CHICKEN CHIKO

营业中

休息中

北角呢間韓國餐廳主打韓式炸雞，淨係炸雞嘅口味已經有11款。我地叫左甜辣炸雞、車打芝士炸雞、蜜糖牛油炸雞。炸雞無骨，外層炸得非常酥脆，唔會太多炸粉，雞肉仲保留住鮮甜嘅肉汁，雞肉軟腍。甜辣味嘅炸雞唔會太辣，甜味比較突出，幾鐘意呢款口味😆車打芝士味道濃郁，蜜糖牛油有香濃嘅牛油香味，加上蜜糖嘅甜味都幾特別!除左炸雞，餐廳仲有提供韓國傳統料理，如韓式伴飯、炒年糕、泡菜煎餅等。我地叫左份泡菜煎餅。煎餅加入泡菜、泡菜汁，味道酸酸地，配埋個醬汁都幾好食！烤牛肉捲飯都值得一試，餡料有烤牛肉、青瓜、紅蘿蔔、黃瓜，口感豐富，味道唔錯。水蜜桃梳打同紅葡萄柚梳打大杯，味道都好濃郁。