Chatterbox Café (K11 Musea)

营业中

休息中

排左半小時，覺得海南雞飯平平無奇，雞的份量算多，但肉質不夠滑，不夠肉味。可幸是香飯夠香，水份軟硬度剛剛好，但份量偏小。海蝦喇沙比海南雞飯出色，海蝦算大隻新鮮彈身，湯底濃，少少䶢但可接受。另外點了魚餅，要等20分鐘，初時以為是熱辣辣的泰式炸魚餅，點知賣相同想像有很大落差，薄薄的不温不熱的辣辣鹹鹹的，有白麵包夾來吃，沒有check清楚，可能這是星加坡的特色小吃，但實在吃不怪。跟一位男待應略略提過魚餅偏鹹，吃不怪，誰知他勁好心的取消這個order，要讚一讚這位帶眼鏡的男侍應，令我們不至於對這間新餐廳完全失望。

我相信很多人也像我是因為這間餐廳的名氣而來的，因為這家餐廳在新加坡挺有名的。這家餐廳沒有預先拿票服務，只可以排隊等候。我們大約排了45分鐘，終於可以入內用膳了。這次餐牌也不需要看，便點了最出名的海南雞飯和大蝦喇沙湯麵。可能我對這個海南雞飯期望太大了，現實沒有我想像中那麼好吃，雞肉不夠滑，而且淡而無味及不夠熱除此以外，我老公點的大蝦喇沙面，在我吃完海南雞飯半小時還沒到，向了待應反映多次，還是回覆快到了。不知餐廳是否營運不夠，所以覺得服務需要再進一步改善。

見今日做完檢查，就孖住哈利去K11 Musea潮聖下，一泊好車上到去,就覺得Modern, 有一貫新世界發展既Style, 又係以Shopping , 藝術於一身. 以Greenary 為主的建築風格, 整體比人一種好柔和的感覺。 參觀完過商場，當然要醫下個肚仔喇,係information Kiosk有咩餐廳選擇, 但基於商場開業初期, 好多店舖都未開業, 而我戒食咗成個星期, 想食啲濃味啲既野。最後選咗呢間新加坡餐廳.一心諗住平日會少啲人, 2點攞張 都要等成80個。足足等了一個小時. 言歸正傳，Chatterbox 有提供set lunch and set menu .1.       招牌文華海南雞飯無骨海南雞以50分鐘慢煮，雞肉嫩滑，有濃雞味，配上辣椒醬、薑蓉及特製雞飯醬油。 2.       招牌大蝦喇沙喇沙湯，好重椰漿味，好濃，每一啖麵都有喇沙湯掛住，而其他配料例如荳卜，索唒啲湯，好好味。相對地個喇沙比海南雞更為出色。但以咁既價錢，我會選擇試其他餐廳。

今日下午休假，正好前往新開幕的K11 Musea 試試新開食肆。經過B1 層，正值午餐時間，看到人龍處處。從雜誌得知這家店來自新加坡，是新加坡文華酒店海南雞飯名店。一向愛吃海南雞的我，又怎可不試呢。店子裝修舒適雅緻，牆壁上的彩色壁畫配上棕色天花和木餐椅，感覺輕鬆而活潑。座位設枱座和吧座，雖然新開幕，但全都坐滿。午餐有九款，有招牌海南雞飯、喇沙、肉骨茶、咖喱和炒飯麵等，價錢由$108-$168， 包餐飲。文華海南雞飯$128先呷一口雞湯，雞味唔太濃，淸清地，豆腐嫩滑，而不帶油膩。海南雞採用走地雞，雞皮下沒有多餘脂肪，幸運的今天吃到雞腿部分。雞件份量十足，而且已經去骨，啖啖肉，雞肉嫩滑而帶質感。雖然雞味未算濃郁，但加埋碟底的甜豉油，味道唔錯。沾雞醬分別有黑醬油、辣醬和薑茸。三種醬之中，個人偏愛黑醬油的甜香，無論沾雞或伴飯也好吃；辣醬只是微辣，帶一點酸，甘香醒胃；薑茸都幾香，少少鹽吊起薑味。油飯是幾合意的，飯粒軟硬適中，粒粒分明，唔太油膩，而且滿有油香風味。餐飲選了錫蘭奶茶。這奶茶一如港式奶茶的味道。厚杯保持奶茶溫度，口感滑溜，茶味溫婉不澀口，是正常水平。無論是天天海南雞還是這家文華海南雞，

We ordered the signature hainanese chicken rice as well as the basil lemak. The chicken they serve was boneless. It seems to be healthier than many other hainanese chicken when it contains less fat on it. Since there’s a long line out there, we had higher expectation. The basil lemak is just okay. We ordered a ice kachang after the main dish. We are rather disappointed as it tastes rather artificial.... overall experience at chatterbox is okay. We would come back when there are no lines.

排隊排了15分鐘就到我們了。前面聽過很多關於這間餐廳的故事，的起心肝今天去拜訪一下。我們點了招牌海南雞飯，還有肉骨茶套餐。肉骨茶到了不久我們就把成個飯到咗入去，完全忘記了要影相。對我來說肉骨茶的排骨有點鞋，但胡椒味剛剛好。海南雞飯，先讚一讚他的雞油飯，真心好吃，有點兒超越我在筲箕灣海南雞專門店的雞油飯地位，海南雞，非常欣賞他的刀工和他們切海南雞的大小是我最喜歡的尺寸。雞味好香，我加了$10轉了雞髀肉。雞皮也很香滑 唯有醬汁我還是比較欣賞海南雞專門店。

普通的海南雞飯，冇味，勁淡另外仲叫左個喇沙，叫做好少少，排左45分鐘，完全吾值個價錢都冇影相，仲order左蛋黃🐔翼，勁油樓上越南野好食啲，如果吾洗排隊可以試，不過冇下次，三樣野加埋都成$500，吾值

🇸🇬🐔 🇸🇬🐔 🇸🇬🐔 🇸🇬🐔 🇸🇬🐔 🇸🇬坦白講，多年前去過新加坡🇸🇬食過當地嘅海南雞飯🐔🍚之後，返到香港🇭🇰已經無一度食到比較有水準嘅雞飯，點都食唔番🤷🏿‍♂️！難得文華酒店🏨嘅人氣雞飯進駐尖沙咀，點都要去試試。店舖設於商場地庫，無論午巿或晚巿都係需要大排長龍，人氣仍然十分鼎盛🔥，注意⚠️有下午落場時間唔好亂去🤔.🥢文華海南雞飯🐔。坦白講，有齊三色醬料，配上油飯同湯，絕對是最正宗嘅，雞都算嫩滑，已起哂骨，但份量偏少，男士們未必夠飽😅.🥢白胡椒肉骨茶配白飯🐽。有驚喜！白胡椒味濃郁，豬骨入味腍身，豆卜索哂湯，油炸鬼好脆，配埋湯餸飯一流喎😋.🥢黃金雞翼🐔。一碟6隻都係連尖雞翼，鹹蛋味豐富，完全地掛上雞翼外邊，相當有口感😌

夜晚九點，排咗10分鐘，品嚐名氣的海南雞飯。服務員客客氣氣，服務還不錯。因為晚上九點，咖喱飯及喇沙都賣光了，叫了海南雞飯，沙嗲雞串，豆奶涼粉飲品，出菜很快。1）海南雞飯是有名氣的，第一次光顧，賣相很精美，但飯及雞肉的份量好像很少，沒有雜誌報道的咁豐富，只有半碗飯都不夠。初嘗海南雞肉，肉質比較鞋口，不像泰國食的咁滑口，而且份量按價錢真係少咗啲，雞肉沒有雞肉味，沒有味道，只能靠醬汁調味，有少少失望，個湯就幾鮮味，個飯就值得一讚有雞油香味，但真係好少攞得半碗飯都唔夠。2）沙嗲雞串，好細串，但個沙嗲汁好好味。3）豆奶涼粉，都幾好飲。總結，看餐牌上的價錢，都算中價，但性價比真係唔高，真係食名氣，如果冇咁多人等位，可以一試，但冇下次·

今次去左新商場k11 musea 行下同埋食個飯第一間想試既就係呢間米豬蓮海南雞飯之前家姐話想黎試兩次，但兩次都已經賣晒今次黎終於試到佢。今次兩個人叫左三樣野， 海南雞飯、咸旦黃雞翼、糊椒肉骨茶。首先講下海南雞翼，水準不俗，如果個飯大碗d就更滿意雞翼好好食，都有成六七隻，建議有三個人或以上先叫。今次兩個人食食唔晒成餐飯最推介係個糊椒肉骨茶，糊椒味岩岩好，d肉亦好爽好高質，建議大家要試下最後飲品就無咩特別

今日去K11 MUSEA行街，行到肚餓搵地方食嘢，見到呢間鋪大排長龍，咁多人食應該係正嘢~ 所以我哋又一齊湊熱鬧。原來餐廳喺新加坡已經好出名，係新加坡文華大酒店Chatterbox，被譽為海南雞飯始祖！餐廳主打星洲休閒餐飲，今次亦係第一次喺新加坡以外開店，難怪咁多人慕名而來。餐廳內好多座位，總面積超過2,200呎，但係出面仍然排滿人龍，可見餐廳幾咁吸引。店內裝修帶點田園風，有好多盆栽擺設，牆上還有以大自然為主題的壁畫，仲有互動甜品水吧枱，可以望住師傅即場製作特色飲料。小朋友都有自己嘅餐具，而每張枱亦有水供客人享用。餐牌亦都是以新加坡菜式為主。文華海南雞飯 $118無骨海南雞份量好多，入口係超級嫩滑，因為師傅嚴選優質雞肉，再用50分鐘慢煮，所以肉質咁鮮嫩滑溜，而雞皮亦不含過多脂肪。海南雞配有三種醬汁可以沾: 辣椒醬、薑蓉和特製雞飯醬油，味道恰到好處。雞油飯係由雞湯和雞油烹煮成，入口充滿雞油香，仲配有一碗雞湯滋潤一下。招牌珍寶帶子喇沙 $158一上枱已經聞到陣陣喇沙香，先嚐一口湯底，好似返咗新加坡一樣，湯底非常濃郁，椰奶和特製的喇沙醬味道好有層次。米線沾上喇沙湯好惹味，珍寶帶子好大粒，新鮮

自 K11 Musea 開業，已光顧了不少餐廳，其中過江龍更是一家接一家。新近就發現了 Chatterbox Café 。Chatterbox 坐落新加坡文華酒店，不少旅客都慕名而來，它的海南雞飯更是馳名。選擇落戶 K11 Musea 更是身份的象徵。Chatterbox 的吸引力，從餐廳門外已感受到，其實晚上六時多來到餐廳已有人龍。餐廳也很大，但等候入左的人更多。文華海南雞飯 $118來到Chatterbox 絕對不可錯過，海南雞飯用上走地雞，無骨而且口感嫩滑，同時脂肪較少，亦有濃厚的雞香。油飯也很出色，選用泰國舊米，口感軟熟富雞油香。海南雞飯會配上3款醬汁(辣椒醬，薑蓉，醬油)，令海南雞有更多不同的調味，更加滋味。招牌珍寶帶子喇沙 $158以珍寶帶子配喇沙，這個陣容的確吸引。喇沙湯夠香濃，濃濃椰漿味，加上輕輕的辣味點綴，非常惹味。珍寶帶子啖啖肉，每一口都是喇沙湯的香味，還有各種配料，非常豐富。特色咸蛋雞翼 $78雞翼以咖哩粉醃製，咸蛋黃沾滿雞翼，微辣和咸香，味道吸引富層次。喜歡新加坡文華海南雞飯的朋友以後在香港就可以品嚐到。

今次嚟到被譽為「海南雞飯始祖」的新加坡知名餐廳，「Chatterbox Café 」多年來吸引各地旅客慕名探訪。近日進軍國際市場更以香港為首站，開設於K11 Musea 一個咁靚嘅全新商場，當然要去試試啦！.「Chatterbox Café 」外觀以峇峇娘惹風格設計，外牆更設置多幅以動植物主題的大型壁畫，餐廳感覺舒適但又不失唐皇感。.文華招牌海南雞飯海南雞已經去左骨，令客人食得更方便。海南雞更以慢煮方式烹調，肉質有少咬口而又不失嫩滑，肥瘦適中唔會太多肥油。而香米飯🍚方面係用雞湯及雞油烹煮，所以粒粒米飯🍚都被香濃嘅雞油包住😍.星洲海鮮炒貴刁帶子同鮮蝦🦐肉質好彈牙，河粉比我地平時食嘅闊身啲，河粉口感爽滑，河粉配上小魚乾、小蝦米🦐同辣椒🌶️等…少少辣十分惹味！.特色咸蛋雞冀一上菜已經聞到超濃嘅咸香味，勁多咸蛋黃包圍住雞翼，十分足料！👍🏻食落微甜帶少少辣，味道同新加坡🇸🇬嘅咸蛋魚皮個味真係好似呀！好好味呀！份量仲要一啲都唔少，一份有六隻大大隻嘅😍正呀～.招牌椰子🥥雪糕椰子🥥雪糕就食得多啦，咁冰鎮椰子🥥雪糕又有冇試過呢？外觀已經好吸引，打卡一流！而個椰子雪糕入面仲要有椰子肉嫁，香濃得嚟仲要有粒粒椰

今日5:30嚟到咁啱唔使排隊，即刻有得入，好開心點菜嘅時候打開OpenRice，睇食評發現有好多個劣評，不過反正入咗嚟就試吓，之後點完啲餸，我個鹹蛋黃雞翼3分鐘就上枱，我問佢咁快？經理話之前有人叫，炒開一齊炒！算數，一咬落去，個雞翼真係好咸，喊到不得了，不過鹹蛋黃雞翼我冇理由投訴嘅！第二道菜海南雞飯，傳說中最出名嘅海南雞飯，同之前嘅食評一樣，一咬落去有啖雪味滲出來，個油飯係好食嘅，個湯真係好似一般係街邊嘅味精湯加幾條生菜，仲有一舊豆腐。百幾蚊，真係唔使食佢，街邊咁樣！到最後黎了啦，$130嘅椰漿飯超級難食，啲雞翼呢，又係咸到食唔到，真係好鹹，不過個飯係好食嘅，即係嗰個白飯係正嘅，其他個舊蛋啦又鞋，仲有同埋嗰啲魚仔花生, $130當食個白飯!不過有啲嘢都真係要讚嘅,呢間野嘅服務好過五星級大酒店,由門口等位嗰時帶位既 staff ,到裏面經理，上枱嘅同事，買單嘅同事，都服務非常好除咗服務之外，啲嘢食真係唔得，要排隊，真係唔好去，唔係你真係會好後悔！終於明白短短開業既時間點解咁多人劣評！同經理反映完個雞翼問題，佢換左碟串燒比我，一d都喊咸，但係甜到嘔，加上d碗碟唔乾淨，d 單好似茶記咁放係d

第一次試呢間海南雞飯 佢開係新果個K11 到 六點幾食 已經要掛隊啦 不過都唔洗等太耐 流量都幾快佢個海南雞飯真係好正 佢d 飯個味同質感都勁好佢果個雞醬好濃厚 雞又好滑 食完覺得好滿足吖