Chatterbox Café (K11 Musea)

营业中

休息中

疫情漸過當然是和朋友聚會的機會, 今晚選擇了位於K11 Musea 馳名的Chatterbox Cafe, 希望能在K11久違地好好逛街。 1971 年創辦的Chatterbox Cafe不愧是人氣過江龍，開業已經一段時間但還是人氣鼎盛，看來疫情對它沒太大影響。眼見人龍不短，便決定外帶回去慢慢同朋友一起吃，待社會安定時再次前來堂食。由於是外帶離開，決定一嚐全隻文華海南雞，最近還有優惠，一整隻只要$238。外賣當然比較快，由職員量度體溫、下單付款、外賣離開不用二十分鐘，很想吃又要保持社交距離而且不想大排長龍的話，可以嘗試外賣回家加餸😂回家一打開發現份量超多而且賣相不錯，職員提供充足醬汁，香油薑蓉，甜味黑豉油和星州辣椒醬各兩份。而雞肉都除去所有骨頭沒，切成一致的大小。食落味道有點偏淡但嫩滑可口，配以不同醬汁各有風味，絕對值得再幫襯。店內環境優美，希望待香港再次繁榮時去店內嚐試其他特色菜和小食

又到一星期出街一次搵食既時候👫🏻..今次去左尖沙咀新商場🍽 舖頭少人行 但餐廳都唔少人喎😲～ ..呢間餐廳chatterbox cafe主打新加坡菜～係好地道既味道! 今次我地推介佢既甜品😝招牌椰子雪糕🥥🍨（＄98）呢個甜品好特別 係冰鎮住一隻細椰子 🥥椰子入面裝住vanilla雪糕架🍦雪糕中間仲要混合左粒粒椰子肉!!食完之後仲要可以依埋個椰子既肉🥥好好食呀 係貴D～但都值得一試😝文華海南雞飯🐔🍚（$128 ）+$10 就係雞腿肉🍗 咁我地就加左十蚊食🍗啦～其實都幾滑幾香 食得雞腿就當然唔鞋 但d雞皮就唔算薄🤫 食晒d皮好似有d肥🤣🤣但係照食晒 d油飯唔夠油 偏淡 分量係偏小🍚 話咁快就食晒lu 辣醬幾香辣🌶 點完將雞肉味昇華左😆btw見大部分人都會加10蚊轉雞腿肉 好懷疑係咪間餐廳唔加錢都係得雞腿呢😏🤣

之前食過2次天天海南雞飯老公話chatterbox都係一定要試的於是今日去開尖沙咀就嚟試吓佢裝修嚟講都幾四正唔知會以為呢間嘢係for high tea😂初頭以為價錢偏貴因為喺新加坡佢係開喺文華酒店入面點知一開個餐牌又幾宜人喎反而天天我就覺得有啲貴🙈叫完嘢食上菜速度奇快不過温度都keep到抵讚首先當然要講吓個海南雞飯個雞係非常滑！不過雞味同入味度都唔夠天天咁出色油飯亦不是太油飯粒偏爽身老公話chatterbox係行elegant路線😂天天係行粗獷路線我覺得呢個形容同比較好恰當🤣仲叫咗個大帶子喇沙喇沙好夠熱個湯底好濃 頗香椰子味老公乾咗成碗喇沙湯😂帶子厚就夠厚但有少少腥同埋唔入味同碗喇沙有少少格格不入其他配料就中上水平炸素春卷48蚊有6條算幾抵食丫！春卷又熱又脆特別提個酸甜醬甜度同辣度平衡得好好連我呢個麻麻地泰式辣醬嘅人都狂點個醬😂為呢碟素春卷提味不少嗌多咗杯美祿恐龍無乜特別@@始終無喺馬拉當地飲嘅咁濃🤫-總打嚟講Chatterbox環境幾好坐服務明顯比天天出色個個員工都好有禮貌呢個要加分食物呢我個人就比較鐘意天天🙈Chatterbox太淑女唔適合我呢啲粗人🤣但抵食嚟講還是chatterb

夏日炎炎真係唔知道食咩好，所以走入了K11 Musea逛一逛，看看有咩好吃的，順便消一消暑。呢間餐廳位置於商場低層，連接港鐵尖東站J出口，所以很快就鎖定目標(加上最近因疫情關係未能去東南亞國家旅行，吃住新加坡菜頂住先)。上菜速度非常快，等候左大概五至十分鐘就差唔多上齊。先來一碗招牌珍寶帶子喇沙。聞起嚟有香濃嘅椰奶香，略嫌湯頭表面多油了一點。配料有帶子，魚片頭，豆腐泡和烚蛋，跟外面嗰啲不太大分別。份量都幾足。味道方面，都係中規中矩，好味嘅，但就唔建議抱住一個食佢招牌菜文華海南雞嘅嗰種期待去食，畢竟都係唔同嘅主打。接著嚟嘅係香炒河粉燴牛肉。一定要先講佢嘅份量，真係非常大碗/碟。整體嘅感覺好似泰式濕炒河，唔同嘅地方可能就係醬汁。望落色水會以為好鹹，但應該純粹係老抽上色，建議配上店員附上嘅辣椒粒豉油吊一吊味，會鮮味好多。牛肉乸得㔾腍同入味。整體而言都幾好味。沙嗲串燒就不過不失。如果可以大粒一啲，每啖食起嚟會更有滿足感。沙嗲醬好香好濃花生醬味，但配上串燒不但唔會膩，反而為串燒增添左層次。用青瓜粒同洋蔥粒點沙嗲醬都好清新，唔好唔記得佢地呀！

呢間新加坡文華大酒店過江龍，剛來的時候，最少要排一個鍾，今日經過，有位，即刻入去。特色鹹蛋雞翼$78一客有6隻雞中翼連雞翼尖，炸得金黃香口的雞翼，包住炒香到有少少起沙又惹味嘅鹹蛋黃，一食難忘。文華海南雞飯$118雞肉都幾嫩滑，油飯香口， 配上三款醬汁: 黑豉油、薑蓉、辣醬。薑蓉磨得好幼細，好快比我食晒成碟， 問店員攞多碟，哈哈。本來想叫埋佢哋既招牌椰子雪糕🍦，但係賣晒。下次有機會啦。食完午餐，喺K11 MUSEA Shopping 咗一陣，然後行出去尖東海旁，散散步，吹吹海風，很舒服。

文華海南雞飯 $118.新加坡既過江龍過左去k11 musea半年 終於因為個租戶員工優惠吸引左我過大海試下😍.話說前排去真係唔使排隊 又唔使撘枱 不過宜家就應該好多人啦........😅😅😅.其實我真心好中意食海南雞飯 所以諗都冇諗就叫左佢 其實份量有d少 雞肉都冇我想像中咁滑 可能期望太高啦 但其實都ok既 都幾入味 仲有3個醬任我點 識點當然點辣果個啦🤗.碗油飯好出色 我竟然可以成碗差唔多食晒😂仲正過隻雞真心 至於個湯我就凍晒先記得飲😂😂😂招牌雞肉喇沙 $108.都食左一排 都幾多料 不過我冇食 因為我麻麻地哩d咖喱湯麵 就不便comment.唔知友人影得樣衰定點 感覺上叫海南雞飯應該冇死😂咸蛋雞翼 $78.冇記錯好似有6隻😳聽到咸蛋已經覺得非常邪惡🥺🥺🥺.本身仲話要炸15分鐘要有 要耐心等點知轉個頭就上左枱☺️☺️☺️ 第一啖咬入口 真係勁脆口 仲充滿咸蛋黃醬味 雞肉嫩 兼且有肉汁架🥺.不過食完一隻我就覺得好溜好溜😳感覺有6隻都唔算太貴 ☺️ .

長假期既中午12點左右來到，坐滿晒，2個人等左25分鐘左右有枱。事前朋友再三叮囑唔好叫海南雞飯，因為已經唔係開張時候既水準，咁叫左2個招牌雞喇沙，黑醬油炒蘿蔔糕再加兩杯美祿恐龍。可能滿座關係，上菜比較慢。黑醬油炒蘿蔔糕唔係太特別但一試無妨。雞喇沙湯底濃郁，椰味重，選用米線幾入味，豆卜同兩塊魚片正常，份量足，問題係雞件度😅唔通啲雞真係維持唔到水準，雞係滑嘅，但味道就好失望，最基本竟然有陣雪/醒味個湯底同粉真係幾好食既，食海鮮既朋友或者可以試吓大蝦喇沙或者珍寶帶子喇沙啦。

Chatterbox Café 🍜今日試左佢地既招牌菜-珍寶帶子喇沙米線。湯底超香濃，椰香味極濃厚👍🏼 帶子鮮甜。可惜，覺得佢既性價比太低。首先，整碗麵作為主菜黎講，份量極少，我估大部分男仔要食兩碗先夠。第二，上菜無造型；以定價$158一碗黎講，黎到既時候所有佐料無章法排放，如同普通米線一碗（此為個人觀點而已；拍攝前自己亦重新排列過）。第三，米線過於淋身無咩咬口。最後，如同一般餐廳都需要加一服務費；但如上述，呢個價格定位連水都要自己倒，呢個服務費覺得實在吾抵。所以試過就算。

今日唔小心中咗伏 約咗朋友去尖沙咀食lunch由於未去過k11 Muses 食飯所以去搵間試下 點知。。。唔知大家點樣理解海南雞 ?但呢間餐廳話係星加坡文華名物?莫非真是我見識小? 呢個海南雞 我懷疑係食過最差喇沙都算好啲 總之 Lunch168＋10％ 一個喇沙 118＋10％ 一個海南雞飯呢個質素 真係50蚊都要考慮 無下次

今日行開K11 Musea見到想食好耐的新加坡海南雞，立即急不及待攞飛排隊，以前食過中環文華，天天海南雞和水門海南雞。個人覺得文華最好食，不過相對價錢徧貴，今次睇吓這間過江龍點，我叫左海南雞髀飯，肉質嚟講，已經係髀啦，嫩滑程度一般，係有啲雞味，不過唔會覺得驚為天人，醬汁一般，沒有太特別，油飯可以係最平均徧少咸。整體稍算一般，不過不失。之後再叫左肉骨茶，肥瘦適中，湯夠味，肉就略微淡。整體而言，海南雞未見突出，性價比徧低。

朋友一早已話想去試一試新加坡文華海南雞，我哋足足等了一個鐘，我見大家都推介海南雞飯同招牌喇沙，我地點了二個海南雞套餐，其中一份就加左$10轉雞髀，仲叫咗帶子喇沙同一份傳統甜蝦醬蔬果花生沙律🥗上了兩份海南雞睇唔出加脾同唔加的分別，細看知分別，以下係加脾，上層同下層都係脾！食落係好滑，有少少雞油係皮與肉中間，正😋依份係正常版，朋友話都話好滑，只係一層係脾，一層係雞胸！帶子喇沙係用米線，湯底香濃，重椰奶，咸香撲鼻，但份量較少，帶子鮮甜反而沙律有驚喜特色甜蝦醬伴不同水果有菠蘿🍍，番石榴，脆油炸鬼，好清新，建議可減少油炸鬼整體而言，係好味但偏貴，值得一試

海南雞飯，好多香港人都食過，點先為之正宗呢？老實講，我唔知，以我嘅認知應該分泰式同新加坡兩種，但兩個分別我就真係唔太清楚我都食過好幾間海南雞飯，甚至酒店自助餐都會有海南雞飯提供今日試呢間Chatterbox cafe，第一次試，位於尖沙咀K-11，尖東站行過去好快到今日星期五兩點幾去到，唔少人喎，枱要隔開一張一張係要等耐啲一個人等左10分鐘左右午餐有好幾款，我黎為左海南雞好快到，等左都冇五分鐘海南雞一般都係咁樣嘅模式上枱，雞、醬料、油飯、湯首先個湯就一般，微熱，所以我建議快啲飲，有啲炸蒜片、菜絲、一小片豆腐，飲落冇咩特別個飯可以，唔會油淋淋，飯質上乘，煲飯應該用上湯同其他香料+10轉髀，如果大家唔鍾意髀咪唔好加囉量都好足雞唔會好肥，啱啱好，雞皮尚爽，肉味好濃，浸雞浸得幾好我覺得海南雞個醬間間都大同小異，我比較偏好辣醬同薑，黑醬油我麻麻個人喜好啫最緊要都係個雞本身，醬料其次青瓜同車厘茄可免，我冇食水自己倒食完飯叫杯咖啡，包埋架喇，幾好飲埋單連加一$151.8 值唔值呢咁...我還接受到，海南雞飯出面幾十蚊都有，仲要好食，百幾蚊又有，都好食，所以睇大家

因為疫情嘅關係 終於唔洗排長龍就可以試到新加坡🇸🇬過江龍文華海南雞飯(雖然我係好想一切回復正常😢) 三個女仔都係食文華海南雞飯 飲錫蘭奶茶🥤 (lunch $128) 賣相吸引 全部都係雞胸😍啱晒唔鍾意食骨🦴 嘅我哋 雖然啖啖肉 啲肉都滑 但係我哋一致認為啲雞唔係好夠味 最好味都係啲香茅飯 唔會太鹹 味道恰到好處 雞湯淡淡地都唔錯 試過一次就夠😝不過值得讚嘅係店員好有禮貌同埋好有耐心推介食物俾我哋 而且裝修好靚🙆🏻‍♀️👍🏻

男朋友係尖沙咀返工，話想試呢間海南雞飯，所以陪左佢黎🤣地方唔算太大，但d位都坐得好舒服，尤其因為呢排疫情男朋友叫左個文華海南雞飯（$118）我叫左個星州海鮮炒貴叼（$98）海南雞好快上，叫左5分鐘就有d雞肉好嫩，仲可以再+$10轉雞髀但我覺得唔轉d肉都已經好滑個湯都幾好味，有塊豆腐係入面，幾得意炒貴叼都好惹味好足料D海鮮都幾多總括黎講都推薦黎試下，價錢有少少貴，但食物質素ok同埋野食都唔細份（我好細食）

星期日晚同媽咪嚟試呢間，因為早嚟所以唔洗排隊。我哋叫咗海南雞飯，雞肉喇沙。海南雞飯幾好食，特別係碗飯🙂，味道好又夠乾身。啲雞肉都幾滑。個喇沙湯底好味，但只得幾塊小雞肉，$15x 嘅價錢嚟講，份量太少，唔低食。飲品方面，個椰青好大好新鮮。豆漿涼粉紅豆冰紅豆好少，完全飲唔到紅豆味, 所以扣咗分😕整體來講都ok嘅，服務態度又幾好。可以試吓。