Chatterbox Café (K11 Musea)

营业中

休息中

第一次去，叫咗鹹蛋雞翼同埋肉骨茶。鹹蛋雞翼係淡而無味嘅炸雞翼加咗一啲疑似鹹蛋黃醬喺上面，鹹蛋黃醬質地似沙律醬但係完全冇鹹蛋黃味，味道怪怪地，整體來講可以話係難食，雞翼其實好難整得難食。肉骨茶就係冇乜藥材味嗰種，肉味同肉質都可以，但係由於正常肉骨茶都係冇乜配料，尤其係冇藥材味嘅肉骨茶有啲似食煲湯豬肉，食落有啲寡。如果細食，只叫一道肉骨茶飯而沒有叫其他小食，餐飯都好悶下。環境方面就可以，喺K11來講有少少迫，但係設計都算舒適。

遠近馳名來自星加坡嘅文華海南雞飯終於開到黎香港啦🇭🇰！！之前美少女去新加坡出差時都有幸試左喺文華酒店入邊嘅呢間海南雞飯。估唔到而家香港都有得再食返啦😋😋今次我哋分別試咗佢哋嘅招牌海南雞飯同埋雞喇沙，最尾梗係要叫埋佢哋嘅椰子雪糕。海南雞同埋雞油飯都配合得天衣無縫，而個湯亦都唔同出面一般嘅味精湯，絕對好飲。至於叻沙個湯底都好出色，差唔多連湯都飲埋，食完絕對唔會頸渴。最後個椰子雪糕簡直係一個完美嘅ending！呢個組合可以算係入門必試食品！ 今次因為我哋比較早去到就唔使排隊，但係走嘅時候已經見到要大排長龍啦！

繼天天之後，Chatterbox係第二間由星加坡越洋來到香港嘅食海南雞餐廳。而且Chatterbox 早於1971年喺新加坡文華大酒店已經開業，可以話歷史悠久。今日嚟到K11Musea 都刻意去試吓! .如果想去Chatterbox Cafe又想免排隊，可以download K11 個app 去攞位。差唔多到個app都會提一提你。.🍚海南雞飯($118)，雞比較瘦，食落好淡味。油飯，都幾香口，可惜隻雞一般。. 🍜🍧珍寶大蝦叻沙 ($158)，湯味道很濃很鹹亦很厚身，而且帶有椰子香。.總括來說，食物方面真係不設預期，環境又很迫又趕客咁。👋🏻 不會再見~

作為一個鍾意食海南雞飯嘅人，我又覺得呢set 嘢無啲人講到咁差嘅，個雞有雞味，我覺得都算滑嘅，係比較細舊，無咩咬口，比起個雞，我反而對個飯有意見多啲，一個飯一個女仔都唔夠食喎，勁細碗，食完都唔飽嘅，非常唔抵，個飯味道普通啦，夠油但唔夠香，都係嗰句，得個兩啖，都未試清楚就食完。啲醬汁ok 既，係個薑蓉唔係好夠味。對面嘅朋友叫咗個tiramisu 刨冰，一上枱嚇一嚇，十分大個，我估四個人食就啱啱好，我地兩個人，食到一半已經搞唔掂。味道就普通，係份量好大，呢個性價比反而好高。其實個海南雞飯set 真係ok, 起碼我會再想食多次，但如果要排隊就不了，當日我係五點入去嘅，大把位，啲人態度都幾好，食完岀去已經無咩位淨，但見上菜都幾快手，算係咁啦。

今晚本身約咗幾個同事食飯，點知個個都甩底😭最後得翻我同另一個同事食，揀咗K11 MUSEA入面嘅chatterbox再俾多次機會呢間餐廳🤭之前佢一開幕嘅時候已經率先試過，不過當時頭嗰一兩日去所以好多人排😩最後咩都賣晒🤷🏻‍♀️連個海南雞飯都唔太得🥴不過今次就完全相反啦🥳再叫同樣嘅飯，但味道係好好多👍🏻叫完5分鐘左右就已經擺到上枱😂仲叫多咗杯美綠恐龍🦖一個字，掂😋今次食得太飽啦，下次再嚟一定要叫埋個招牌椰子雪糕🍦聽聞都好好食🤩

朋友搵到新工作,話要慶祝一番,佢話請我去食一間,由新加坡過嚟香港的餐廳Chatterbox,話個海雞飯係非常好食由尖沙咀東港鐵站J出口,大概行2-3分鐘左右,我哋大概7:00到達,門口已有很多人在等位,可能兩個人關係,唔使等好耐就可以入座餐廳坐位幾迫夾,枱同枱之間空間好窄,但見每枱食客,都會叫聞名的文華海雞飯,所以我地都各自叫一個文華海南雞飯,另加沙嗲雞串燒文華海南雞飯,包括有一碗湯,油飯,雞,醬汁有醬油,薑蓉,辣椒醬雞湯好清,有一片豆腐,蔥花,入口好清甜美味,油飯,飯粒細細,每粒飯都沾滿油香味,入口軟硬適中,雞肉肥瘦適中,肉質非常嫩滑多汁,蘸少許醬汁,真係令味道提升好多雞肉串燒,跟一個沙嗲醬,呢個沙嗲醬,真係好有新加坡地道風味,醬內有好多花生粒,雞肉入口嫩滑,同吵嗲醬一齊食,味道真係絕配總括嚟講,呢間既海南雞,係我食過而最好味的海南雞,如果鍾意食海南雞的人,呢間一定要試

Cara’s Restaurant Review總評 First of all Food 食物 4/5Service 服務質素 4/5Ambiance 餐廳環境 4/5Money CP 抵食指數 2/5Popular dishes 推介菜式 : 海南雞飯Suitable for 適合人士： small group or soloWait time 等咗幾耐: 30 min @weekday 9pmReservation 有冇預約: noAdditional Tips Chatterbox has limited quantities of chicken rice. Reserved them when waiting to ensure you can get their famous chicken rice.

病好番好多, 要去補一補! 試試馳名的文華海南雞飯, 新加坡炒飯 & 咸蛋黃雞翼! 人哋飲美祿恐龍, 我飲咖啡! 文華雞飯 $128 ~ 同我想像中好有距離, 名過其實! 雞皮竟然無啫喱, 我好欣賞雞比較瘦唔會一層肥膏, 但同時肉亦有點嚡口! 油飯唔夠香, 湯清淡不油! 新加坡炒飯 $128 ~ 飯炒得幾香夠乾身, 粒粒分明, 蝦雖雪藏亦爽口! 咸蛋黃雞翼, 咖喱粉醃製, 咸蛋黃沾滿整隻雞翼, 口感豐富, 但略嫌過濕! 反而幾欣賞杯美祿恐龍同咖啡, 前著夠足料, 後者又濃又滑! 

作為一個海南雞愛好者，經過開尖東梗係要來依間被稱為海南雞始祖既傳說店鋪朝聖啦！排隊人數係幾多下，好在可以用K11apps拎飛，邊行邊等，等左大半個鐘終於有位，即刻入去試試！忘記左影menu，但選擇唔算多，而且基本上檯檯都點海南雞同喇沙😂就梗係跟住叫啦，叫完5分鐘就上菜，速度極快先講下海南雞，本身佢就係雞胸肉同雞脾肉各一半咁上，筆者對雞好有要求，所以加10蚊轉哂做雞脾但期待換來既係小小失望先講醬汁，三款醬都毫無突出之處，隨便一間鋪都做到既質素。而雞既質素係唔錯，夠腍夠嫩，可惜唔夠層次，無左雞脾應有既質感。反而雞油飯幾出色，好夠味唔係目標既喇沙反而好有驚喜先講重點既湯底，夠濃夠杰！湯底有少量花生碎，仲要食得出有海鮮味，同之前係新加坡食既味道差唔多，正呀！麵底同配料質素都唔錯，重點推介係帶子，大大粒，厚身，新鮮！價錢雖較貴，但完全值回票價總結來講，鋪頭係值得一試，只係個海南雞比人吹得太大，搞到有期望落差🙈價錢稍貴，但對比食物質素係合理。但環境方面真心麻麻，地方唔大但擺太多位，搞到好迫同好焗，不過佢唔擺咁多位既話可能要等得仲耐，食得鹹魚抵得渴嘛

又係時候去K11朝聖一下，今次去Chattered Box Cafe，6:15去到，立即取票，等了15分鐘就入得座了！🥳太肚餓了，叫了很多食物，有文華招牌的海南雞飯、大蝦喇沙、新加坡炒飯、招牌椰子雪糕、特色咸蛋雞翼、咖哩豬肋骨配飯和傳統甜蝦醬蔬果花生沙律。🐔文華招牌海南雞飯$118（加了$10要脾）- 話明招牌菜，一定有佢特別之處，雞用上走地雞，肉質非常滑，肉很嫩，加上無骨，食得更寫意，但最喜歡反而是個雞油飯，油香豐富，略嫌份量細😆。醬料沒什麼特別，所以不太寫了。🦐招牌大蝦喇沙$158 - 大蝦用上虎蝦，湯底充滿我喜歡的椰漿味，帶有少少辣，麵條質感也不錯，配料有豆卜、雞蛋與魚片，也蠻豐富，可以一試，但一碗份量不算多的喇沙加埋一，要$17x🤨，只是覺得價錢很貴。🥵新加坡炒飯$118- 炒飯好鬼辣，旁邊的🦐也是非常野味，老公與奶奶食完，立刻叫了飲品。另外仲有兩串雞肉串燒，整體只係食到辣味的味道，無什麼特別。🐔特色咸蛋雞翼$78 -一客有6隻，份量相對其他的菜式較多一點😂。雞翼脆脆的，但咸蛋味欠逢。🐽咖哩豬肋骨配飯$118 -咖哩汁香濃，辣度剛剛好，豬肋骨肉質好鮮嫩，但無什麼味道，似係豬肋骨

經過幾次都見長長的人龍，心諗一定要黎食下，終於星期日見沒有太多人排隊，決心取票等候門口有個stand 寫明佢哋嘅signature dishes,😬😬所以我哋一於點左文華海南雞飯、招牌珍寶帶子喇沙和妹妹仔最喜愛的特色咸蛋鷄翼雞翼面上沾滿了咸蛋醬，入口即品👅到咸蛋的味道，雖然餐牌標上辣野，但辣味指數可以話係0，味道一般並且有點油膩😅食完這個海南飯後，就發覺這道菜式的靈魂就在於油飯，味道清香，不油膩和有嚼勁，至於雞肉就一般般，沒有特別驚喜喇沙的份量也十足，味道方面比較清淡總括來說，食物質素和價錢的對比有差距😂

K11 Musea呢個商場嘅餐廳好多，今次就試咗呢間新加坡嘅過江龍。價錢比預期平，點咗一個海南雞飯同一碗喇沙。海南雞飯中規中矩，雞有雞味雞嘅份量都多，但個飯有啲細，男人應該食唔飽。另外佢嘅黑醬油有啲苦味，好奇怪喇沙同樣地中規中矩，但蝦好大隻，麵都係我個人喜歡嘅麵，係類似米線，而唔係油麵個種另外都點咗一杯美祿恐龍，好Heavy，但好鍾意其實食物真係中規中矩，但係呢個新商場入面，價錢唔算太貴，唔係太多人排隊嘅時候可以一試

唔係想像中咁好食，香港其他海南雞飯嘅食店比它好食的多得很！不會再幫襯！想讚下反而杯咖啡覺得幾好飲，好香濃！價錢方面偏貴，覺得唔係好值得！服務態度都是一般，過得去！總括來說，不值得要排隊食呢啲

I love Hainan chicken rice. Poached chicken with rice that was cooked in chicken fat. Who wouldn't love that? When Chatterbox Cafe opened in K11 Musea, I was interested. Originally from Singapore, it claims to be the first to create this dish, calling it Mandarin Chicken and also saying it's legendary.Is it legendary? I wanted to find out.I arrived around 1:30 and only waited 10 minutes for a table.  There was a queue but it appeared most people had wandered off.During lunch time, they have a lu

K11 Musea 呢個期待已久嘅新商場，一直都冇時間嚟朝星。上兩個月終於有時間，同屋企人嚟會一會佢！我哋去到時已經過咗lunch time (around 2pm)，諗住食個 late lunch~ 之前睇報導話呢到開咗間新加坡過江龍文華海南雞飯，咁啱同行有我嘅新加坡uncle一齊，咁就好雀躍去視下。點知？門口有個牌寫住 "抱歉產品暫時售罄" 一場嚟到諗住試，咁唯有等到5pm la！我哋去咗個 food court醫少少肚。諗住5pm做第一批客人。呢到裝修唔錯，有大自然氣息。不過食物就真係麻麻地，價錢又貴，一啲都唔抵食！文華海南雞飯就梗係要試! Uncle 話個雞唔滑，無乜味，仲要收 $118+ (Toast box 海南雞飯仲好食)呢碗 Laksa 就勁啦 $158+ 不過隻蝦真係大虎蝦嚟~ 個湯偏杰，係濃味嘅！不過輸在唔夠熱 食新加坡嘢真係必食星州炒蘿蔔糕! 不過呢個勁鹹勁失望囉！之後叫咗兩個甜品冰 share.... 不過不失，料少咗啲咁囉!