ChaTraMue (已結業)

.之前去泰國旅行飲過依間chatramue已經覺得好好飲，近期喺香港開咗分店，終於可以成日飲到🥰之前去親泰國都係飲泰式奶茶多，今次就轉下口味😋叫咗一杯泰國朱古力咖啡🍫☕️，一杯荔枝綠茶🍵，兩杯都叫左少甜。😌泰國朱古力咖啡 $39 朱古力味好濃，但濃得黎又唔會蓋過咖啡味，朱古力味過後有少少回甘咖啡香味，幾有驚喜。☺️荔枝綠茶 $29 平時都唔係太嗜甜，雖然叫咗少甜，但都有少少太甜，不過幾重荔枝味，又有少少綠茶甘味，都唔錯😇其實個鋪位係有位俾你坐低慢慢傾偈飲嘅，不過因為疫情關係，暫時就唔開放，不過出面睇啲裝修都幾靚，希望下次再黎可以坐低慢慢飲啦🙏

開喺銅鑼灣嘅泰國過江龍「ChaTraMue」主打泰式飲品，味道正宗，我咁鍾意泰國嘅飲食，時不時都會幫襯下，但佢其實除左手標奶茶係必飲外，佢嘅咖啡系列、特飲系列都好有特色、好Jeng。咸味焦糖咖啡，帶有餘韻，口感醇滑，咖啡味道濃厚，焦糖嘅焦香甜味令咖啡飲落更易入口，而咸味亦令咖啡味道更獨特，冰粒溶曬都無話太影響味道。荔枝綠茶，荔枝味道清甜，配上清新嘅茉莉綠茶，花香、果香令綠茶味道飲落好清爽，夏天飲用簡直係消暑必備。

12月去完Bangkok, 之後疫情開始加劇，暫時無得去旅行了😣每次去Bangkok都一定會飲泰式奶茶！佢獨特既濃厚香滑同偏橙色外表就係標記~講到係泰國奶茶界最出名既品牌，一定係紅底金字商標的手標牌Cha Tra Mue，依個老字號由1945年開業至今😮已經有75年歷史了！好多餐廳都用佢出品既茶葉整奶茶㗎！除咗有唔同種類既罐裝茶葉，仲有冰凍茶飲、咖啡、軟雪糕等.... 真係諗起都想食！當我知道Cha Tra Mue係香港開咗分店就梗係開心啦😍 舖面都係經典既紅底金字，係渣甸街份外突出，內裡裝潢卻帶點少女風，有堂座位置俾客人坐低品嚐飲品，不過可能疫情關係暫停內進🙈🙈Menu上既茶飲種類不比泰國少～ 不過今次吸引我既唔係經典泰式奶茶，而係「正宗泰國熱薑奶茶」! 天氣凍凍地，飲杯熱薑奶茶就暖上加暖～😋薑汁味唔太辣又唔太淡，跟經典奶茶底撞埋一齊，剛剛恰到好處，互相都無搶到大家味道～ 特別啱女生飲呢～下次嚟要試埋奶茶雪糕🤤🤤🤤

經過見到哩間飲品店真係好靚，馬上吸引我既注意，忍唔住想買翻杯試下~泰國鴛鴦 泰國咖啡我不嬲都鐘意，見到鋪頭主打緊咖啡，就好想試試。而鴛鴦係港特色飲品，究竟泰國鴛鴦係咩味，我真係超好奇。結果都不負期望，泰式鴛鴦係無港式咁苦既，甜少少，但又唔會太甜，有泰式咖啡的特色，配搭得幾好幾特別，推薦咖啡愛好者可以一試！泰國荔枝綠茶朋友表示口味十分清新，綠茶主調，配以淡淡既荔枝果香，甜度同冰既分量剛好，消滯或者解渴都唔錯。

銅鑼灣渣甸街茶店多過七十一，形形色色，好熱鬧。一間泰國過江龍茶店想試好耐，今日終於買了試吓。有花茶類，有鮮奶類，咖啡，還有雪糕...等等，絕對不是茶店咁簡單。有坐位可慢慢嘆，可惜最近疫情関係暫時封閉。選擇多難以決定，好彩有店員推介了咖啡，店員話要試一定要正宗泰國風味。都幾大杯，熱呼呼的，嚐了一口，味道不太甜膩。不是咖啡店那些苦澀帶甘的口感，反而我覺得有種焦糖的香味，好飲！下次想試一下鮮奶類，斑蘭，香芋...好似幾吸引！

雖然而家未能出走，但香港都有不少好飲好食既地方。今天想念泰國，就來了這家茶飲。之前試過泰式奶茶很不錯，今日想來一點不一樣。正宗泰國咖啡很香濃，咖啡香而不苦，屬於比較溫和口味，奶亦很滑，整個喝下去很順口。這次點了微糖，個人覺得這個甜度剛好。泰國荔枝綠茶，第一口先飲到荔枝香、略帶酸度，然後再感覺到綠茶的味道，這杯比較清新開胃。雖然是跟咖啡和泰奶是很不一樣的路線，但也不錯喝。這家店設有座位區，可以休閒地享用飲品。不過疫情期間暫停開放，希望稍後重開，再過去喝喝看。

原本打算呢年大假同朋友們一齊再去泰國飲飲食食，但因為疫情而取消左。 我朋友話既然係甘，不如去銅鑼灣既泰式飲品店ChaTraMue買野飲解下相思之苦。 ☺門面裝飾好靚。 呢個我朋友話下次會試。 有埋圖比你參考，好體貼。 😍裹面有地方坐住飲。 😀menu大概係甘。 冰量係固定，無得少冰or走冰。甜度可以簡少甜or全糖。左係荔枝綠茶右係朱古力咖啡我叫左泰國荔枝綠茶。因為我本身個人好怕甜，所以叫左少甜。 我本身都擔心少甜會唔會都好甜，因為之前飲過泰式奶茶，個陣甜度真係對我黎講係偏甜。但呢個荔枝綠茶一d都唔會好甜，而且飲落同香港既荔枝綠茶好唔同，有種薄荷味，好特別。而且顏色都好靚，好鐘意。朋友叫左凍既泰國朱古力咖啡。朋友都係叫左少甜。 我本身諗住叫呢杯，但又驚朱古力咖啡會好甜，但我朋友話一d都唔會好甜，仲好好飲，推介我下次試下叫。 😍

記得ChaTraMue要開時，我話過一定要去🥤🥤🥤 除日本外，泰國🇹🇭都係港人常去地方，離不開食買同按摩，其中Thai Milk Tea係大街小巷都搵得到，而我真係覺得日日唔飲返杯正宗泰國奶茶咖啡點算去咗轉泰國呢！用上signature 杯🥤（我有朋友話要儲杯🙈），超過70年歷史的泰國茶葉品牌就開咗喺咫尺，食肆林立的渣甸街，馬上去潮聖！ 搶眼招牌，去過泰國一定唔會唔認得佢就飲返杯咖啡差一差電🔋因為最近疫情，堂座服務都暫停，健康注意個人衛生要緊，希望快啲好起來啦！同泰國一樣，有多款茶葉出售，之前喺泰國買過rose tea，估唔到香港都有得買，好正呀！登登登登🌟叫咗杯🥤Thai Coffee $39咖啡香滑濃厚，我叫咗小甜啱啱好，大大杯好抵飲，而飲到尾最怕溶哂冰變淡嘅問題都冇，味道都keep到濃郁👍🏻

=========📍人氣泰茶專門店 -- ChaTraMue🇨🇷話說呢間泰茶舖頭喺香港已經開咗一段時間，不過之前小編一直冇機會試，前排同朋友行開銅鑼灣終於去咗飲💕---------⭐泰國斑蘭珍珠泰茶鮮奶（$38）飲品固定冰🙊甜度就要咗少甜，泰茶飲落好濃厚，味道好香😋甜度方面雖然叫咗少甜，但係泰茶嘅甜度飲落都係比一般奶茶高，飲唔慣嘅朋友可能會覺得太甜🙊斑蘭珍珠食落帶淡淡香味，惟有個失望嘅位係珍珠expect細粒好多，而且煮得唔夠煙韌，口感欠奉😭整體黎講不過不失唔算驚喜，個人覺得性價比唔係太高🙊---------賣相：8/10味道：6/10性價比：5/10回頭率：5/10---------店舖資料名稱：ChaTraMue地址： 銅鑼灣渣甸街49號地舖前往方法：銅鑼灣站F1出口————

-ChaTraMue-正宗泰國奶茶($29) Thai Milk Tea呢間泰國🇹🇭過江龍茶飲店，主打泰式奶茶🥤開咗黎香港咁耐，終於試咗🤣雖然冇係泰國飲過當地既泰式奶茶，但成日聽人講係”好甜好甜”既奶茶，因此落單既時候就表明要”少甜”(***甜度可以調較，但冰量係固定既!)飲第一啖既時候，我同朋友既第一個感覺係......”未飲過既味道”🤣味道似港式奶茶，但同佢相反係茶味好濃好突出，奶味反而變咗配角去襯托起個茶味可能叫咗”少甜”既關係，甜底又冇想像中咁高但如果叫”正常甜”，對我地黎講應該會over咗🙈總括嚟講，係幾好飲既唯獨冰量太多，飲幾啖就飲完🤕但餐廳有解釋到要有足夠既冰量先可以稀釋奶茶既濃度所以我地都理解既😌可能下次唔叫”少甜”，用佢本身既冰量稀釋甜度，應該會啱啱好😀-#littlemon_hk #chatramuehk #chatramue #正宗 #泰國奶茶 #泰國 #泰式奶茶 #銅鑼灣 #銅鑼灣美食 #thaimilktea #thaitea #thailand #foodsnap #hkfoodie #foodiehk #foodiegirl

平時行完街累累地都想搵間coffee shop或餐廳坐低飲杯野休息一下，甘啱今日係銅鑼灣行到咁上下，見到一間好骨致的泰式飲品店，就好想入去坐下。在門口order完野飲就可以入去坐，周圍環境好闊落同位置與位置之間都相隔一定距離，好適合傾計，傾心事或傾生意。這裡裝潢簡單舒適，聽朋友講原來這家飲料好出名。我們點了兩杯喝的，一杯熱的泰式薑奶茶，一杯是泰式香芋鮮奶。兩杯都好好喝，而且大大杯。我點的熱飲泰式薑奶茶，有薑的小辣，帶著奶茶的香，而且是熱飲，真的很適合女生，特別是平時手腳冰冷的人更合適，喝完整個人暖呼呼的。另一杯香芋鮮奶是帶有濃郁的香芋味，香芋愛好者一定會很喜歡。逛了一天，坐在舒適的環境下喝杯好喝的奶茶聊聊天，真的是人生一大樂事。

每次去泰國都會去食呢個奶茶雪糕，對上一次去清邁分店排晒長龍，上星期我同事同我講話銅鑼灣有開店，今晚約咗朋友喺銅鑼灣食飯我哋就早少少去飲杯奶先，我朋友話第一次飲，香港終於有得飲啦，仲有座位俾我哋可以坐下傾吓計，我今日身體唔係咁方便(女士週期不適)所以今日要飲熱飲，我叫左杯 泰式薑奶茶(熱)，好香薑味唔知係咪因為啲奶係泰國嚟，所以覺得特別話同特別好飲😁我朋友本身好鍾意食香芋，佢叫咗杯泰式香芋鮮奶(凍)，朋友大贊好味，本來朋友想食埋奶茶雪糕，但係我哋半個鐘之後就要去食飯所以冇叫到，我覺得跟到泰國水準，下次會再去試其他飲品😋以下5分為滿分😋好味程度: 😋😋😋😋 💞回頭度: 💕💕💕 💕 📝服務: 📝📝📝📝 🌉環境: 🌉🌉🌉 🌉#ChaTraMue#泰式奶茶

飲品店嚟講，呢間泰式店的裝修算唔錯，感覺衛生舒適，會自然地吸引咗人望吓，望望吓就想整番杯！😅喺疫情期間在街飲嘢實在太唔方便，拎到番屋企又大減興致。呢間店就啱洒，唔趕時間可以坐底慢慢飲～喺唔知飲咩好嘅時候，最好就係飲店舖推介品！🤣就試吓熱薑奶茶：薑味夠，唔太辣又唔會唔辣。我本身都幾鍾意飲薑茶，唔夠辣薑味就不如飲奶茶。所以我覺得呢杯薑茶的辣度調得唔錯。奶茶味亦適中，亦夠滑，可以encore呀！🥰

泰國是我第二個鄉下 🇹🇭 泰國是我百去不厭的地方，其中之一的原因當然是當地的美食和泰式奶茶啦😍最近無得出門，但竟然係銅鑼灣搵到間專賣泰式飲品的茶飲店🤩🌟泰式香芋鮮奶 $29👉🏻好夢幻的紫色💜還點了少甜，我覺得味道剛剛好，還帶有淡淡香芋味🌟正宗泰國熱薑奶茶 $29👉🏻泰奶飲得多，但泰薑奶真係第一次。仲係飲熱既，都係第一次。係泰國的話邊有可能飲熱，係咪🤣呢杯非常有驚喜，奶味香滑又有泰茶濃郁香氣，加埋薑味好夾！好岩平時鐘意薑味的我～飲完即刻暖笠笠😍

泰式奶茶通常都好甜，泰國熱同會出汗嘛！所以甜啲好正常。不過我就怕肥🤣好在店員細心咁問我哋少唔少甜，即刻點頭要少甜啦😂泰式薑奶茶 $29帶有微微嘅薑辣味，飲完會喺喉嚨裡面發熱，暖幾啖成個人都會暖笠笠，好適合我呢種發冷人士🤣仲要唔太甜嘅泰式奶茶，好容易入口，鐘意呢間茶味夠香濃🤪好特別啊！泰式芋頭鮮奶 $29粉紫色勁靚🤩聞落已經好香芋頭味！飲落去芋頭味道濃厚同夠滑！冰量就多咗啲😂因為唔甜同好好飲，飲幾啖就飲哂😂