Chatterbox Café (K11 Musea)

营业中

休息中

黎呢到係試食招牌海南雞飯既，見呢到環境唔錯，價錢都合理，一於試試佢啦。我幾鐘意碗雞湯，內面仲有豆腐做配料至於雞亦都夠嫩夠滑呢而呢到既甜品都好特別，好明顯係fushion風系列既甜品，有純新加坡風味，亦有混合港式既甜品。今次兩個人就嗌個美祿刨冰配意大利芝士蛋糕，睇個名都知佢夠邪惡啦佢既份量一啲都唔細，兩個人食完係會飽到捧住個肚佢成碗野都鋪滿哂美祿啦，有朱古力脆脆，內面就有雪花冰同tiramisu 大家係咪覺得會好“流”呢?事實上內面既牛奶綿綿冰令到成個甜品light返哂，平衡左各種味道，唔會覺得重口味。而整個甜品既口感都好正，有軟有硬我地兩個食唔停口，大讚呢個甜品足料抵食下次會再試其他甜品

友人去星光大道放仔, 我哋食飽飽先, 呢間以價錢論性價比相對高少少! 香炒河粉燴牛肉 $118 ~ 我唔喜愛一 Pat 芡嘅, 完!星洲海鮮炒貴刁 $108 ~ 好好好食, 炒得好夠乾身, 好多餸, 味道非常好!  星洲海南炸豬扒配香米飯 $108 ~ 太普通, 個醬汁有點甜! 特色咸蛋雞翼 $78/6隻 ~ 有點油, 不過好好食! 美祿恐龍 $32 ~ 唔太甜, 好滿足不過好邪惡! 註: 大家食飽後都口渴到癲左

人氣新加坡海南雞飯🐓，初到港時日日大排長龍，就算去到門口，見到條人龍都放棄。最近熱潮過去，難得平日放假就去朝聖下。下午三點，只有三幾枱客。有午餐供應，其實即係正價叫海南雞飯送普通飲品。如果要特別啲嘅野飲就要加錢。入正題，海南雞飯，先講雞，我冇特別加錢要脾，碟雞有唔同部位，脾真係好滑，胸就幾嚡，雞味唔重但都算唔錯。醬汁我覺得甜豉油早好食，好夾。再講個飯，好香葱蒜味，唔油，好食。仲有個湯，清清地有件豆腐。所有野夾埋一齊係值得食，但如果要排隊食，我就覺得唔值喇

同朋友黎到K11 musea搵嘢食，見到呢度排晒長龍，我哋梗係唔執輸🤣 今次叫咗四個餸試試佢文華海南雞飯: $118 (6/10) 整體不過不失，雞嘅部份去咗骨，口感亦都嫩滑，佢配左三種醬汁，配埋油飯食亦都幾夾，但就冇乜好令我感到驚喜部份，所以性價比偏低白胡椒肉骨茶配白飯: $118 (6.5-10) 呢一款嘅白胡椒味好出，佢嘅肉亦都整得好淋，配左油炸鬼，份量亦都好足夠🙂炸素春卷: $48 (7/10) 呢款炸得幾好食，上黎嘅時候都係脆既薯角配辣蟹肉汁: $68 (7.5/10) 叫咗呢款滿足下我哋食薯角既口忍！佢個辣蟹肉汁真係幾正，入邊見到有真正嘅蟹肉！呢個配搭都幾特別，鍾意食炸物嘅朋友仔都可以試吓但呢度嘅服務麻麻地可能因為好多客嘅關係，我哋明明未食完佢都想收我哋嘅會要我地埋單走人，搞到食得趕頭趕命😑

【文華海南雞飯】 HKD118【招牌珍寶帶子喇沙】 HKD158【特色咸蛋雞翼】 HKD78新加坡🇸🇬過江龍係咪咁正呢？今日經過所以就試下，不過要有心理準備要排超過半個鐘。老實講，究竟嗰海南雞🐔邊度好食呢😑。唔單止貴，而且雞件淡而無味，又唔滑鞋颯颯😓，超失望‼️唯一整得好嘅就係嗰油飯🍚，粒粒分明，夠油香。至於喇沙🥘就唔錯。配料夠足，帶子彈牙又大隻。湯底亦都夠稠夠濃味，仲帶點椰香🥥。而麵條完完全全爽曬啲湯汁，好惹美。反而咁多樣之中，雞翼🐣係最有驚喜，最值得試。如果鍾意食 #金鴨 咸蛋魚皮嘅朋友👨‍👩‍👧‍👦，相信依個小食好岩你口味。即叫即炒，雞翼滿佈咸蛋黃，味道亦好出，夠曬邪惡😈呀。

K11 Musea 中，當然環境很好，剛剛開業不久。環境衛生可以，食具餐具清潔。至於服務態度方面，招呼不到因為人手少，叫待應用很長時間，沒有服務可言，食物方面，午餐價錢合理，但是質素方面則不認同，本人在2月14日享用午餐，我點了著名的海南雞飯，湯一般和油飯也一般，味道方面可以，雞肉整體來講很滑，調味料也豐富，至於朋友吃的海鮮炒貴叼則河粉油又有燒燶味，海鮮的材料很少，只有一隻帶子，魷魚又咬不開，應該切細少一點，不合格！😠

在K11 Musea睇完戲，搵地方吃午餐，我哋揀選了來自星加坡的海南雞飯店Chatterbox cafe，由於疫情嚴重，食客不多，不用等，便可以安排入座。下單叫了海南雞飯，加$10換了雞髀肉，不用10分鐘食物便上檯，海南雞飯像定食一樣，有湯、三款醬汁、海南雞、油飯，單看賣相已吸引。拿起第一時間試件雞，雞肉嫩滑，肥瘦適中，油飯飯粒分明，湯味較淡，整體來講，這是我食海南雞飯第二間好吃的餐廳，不過份量就比較少，對於男人或大食的朋友，飯後要食個甜品才能飽肚吧！個人評分食物 B服務 B環境 B衛生 B抵食 B

之前喺新加坡食過呢間海南雞飯，覺得幾好食，聽聞過江龍嚟咗香港開分店，都心郁郁想試下有冇分別，但一直排長龍唯有作罷。適逢最近大家留家抗疫，唔使等位，正呀。叫咗必試嘅海南雞飯，不用5分鐘就完整成個餐上檯，算快。雞件滑溜，可惜完全冇雞味兼凍冰冰。醬料細碟，又係冇味道可言。雞飯反而不錯，份量剛好，用雞油煮過所以好香，而且粒粒分明。總括來說，呢間餐廳名過其實，要揀我會去文華酒店食。

Now is the legendary chicken rice from the Mandarin Orchard Hotel in Singapore legendary? The answer is YES! The Hainanese Chicken Rice is on point, the rice is not greasy at all, chicken is smooth and tender, soup is good, what more can I say? I’m lucky to be there on a day where the queue is short, definitely worth a visit. Price point seems to be fairly reasonable given the quality of food.

剛開業個陣勁多人排隊，好誇張！但上星期六去，水靜河飛，大家都少出街，先有幸既入，唔洗花時間排隊.🍗文華海南雞飯 $118 (4/5)無加到錢食雞脾，但普通雞肉都已經非常滑！亦都好有雞味，我覺得唔點醬，已經好夠味！雞油飯都粒粒香，雞湯都好清香。但覺得大食人士或男士應該唔夠食😳性價比不是太高，我覺得一次夠。.🥚特色咸蛋雞翼（6隻）$78 (4.5/5)好肥！因為隻隻雞翼都炸得好脆，沾滿晒咸蛋😋加有啲辣椒🌶️所以唔算太漏！我覺得出色過海南雞飯添！.

這次到K11 musea逛街初嘗了這間新加坡菜，它的位置並不算太難找，就在賣香水那一層，也是商場餐廳的集中地。座位有分卡位和吧枱。我們一坐下，侍應就奉上兩杯暖水。我自己不喜歡水有一股水喉味，所以到餐廳喝水時會特別敏感，但這間餐廳的水沒有水喉味，而且還是一杯暖水，感覺很有心思，很照顧客人。這間餐廳還有一樣很貼心的準備，吧枱的位置比較逼，而且座位比較高，基本上沒有位置去放袋或其他物品，而這間餐廳就放了一個籃在凳底，方便客人放置個人物品。我和姐姐點了兩道菜，分別是雞肉喇沙和白胡椒肉骨茶。雞肉喇沙看起來份量不算大，但其實被這個大碗片了，份量其實不算少。我很推薦這碗喇沙，因為他的湯底很濃郁，麵線和雞肉等配料都吸收了湯頭的味道，喜歡吃喇沙的人會覺得很滿足。不過可能太濃郁的關係，吃到最後會覺得偏鹹。姐姐點了肉骨茶，雖然肉骨茶的湯看上去比較清淡，但其實我充斥着濃濃的胡椒味，十分開胃。它的份量很多，姐姐只吃了油炸鬼和肉骨茶，沒有把白飯吃完。如果你不是一個胃口很大的人，在落單時可以跟侍應說少飯。

今天早放，跟朋友來吃午餐，不用等位，實在令人感動。我們都叫了海南雞飯其實價格算是貴，大概一百二十元。但雞飯不是太油而且很香，的確不錯。再試試重頭戲-海南雞，我覺得我沒有選錯。下單的時候，侍應問我們要不要加十幾元轉雞腿肉，我們都不加。其實本身雞都已經夠嫩，非常好吃，再加上三款醬料，我覺得很不錯。一人份量，剛剛好。另外配一小碗豆腐湯，味道一般。可能是本人不太喜歡雞湯。跟餐配飲品，我選了錫蘭紅茶，茶味香濃

The chicken meat was dry, cold and had a bland taste. The texture was extremely tough and hard to chew. Unfortunately, the dark soy source, chilli sauce and ginger sauce did not help much. The chilli sauce and the ginger sauce that accompany Hainanese Chicken Rice are the major condiments that can either doom or spruce up the dish. Both failed to live up to our expectations. The vegetable soup along the dish was too salty. The rice was flavourful but it just lacked the oomph factor.On the other

I’m a Singaporean who lives in HK . Was delighted that chatterbox opened in K11 and I’ve always wanted to try out Singapore local food in HK. I ordered a laksa , otah and a Chao kuey tiao this round . I would say , the laksa is tasteless , otah taste like flour no fish taste . The keuy tiao was alright but not fantastic . Will not come back again . Bad experience .

今晚同男朋友買咗飛喺新開嘅尖沙咀K-11 Musea 戲院睇戲, 為咗方便就早啲過嚟食晚飯順便逛下新商場~ 😚適逢週末人流多, 落去foodcourt 嗰層打探下有咩食先, 遠遠已經望見呢間新加波過江龍餐廳門口企滿人! 😲 新鮮感軀使, 我地㩒左飛先, 排成三十個, 只係六點鐘.. 😅周圍行左半個鐘左右返嚟, 已經啱啱過咗5張枱😱 相信好多人都係攞咗飛去咗第二間食~ 第一次嚟當然叫佢嘅招牌大蝦喇沙 賣相幾靚, 個湯椰漿味好濃好香口, 可以接受嘅小辣, 配料豐富, 有蛋, 🦐, 魚蛋, 豆卜, 味道唔錯 男朋友坐對面食海南雞飯, 佢嘅評語係啲雞都幾滑, 油飯夠香, 有三種醬料都幾齊全, 唔錯唔知幾時開始所有新加坡嘢都同鹹蛋掛勾 呢間有雞翼.. 完全係貪新鮮叫碟試吓, 嗯, 整得唔係太好食, 鹹蛋味同雞翼又好似唔係太襯, 勸大家唔需要試 其實聽聞呢間餐廳最出色嘅係椰子雪糕.. 可惜趕住睇戲, 又食到飽晒, 冇緣試喇.. 結論係呢間餐廳嘅食物一般, 可能期望太高, 等嘅時間長, 人又多, 坐得比較迫, 價錢亦都偏貴, 再返轉頭食雪糕嘅機會唔大..