Chatterbox Café (K11 Musea)

营业中

休息中

作為一個鍾意食海南雞飯嘅人，我又覺得呢set 嘢無啲人講到咁差嘅，個雞有雞味，我覺得都算滑嘅，係比較細舊，無咩咬口，比起個雞，我反而對個飯有意見多啲，一個飯一個女仔都唔夠食喎，勁細碗，食完都唔飽嘅，非常唔抵，個飯味道普通啦，夠油但唔夠香，都係嗰句，得個兩啖，都未試清楚就食完。啲醬汁ok 既，係個薑蓉唔係好夠味。對面嘅朋友叫咗個tiramisu 刨冰，一上枱嚇一嚇，十分大個，我估四個人食就啱啱好，我地兩個人，食到一半已經搞唔掂。味道就普通，係份量好大，呢個性價比反而好高。其實個海南雞飯set 真係ok, 起碼我會再想食多次，但如果要排隊就不了，當日我係五點入去嘅，大把位，啲人態度都幾好，食完岀去已經無咩位淨，但見上菜都幾快手，算係咁啦。