CHICKEN CHIKO

营业中

休息中

Happy Friday難得可以同老公二人世界，一齊去左北角CHICKEN CHIKO食韓國野。甜辣炸雞 無骨我地驚食唔晒，所以叫左輕盈版，但其實份量都唔細。炸雞甜味出過辣味，外皮炸得脆，雞肉唔鞋，而且無骨，食得好方便。韓式魚糕湯魚糕同平時食既樣唔同，但味道係一樣既，除左魚糕，仲有粉絲、年糕、椰菜等等，清清地幾好。部隊鍋材料同韓式魚糕湯有啲似，冇左魚糕，多左午餐肉同腸仔，而且幾辣下。烤牛捲飯好大條，切左10件，加左芝麻，幾香口，健康又飽肚。野飲叫左蜜桃味燒酒同Cass啤酒。

經過北角見到間韓式小店，主打傳統韓國菜，而且價錢好抵食，就試一試，入去坐低發現隔籬枱係韓國人，環境乾淨整潔，坐得都幾舒服。🥹🥹❤️首先，呢度嘅炸雞係佢哋嘅招牌，所以我哋點咗韓滋樂嘅四拼無骨炸雞，啖啖多汁，肉質鮮嫩，外皮香脆，口味可以選擇4款，車打芝士口味上面淋左芝士汁，香濃滿溢，甜辣口味嘅炸雞辣中帶甜，刺激味蕾，非常開胃，蜜糖口味帶有微微焦糖味，超級美味！🍗🧀🌶️🍯接著，我哋試吓烤牛捲飯。牛肉份量多，每一口都飽滿多汁，肉質鮮嫩，燒烤嘅香氣令人垂涎欲滴，配上軟糯嘅白飯，一試難忘！🥩🍚然後，點左韓式魚糕湯。湯頭濃郁，魚糕軟嫩又彈牙，飲落暖胃又健康。🍲🐟🥬再來，係弘大玫瑰炒年糕。年糕彈牙有嚼勁，配上玫瑰醬汁，香甜芬芳，玫瑰香味滲入年糕之中，有帶點辣味，好有驚喜！🌹🍡最後，來杯燒酒同檸檬茶解渴。燒酒入口溫暖，滑順清爽，檸檬茶清新解膩！🥃🍋

北角隱世韓式小店，空間相當闊落，電視上仲會播韓國綜藝，好有韓劇入面大家聚埋一齊飲酒食嘢傾計嘅感覺！甜辣炸雞&乳酪洋蔥炸雞炸雞都非常推薦，無骨得嚟份量相當大方，就算係輕盈版都好夠，想試多啲味可以嗌輕盈版。今次就試咗兩個皇牌：甜辣炸雞同乳酪洋蔥炸雞，炸得好酥脆，肉汁好多完全冇雪藏味，兩款醬汁都好味，個人會更加鍾意乳酪洋蔥味，食落清新唔會膩。韓式魚糕湯嘅調味啱啱好，唔會太鹹，魚糕真係有魚味，個煲仲有火不斷熱住，暖粒粒，絕對係飲完酒想暖下個胃嘅不二之選。韓式辣豬肉紫菜包飯，份量好有誠意，足足有成十塊咁多，辣豬肉好惹味，好下酒！

生於香港🇭🇰食在香港🇭🇰工作都在香港🇭🇰我愛香港🇭🇰尤其我十分支持香港🇭🇰嘅餐飲業⋯⋯在香港🇭🇰任何國家嘅美食料理都會盡在眼前！呢排睇韓國片成日見到佢哋食韓國炸雞真係好想食！這間餐廳由韓國人🇰🇷主理的！老闆係韓國人精心炮製韓國料理！😋😋餐廳環境舒適非常闊落！食物份量仲好多添！非常正宗！💕💕CHICKEN СНІКО💕💕韓滋樂四拼炸雞🍗車打芝士炸雞香脆嫩滑！配以特製嘅車打芝士，非常香濃！芝味🧀十足⋯⋯超滋味⋯⋯乳酪洋蔥炸雞乳酪加洋蔥，原來係咁好味嘅⋯⋯乳酪好香濃，非常香滑⋯⋯酸酸甜甜加配洋蔥🧅味道更加豐富⋯⋯厚厚的覆蓋住炸雞睇到都好開心⋯⋯蜜糖牛油炸雞牛油又唔會蓋過蜜糖嘅味道呢樣真係犀利⋯⋯充滿牛油嘅香氣，又有蜜糖嘅香甜⋯⋯食不停😏😏⋯⋯甜辣炸雞呢個係韓式嘅signature 菜式！韓式的甜辣炸雞一甜一辣！帶出韓風的滋味⋯⋯炸雞外層炸得非常香脆！內裏又夠Juicy⋯⋯犀利呀！🤩🤩呢款四色炸雞😍好犀利，可以揀選自己想試嘅四款味道😘我覺得真係好抵！👍卡邦尼年糕卡邦尼醬汁非常濃郁！又Creamy 😋⋯⋯煙靭嘅年糕吸收晒香濃嘅醬汁，非常美味⋯⋯原來加上韓式粉絲都係咁好味嘅😋每一口香濃嘅醬汁味道！

呢間餐廳前身係西餐廳，第一次幫襯堂食，叫左午餐拉麵套餐，包括有沙律+牛肉捲飯+年糕拉麵+飲品，份量足夠架！食物方面就正常水平，年糕拉麵略為淡味，應該炒年糕惹味d，淨係記得影飲品（士多啤梨梳打）出示新都城百貨VIP卡，堂食及外賣有9折架，同埋佢地服務態度好好呀，上菜會講請慢用，另外有客人入錯餐廳，佢地都有耐性解釋，當日午市堂食好少人！

好多人成日都講韓國食物都係個幾樣材料加d醬撈埋就搞掂既野食。如果我話其實仲加入左文化，唔知大家點理解呢？無論邊個國家既食物，唔通唔係都係魚肉菜加d醬撈埋咩？烹調既過程同處理既理論先係大家應該用心想想既。呢間餐廳或者可以比到d啟發我地。🍖弘大玫瑰炒年糕，炒年糕一向惹味，你可以話辣醬，年糕，煙肉，芝士，椰菜撈埋一齊啦，但辣度，年糕既口感，醬汁既濃稠度，都要做得好先得。咁加入玫瑰既味道又係點呢？就係先令眼球舒服，再激發大家既少女心。味道甜甜地又有香味，粉紅色既調配到好似粉紅玫瑰既天然色，聞下仲有淡淡花香。其實我唔知道入面係咪有玫瑰，但肯定主要係茄汁加忌廉既效果。用心去調配而有咁好效果既菜式，我會叫共冶一爐，色香味俱全多d。🍖四種口味炸雞，自選既甜辣，蜂蜜牛油，車打芝士同乳酪配生洋蔥，無骨既雞肉好易入口，好嫩滑，皮好脆但冇過多皮下脂肪，唔會成口油。醬汁夠多但唔會過多，要知無咩醬其實食唔到咁多，醬多有時令皮淋左，破壞口感。我最鍾意乳酪配生洋蔥，清新既乳酪，解膩又輕柔，不知不覺又食多舊，相反洋蔥極具爆發力，飽飽地既時候，一野就驚醒味蕾，就係咁，食呢個炸雞，就令我不停徘徊喺冷靜熱情之間。🍖因為食左咁

都好一段時間無食韓國野了今次要為大家介紹既係 - Chicken ChikoChicken Chiko係位於北角明園西街2-6號明苑中心地下4號舖餐廳主打食韓國炸雞為主佢成個環境好闊落舒服食物個方面 佢地走平民路線 人均$200已經可以食到好飽個人大愛佢地既乳酪洋蔥炸雞佢食落外脆內嫩 個乳酪洋蔥配係超香濃@chicken_chiko_ Location : North PointPrice : $250-300/p.pEnvironment (10 is chill): 7/10Yummy (10 is delicious): 7/10

估唔到北角有間咁正嘅韓國餐廳，入到去坐低落單，發現老細係韓國人，即刻有少少期望先😆好鍾意韓式炸醬麵，唔係好多地方做到韓國嘅味道架！真心推介一定要試佢嘅炸醬麵，要讚佢嘅面底係粗身煙靭嘅面，好好食，嗰炸醬係韓國嘅味道，少少甜，勁多洋蔥！跟住嗌咗個烤牛肉kimbap，真係覺得自己去咗韓國咁，推薦呀！Menu見到有泡菜餃子，勁想試！泡菜餃子少少辣，配埋個蔬菜湯粉絲，正！跟住就嚟到我最想食嘅韓式炸雞，老細勁有誠意，設計咗好多唔同嘅口味，好多都想試，所以揀咗四拼炸雞！揀咗原味，甜辣炸雞，蜜糖牛油炸雞，乳酪洋蔥炸雞！好有驚喜呀！試咗原味先，炸粉唔口，入面夠Juice，甜辣炸雞，甜辣醬好啱我口味，蜜糖牛油炸雞夠晒邪惡，好嘢味，最特別同最一定要試嘅係乳酪洋蔥炸雞！10分推薦呀！

已經叫過好幾次Chicken Chiko既外賣，覺得好好食，所以特登黎到北角初試堂食，餐廳環境都幾寬敞舒適 😆蜜糖牛油炸雞（無骨）黎到Chicken Chiko梗係要點佢既炸雞🍗 蜜糖牛油的味道恰到好處，甜甜地又唔會太漏，外皮炸得金黃酥脆，雞肉好嫩滑(⁎⁍̴̛ᴗ⁍̴̛⁎)仲附上外賣冇既沙律菜絲👍🏻韓式烤牛肉飯充滿傳統風味既料理❤️由軟嫩多汁既烤牛肉、炒粉絲同白飯組成。烤牛肉帶有炭烤香氣，而且份量都頗多，係略嫌粉絲同白飯有少少黏，但整體而言味道都唔錯😌辣豬飯卷（小辣）每次外賣必點😆辣度適中唔會太辣，但又可唔可以提升飽卷既風味，可以一口接一口，好開胃惹味🤤

今日去左呢間韓國餐廳Chiko食lunch，我同朋友食咗好多嘢，都好好味同好抵食。.首先係炸雞，佢有好多款醬汁選擇，我地揀左香蒜醬油炸雞同蜜糖牛油炸雞，都好出色！啲雞肉夠嫩炸得岩岩好，皮脆而唔會太油膩，非常推薦！下次想試埋佢個洋蔥忌廉同咖哩味。.另外我地都試咗佢地嘅辣炒雞肉拌飯同弘大玫瑰炒年糕，兩款都好好味，夠香夠味，有啲微辣但唔太刺激，我地四個女仔黎講份量岩岩好。.我地另外嗌左兩款紫菜包飯卷，一款辣豬捲飯同一款蟹肉捲飯，啲卷物包得好實，醬汁都唔錯幾合口味。個人覺得豬肉好食多料d..最後仲試埋個韓式魚糕湯，味道比較清淡少少，但食完咁多重口味嘅野飲下佢個魚糕湯都唔錯，啲魚糕都夠彈牙，魚味偏重。.啲野食都上得幾快，服務質素都唔錯，整體而言呢間絕對係一間高cp值平價之選嘅韓式餐廳。

呢日喺北角食飯行過見到chicken chiko性價比好高即刻入去試下Staff好熱情咁招呼我哋坐低 其中一個staff仲好似係阿豬媽好似真係去咗韓國咁叫咗韓式魚糕湯$88最啱天氣凍嘅時候食微火keep 住個湯熱辣辣湯頭清甜 魚糕少少煙韌 粉絲爽彈 仲有年糕同菜 好豐富泡菜煎餅$73份量都幾大新鮮煎起 入面大大塊泡菜少少辣 加埋個sauce一齊食 好開胃烤牛捲飯$55一份有10件 好抵食！入面牛肉好大塊 仲有大量配菜一啖食落去 口感好豐富韓滋樂四拼炸雞（拼原味）$208超大份 擺得好靚好吸睛 全部都冇骨 最啱唔鍾意吮骨嘅人原味炸得外表香脆 入面嫩滑蜜糖牛油炸雞 味道香甜 加埋雞肉嫩滑 食到停唔到口香蒜醬油炸雞上面有大量蒜片 好香 加埋醬汁 濕口唔會覺得乾甜辣炸雞甜甜地 少少辣 食得好開胃 係地道嘅韓式味道紅葡萄柚梳打顏色好靚 仲有裝飾好啱食完炸雞之後飲

🐓韓滋樂四拼炸雞（無骨）🐓店家嘅炸雞完全冇雪味，外脆內嫩肉汁十足，一啲都唔乾，炸份量拿捏得剛剛好，食到炸雞嘅香脆之餘，又唔會成口粉，而店家仲自設左多款口味選擇，新鮮感十足🥰🧄香蒜醬油炸雞🧄少少甜嘅醬油汁，上面再鋪滿晒韓國炸蒜片，強烈建議連蒜片一齊食👍🏻👍🏻🧀芝士雪花炸雞🧀呢款芝士炸雞絕對將韓國人鍾意芝士嘅程度表露無遺，店家芝士粉落得夠重手，所以好香同時又唔會覺得乾，芝士味濃郁之餘又唔會覺得漏，芝士控絕對要試。🤤🌶️火辣炸雞🌶️甜甜辣辣嘅韓式辣醬係我嘅最愛，一口火辣炸雞，一啖啤酒，真係一大享受。🍺🍻🍻🍺🧅香蔥炸雞🧅店家有預先將紫蔥同埋香蔥去爆一爆先至加上炸雞上面，令炸雞香味更突出。🍢韓式魚糕鍋🍢鍋入面除咗有鮮味彈牙既韓國魚糕之外，仲有韓式年糕、韓式粉絲等等，用料豐富，鍋嘅湯底，好鮮味，一飲停唔倒口，當你掛住韓國美食嘅時候，嚟呢度點過魚糕鍋，絕對係唔錯嘅選擇。🍝韓式炸醬麵🍝韓國炸醬麵嘅特點係個黑醬，味道小小甜，非常濃稠、色澤鮮亮，入口係甜而不膩，配上豬肉碎既香滑以及嚼度十足的超彈性圓麵，一試愛上。🐮烤牛肉煎餅🐮牛肉餅入面除咗有牛肉之外，仲混合咗啲蔬菜蘿蔔絲等等，口感豐富、肉汁豐盈，一份有三大塊

收工經過北角，見到呢間韓式餐廳嘅價錢好似都幾平，見又有新鮮即炸炸雞，所以就一於入去試吓嚟得食炸雞，梗係要跟返韓國嘅傳統食法！ 啤酒配炸雞‼️韓滋樂四拼炸雞，本身一開始見佢可以揀四隻味好似都幾好一次過可以食晒唔同嘅味道，冇諗過一上枱原來係咁大份，絕對足夠四個人食香蒜醬油炸雞，面頭有好多炸香左嘅蒜片，配合炸雞熱辣辣一齊食，非常之惹味。甜辣炸雞，絕對適合一班唔食辣嘅朋友都可以食到，辣都唔算太勁，但係甜同埋辣嘅比例啱啱好。乳酪洋蔥炸雞，面頭嘅乳酪沙律醬比得非常之大方，每一件都可以大量掂到。配合埋洋蔥就好似食緊薯片一樣，呢個味道最抵讚卡邦尼年糕，呢個份量正常，但係入面有好多韓式粉絲吸晒濃濃嘅卡邦尼醬汁味道。入面除咗有洋蔥仲有大量嘅腸仔煙肉等等，就好似食緊卡邦尼意大利麵一樣。味道都算係幾濃烈，所以夾埋年糕一齊食啱啱好。烤牛卷飯，有點笑得韓式地道小菜飯卷。每一件飯卷入面都有青瓜酸蘿蔔牛肉，同喺韓國當地食一樣呢間店舖嘅上菜速度都幾快，而且堂食唔會太多人可以好快排到入去，非常之適合一大班朋友坐幾耐都得

同朋友食晏，見到呢度韓國食物多種類，價錢又實惠，就黎試下啦！炸雞係必叫啦！有好多種口味，如果想試多幾款可以叫細份，食多幾只味！可惜我地兩個女仔食唔到甘多，只係叫左蜂蜜牛油炸雞，無骨。新鮮炸起，仲係熱辣辣！外脆，肉質好嫩滑，無雪藏味，甜甜既蜜糖同香香既牛油係絕配，好好食！！牛肉紫菜包牛肉有啲肉汁，飯唔會乾晒，有軟軟的，包住青瓜等食材，好食！吞拿魚拌飯材料好多，個醬唔算好辣，岩晒唔太食得辣既我，撈埋一齊食，正！睇韓國綜藝節目多，佢地成日食炸醬麵都食到好滋味，今日就忍唔住試下啦！首先，個麵好彈牙，軟硬適中。炸醬好多，但唔會太咸，甜甜的。撈埋個麵食真係會食到”shu shu “聲，正！飲埋杯野就完美啦，食到好飽！值得再去！

以前為左食炸雞，真係會飛去韓國，而家係香港都有甘高質素又甘好食嘅炸雞<CHICKEN CHIKO>，無論堂食或者外賣都甘好味，仲洗乜四圍去。我哋叫咗個四拼炸雞(無骨)，咁樣就可以一個價錢，試曬四款唔同炸雞嘅口味。乳酪洋蔥炸雞：有大量嘅新鮮洋蔥同埋乳酪嘅酸甜味道，非常啱cream cheese迷！個人非常喜愛！！車打芝士炸雞： 芝士熔岩鋪喺炸雞嘅表面，芝士味夠曬突出，非常好食。招牌原味炸雞：雞炸得外脆內軟，味道較為經典，啱曬唔鍾意浮誇口味嘅人。蜜糖牛油炸雞：蜜糖嘅香甜味比牛油味更加出色，甜甜哋嘅口味更加容易受落。<弘大玫瑰炒年糕 $83>炒年糕用上大量嘅忌廉同埋芝士，仲有玫瑰汁來造，份量超多，入面材料非常豐富，有韓式年糕、粉絲、腸仔、椰菜等等。<韓式魚糕湯 $88>韓式魚糕同埋魚蛋，仲有韓國粉絲，入口都非常彈牙，仲有雜菜，材料夠曬豐富。<烤牛卷飯 $55>烤牛卷飯份量好多，捲飯包住牛肉、青瓜、蘿蔔同酸瓜等等，非常好食。飲品叫咗凍紅棗汁同凍柑橘汁，清甜又解熱氣。整體來講，我非常鍾意呢間餐廳嘅炸雞同其他韓式食物，無論份量同埋質素