Chatterbox Café (K11 Musea)

营业中

休息中

Cara’s Restaurant Review總評 First of all Food 食物 4/5Service 服務質素 4/5Ambiance 餐廳環境 4/5Money CP 抵食指數 2/5Popular dishes 推介菜式 : 海南雞飯Suitable for 適合人士： small group or soloWait time 等咗幾耐: 30 min @weekday 9pmReservation 有冇預約: noAdditional Tips Chatterbox has limited quantities of chicken rice. Reserved them when waiting to ensure you can get their famous chicken rice.

病好番好多, 要去補一補! 試試馳名的文華海南雞飯, 新加坡炒飯 & 咸蛋黃雞翼! 人哋飲美祿恐龍, 我飲咖啡! 文華雞飯 $128 ~ 同我想像中好有距離, 名過其實! 雞皮竟然無啫喱, 我好欣賞雞比較瘦唔會一層肥膏, 但同時肉亦有點嚡口! 油飯唔夠香, 湯清淡不油! 新加坡炒飯 $128 ~ 飯炒得幾香夠乾身, 粒粒分明, 蝦雖雪藏亦爽口! 咸蛋黃雞翼, 咖喱粉醃製, 咸蛋黃沾滿整隻雞翼, 口感豐富, 但略嫌過濕! 反而幾欣賞杯美祿恐龍同咖啡, 前著夠足料, 後者又濃又滑! 

作為一個海南雞愛好者，經過開尖東梗係要來依間被稱為海南雞始祖既傳說店鋪朝聖啦！排隊人數係幾多下，好在可以用K11apps拎飛，邊行邊等，等左大半個鐘終於有位，即刻入去試試！忘記左影menu，但選擇唔算多，而且基本上檯檯都點海南雞同喇沙😂就梗係跟住叫啦，叫完5分鐘就上菜，速度極快先講下海南雞，本身佢就係雞胸肉同雞脾肉各一半咁上，筆者對雞好有要求，所以加10蚊轉哂做雞脾但期待換來既係小小失望先講醬汁，三款醬都毫無突出之處，隨便一間鋪都做到既質素。而雞既質素係唔錯，夠腍夠嫩，可惜唔夠層次，無左雞脾應有既質感。反而雞油飯幾出色，好夠味唔係目標既喇沙反而好有驚喜先講重點既湯底，夠濃夠杰！湯底有少量花生碎，仲要食得出有海鮮味，同之前係新加坡食既味道差唔多，正呀！麵底同配料質素都唔錯，重點推介係帶子，大大粒，厚身，新鮮！價錢雖較貴，但完全值回票價總結來講，鋪頭係值得一試，只係個海南雞比人吹得太大，搞到有期望落差🙈價錢稍貴，但對比食物質素係合理。但環境方面真心麻麻，地方唔大但擺太多位，搞到好迫同好焗，不過佢唔擺咁多位既話可能要等得仲耐，食得鹹魚抵得渴嘛

又係時候去K11朝聖一下，今次去Chattered Box Cafe，6:15去到，立即取票，等了15分鐘就入得座了！🥳太肚餓了，叫了很多食物，有文華招牌的海南雞飯、大蝦喇沙、新加坡炒飯、招牌椰子雪糕、特色咸蛋雞翼、咖哩豬肋骨配飯和傳統甜蝦醬蔬果花生沙律。🐔文華招牌海南雞飯$118（加了$10要脾）- 話明招牌菜，一定有佢特別之處，雞用上走地雞，肉質非常滑，肉很嫩，加上無骨，食得更寫意，但最喜歡反而是個雞油飯，油香豐富，略嫌份量細😆。醬料沒什麼特別，所以不太寫了。🦐招牌大蝦喇沙$158 - 大蝦用上虎蝦，湯底充滿我喜歡的椰漿味，帶有少少辣，麵條質感也不錯，配料有豆卜、雞蛋與魚片，也蠻豐富，可以一試，但一碗份量不算多的喇沙加埋一，要$17x🤨，只是覺得價錢很貴。🥵新加坡炒飯$118- 炒飯好鬼辣，旁邊的🦐也是非常野味，老公與奶奶食完，立刻叫了飲品。另外仲有兩串雞肉串燒，整體只係食到辣味的味道，無什麼特別。🐔特色咸蛋雞翼$78 -一客有6隻，份量相對其他的菜式較多一點😂。雞翼脆脆的，但咸蛋味欠逢。🐽咖哩豬肋骨配飯$118 -咖哩汁香濃，辣度剛剛好，豬肋骨肉質好鮮嫩，但無什麼味道，似係豬肋骨

經過幾次都見長長的人龍，心諗一定要黎食下，終於星期日見沒有太多人排隊，決心取票等候門口有個stand 寫明佢哋嘅signature dishes,😬😬所以我哋一於點左文華海南雞飯、招牌珍寶帶子喇沙和妹妹仔最喜愛的特色咸蛋鷄翼雞翼面上沾滿了咸蛋醬，入口即品👅到咸蛋的味道，雖然餐牌標上辣野，但辣味指數可以話係0，味道一般並且有點油膩😅食完這個海南飯後，就發覺這道菜式的靈魂就在於油飯，味道清香，不油膩和有嚼勁，至於雞肉就一般般，沒有特別驚喜喇沙的份量也十足，味道方面比較清淡總括來說，食物質素和價錢的對比有差距😂

K11 Musea呢個商場嘅餐廳好多，今次就試咗呢間新加坡嘅過江龍。價錢比預期平，點咗一個海南雞飯同一碗喇沙。海南雞飯中規中矩，雞有雞味雞嘅份量都多，但個飯有啲細，男人應該食唔飽。另外佢嘅黑醬油有啲苦味，好奇怪喇沙同樣地中規中矩，但蝦好大隻，麵都係我個人喜歡嘅麵，係類似米線，而唔係油麵個種另外都點咗一杯美祿恐龍，好Heavy，但好鍾意其實食物真係中規中矩，但係呢個新商場入面，價錢唔算太貴，唔係太多人排隊嘅時候可以一試

唔係想像中咁好食，香港其他海南雞飯嘅食店比它好食的多得很！不會再幫襯！想讚下反而杯咖啡覺得幾好飲，好香濃！價錢方面偏貴，覺得唔係好值得！服務態度都是一般，過得去！總括來說，不值得要排隊食呢啲

I love Hainan chicken rice. Poached chicken with rice that was cooked in chicken fat. Who wouldn't love that? When Chatterbox Cafe opened in K11 Musea, I was interested. Originally from Singapore, it claims to be the first to create this dish, calling it Mandarin Chicken and also saying it's legendary.Is it legendary? I wanted to find out.I arrived around 1:30 and only waited 10 minutes for a table.  There was a queue but it appeared most people had wandered off.During lunch time, they have a lu

K11 Musea 呢個期待已久嘅新商場，一直都冇時間嚟朝星。上兩個月終於有時間，同屋企人嚟會一會佢！我哋去到時已經過咗lunch time (around 2pm)，諗住食個 late lunch~ 之前睇報導話呢到開咗間新加坡過江龍文華海南雞飯，咁啱同行有我嘅新加坡uncle一齊，咁就好雀躍去視下。點知？門口有個牌寫住 "抱歉產品暫時售罄" 一場嚟到諗住試，咁唯有等到5pm la！我哋去咗個 food court醫少少肚。諗住5pm做第一批客人。呢到裝修唔錯，有大自然氣息。不過食物就真係麻麻地，價錢又貴，一啲都唔抵食！文華海南雞飯就梗係要試! Uncle 話個雞唔滑，無乜味，仲要收 $118+ (Toast box 海南雞飯仲好食)呢碗 Laksa 就勁啦 $158+ 不過隻蝦真係大虎蝦嚟~ 個湯偏杰，係濃味嘅！不過輸在唔夠熱 食新加坡嘢真係必食星州炒蘿蔔糕! 不過呢個勁鹹勁失望囉！之後叫咗兩個甜品冰 share.... 不過不失，料少咗啲咁囉! 

我對餐廳的服務非常失望，嬲到爆炸今日下午1520左右，本身見門口寫1400到1700是落場，但餐廳職員告訴我們last order 1530我覺得沒問題，反正已經想好吃甚麼，於是入座坐下後，待應忙於set其他枱，水杯給了隔離枱也沒給我們 (其他枱都是已經放好水杯) 再多等一下職員過來就直接點了海南雞飯和喇沙1525 海南雞飯到1528 喇沙也到了大約1530就有職員請我們先結帳，這點沒問題但1540左右黑色shirt 的職員告訴我們1545就要走，餐廳要進行清潔我第一次去餐廳食飯會坐低冇30分鐘就比人趕走仲要入座的時候又沒有通知過1545就要交枱這樣的服務還收服務費😡🙄食物質素ok，不算抵食，價錢就可以接受但這樣服務真的請我吃也不會再來

3點20分入座 職員講last order 3點半 OK無問題 已經諗好食咩 即時可以落到單 叫左一個海南雞飯 一個大蝦喇沙麵 大約3點半上菜 食左10分鐘 個職員過來講3點45分要離場 佢地話清潔。我心諗發生咩事 ？好彩我同條女係食得勁快嗰啲人 啱啱好食完 隔離檯先食左一半 都唔知點算好 咁既服務態度真係一言難盡。講返味道 實話實說佢味道算份量算OK 但係一個海南雞飯連埋➕一賣到140幾我覺得唔抵lo 出面有更加多更好既選擇lo。建議其他未試過既可以唔需要試了 唔計服務態度 佢個價錢都唔值。

全場最佳「🏅️海南雞飯」！雞肉超級滑 油飯香而不油 遍佈全港的海南雞飯 佢哋真係做到數一數二 （如果有更好的麻煩推薦）鹹蛋黃雞翼 今年係「鹹蛋黃明星年」到處都係鹹蛋黃系列 不過鹹蛋黃真的好神奇 同咩都可以match的好好炸到脆卜卜的表皮裹滿厚厚的鹹蛋黃sauce 每一口都是爆炸的卡路里哩個有d似XO醬炒蘿蔔糕 都算惹味但同海南雞飯就唔得比啦我都想知點解我係新加坡餐廳唔叫叻沙 偏偏叫咗個意粉？可能被太陽蛋吸引？但哩個太陽蛋好失敗 無流心🙅🏻‍♀️不過叻佢d職員嘅服務態度卑人感覺唔係太好 出邊叫號嘅阿姐黑面喎🤫但為咗海南雞飯 應該都有下次😅

#k11musea #尖沙咀🌟 Chatterbox Café 🌟Food is our source of happiness K11 Musea商場真係百去不厭，入面嘅餐廳有好多都好吸引(๑･̑◡･̑๑) 今次我哋就去咗試哩間來自新加坡文華酒店嘅海南雞飯店文華海南雞飯 $118啲雞肉真係好嫩滑，好好彩每件都係滑肉，再配埋個油飯 真係唔錯🤩 不過佢啲食物價錢唔平，貪新鮮試一次半次就冇所謂💕————————————#Chatterboxcafe #ChatterboxcaféHK〰️ Chatterbox Café 〰️Shop B110, B1/F, K11 Musea, Victoria Dockside, 18 Salisbury Road, Tsim Sha Tsui————————————#journeyoftwo香港

前兩個月中午12時左右在K11 Musea見到呢間星加坡海南雞飯店，門外排了十多人等位，當時覺得有咁多人捧場品質應該有番咁上下⋯⋯今日去開尖沙咀，見時間又早大約5:30左右於是就行去Musea試試呢間海南雞飯，去到門外見到有個電腦取票機，心裏覺得有D奇怪，點解之前見到啲人要排隊等位呢🤔今晚可能時間尚早所以唔需要等位就可以直接入座，當時大概有五六台客左右⋯⋯

It was a visit to see the new K11 Musea with a friends from overseas. There seems to be quite a bit of restaurants but most were not casual dinning with a wider selection of dishes. Hence, we picked Chatter Box, where we can have main dishes and some appetisers to try out. It is a good place for casual dining with friends. Space is tight but cozy, nothing pretentious. 重點帶海外朋友參觀K11 Musea。 這裡有很多餐館，但大多數餐館都不是提供多款式選擇。 因此，我們選擇了Chatter Box，這裡我們可以品嚐主菜和一些開胃菜。 這是和朋友一起休閒用餐的好地方。 空間有點狹窄但舒適，沒有裝腔作勢。Chatter Box