都係比較鍾意平時韓國魚湯底嘅味，比較多辣同胡椒，呢個湯底如果濃味啲會更好味。老闆原來係韓國人，亦十分友善，會問我地喜歡嘅口味同埋話我地知令炸雞好味嘅tips!🐓🍗四味炸雞無骨嘅炸雞一定係最好食😋 雞肉夠晒嫰滑而且食落超方便，個人勁推介！份量亦多幾大份，3-4人share都夠食！蜜糖牛油炸雞（左上）食完兩個濃味嘅炸雞之後本身覺得佢唔係好有味，不過食多幾舊覺得其實蜂蜜同牛油真係好夾好香滑係，老闆都話牛油嘅份量要控制得好先唔會太膩而令佢保持軟滑。乳酪洋蔥炸雞(右上）呢個聽講係舖頭最受歡迎嘅口味，乳酪食落有少少似mayo，食落酸酸地都幾特別。洋蔥襯托嘅味都幾香。芝士雪花炸雞（左下）超多芝士粉冚住嘅炸雞都唔錯，不過相比起我更喜歡乳酪炸雞！甜辣炸雞（右下）食落其實真係唔太辣，老闆都有講韓國飲食嘅話應該會辣過香港人食嘅口味，所以佢調教左香港口味之後甜比辣更多，我覺得都幾開胃嘅～牛肉煎餅煎餅都帶有牛肉鹹

估唔到質量係咁性價比高，份量夠多又好食。韓藉老闆注重細節，亦以優惠價錢吸引客人，亦是吸引我既原因，食過就知有料！泡菜餃子湯，湯頭夠熱幾清香，大量菜，菇，年糕條做base, 餃子皮唔厚，夾到亦唔易穿。餡料幾多，而泡菜香辣幾惹味，整體相當好暖胃。韓式炒粉絲，又係夠大堆頭，蛋絲，肉絲等配料夠多夠豐富，韓式粉絲晶瑩較粗身， 煙韌口感好正，又幾夠鑊氣。幾好食！有多款唔同醬汁可人選擇既無骨炸雞，每款都幾吸引！我就簡左香蒜醬油炸雞， 唔會太膩之餘還有蒜片更加香口感覺，入口淡淡肉非常嫩滑。外層就夠香口。蜜糖粟米雪花炸雞就香甜為主，又係肉汁滿滿！呢度d炸雞相當有水準，果然高手在民間。還細心地提供椰菜絲，減低過多肉類既膩感。非常體貼。有食過既應該會覺得好食，未食既就試左就知咩料。

🍽️食物方面：🍱自選午餐💲73沙律係酸嘅調味 好開胃炸醬麵好食 偏甜 多肉碎洋蔥原味炸雞份量多但乾左啲 ℹ️可轉飯糰但得牛/辣豬欣賞有養生嘢飲 熱紅棗汁 暖笠笠📷打卡方面：光線充足 獨食都唔駛搭枱🔈環境方面：播韓文歌 電視播韓綜無字幕Staff忙但都有禮貌💬其他資訊：CHICKEN CHIKO📍北角明園西街2-6號明苑中心地下4號舖

>>> 韓滋樂雙拼炸雞(任選-無骨) $195 <<< 推薦！好正！每件雞係無骨嘅！可以任揀2種口味！我哋揀左炸雞]+炸雞]，兩款都好好食，尤其是係蜜糖牛油炸雞，食得出好香牛油味，而且啲蜜糖甜得來唔會覺得太甜，食完一嚿接一嚿，同埋上菜嘅時候都非常之熱！雞肉質好嫩，feel得出佢係啱啱即刻炸出嚟！車打芝士汁係另上，可以因應自己口味去點多或點少啲！.>>> 部隊鍋 $88 <<<嚟到嘅時候係用碗上，入邊有好多粒切到正方形嘅午餐肉，脆皮腸，紅蘿蔔絲，椰菜，茄汁豆，同埋粉絲做湯底！.>>> 烤牛捲飯 $55 <<< 呢個捲飯真係超級好食！每一粒嘅份量都好足料，有牛肉、紅蘿蔔絲、醃蘿蔔、青瓜。.>>> 弘大玫瑰炒年糕 $83 <<<入面除咗年糕仲有椰菜，粉絲，開半嘅脆皮腸，煙肉同少量木耳。煙肉有咸香味，年糕好好煙靭，汁底有少少似卡邦尼芝士白汁嘅味道。.>>> 檸檬茶 $15 <

CHICKEN CHIKO位於北角，主要提供炸雞同韓式料理。今次係12點幾去食，全部食物份量足又美味，2個人都食得大滿足甜辣炸雞（輕型）甜辣炸雞係店裡的招牌菜之一。雞肉鮮嫩多汁，外層炸得香脆。甜辣醬汁的搭配恰到好處，既有微甜的口感，又帶有一點辣味，非常開胃。輕型的份量適中，適合單獨享用或作為小吃。乳酪洋蔥炸雞（輕型）這款乳酪洋蔥炸雞為我留下深刻的印象。雞肉外酥內嫩，乳酪的濃郁香味和洋蔥的甜味完美結合，帶來獨特的風味享受，好似食緊乳酪洋蔥味薯片。炸醬麵 呈現著正統的韓國風味，主要特色在於其濃郁的醬汁和豐富的配料。麵條使用的是彈牙有嚼勁的韓式麵條，經過煮熟後，瀝乾水分，並與特製的韓式醬汁完美結合，味道深厚而濃郁，給予整道菜獨特的風味。韓式魚糕湯 這道韓式魚糕湯帶來了濃厚的韓國風味。魚糕入口鮮嫩，湯底鮮美，搭配蔬菜和調味料，讓整道菜色香味俱全。這是一道暖胃的湯品，非常適合搭配其他菜餚享用。弘大玫瑰炒年糕 這道炒年糕絕對是韓式料理中的一個亮點。年糕煙韌彈牙，搭配蔬菜和玫瑰醬汁，味道豐富多層次。玫瑰醬汁帶來了一絲花香和微甜的口感，給這道菜增添了獨特的風味。水蜜桃梳打 清新的水蜜桃味道和汽水的氣泡

今天去咗北角買校服，原來除咗舊式地舖之外，仲有啲新潮韓國餐廳。我哋在外面望到餐牌，性價比高，一杯特飲都是$28 ，炸雞都只是$108。我們叫了四款炸雞，今晚食炸雞為主。第一款是蜜糖牛油炸雞，用蜜糖配合炸皮，食落去的口感特別香甜順滑，一啖接一啖。第二款是雪花芝士，即是用碎芝士粉鋪在炸雞面，這個芝士不會太濃味，入口比較乾身，同頭先蜜糖風味，啱啱成了對比。第三款是車打芝士，這一款是芝士醬，但又不會太過濃味。最後一款是這間餐廳獨有的乳酪洋蔥炸雞，這一款最不油膩，洋蔥配上炸雞一齊食，非常之清新。另外我叫了魚糕，魚糕基本上非常之大碟，有雞蛋又有麵喺底，根本已經當係一個主菜，如煲湯熱辣辣，最適合冬天食。飯卷整得非常之正宗，很有韓國風味，上碟的時候飯仲係熱辣辣，烤肉亦都非常之入味，一條已經夠兩個人食。藍色多瑙河望落去就已經10分吸引，本身以為$28只是一般餐廳餐飲的size，結果原來是超級大杯，非常性價比高。呢度仲有得叫韓國啤酒，容易入口，非常之清甜，涼快，仲會用韓國啤酒專用杯，冰凍十足。

平時尖沙咀食韓國野就食得多估唔到北角都有好食嘅韓國嘢！北角呢間炸雞店都好近地鐵站，行幾分鐘就到👍🏻韓國料理嘅款式原來都有好多拌飯，紫菜包飯，魚糕湯，年糕，炸雞諗到嘅經典韓國料理都有☺️蜜糖牛油炸雞超級有驚喜，可以揀一份或者輕盈雞肉嫩滑得黎又唔會太多油脂雞皮又炸得超脆，香甜得黎又唔會太over🤤洋白菜都好新鮮蟹肉紫菜飯捲比想像中大條，冇諗過咁多舊🫣而且餡料都落得好足，基本包飯材料都齊曬👍🏻韓式魚糕湯係韓國街邊檔經典嗰種魚糕湯味而且好多料，年糕夠曬煙韌，有埋粉絲，好多唔同蔬菜😳最後係泡菜煎餅，唔好睇得三塊好似好少咁都有滿腹感，泡菜唔算而且都有d辣但煎得個邊幾香脆😍點埋少少隔離嘅醬油都唔會太鹹嘢飲有好多唔同款梳打，漸變色咁幾靚，而且好大杯！啱曬一路食一路飲呀🥤

最近喜歡上看韓綜的我，一直在四處走行食食物來滿足自己想去韓國的慾望。但在香港吃韓式食物，很多時候價錢都蠻貴的。這天經過北角是看到了這家韓式飯店，看了一下菜單，發現比日常吃的韓式食物便宜，便去試了一下，發現CP值非常高，不容錯失！韓式炸雞，當然是我第一樣所選擇的食物，他們所推出的韓式炸雞種類10分多，一次過我可以叫四款韓式炸雞，正啊。雞塊數量、份量很多，四款炸雞都吃得我津津有味，而我最喜歡的是芝士炸雞，調味粉不會太鹹，配上炸雞，剛剛好！另外值得一推是當中的烤牛捲飯，只需$55 ，就可以吃到差不多十件的捲飯，烤牛肉所吸引之處是他那甜甜的味道，配上醃青瓜紅蘿蔔，簡單而美味！另外我們也叫了泡菜餃子、韓式牛肉餅及炸醬麵，都是不錯的選擇！值得一提的是餐廳老闆是一位韓國人，所以他才能把在韓國吃到的傳統味道帶來香港，這樣值回票價的一頓韓國菜，是不能錯過的！

今日去位於北角明園西街的「CHICKEN CHIKO 」食炸雞，很久沒吃韓國炸雞，年糕等，今日一定吃過夠😝「CHICKEN CHIKO 」環境座位闊落，邊聽韓文歌邊吃炸雞不錯🥶🥶炸雞好多選擇，原味的味道也不錯，火辣炸雞真係幾火辣😝肉質夠多汁唔會炸到好乾，而且係無骨真係啖啖肉唔錯😜韓烤牛肉煎餅，口感煙靭味道不錯！蟹肉捲飯，有蟹柳青瓜黃瓜甘筍條，餡料夠豐富😙😙西梅汁出奇地幾好飲可以，可以解炸雞嘅肥膩😜

香港周街都係韓國菜，但無乜邊間個令我想食完再食🤣呢間係一間性價比算幾高嘅韓國菜，老闆係韓國人，同佢傾咗陣計，原來佢嚟咗香港好幾年，對食物質素都好有要求，難道所有野食都咁好食🤭我仲叫佢快啲開啲分店🤣🤣食物：泡菜餃子湯 $88餃子外皮煙靭，餃子肉餡香，juicy，另外仲有其他配菜，有粉絲、年糕，湯底香濃，有豬骨味，年糕超級煙靭！乳酪洋蔥炸雞 （輕盈）$55比較特別嘅炸雞味道，乳酪帶點微酸，洋蔥嘅辛香，兩者好夾，炸雞做得好好，有韓國傳統風味，外脆而裏面好juicy! 仲要無骨！正韓式泡菜拌冷麵 $78呢個令人有驚喜，韓式拉麵好煙韌，配合泡菜同埋一啲酸辣醬，整個拌麵又辣又酸，好開胃！Cass 韓國啤酒 $33食炸雞點少得飲啤酒🥺 啖啖肉到配上一罐冰凍嘅啤酒，店家仲好用心，將啤酒杯冰鎮定，始終啤酒肚夠凍先好飲😌太舒暢了～ happy Friday!📍地址：北角明園西街2-6號明苑中心地下4號舖

Happy Happy meeting with Mini Family 🥰熊本熊monmon、浣熊濛仔、東北鵝帶著暫住一個月的荷蘭鵝，跟mini family的大家庭會面，選了北角一間韓國炸雞飯堂😂Mini Family陣容方面龐大，有熊貓鵝先生、新加坡的廚師鵝、韓妹鵝、楓葉鵝，所以要叫好多好多美食才夠飽🥰韓式無骨炸雞24件，有兩種口味，好抵食又大件，企鵝每位一件都夠！韓式炒粉絲、豚肉飯、牛肉飯卷和梅汁，老闆是韓國人好友善，價錢好相宜，非常推薦大家去支持🥰😘😍荷蘭鵝和楓葉鵝從此就交換家庭，下次再見🤩😎@minifamily_hk Chicken Chiko北角明苑中心4號鋪#北角 #企鵝 #熊本熊 #minifamily #northpoint #koreanfood #炸雞 #韓國菜 #penpen #minipen #浣熊 #happyhappy #kumamon #部長 #韓式炒粉絲 #飯卷 #豚肉 #熊貓鵝 #penda #panda

本身住開呢頭，開左好耐先知道原來有開多左一間韓國餐廳係到，入左去叫左四個菜色第一個車打芝士炸雞，呢份炸雞叫左全份，整體可能都夠2-3人份量我覺得，幾抵食，而且炸雞夠脆身，味道黎講都算唔錯，唯一我認為可以改進既係車打芝士醬可以更加濃郁同暖少少會更好第二份係韓式炒年糕，味道非常似我係韓國食到既味道，而且味道唔會太辣，適合我呢啲唔食得辣既人，調味個人認為適中，而且魚糕都唔錯，性價比方面如果可以多少少年糕會更好最後就係辣豬肉同蟹肉紫菜包飯，份量唔錯，而且食材都算新鮮，調味方面唔會太重手，蔬菜爽口入味，非常推薦總括黎講係一間非常唔錯既韓國餐廳，會再覆桌，可以有多少少改善就好，例如提供紙巾之類，如果我冇估錯老闆應該係韓國人，英文溝通而且有禮貌，希望可以繼續堅持呢個品質，相信一定會有更多人食！加油

喺北角探朋友，朋友就帶我哋落樓食飯話有間不錯的炸雞店，我哋就落樓食飯朋友話新都城百貨vip可以有九折好抵食門口睇餐牌都見到有九款炸雞仲見到又話最鍾意嘅魚糕湯因為大家都係主要想食炸雞，所以今次就揀咗個四拼炸雞加魚糕湯睇落就好似唔係好多，但係最尾我哋兩個都食到肚皮差點撐開4拼炸雞我哋揀咗芝士雪花炸雞芝士雪花微微甜,因為呢種比較少醬所以食入口比較脆身火辣炸雞呢個火辣炸雞真係超級超級辣，但係非常惹味， 我自己最鍾意呢一個， 淨返啲醬仲可以點其他食物車打芝士炸雞呢款芝士都多芝士， 但係略嫌芝士可以在厚身一啲， 依家咁樣就肉嗰度可以再點多少少芝士醬就更正甜辣炸雞呢個係朋友揀嘅，因為朋友怕火辣炸雞係真係超辣，所以就叫咗呢個甜辣炸雞，炸雞係完全唔辣嘅甜甜哋完全有韓式嘅風味非常好彩有叫到魚糕湯，因為食完嗰個火辣炸雞已經真係想噴火， 有呢個魚糕湯解辣一下真係好正魚糕湯真係非常足料，啲裏面啲魚糕好似食極都仲有食極都仲有咁樣另外底仲有韓式粉絲、年糕仲有一隻蛋 店員話呢個如果午餐的話加一碗白飯， 非常受歡迎整體嚟講炸雞肉嫩滑juicy,炸粉唔算厚, 其他食物份量都好大份足料店員親切有禮， 仲會關心我哋個炸雞太辣