ChaTraMue (已結業)

.之前去泰國旅行飲過依間chatramue已經覺得好好飲，近期喺香港開咗分店，終於可以成日飲到🥰之前去親泰國都係飲泰式奶茶多，今次就轉下口味😋叫咗一杯泰國朱古力咖啡🍫☕️，一杯荔枝綠茶🍵，兩杯都叫左少甜。😌泰國朱古力咖啡 $39 朱古力味好濃，但濃得黎又唔會蓋過咖啡味，朱古力味過後有少少回甘咖啡香味，幾有驚喜。☺️荔枝綠茶 $29 平時都唔係太嗜甜，雖然叫咗少甜，但都有少少太甜，不過幾重荔枝味，又有少少綠茶甘味，都唔錯😇其實個鋪位係有位俾你坐低慢慢傾偈飲嘅，不過因為疫情關係，暫時就唔開放，不過出面睇啲裝修都幾靚，希望下次再黎可以坐低慢慢飲啦🙏