Chatterbox Café (K11 Musea)

营业中

休息中

尖沙咀區 有好多地方可以食到喇沙 有平有貴 各有客路今日黎到Facebook大賣廣告既餐廳試試先湯底好濃郁 麵都好好食 好彈牙 +三隻大蝦 都好新鮮 唯一不足係 份糧唔算大份 推薦

其實好食嘅海南雞飯香港實在有好多，不過因為我真係好鍾意食海南雞，所以chatterbox要係K11 musea 開，就馬上去試。6pm 左右去到，排左15-20分鐘。係好食嘅，佢應該係用走地雞，皮薄，隻雞瘦但係都算滑，d油飯乾身，唔油膩。至於醬汁其實就無咩特別。不過最令我驚喜就係個喇沙！湯底非常足料，好濃郁，入面有好多打碎左既村料，椰香及花生味平衡得好好。帶子煑得剛剛好，麵都係，有咬口👍🏼👍🏼。我一定會再去食。

尖沙咀新開嘅K11 Musea有好多唔同食肆，身為吃貨嘅我梗係要去朝聖下啦！由MTR層行入商場不久就見到有一間食肆大排長龍，主打海南雞飯，恰巧我同朋友都有興趣，就揀咗呢間做我地嘅晚餐。除左海南雞飯，對小食同飲品都好有興趣，好似美祿恐龍同埋咸蛋雞翼。上菜速度都幾快，先到咗飲品我點嘅美祿恐龍，朋友點咗涼粉豆漿，都好有特色。小食點咗特色咸蛋雞翼新鮮炸起熱辣辣，面頭嘅黃金太邪惡了，咸蛋黃好香，雞翼夠嫩，好香口～嚟到必點嘅item文華海南雞飯除左主角塊骨嘅海南雞，側邊仲有雞湯、油飯同埋三種醬汁，分別係特製雞飯醬油、辣椒醬同埋薑蓉。呢度嘅辣椒醬帶少許辣勁，幾過癮！雞肉好嫩滑，特別鐘意佢嘅油飯，好香仲粒粒分明，食到有濃縮左雞湯嘅精華，食到停唔到口～另一招牌—珍寶帶子喇沙椰香同喇沙醬嘅香都好balance，珍寶帶子好鮮甜新鮮。食物質素都幾好，會再嚟食海南雞飯啊！

成日都見排長龍！前日終於忍唔住同朋友去試這間星架坡海南雞飯。時間尚早，但也等咗大約半個小時才可入座！一坐低叫咗心儀海南雞飯@118，我至愛嘅咸蛋雞翼@78和新口味甜蝦醬蘋果花生沙律@98！好快先來沙律，甜醬花生比例稍多但惹味可接受，第二來海南雞飯，雞肉滑有雞味又夠份量加埋三小碟醬料，飯香又不油膩，水準之作！再加埋咸蛋雞翼，熱辣辣加鹹香味道，食指大動！其實已經好飽，但朋友忍唔住叫埋甜品招牌椰子雪糕@88，賣相討好味道清甜！喜歡椰子嘅朋友不要錯過！整體來說，性價比高，下次一定會再來！如果不想排隊太耐嘅朋友，建議早點去！

來這裡的原因很簡單,k11 musea大部分餐廳還未開幕,而朋友想吃海南雞,哈哈文華海南雞飯 $118去過新加坡本館的朋友表示這個分量比原來的少了,不過味道依然很正宗,對於我們不是很肚餓的人而言還好。雞肉很嫩滑彈牙招牌雞肉喇沙 $108這款喇沙和泰國版本有些不一樣，用了粗粗的米線代替米粉，所以顧著拍照的我們到了吃的時候，米線已經發漲了=[[對於不吃辣的朋友，這碗喇沙可能會偏辣，但味道很濃郁，雞肉很有口感，如果上桌即刻吃的話．應該會更美味～～馬來特色炸豆腐 $58雖然是炸豆腐，但不太夠脆，反而需要一點牙力，不過醬汁味道豐富，所以沒有口感味道可以彌補，但我應該不會再吃了。珍寶美祿雪花冰配意大利芝士蛋糕 $108一心想吃雪花冰的我們沒想過它的分量真的這～～～麼大！我們三個人都吃不完！不過味道來說真的是高質，美祿味的雪花冰原來很容易入口，連我不喜歡吃朱古力的人都不斷吃～裡面還有濃滑又有質感的tiramisu，超級滿足！美中不足是士多啤梨實在太酸，不加反而更好呢～整體而言，這裡很好打卡，甜品選擇也有很多，所以就算不吃正餐來這裡吃甜品也不錯，但因為K11 Musea很多餐廳仍然未開，所以排隊需要

K11 masua 開張第二天去參觀，新商場很有藝術氣質，高雅時尚，潮中之潮。午餐，我們選擇来自新加坡，chatterbox cafe一試今天我地等左兩個小時才有飯食，出菜唔係特別快，可能是新開張吧，有待改善。福建麵麵底係滲滲(油麵+米線)，配料剝殼蝦(方便食客)俾👍🏼👏，仲有帶子，魷魚圈，芽菜，燒肉，最後配上新鮮青桔子🍊，材料豐富。海南雞喇沙油麵底，芽菜，魚片，🥚蛋，海南雞鋪面，最後灑上喇沙葉，賣相幾好，湯底鮮濃味👍🏼，海南雞皮厚肉嫩，皮與肉中間啫喱狀(🐔浸冰水的後果)，整碗份量少，$108。咸蛋黃雞翼$78（4隻)蛋黃不是我最愛，但當咸蛋黃配上雞翼越野味👍🏼美祿恐龍🦖下蛋🥚食物方面選擇比較少，食物出品個人覺得還不錯，可能有些人會覺得價格比較貴。

K11旗下有好幾間大商場，其中Musea仲有藝術Feel,行得最舒服，見開左咁耐，今日同gf放工一齊拍拖拖，商場打完卡經過一間好多人排隊嘅海南雞餐廳。上網一睇先知原來間餐廳有「海南雞飯始祖」之稱，最近積極策劃進軍國際市場，最近以香港為首站，最後叫左幾款必試菜。招牌文華海南雞飯榜上有名絕非浪得虛名，雞肉肉質鮮嫩滑溜，雞皮經過漫煮不會含過多脂肪，配於雞湯及雞油烹煮成粒粒分明且油光十足的香米飯。亦可以根據個人喜好沾上辣椒醬、薑蓉和特製雞飯醬油，一試愛上。星洲海鮮炒貴刁東南亞風味炒河粉，烹調過程加入甜豉油和其他香料，油量和火候控制適當，配上晶瑩剔透的帶子和三只新鮮大蝦。招牌椰子雪糕以整個椰子🥥配上濃郁的椰子果肉雪糕，果肉足夠，放入口裡雪糕瞬間溶化，加上兩粒新鮮荔枝，充滿熱帶風情，絕對係夏天消暑良品。

K11 Musea 開左咁耐，dra今日第一次黎，打完卡之後見到呢間食海南雞飯嘅Chatterbox Cafe超多人排隊，原來係新加坡文華酒店過嚟，咁梗係要試吓，排隊排到傻，好多人文華海南雞飯一共有三隻醬汁俾我哋點，辣椒蒜蓉同埋甜豉油，雞肉都幾嫩滑，最正係雞皮。海南雞飯我最鍾意就係佢哋嘅雞飯，雞油味好重🐥星洲海鮮炒貴刁用咗甜豉油炒額外有東南亞風味河粉唔會炒得過油，仲散發淡淡豉油香，上面嘅帶子同埋哈都幾新鮮大大隻。Pan-fried carrot cake蘿蔔糕同平時食既唔同，比較細粒，但相當惹味，我就好鍾意呢個喇，唔洗5分鐘消滅左椰子雪糕原個椰子上台，雪糕有粒粒椰肉，椰子同奶味各半，如果椰子味再重d就perfect

喺連續两日冇咸蛋雞翼提供的情況下，點了魚餅和蘿蔔糕，''驚喜''情度…………魚餅 $58＋10％如两片變了''叔''味的午餐肉。蘿蔔糕 $78 ＋10％食完两三個鐘內要狂飮茶，先清到嘴巴入面的隔夜油味，總之係啲油''章''住個喉嚨。

店舖安排不太妥當，令客人有不愉快的感覺。晚上7點海南雞已經售罄，但職員並不經常出來通知客人，門口展示海報上也沒有貼或寫上售罄標示。這樣的安排令新到的客人在不知情的情況下前去排隊，接著排很久後才知某些菜色已沒有，失望而回。新店多人光顧是很正常的事，有售罄情況也可以理解，但至少在通知上要做好一點，使客人好作安排。不過職員整體上都是有禮的，只是安排上仍有進步空間。另外店舖樓底比較低，在外面已經聽到人聲碗碟碰撞等雜聲。如果想舒服的傾談，可能要吃完再另覓地方。

早前到了K11 Musea 新開的Chatterbox朝聖，以往在新加坡工作亦試了數次，味道很好，所以今次對香港分店有期望。從知情人士得知，香港Chatterbox同香港Delifrance係同一間公司營運，希望水準不錯。點了文華海南雞飯和招牌椰子雪糕。先說文華海南雞飯，雞的味道偏淡，雞肉有點"鞋"，有雪藏味，不似新鮮雞，估計是冰鮮或雪藏雞。雞不錯，有油香。湯沒有特別，反而裡面的圓形豆腐不錯，有豆味。黑醬油甜甜的，跟出面的差不多，但薑蓉很好食，似新加坡味道，辣椒好香，一讚。食埋招牌椰子雪糕，原個上的，幾靚。本身好鍾意食椰子雪粒，經常係超市買某本地公司出品的椰子雪糕。Chatterbox的椰子雪糕味道很熟悉，裡面有椰肉，跟食開的很似，但Menu講明是Homemade, 應該唔會係出面交貨嘅。

海南雞飯套餐$128 ＋10％ ＝$140雞：雞嫩滑，完全冇雪味，海南雞汁味道適中，不濃不淡恰到好處，撈飯一流，但雞皮偏厚；飯：質地很好，軟硬度適中（吃過B2 果間冰室的焗飯便知飯的軟硬度很重！！！）偏淡，似白飯多過油飯，份量偏少；酱汁：没什麼與衆不同；清湯：清但不香，只飮了两囗，只可以講不是味精湯；餐飮：咖啡或茶整體份量適合軟細食的人士，性價比方面不及好時的海南雞飯（好似$55不包餐飲，更加不及好時碗油飯，仲有一大段距離），如果以呢個價錢，呢個質素，加上要排隊……就没回頭率了。咸蛋雞翼$78＋10％ 有6只雞翼上的咸蛋酱好均勻，香，好味。原個椰子雪糕$88＋10％ 有两球雪糕雪糕清香，有椰子肉，吃完咸蛋雞翼後来個椰子雪糕，perfect match!

最近尖咀開左好多新餐廳，好多間等住試……今次就嚟間潮聖，叫咗👇🏻文華海南雞飯，啲雞肉都算滑，連皮食都唔覺肥(無肥膏，平時我係唔會食雞皮) ，油飯食落唔會成口油，份量足。超邪惡嘅鹹蛋黃雞翼👍🏻👍🏻👍🏻👍🏻，鹹蛋黃包哂全隻雞全翼，好香口，正 ！不過食嘅時候，要小心辣口，因為好夠熱。珍寶鮮果雪花冰配雪糕，好多生果(有哈密瓜，士多啤梨，蘋果，菠蘿等等)，鮮甜！入面嘅椰子雪糕，真係有椰肉ga❤ ，原本已經飽飽地，食完個甜品反而開胃左……檸檬薏米水，同時飲開嘅唔同，食唔到薏米，有啲失望，可能係煮太淋? 如果加返多啲薏米就好啦~

前幾天與同事去K11 MUSEA, 試下星加坡有名的文華海南雞飯。1.海南雞飯(Lunch Set HKD128)，首先雞已去骨份量唔算少，除了兩三塊雞胸肉外，其餘雞肉算嫰滑多汁，有雞味。香米飯香醇而不膩軟硬剛剛好，出色。雞和飯一起再用筷子點少少醬汁在雞上吃好好味。雞湯唔油膩，湯裡面玉子豆腐幾好食。2.海南炸豬排配香米飯 (Lunch Set HKD108)， 豬排炸得剛剛好，好juicy味道不錯，飯應該係跟咗海南雞飯的飯，好味。3. 星洲海鲜炒貴刁 (Lunch Set HKD108)，有鍋氣吾油膩，吾錯。4. 咸蛋黃雞翼(HKD78) ，睇介紹話雞翼係用咖喱粉醃製，裹上炒香的咸蛋黃，加入咖喱葉和小辣椒。入口好香超惹味，忍唔住再食多隻，78蚊6隻抵食。5. 煎魚餅(HKD58) - 並不是香港人經常吃的泰式、越式炸魚餅。而是馬拉風味，薄薄的，有少少辣。一般喇。6. Rojak 沙律 (HKD98) 同樣不是香港人經常吃的西式沙律，星馬風味沙律我喜歡。7. 甜品 - 珍寶港式红豆涼粉雪花冰(HKD88), 名符其實冰冰刨得細如雪花，有红豆涼粉，驚喜其中內有椰子雪糕。Jumbo size

上次吃Chatterbox Cafe, 是十一年前在Mandarin Orchard. 還記得那晚人客不多, 當然不用排隊, 而整體感覺只是一般, 在Mandarin Orchard留下更深印象的是Shisen Hanten by Chen Kentaro. 至於海南雞飯, 還是最喜歡中峇魯海南起骨雞飯. 如今, Chatterbox Cafe落戶K11 Musea, 又心思思想來回味一下.星期六的晚上, 六點半來到, 全個場皆是超級爆滿. 當然, 在Chatterbox Cafe也是要排隊, 還是一排就排了一小時十五分鐘. 套用文迪的一句, 反正未肚餓, 就一路等, 一路消化之前吃的.終於輪到我們, 好像也有一段時間沒有這麼瘋癲. 為了吃, 等那麼久, 其實也是愛吃的人常會做的, 對嗎? 說回這裡, 環境是不俗的, 起碼感覺不算太濟逼.Mandarin Chicken Rice 文華海南雞飯 $118: 8分, 來到這裡, 沒有理由不吃文華海南雞飯那麼混吉吧. 先說賣價, Chatterbox Cafe的Mandarin Orchard店賣SGD27一客, 即是HKD154一客. 來