ChaTraMue (已結業)

泰國過江龍正宗唔正宗？——正宗泰國薑奶茶($29)唔知點解覺得有薑嘅嘢飲就嗌返熱會好d😂完完全全係泰式奶茶嘅味，加上陣陣嘅薑味，令奶茶唔會過甜。如果冬天飲一定好正暖到入心。鍾意薑味嘅朋友要試下！.泰國芋頭鮮奶($29)我本身都以為會同台式果d差唔多但原來完全唔係呢回事😂偏甜，覺得叫少甜都好d。.感覺上呢間都比較貼合香港人口味，泰國個d應該仲更加之甜，糖尿病。同埋佢地冇得少冰走冰㗎~可以留意返😝.Overall: 7/10 (環境加分）Value for money：3.7/5——📍ChaTraMue (銅鑼灣)銅鑼灣渣甸街49號地舖

唔洗去泰國都飲到呢間奶茶鋪👏🏽今次試咗熱泰式薑奶茶同凍泰式香芋鮮奶，兩款我都叫咗少甜薑加奶茶呢知組合我真係好少見！低飲落又幾夾喎😍薑味唔算話好重，恰到好處！配合奶茶香，又係另一番風味👍果日又凍凍地，飲完成個人暖番哂鐘意食香芋既朋友一定要試下哩個凍泰式香芋奶茶。因為佢有好香既香芋味但係又唔係好甜，配埋滑滑既奶茶真係好chill好好飲，嘆得來又健康！佢仲有堂食坐位，空間都幾大可以慢慢坐低嘆下茶，同朋友傾計

之前飲完 ChaTraMue呢間泰國茶飲嘅泰國奶茶之後一直都好想搵日飲多次🇹🇭所以最近行街就去左坐低飲翻杯☺️ 嗰日有少少雨又有啲風🌧🌬所以叫左杯泰國熱薑奶茶🥤一開始飲淨係得泰式奶茶味，飲多幾啖之後啲薑味開始慢慢上尼😋而且奶同茶嘅比例好好👍🏻飲到最後個口腔真係充滿曬薑味😝同埋個身都暖笠笠😌泰國芋頭鮮奶🥛顏色係淡紫色，鮮奶味唔算好重，飲落口係淡淡芋頭香，而且比較甜，相比之下，泰國熱薑奶茶好飲啲

朋友最近都在home office，很久沒見了。這天難得她要上班，就約了放工後見面。聽說這間是泰國過江龍，於是去試一下，懷緬一下在泰國旅行的時光。門面很fancy，很有少女心。本來想邊行邊喝，沒想到入面有很多位子。可以坐底慢慢喝慢慢聊真的很好的體驗。朋友點了薑味奶茶，不用打開已聞到濃濃的薑味。很重薑味，而且不算很甜。比較喜歡凍飲的我點了泰式香芋鮮奶，很香的芋味加上滑滑的鮮奶，很想再喝。有位子的飲品店真的不錯，不知不覺聊了近半小時，還可以慢慢飲（個人不太喜歡拿著飲品四圍走）。

It was a bit cold and we happened to pass by after lunch so we wanted to order a hot drink to warm ourselves up a bit. The restaurant was super eye-catching and was super easy to locate.No doubt we immediately went for a hot  泰式薑奶茶. However, the 泰式香芋鮮奶 also looked appealing so we couldn't help but try despite the cold weather. We forgot to ask them to not add sugar to the 泰式薑奶茶. But it was actually not overly sweet. There was an appropriate amount of ginger flavour, not overly strong or weak eit

泰國人氣手標茶ChaTraMue，知道在CWB開張了一段日子，卻一直沒空過來朝聖，今天經過，終於可以一了心願。試一試泰式香芋鮮奶和泰式薑奶茶，論款都是店子的皇牌飲品。本來以為店子是外帶店，原來內裡有數十個座位，氣氛不俗。泰式薑奶茶果然夠薑（笑）一喝就感到全身暖暖的。和平時的薑茶不一樣的是這裡用了泰式奶茶底，帶點甘香的味道，個人覺得有一點過甜...（一向覺得泰國的飲品是偏甜的就是了。）泰式香芋鮮奶香芋味超濃的～不愧是皇牌（笑）泰國一年四季都很炎熱，飲料都是比較消暑的沒錯，喝罷發現一般滿多冰塊的。店子為了保持泰國總店的質素，冰塊和甜度多寡，基本上都不可以自己調校，如果很介意的話，下單之前幾得問清楚店員，要注意這一點啊。

近排武漢肺炎肆虐，全部嘅旅程都被迫延期或者取消，真係好慘好慘好慘呀😭😭之前本身plan 左去泰國，因為唔敢搭飛機飛唔到啦😣掛住泰國嘅泰式奶茶點算，一於去銅鑼灣飲番杯泰式奶茶補返數🤪🤪<正宗泰國姜奶茶$29>呢杯薑奶茶係近排嘅期間限定，咁咪唔會話太重太辣，但飲落又幾暖胃，飲完之後覺得成個身都暖晒，所以平時唔敢食薑的朋友仔都可以一試🥰<泰國芋頭鮮奶$29>泰式飲品不嬲就偏甜左少少嘅，但係呢個芋頭鮮奶落咗煉奶之後更加特顯到芋頭嘅鮮味，味道同埋鮮奶超級夾，比起台式奶茶有另有一番風味😆😆

雖然呢間係泰國好出名既奶茶店係香港開左一段時間,今日經過終於去試下.店內擺放左幾張枱可以比食客坐底慢慢飲.朋友係芋頭控,一見到有芋頭鮮奶就二話不說話要點黎試試.泰式芋頭鮮奶既顏色呈淡淡既粉紫色.飲落好香芋頭味,感覺好似食緊芋頭雪米糍果隻味.泰國甜品一向偏甜,但芋頭鮮奶既味道比想像中無咁甜,乎合返香港人既口味.最近天氣忽冷忽熱,而一向寒底既我就揀左熱泰式薑奶茶.茶底香醇濃郁,有陣獨特既香味.顏色呈淡淡橙啡色,奶味同茶味同樣特出之餘又唔會互搶各自既味道.薑味啱啱好,濃得黎又唔會過辣,好暖胃.

收工去銅鑼灣shopping，途經見到chatramue ，呢間泰國過江龍，原來有出泰式香芋鮮奶，一直以為泰式飲品只有泰式奶茶或青檸梳打一於試試看！泰式香芋鮮奶（$29），味道：好泰式，雖然冇香芋粒在內，但有好香濃香芋味，好似香芋雪米糍嗰陣香味。口感：好細滑，薄身質地，感覺輕身色澤：好靚，罕見的夢幻粉紫甜度：可揀選少甜冰度🧊：固定不可揀選chatramue仲有售賣好多不同美食，例如：雪糕、刨冰🍧等⋯

今日約咗朋友仔收工去銅鑼灣食dinner, 突然有啲口渴, 就走咗去渣甸街飲泰奶ChaTraMue 唔知點解自從飲咗第一次泰奶之後, 就對佢情有獨鍾比起台式奶茶, 更加熱愛泰奶呢咁啱見到佢又做緊新品, 一於同朋友仔一人試一杯<泰國芋頭鮮奶>大食妹嗌咗杯凍嘅泰國芋頭鮮奶, 香芋味好出眾, 粉紫色嘅凍飲好夢幻, 好適合打卡呢<正宗泰國薑奶茶>朋友仔就比較養生, 選擇飲呢杯正宗泰國薑奶茶 薑味嘅奶茶飲落有少少辣辣地, 但係非常暖胃, 適合係近排突然轉涼嘅天氣飲用

行街行到口渴又攰， 咁岩經過ChaTraMue見到佢介紹緊兩款飲品就同同事一人一杯試下。沒有預期的排隊人潮，但也一直有人買，不用排隊覺得太好了～店內環境唔錯，係個休息嘅好地方。 手標牌ChaTraMue為泰國茶葉品牌，泰國街頭巷尾的餐廳、小攤檔，只要沖泡泰式奶茶，也必使用手標牌茶葉，今次來港開店除了會有最正宗的泰國奶茶，香濃甜美，茶甘滿滿的正宗泰式奶茶或其他茶類特飲。此外，不得不試♕✧✧✧✧✧✧✧✧✧♕ 【正宗泰國薑奶茶】（熱） 泰式奶茶個茶味比港式奶茶濃郁，加左薑味飲完成個人都暖粒粒，岩晒涼涼地嘅天氣。 ✧✧✧✧✧✧✧✧✧✧✧ 【泰式香芋鮮奶】（凍） 淡淡芋頭香味加上鮮奶剛剛好又唔會漏。

個日放工之後約左男朋友去銅鑼灣，咁岩經過紅極一時嘅泰國手標茶飲鋪ChaTraMue。我一直都好中意飲佢個個泰國玫瑰花奶茶，同泰國斑蘭珍珠抹茶鮮奶，真係超級超級超級超級超級好飲。不過今日凍冰冰我就冇飲凍野，反而試左佢新出個個熱咖啡系列同泰式薑奶茶。正宗泰國奶茶一向都偏甜，所以呢杯都一如我的所料，係偏甜，不過呢杯嘅特別之處說係泰式薑奶茶個陣薑味好重，好正！飲完即刻暖晒！另外個杯熱咖啡都唔差，都係偏甜。不過同平時飲開嘅美式咖啡唔同，唔似用好甜個啲糖水沖，即使偏甜，但唔會覺得好難飲。

喺泰國日日都要飲佢黎到之後一直未有機會飲難得嗰日出去銅鑼灣當然要飲番杯飲咗當去咗泰國佢嘢飲種類都算叫多有奶茶同咖啡而且奶茶咖啡都有幾個味道仲有茶類同鮮奶都係有幾款味道揀佢仲要有埋雪糕有幾款味道仲有泰式奶茶味去到好似真係去咗泰國嗰間分店我真係好掛住泰國啊而且佢啲杯真係同泰國一樣佢開喺新界區我諗我會日日飲依家去唔到旅行飲咗當去咗因為我呢排比較養生成日聽人哋講女仔唔好飲咁多凍嘢唯有無得食佢個雪糕啦叫咗兩杯野飲 都係熱飲叫咗杯正宗泰式奶茶同埋咖啡因為養生叫咗少甜但有冇諗過去熱飲都幾好飲

可能收工後都夜了，罕有地看到泰國奶茶專門店沒有人龍，當然要去朝聖。紅底金字的招牌很易辨認，這間泰式老牌茶葉，好多朋友仔表示去曼谷最少一日一杯。奶茶以外想試新口味。L 選的熱薑奶好好飲，薑味濃得來又不會搶喉。跟奶味道很平衡而且飲完好暖，冬日佳品。至於凍泡沫咖啡奶份量較多所以特別香，咖啡同奶都夠平衡，份量大大杯很抵飲，咖啡味亦不會因為凍飲而變淡。多款選擇而且價錢都算合理。店內更提供座位，可以邊嘗茶、邊跟朋友傾計。

珍珠奶茶我就飲得多，但泰國奶茶真係未飲過，因為我近年都無去過泰國旅行🙈。前排同同事傾開邊間珍珠奶茶好飲，佢極力推介呢間ChaTraMue泰國茶飲🇹🇭。我見呢日去開銅鑼灣行街，就順便買杯嚟試下。Wow果然係好高人氣啵，附近周圍都係飲料舖，得佢呢間要排隊😯。茶飲舖嘅裝修勁少女風，粉紅色的💕。原來仲有堂食座位添，不過呢日有下一站行程，無機會歇下腳。由於未飲過，我就細閲佢嘅Menu，點知愈睇愈花多眼亂🌸。最終想試下正宗啲同特別啲嘅飲料，所以就無要到珍珠奶茶。正宗泰國熱薑奶茶($29)，天氣凍啱哂飲熱飲😌，味道唔錯啊！因為我鍾意飲薑味嘅嘢，所以覺得比平日嘅奶茶好飲，而且奶茶味都同港式嘅唔同。呢杯奶茶令我對泰國奶茶留下幾好嘅印象。咸味焦糖咖啡($39)，呢杯係我朋友叫嘅，我都飲咗啖試下味。咖啡味☕️唔係苦嗰啲，可能因為係焦糖味掛，所以唔使額外落糖都甜。但我就唔係好飲得出咸味🤔。總括嚟講，呢間飲料舖係幾有賣點，以我所知香港應該係得依間正宗嘅泰國奶茶舖吧。有機會嘅話，我會想試下佢個奶茶雪糕🍦。