ChaTraMue (已結業)

2020年2月14日星期五呢一間泰式飲品店喺銅鑼灣，位置十分方便。今日非常好彩，揸車拍喺門口就可以同老婆買兩杯外賣返屋企慢慢嘆。想堂食都可以，裏面望落去都坐得幾舒服。特色嘢飲都唔少，平時我就最鍾意飲奶茶，嚟到呢度就梗係試一杯泰式奶茶。泰式奶茶有好香嘅椰香。感覺特別同平時港式奶茶好唔同冇咗平時港式奶茶嘅苦澀味，值得一試。老婆就揀咗一杯latte coffee. 雖然冇拉花味道亦都唔錯，比一般連鎖咖啡店更好味.不過都係泰式奶茶吸引一啲

今日終於一試好開心呀唔洗排隊但諗落連銅鑼灣都咁靜 都有啲暗然啲人都去哂買抗疫用品入返正題先！鋪內人唔算多 有幾張枱 靜靜地都唔錯凍凍地飲熱野最舒服選擇花多眼亂呀咖啡系列玫瑰系列泰茶雪糕呀🤤🤤🤤下次無咁凍時再試先 咁就揀左呢兩款飲品泰國黑咖啡泰式熱薑奶茶黑咖啡香濃順滑 薑奶茶既薑味好濃但濃得好溫和，飲完個人暖哂但個人覺得少甜更佳最欣賞係內有雅座夠哂鬆動，唔會密質質 夠哂好坐街上人唔多 更加清靜舒服可以慢慢嘆❤️

位於銅鑼灣渣甸街49號地舖的ChaTraMue，主打正宗泰式飲品，據了解這間飲品店是泰國過江龍，在泰國頗為有名，約有二十多款飲品的選擇。泰國咖啡系列可以選凍飲或熱飲，點了一杯 正宗泰國咖啡 (Thai Coffee)，即點即製。咖啡味道相當不錯，餘韻強勁，整體口感滑溜，個人則覺得甜度剛剛好。另一方面，飲品店也提供一款不加糖奶的泰國黑咖啡 (Thai Black Coffee - No sugar & milk) 供客人選擇。店內還有位置供客人稍為休息一下，約有十多個位置。而且還有茶飲店的招牌，客人可以拿著飲品，在招牌前打卡。

食完飯就黎左銅鑼灣呢條茶飲街搵嘢飲，今日唔飲茶，就搵下有無咖啡。呢間泰茶店原來賣埋泰式咖啡。究竟泰式咖啡係點嘅呢？見到餐牌上有好多多款，原來正宗泰式咖啡係落左煉奶。而其他好似泡沫咖啡、牛奶咖啡就無落糖。我就揀左泡沫咖啡，糖就可以自己選擇落幾多或者唔落。5分鐘左右就有。咖啡味好香，飲落味道幾濃，偏東南亞咖啡獨有嘅nutty，感覺奶量比較多，而且比較實，幾滑。個份量就裝唔滿隻杯嘅，大概三分二，大概連鎖店short size左右。總括黎講，味道都係有驚喜嘅！

眾所周知泰國人只要沖泡泰式奶茶，必會使用手標牌ChaTraMue作茶底，原來它們的咖啡也不錯香港旗艦店䇄立在手搖飲品林立的渣甸街，充滿泰式風味的紅色門面別樹一格提供的分別有泰國原味茶、特飲、泰國咖啡、經典鮮奶、至愛玫瑰花、飄雪系列及特色軟雪糕泰國咖啡系列共有七款選擇，因為我不能吃奶類製品，決定試試泰國黑咖啡店內設有不少座位，適合大家坐下休息聊天黑咖啡加了冰塊稀釋，即使不加糖奶也沒有苦味，有提神的效用店內亦有出售ChaTraMue家用罐裝茶葉，送禮自用都非常適合

This Thai drinks takeaway shop has opened since last year and created a hype during the summer. Now that it’s cold and freezing outside, they have launch a new item which is the hot ginger Thai milk 🥛 tea and also a various choice of coffee drinks. This is actually my first time coming here as me and my friend wanted something hot and also a good place to have a chat. Luckily, they have some tables and chairs inside for us to take a quick rest. they also offer soft serve, will come back to have

2020年2月4日 星期二最近大家都因為怕感染肺炎唔敢出街，不過女朋友點都要見既，約左佢一齊去銅鑼灣行街。行到邊都見到好多人戴口罩真係咩心情都無，又唔可以掃街，於是就諗住搵間舖頭飲下野係銅鑼灣既一條內街有呢一間泰國飲品店，除咗外賣之外仲可以係入面慢慢品嘗，所以就決定買杯野飲嘆返下睇見餐牌主打係咖啡，好耐之前去泰國旅行既時候都飲過當地既咖啡，的確係同平時飲開嘅唔同，今次就照叫杯泰國朱古力咖啡睇下有無特別女朋友就話想要新推出既泰國熱薑奶茶，因為凍凍地想軀下寒落咗單等一陣就已經整好左，首先睇我杯朱古力咖啡，朱古力既味唔算太出，反而咖啡香味好濃烈，顏色同一般咖啡連鎖店有分別，較為深色。飲落去反而覺得朱古力同咖啡味幾平衡，唔會有其中一邊搶啲，而個人認為泰國咖啡好似飲完都唔會覺得喉乾，唔錯女朋友叫既薑奶茶佢就話幾特別，因為睇落完全同普通奶茶無分別，但係飲落去就多左一陣薑既辣勁，幾刺激，話即刻feel到暖晒休休閒閒咁樣嘆返杯茶都真係好唔錯

手標牌 泰式茶 ChaTraMue 喺銅鑼灣開咗旗艦店，渣甸街好方便 shopping完就去朝聖。佢係泰國係知名品牌，每次去曼谷都會幫襯佢。Cafe 裝修得同曼谷一樣，泰式優雅少女風格，各處都有搶眼紅色手標招牌。佢嘅招牌產品 係泰式奶茶、鮮奶咖啡和雪糕! 喺曼谷 只係試過佢嘅凍飲，而家香港天氣寒冷，我哋就點咗兩杯招牌熱飲試下！泰式薑奶茶個人覺得 泰式奶茶獨特之處，係每樣材料味道都很突出。茶底香濃 鮮奶細滑，薑汁微辣不搶口！手腳冰凍，飲完成個暖笠笠！泰國鮮奶咖啡鮮奶順滑厚身但不稠口， 咖啡甘香醇厚，味道較強香濃回甘，混合鮮奶互相平衡，熱飲更能呷出咖啡香味！

天氣咁凍喺街行咗咁耐都想飲杯暖笠笠嘅飲品，銅鑼灣呢間泰式飲品店在泰國盛極一時，佢嘅泰式奶茶出名就眾所周知，最近更出咗一系列嘅泰式咖啡都值得一試，很有泰國風味。今次我叫了鹹味焦糖咖啡，鹹味加焦糖感覺非常特別，由於泰國咖啡味道偏甜所以我叫了少甜，泰國咖啡味道香濃，加上焦糖味，我覺得非常適合女孩子口味！熱熱的咖啡飲落十分暖身！店舖內有幾張枱可供客人隨意坐下，裝修十分簡潔舒適，由於我約了朋友還未夠鐘，所以隨便找了個位坐下來慢慢品嚐我的咖啡，一邊飲咖啡一邊看看電話，感覺非常舒暢寫意！

疫症蔓延，home office 左幾日已經想發毛，係屋企仲越坐越凍🥶 趁lunch break出街掃下貨，想飲野但又驚凍/肥，所以揀左熱飲+少甜既薑汁奶茶試下。奶茶控既我之前都試過呢間泰國手標牌奶茶，凍飲透心涼，珍珠又好食，但呢一刻諗到都會打冷震。 估唔到佢既熱飲都好正，薑奶茶茶底比凍飲更香濃，牛奶份量恰到好處，薑味出乎意料地「順滑」，唔係老薑既辛辣，微微地卻又足夠充滿成個口腔，超舒服超暖身！推薦俾任何奶茶控//寂寞凍既人

這條街本來就很多競爭對手，例如老虎堂，不少港式奶茶黑糖奶茶等等，如果你已經喝厭了平常的奶茶，不妨來對面街，試一試這個泰式奶茶，或者會更有驚喜！🔸熱泰式薑奶茶($29) - 沒有港式那種奶香很重膩的感覺， 因為通常會加很多厚忌廉、濃牛奶，但這杯的口感很薄但很香口， 奶味不是很重令油脂感減少，同時，添加了薑和其他香料令這杯奶茶更香更多層次。覺得有時候轉一下口味也是不錯的，下次會想再試其他特色飲品。環境方面，就可以坐下來的位置，不錯。

熟悉泰式奶茶嘅你，對於佢嘅甜度毋庸置疑嘅，台式珍珠奶茶最近喺香港開到成行成市，泰國呢間表表者就係香港出現咗啦！雖然喺香港都有試過其他泰式奶茶，但係都止唔到引，雖然都係用同一樣嘅茶底，但係個甜味就好唔同，去到呢度完全飲得返去泰國一樣嘅味道！對我來講簡直係一個天大嘅喜訊！ 收銀處仲好貼心解釋返點解要用咁多冰！驟眼睇其實仲有好多其他選擇，有一個叫做斑斕奶茶，呢個我都好想試！仲有雪糕添！ 呢個就要留返夏天啊！鋪頭裏面仲設有座位，同朋友傾吓計飲杯嘢都唔錯㗎！咁就一個下午啦！

大食妹食完飯之後又忍唔住去飲泰國奶茶 - ChaTraMue 唔知點解成日覺得泰國奶茶嘅性價比台式奶茶高呢 大食妹同朋友仔兩個人嗌咗一杯雪糕同奶茶share<泰國奶茶雪糕>泰國奶茶雪糕茶味濃郁, 奶味比較淡<正宗泰國奶茶>所以與此同時, 我哋仲買咗正宗泰國奶茶夾埋泰國奶茶雪糕一齊食 正宗泰國奶茶奶味偏重, 茶味反而冇咁出一邊食泰國奶茶雪糕, 一邊飲泰式奶茶, 兩者可以互補不足之餘, 同時又可以有雙重泰國奶茶嘅享受推薦大家黎DIY

呢間泰國茶飲裝修好靚，入面有位置可以坐，岩岩開個陣大熱，買一杯要等成半小時。而家熱潮退左少少，Lunch時間經過，見到有冬日熱飲，泰式薑奶茶，買左杯黎試。泰國奶茶味好出，點了少甜，甜度剛好，入口順滑，薑味同奶茶好夾，飲完個身暖笠笠。朋友點了泰式咖啡奶茶，雙拼比起港式味道更濃，飲落去有重口感，入口順滑，咖啡味出，口感濃厚餘韻長，熱飲更加帶出咖啡的香。後來先發現還有甜品供應，下次必定一試，到了夏天必點凍飲。

泰國飲品喺香港並唔常見，而銅鑼灣就喺前排開咗間由泰國嚟嘅飲品店🥰米米緊要試下！地理位置好方便，就喺渣甸街，鄰近希慎、SOGO等大商場！舖頭裝修都幾別緻，好有唯美感，亦好有異國風情，舖頭仲設有堂食位置比大家買完坐係度慢慢飲😌🥤正宗泰國咖啡 $39咖啡有熱有凍，今次我就揀咗凍咖啡，份量都幾多下！比起平時飲開嘅美式咖啡，泰國咖啡嘅味道就顯得較特別，香氣方面無美式咖啡咁濃，但就偏清新，味道就偏甜，帶點煉奶椰香味～岩怕苦嘅朋友仔！🥤芋頭鮮奶 $29芋頭鮮奶同樣份量十足！！味道反而無咁甜，飲多都唔覺膩😙芋頭味都幾香，不過可能冰比較多，奶味就唔太突出🤪