Chalet (已結業)

環境，衛生都幾好。點了一個set dinner ，蟹肉湯好味，前菜帶子都煎得幾好，主菜辣醬雞胸中東米，辣醬雞胸好食第一次食中東米，個味道有點兒怪，食吾慣。另一個散叫，蟹肉飯，係好濃郁，好足料，份量都好多，但價錢頗貴。上星期食過另一間 芝士蟹肉飯，只需78蚊，勁好味，亦好抵食。飲品方面，passion mocktail 好有驚喜，好好飲👍🏽👍🏽Set dinner 甜品有果凍和焦糖蛋，我叫了果凍，好味

同chicken行開荃灣就順便同佢食個靚飯，行左去比較僻既位置，咁岩見到呢間小木屋，就好似救世主咁..終於有得坐低食野喇！門面望起黎好有格調，Chalet同佢既造型完全符合，入去既時候充滿一種神秘感～係入面望番出去既環境，氣氛同佈置等等都令我好滿意，而且好中意呢種風格～DINNER SET ，餐牌主要以文字描述為主，不過我對食物都會抱有信心！Smoke Salmon Carpaccio， 煙三文魚賣相精緻既前菜，切得非常簿身，可以 一 啖入口，溫度燒得岩岩好，良好既入口溫度~少少咸既鮮味煙三文魚，配合新鮮爽口既蔬菜，好適合成為開胃前菜。Pan fried scallop with saffron，燒帶子賣相同樣精緻。大大粒既帶子作為前菜並唔常見， 帶子燒至肉嫩多汁，配上毫不刺激既黃芥末，外皮微脆而內裡又滑又軟，充滿鮮甜味，相當不錯。Pumpkin Soup with Sour Cream，南瓜味同忌廉味唔會太出，但亦唔會過淡，唔同於一般餐廳，一係好似飲緊南瓜溶咁，一係 cream 味過重，好似直接飲 cream 咁。呢個南瓜湯就掌握得岩岩好，味道足夠，而且會感到清淡既餐湯，唔錯！Tom

我同朋友weekday放假，剛好遇著lunch hour,所以去到時候full晒。我地問左lunch hour直至3點。就諗住行完街再黎食…到2:46分(我承認係過份左的…sorry)個侍應同我地講，佢地3點close……噢。原來大家都誤會左。我地諗住走啦，點知另一位男侍應話可以比我地食埋個lunch set。好彩有留低，果然無令我失望。Set lunch係磨菇湯，湯好香磨菇味好濃(我最鍾意磨菇😍😍😍)個飽有點脆口，暖暖的好快食晒。跟住我order左軟殼蟹龍蝦汁意粉，真係好味到全程無講過野。環境好舒服，冷氣溫度剛好，女仔唔駛著外套，燈光柔和，傾計地點一流。

荃灣開咗間新餐廳Chalet，裝修好靚，今日就同朋友去咗食lunch，去到啱啱一點，公司放飯時間，都好多人，好彩唔駛等位。見佢D午餐好抵食，我同朋友一人點咗一個餐。餐湯係蕃茄濃湯，酸酸甜甜，好開胃。麵包仲暖暖地，質地好鬆軟又煙韌，外面少少脆，味道唔錯。沙律係雜菜沙律，有羅馬生菜，火箭菜，車厘茄，紫椰菜， 又爽又甜，沙律汁仲係我鍾意嘅黑醋汁，好清新，好好食。我叫咗香煎帶子配意大利乾蕃茄意粉，帶子煎得少少燶燶地，好香口，食落又Juicy，加埋乾蕃茄同香草，配埋個有少少辣嘅汁，除咗個樣夠晒吸引，食落好惹味。朋友個澳洲殻飼肉眼扒配有機薯片，肉眼扒喺薄切，幾有牛味，不過就覺得熟咗D，有少少韌，個味道都ok，加埋個厚切薯片做配菜，飽晒。餐茶叫咗凍檸檬茶，熱辣辣，飲番杯凍飲，夠晒爽。Chalet 個午餐係唔駛加一，所以都好抵食，而且味道都幾好，朋友話下次要離試吓個晚餐，應該都好唔錯。

荃灣美食多，但猜不到福來村後(地鐵站A3沿天橋行)有一間極具氣派的西餐廳，有點臥虎藏龍的感覺，裝潢優雅貴氣，價錢則是中上合理，食物則精緻如此，店員非常細心有禮上菜及添水，這水凖可比美港島區的高級餐廳！其實我對豬扒只感一般，因為比較靭同豬的膻味，但今天朋友order左呢個西班牙黑毛豬鞍蘋果蓉，雜莓汁比我......它的脂肪分佈如大理石紋，油潤甘香，肉味濃郁又嫩柔，口感味道遠勝一般豬扒，而且佢地配埋既蘋果蓉同黑毛豬一齊食，消除膩感之外，味道變得清新。生蠔生蠔生蠔($148/半打)，呢個肉質豐厚，鮮味太不重,海水味屬淡至中性，略帶金屬味及礦物質，味道複雜而多變化，令after taste更持久，平價的好味道。Girl generation好有非洲土著feel，好多枱有叫，我也要一杯，首先見到好開心並自拍。清甜既雜莓味仲有清新既接骨木花，好少女幾特別，解喝非常。

今日黎到位於荃灣嘅一間比較特別嘅西式餐廳「Chalet」， 餐廳環境擺設以木為主，好似置身於中環SOHO區酒吧餐廳嘅感覺。另外餐廳嘅餐牌好特別，以木造成相架原來入面係食物餐牌，好特別啊。首先叫咗第一樣小食係《水牛城雞翼配藍芝士醬》， 呢款雞翼不是平時餐廳已經將醬汁放落雞翼嘅的水牛城雞翼， 而是六隻大大隻的炸得好香口嘅雞翼， 食落去雞翼外脆內軟，肉汁都滲透哂出嚟，食得出係新鮮雞翼即炸的，不是雪藏， 味道好惹味， 送啤酒一流嘅選擇。之後就叫咗餐廳嘅招牌小食《炸魚薯條》， 炸魚薯條有四塊，是很大的魚塊， 當我切炸魚的時候， 很快便漏出魚肉內的汁， 配埋佢哋俾我嘅他他沙律醬， 炸到外面脆卜卜，入面啲魚肉食落去認真鮮甜， 另外非常粗而且大條的薯條， 亦都揸得香脆可口，點埋茄汁， 可以話係絕配。主菜當然唔少得叫呢間舖廚師推介嘅《西班牙燒乳豬》。 呢碟燒乳豬一嚟到我忍不住要拍照， 賣相非常吸引，第一啖食落去已經覺得超好味， 乳豬皮燒得恰到好處， 香脆可口嘅外皮加埋佢本身又嫩又滑嘅乳豬肉， 食落去相當之好味，加上燒乳豬旁邊有一些薯蓉及露筍， 食落亦都好好味。 最後就食兩款甜品，有我最鍾意嘅牛奶布甸，賣

最近荃灣西嗰邊嘅商場開咗好多新嘅餐廳，荃灣地鐵站佢呢邊反而好似被搶咗風頭咁，同朋友行開呢邊，發現原來黎緊會開大型傢具店，應該會旺返呢邊，上網發現呢一間新開嘅餐廳，決定試一試餐廳唔係喺商場入邊，但其實過條天橋就到，環境裝修得好有格調，嗰日落大雨，店員好殷勤咁幫我地擺雨傘，同埋俾紙巾我哋抹濕咗嘅衫，一讚，呢間餐廳應該主打happy hour 路線, 所以比較多係high chair, 夠 relax食物方面我哋叫咗兩個set dinner share，頭盤我選擇咗香煎帶子配紅花汁，帶子煎得好香口但入邊唔乾，紅花汁好特別，甜甜地，好開胃另外湯我選擇咗蘑菇忌廉湯，忌廉煮得好滑而且份量都唔細，配埋麵包都幾飽最後主菜我選擇咗美國西冷牛扒配焗薯，牛扒我選擇五成熟，廚師都可以做到，唔會over cook，牛扒肉質好嫩滑，焗薯亦都好淋身，不錯整體食物質素不錯，搵日要再嚟食佢嘅生蠔或者海鮮拼盤，因為見到隔離枱食緊好似幾正

愉景新城對面有間睇落似酒吧嘅Chalet,原來係西餐廳嚟,呢日我哋就嚟試試.由玻璃大門走入去,係一個設計好似小花園咁嘅位置.用咗單車同藤籃做裝飾,幾得意.裝潢用木材為主,好英倫小木屋嘅感覺,晌荃灣嚟講呢類型餐廳都真係幾少見.午市以套餐為主,價錢由七十幾到百幾不等,而且唔洗加一,都算合理.我哋叫咗兩份午餐,先嚟嘅係餐湯同沙律,呢日係雜菜湯,湯入面有大量切粒椰菜,意大利青瓜等等,大大增加蔬菜攝取量.沙律就淋咗黑醋,幾醒胃.側邊嘅麵包烘到暖暖哋,外面脆入面有少少煙韌,質素唔錯.意大利煙肉芝士配菠菜沙律伴日式芝麻醬,表面鋪滿芝士碎.煙肉煎得香口唔乾身,底下仲有菠菜,咀嚼起嚟清甜爽脆,配埋車厘茄同微酸嘅日式芝麻醬,作為主餐的確好輕盈.澳洲穀飼肉眼扒配有機薯片伴芝士忌廉汁,以呢個價錢嚟講肉眼扒好大塊,食落口感軟嫩有油香.起初以為有機薯片係指炸到脆身嗰種,實際係將薯仔切成片狀,再撈埋芝士忌廉汁,既滑溜又惹味,比想像中有誠意.我哋仲試埋呢度嘅mocktail,呢杯Refeshing係用咗鮮西柚汁,檸檬汁同梳打調成,再用風乾西柚點綴,飲落有果香又可以消滯.Girls Generation個杯好似一個小小

慶祝朋友生日快樂！最近好忙，近近地來到荃灣新開的CHALET！環境、氣氛一流！很少會到酒吧進膳，感覺非常新鮮！木製餐牌，另有一番風味！品嘗了西班牙烤乳豬，香脆可口，比想像中多肉，配上特製的醬汁，令人一試難忘，可惜忘了拍照。大推北海道蟹肉意大利飯，味道香濃，最近都超愛吃意大利飯，chalet這個北海道蟹肉意大利飯是我最近吃過最好吃的！附送海鮮拼盤一客，新鮮！還有最近大愛的1664，今晚真是心滿意足！這價錢、這服務、這質素！Good！

這間餐廳在openrice看到，好靚好吸引，一直想來，但真的好遠，今日同事話想來食晏，又看到有買五送一優惠，又不用加一，感覺幾抵，就來了。門口已經好有心思，有個信箱。餐牌同信箱行入去有架單車，單車上放了menu同有些花的佈置，旁邊有雨傘筒然後有兩三張高枱，之後有個三角形門口，再行入去就是裏面的位置。還有盞燈，還有上樓梯另外一層。好舒適的感覺。我們坐裏面，有數張枱，好靚的佈置及裝飾。現在是買四送一。午餐有沙律，磨菇湯同餐包，賣相吸引，份量適中，餐包好脆身。好香好味的，沙律就是新鮮沙律菜，少少檻欖油，新鮮的，磨菇湯有些忌廉同香草，好滑同香的，不過就冇磨菇粒，同埋奶味偏重了點。西冷牛扒配有忌廉有機薯片，我叫七成熟，同事叫五成熟，等主菜時間比較長，五成過左，只有一塊可以煎到五成，之後兩塊也超過了五成，我的七成變了全熟，牛扒也算大塊，加醬汁食好食的。甜甜地，牛味也算濃，幾好的，蘆笋幼身的都ok，仲有忌廉薯仔片，好香又唔會好淋，好味呀！！這個沙律等得最耐，不過賣相好靚同吸引，芝士舖面，沙律菜，煙肉同車厘茄，同事話煙肉好香好好味還有黑松露意大利飯，同事說一般，不夠濃味不夠香。這個bar設計得好好，

今日帶亞仔去愉景新城嗰邊玩，佢對面青山道有條街有一兩間酒吧銀行，故知然平時都比較靜亦都冇乜野吸引到會行到去嗰邊，隨着中染大廈翻新，有幾間新食肆進駐，連隨着都會留意下對面多咗啲咩⋯⋯就係一間叫Chalet 今晚就一家人去試吓首先佢裝修就係其吸引之處，裝修得好靚好elegant佢有好多高枱，可能Happy hour之用。我仔仔比較細，我想佢坐低啲嘅枱，但又真係full晒，以我自己本身訂位嘅時候又唔知冇request，咁就冇辦法啦⋯⋯但佢哋服務態度真係一流，不停咁同我講唔好意思，又小心幫我地推好啲枱，真係值得一讚👍🏻至於食物方面我哋叫咗個SetDinner 首先有個湯--蘑菇湯蘑菇湯味道香濃creamy 前菜--煙三文魚薄片三文魚好新鮮配以少少沙律菜好味忌廉香檳汁海鮮長通粉--好creamy忌廉味其實唔係好濃，但芝士味好重，我個仔好鍾意食海鮮有幾隻蝦，有帶子，魷魚，青口所有海鮮都好鮮甜，好足料好食到我個仔食晒差不多成碟⋯⋯⋯另外我地order左西班牙烤乳豬豬皮焗得好香脆，而裏面既肉仍然好嫩滑配以薯蓉同紅菜頭喺底一齊食，相當美味半打法國生蠔---好鮮，海水味濃，好正丫最後已佢個set dinn

久久沒來荃灣，在韓式連鎖店購物後，朋友帶去醫肚。店舖座落於大街上，地點尚算方便！ 午餐選擇有六款，包含飯、意粉、扒、沙律等，而且不設加一！隨餐附贈的餐湯、沙律及餐包！沙律青新爽口，色澤翠綠，餐包質感鬆軟，烘得脆身可口。餐湯滑身，入口帶濃郁creamy！黑松露野菌意大利飯 - 份量適中，飯粒圓圓賬卜卜，略帶濕身，入口軟綿順滑！野菌切得大大片，口感實身濃郁，整體來說挺不錯！香煎豬扒配辣蕃茄汁意粉 - 豬扒質感帶柔軟，肉質挺實鬆化軟稔！再配上面層的蕃茄汁及彈牙的意粉，簡單的美味就是這樣衍生而來！

服務態度不錯，燈光比較暗，飲品好特別，上完頭盤等主菜等了成個鐘及涼的。我叫煙燻鴨，除了涼, 好鹹還感到好生。朋友叫的還好(除了都係涼)，他們說味道還好。提前通知他們有朋友生日，都有劃碟。唔趕時間或太餓可以一試。

平時路過，以為呢間係bars and pubs.原來係西歺!環境，大sofa, 飲野gathering 一流海鮮拼-鲜味！Fish and chips - 呢个好好味，鱼柳好Crispy，神好吃呀！加$88 set - mushroom cream soup ，带子就一般啦～蟹肉意大利飯- 好重蟹肉味，share 食ok, 不過單點$168， 另有dinner set 南瓜意大利飯, 附湯，appetizer n desert, 都係$168， 如果唔係超級蟹fans, 建議order set dinner.乳豬-呢個係chef recommendation, 有特色嘅，乳豬皮脆肉嫩，味道唔錯！不過得四件$268，有小小貴. 都係叫其他set dinner 扺食小小⋯Desert - 香蕉奶凍，蕉味好濃，得！Btw, 做緊promotion, like FB share 片，送海鲜拼盤，另外，預早book 枱，8:30 後好似有85折，promo 唔知做到幾時完

每天收工經過已經開始留意這間餐廳了，不但比它的裝潢吸引，更重要的是它的食物，所以趁著男朋友生日就book左啦⋯果然，不負所望喔，入到去既時候，本身安排左我地係地下坐，但隔離台聲量有d嘈，所以我問左服務員：可唔可以轉一轉頭（個時客唔算好多），最後佢地好貼心地安排左我地上樓上，上到去真係另一遍天，風格同樓下的完全不同，好有feel~ 頭盤：不錯，帶子煎過香口甜美～蘑菇湯堅唔錯～每啖都有蘑菇～湯唔會好稀～加咗少少忌廉口感更滑溜～期待的主菜，要左4成熟，羊架無羶味～好稔身～唔難咬開～個醬加埋落啲肉到，唔會搶過羊肉既香味～要給贊喔紫薯鮮奶～紫薯味好濃～～朱古力雞尾酒～酒味唔重～朱古力味就唔會太濃～不過都好特別～值得一試～總體黎講：滿意的，會安哥