Chalet (已結業)

今日約了朋友到荃灣逛街買野，行完愉景新城已經到黃昏了，當然要找間餐廳坐坐醫肚。這間餐廳門面是數塊落地玻璃窗，右上角是醒目的白光招牌。門外有一輛淺綠色單車，單車籃上載著花束，旁邊擺放一個古典郵箱，感覺悠閒。我們看了看餐牌，都有想食的食物，於是在此晚餐。進去餐廳，燈光柔和，雀巢燈飾很特別，兩顆圓圓的燈泡就像駝鳥蛋。餐廳牆壁是以木材為主，不過天花板也是啡色木材，就比較少見。帶子飽滿，口感嫩滑，味道比較清淡，可以食到帶子的原味。如果醬汁濃郁些，相信會更好味。南瓜湯呈鮮艷的橙黃色，用湯匙攪拌，感覺到質感濃稠，入口香甜綿密。湯中還有帶子粒，增加了口感。麵包表層好像餅乾鬆脆，內裡則煙韌，咬一口包，喝一口湯，十分配搭。小食點了一份水牛城雞翼，共有6隻。有2種醬汁選擇：藍芝士醬和酸辣醬。雞翼表層香脆，帶有黑椒味和鹽味，不用沾醬汁亦美味。食完濃味的雞翼，最後食西芹清新一下口氣。接著就開始食主菜。北海道蟹肉意大利飯，飯粒被奶黃色的醬汁包裹，口感濕潤。每一口飯都有鮮甜濃郁的蟹味，可見用料十足。忌廉香檳汁海鮮長通粉，海鮮份量豐富：有帶子，青口，魷魚和蝦球。帶子和蝦球都圓潤飽滿。醬汁調味剛好，味道帶有香檳的甘甜，

今日搵食搵到黎荃灣，係天橋上望落去見到呢間好似唔錯甘，就去睇下。門口有一個信箱，入面暗暗的，有個好高既門口，好靚好有氣氛！雖然想即刻入去，但打工仔既我地都係睇左餐牌先，見到價錢都唔係話好貴，就入左去啦。餐廳職好友員好有禮，會幫忙開門，介紹食物，感覺良好！我叫左個set dinner有湯、前菜、主菜同甜品，唔錯！餐湯係濃濃的蘑菇湯，最喜歡蘑菇果陣味！正！仲配埋個包，脆脆地，內裡如一般法國包甘較煙韌。上枱前先焗熱前菜煎帶子，兩邊煎香，唔會好乾，食落好爽口、彈牙。呢個十個推！首先，睇相都見到，海鮮好多，又大又肥美！有青口、蝦、魷魚同帶子，海鮮多過長通粉甘濟。海鮮新鮮，會先煎香，食落更爽口。個汁creamy，唔會太重味，沾滿每一寸長通粉，好味！$178連餐好抵食！正！另點左個有廚師推介既 西班牙黑毛豬鞍配蘋果蓉，雜莓汁。由於黑毛豬肉質比較軟既關係，所以制作做食物時好多時都會切成比較厚身，咬落啖啖肉，而又可以保留濃濃豬肉味。呢個豬鞍做得真係唔錯，好林，又厚身，食落好滿足！配埋個蘋果蓉同雜莓汁好夾，因為雜梅汁酸酸甜甜，點埋食無甘濟，又可以刺激下個味蕾，正！厚切雜梅汁酸酸甜甜，好夾！甜品揀左焦糖燉

來之前都聽人講裝潢好特別，門口好似一個小木屋甘，入去大廳前，有幾張枱，可以選擇係果席食，都係有冷氣架。餐廳環境比較清淨，暗暗地好有氣氛。而餐廳距離主要地標只有一街之隔，又鄰近附近工商業區，收工過來都好方便。坐呢度都幾舒服架有啲枱係高枱高凳，大得黎又舒服。餐牌上選擇唔係話好多，但用木板夾好，好精美。北海道蟹肉意大利飯望落去賣相唔太特別，但食落感覺好正，意大利飯伴埋大量醬汁，lim lim的，加上濃濃蟹味，看似平淡既菜式都覺得與別不同，值得一試再試。不過當時忘了問，唔知可唔可以將散叫轉SET，如果可以既，食物就可以更豐富，多啲選擇，唯有等下次有機會時再問。而朋友既就叫左餐前菜揀左煙三文魚，面頭有少少洋蔥同檻欖油，夾住三文魚食正！餐湯係蘑菇忌廉湯，好濃蘑菇味，好香！有少少既蘑菇碎，好好味！餐包外脆內軟，暖暖的。美國西冷牛扒！西餐必選！好juicy！肉林、有少少肥肉痴住，食落更嫩滑！用左香草同黑椒去煎，好香，加埋個燒汁，配合得非常好！諗起都留口水個焗薯有别於一般食開既，因為係蕃薯，食得薯仔多，呢個又另一有番風味，幾中意！甜品簡左奶凍，好濃既奶味，好滑好creamy！正！不過貪心啲，如大杯啲會更

荃灣, 是一個行街舒服的地方, 商場多美食多, 今天星期六, 我跟朋友來到荃灣行街, 晚上我們來到了早前另一朋友推仲的一間西餐廳吃飯; 幽暗的環境, 高高軟軟的座位, 坐得十分舒適; 一張菜單, 含括了各國的美點; 有法國蠔, 中東米, 意大利米, 美國牛柳, 澳洲和牛, 西班牙乳豬等; 各式其式;我們點了北海道蟹肉意大利飯,白酒忌廉青口配薯條及摩洛哥香辣雞胸配中東米; 都是各具特色;北海道蟹肉意大利飯, 清簡的外表, 沒有任何多餘的配菜, 濃郁的蟹味,滋潤著每一口意大利米, 鮮味無窮; 每一口意大利米, 濕潤軟綿綿的, 黏稠的口感, 十分獨特;而青口, 眼看十分肥美新鮮, 忌廉味濃郁, 忌廉使青口的口感更幼滑, 咬下去, 青口汁及忌廉汁, 配合得宜, 使淡淡的青口增添了另一種風味;而薯條, 厚切, 十分香脆可口, 比連鎖快餐店的味道及口感截然不同。而摩洛哥香辣雞胸配中東米 跟意大利米的口感完全相反, 十分幼細及乾爽, 不會覺得黏稠, 而且帶些少微辣; 口感獨特; 而雞胸, 外皮香烤味, 甜甜的; 雞肉多汁, 十分鬆軟;每道菜都極為精緻, 吃完的味道在口中久久不散。

荃灣下班, 跟女朋友逛完了愉景新城, 走著走著, 肚子餓了, 看到福來村附近有很多西餐廳林立, 就隨意挑了一家進去吃一頓好的。 菜單不多, 可挑款式不多, 我們2人就選了美國Prime牛柳拼鵝肝配紅酒汁, 及水牛城雞奕配藍芝士醬; 先上菜的是水牛城雞奕, 金黃的外皮, 外脆內軟, 香脆可口, 咬下去, 肉滑, 鹹淡適中, 配以芝士醬及甜辣醬, 芝士醬味淡, 淡香的芝士味, 更能突出雞奕的香味; 而甜辣醬, 較濃味, 使雞奕有另一番風味;而美國Prime牛柳拼鵝肝配紅酒汁, 我們叫了七成熟, 鮮紅的肉質, 十分鬆軟, 牛柳表面有少少脆邊的感覺, 內裏切下去, 牛肉汁流出, 感覺剛剛熟的感覺, 每一口都齒頰留香; 而鵝肝, 一小片, 鵝肝油豐富, 味濃郁;吃完后, 我們來一客香蕉布丁, 凍凍的布丁, 不太甜, 但香蕉味香濃, 吃完也感覺不夠;  

好姊妹話佢屋企對面有間正野，叫我一定要搵日試試！原來餐廳好近我落車既巴士站，行兩步就到，我早到左～呢條街有好多酒吧，而Chalet有野飲又有野食！職員安排左近𥦬邊位置，高檯高凳，好好feel!連個Menu都係用木相架裝住，同餐廳裝修貫徹一致！飲品Menu更特別！我地叫左兩set Dinner Set今晚餐湯有雜菜羅宋湯同南瓜忌廉湯羅宋湯稍為濃味，稍咸。而旁邊既麵包十分突出！香軟得黎又十分煙韌！讚！南瓜湯用料十足，香濃幼滑！前菜有煙三文魚薄片和香煎帶子配紅花汁雖說只是前菜，但其好食既程度，又係達到滿分！可惜中醫要我戒口，只能偷偷吃一口。齒頰留香～朋友點左呢杯Girl Generation＄88, 賣相好特別！用冰製的帽子！好搞笑！由好多雜莓打造而成既Girls Generation，十分適合女孩子的口味。摩洛哥香辣醬雞胸配中東米＄198雞胸肉好大塊！！！切開望落去雖然乾乾地，但食落去肉汁貧係喺雞肉裏面！而摩洛哥香辣醬其實都唔係好辣~中東米好細粒，等我仲以為係好長條型嗰隻印度米添！飯就略為乾身，如果有多少少汁去點下就好啦！香煎龍利柳配香檳汁＄188朋友食嘅龍利柳，我朋友話個香檳汁好正！有少

俗語有話：「辛苦搵來自在食」美味佳餚可治療作用，不但果腹更可安撫心靈。最近心情不佳，朋友帶到這裡girl talk，細說心事，用美食治療煩惱餐廳門口擺放單車作裝飾，店內裝修以石牆、木枱、皮革坐座、吊燈、酒吧，濃厚瑞士小屋氣色，環境悠閒舒適，適合喝酒談心girl talkA La Carte Menu 加 $88 有餐湯、頭盤及甜品，另有set dinner $168起是日餐湯：南瓜湯頭盤：香煎帶子配紅花汁新鮮帶配上簡單調味已經好好味，帶子煎得不會過熟，外層香囗，內裡肉質嫩滑juicy北海道蟹肉意大利飯 $198蟹肉混入意大利飯煮，雖然肉眼看不到一絲蟹肉，但每口都充滿蟹肉香，蟹肉鮮甜，配合香濃忌廉香，美味可口，一口接一口，很快已經清光了西班牙烤乳豬 $268乳豬皮烤得香脆，像薯片一樣薄脆，肉質嫩滑多肉汁，更欣賞脂肪不多。本身肉質已經juicy夠味，可以不需要旁邊醬汁甜品：奶凍奶凍奶味香，入口細滑，這個完美甜品為girl talk 劃上完美句號

荃灣呢個地方多野食就係人都知，但走到去快要進入工業區的地方覓食都係第一次，裝修氛圍各樣野都同店名小木屋互相呼應，有好多木哈哈～估唔到平日都幾多人食，full house架。menu食物種類唔算多，酒同野飲就好多，同朋友黎之前有做research，所以叫左杯人人都叫既passion，個杯係個印第安人仔好可愛架！味道亦好有熱情果味，證明真材實料～另外一杯叫左KOPI TEH，有earl grey，vodka，espresso同oolong，不過黎到我只係飲到vodka味，咖啡味好唔夠呢～我地嗌左一個dinner set同散叫乳豬，個set包湯同麵包，個湯好濃好好味！仲有烤帶子，好juicy喔～叫了南瓜risotto，是素來的，完全吃得到南瓜的甜味，雖然個樣好似好漏但其實完全唔會，加左小小黑醋平衡返個creamy感，意大利飯亦做到粒粒分明不太硬，不錯！我同朋友都好欣賞呢個乳豬，外脆內軟，味道處理得剛剛好，只要用刀輕切已經可以將肉骨分離，是要多慢煮才能做到如此效果？雖然好飽但都忍不住口食埋下面啲薯蓉，因為索晒肉汁好惹味呀～餐點包的puff正正常常啦，佢有布甸揀既唔知會係點架呢？

今晚同老公去撐枱腳，去左荃灣一間好有情調既西餐廳Chalet~~入面佈置以西式為主，配上古堡式磚塊牆身～顯得有份神秘感。入面既枱椅，有正常普通枱椅、亦有高枱椅，我地選擇坐高枱椅坐，餐廳播着柔和既英文歌，感覺好relaxWaiter之後遞上餐牌，餐牌有set dinner～價錢不算太貴，我選擇左香煎龍利柳配香檳三汁，而我老公就揀左西班牙烤乳豬～首先黎餐湯-蕃茄湯，有好濃既蕃茄味道～唔稀，配埋一塊特色薄批包，配搭不錯再來appetizer-香煎帶子，賣相不錯主菜～香煎龍利柳配香檳汁，龍利柳好厚肉、魚好滑～香檳汁好特別，味道好夾西班牙烤乳豬，皮好脆，肉唔乾身唔鞋最後甜品-紅莓泡芙～碟用朱古力漿畫左朵玫瑰花，賣相精緻

難得老公終於考完試，前幾日下班後，就來到他返工的荃灣區，撐枱腳慶祝重獲自由 路經這間小木屋Chalet，門外的單車復古味濃，即時抓住我的目光。雖然是平日，但入座時都已經八成滿，每張枱之間留有不少空間，坐得舒服寬敞。小木屋點綴著昏黃燈光，氛圍確實浪漫得令人沉醉，很適合情侶來約會呢！餐牌選擇不多，即使是散叫a la carte，也不算多款。番茄湯當攪拌表面的橄欖油，空氣便可以跟油脂混合而令番茄湯變厚，喝起來濃濃滑滑的，酸酸的蕃茄味，開胃極致。 南瓜湯 湯頭質感夠creamy，入口香滑又滿有甘甜的南瓜味，配上脆口麵包，使味道層次更加豐富。香煎帶子配紅花汁厚厚的帶子煎香後，內裡仍能保持爽口嫩滑，不會煎得過乾，保存鮮味。香煎龍利柳配香檳汁 ($188)龍利柳肥美啖啖肉，煎後的面層微脆，更為香口。將龍利柳卷著煎更可鎖着肉汁，魚肉雪白豐厚，入口時更感肥美，突出鮮味，全碟味道較為清淡，頗適合近來悶熱的天氣，清新不滯膩。摩洛哥香辣醬雞胸配中東米 $198配上辣醬格外惹味，而且吃不了辣的我也不覺得過辣，只是始終是雞胸位置，肉質較為粗糙鞋口，未算十分嫩滑。中東米其實是源自北非的麵食，由硬粒小麥的粗麥粉蒸製

我喜歡吃西餐，因為西式餐廳總是在裝橫上各有特色，而且可以打造不同的主題，還在賣相上花費不少心思，所以往往西餐能給人不同情調和不同的感覺，餐廳的風格和味道的配合往往能使人留下深刻的印象，今晚我們就來到荃灣Chalet，以小木屋為主題的一間特色餐廳⋯Chalet門外有單車和花籃，推開第一道門，你會看見一間小木屋，小木屋內外都是座位，外邊彷如座在戶外位置一樣，有落地大玻璃，座位都是高身枱櫈，進入小木屋又是另一種感覺，有酒吧，燈光較暗，比較浪漫，內外給人不同的感覺⋯除了在裝橫設計上花心思外，連餐牌也很特別，以木架鑲嵌的餐單和飲品餐牌好有Feel呢﹗頭盤我們點了一份海鮮拼盤，2隻海水味重的新鮮生蠔，螺肉和蝦，非常鮮味⋯生蠔咸味足夠，不加醬汁也很鮮味﹗我們點了2個Dinner Set，餐湯可以選雜菜湯+餐包，雜菜湯很濃味，帶點蕃茄的酸味很開胃，餐飽外脆內軟好有咬口﹗另一款餐湯是南瓜忌廉湯，南瓜本身的甜味加上忌廉很滑⋯頭盤也有2款可以選擇，香煎帶子配紅花汁，帶子很新鮮，外面煎至金香，內裡半熟狀態保留了鮮味⋯另一款頭盤是煙三文魚薄片，咸香味十足⋯主菜香煎龍利柳配香檳汁，龍利柳外層煎至金黃香口，內裡肉質

很久沒跟男友外出食晚飯，訂了近來朋友群中有名的小木屋，Chalet!喜歡佢的裝潢及食物質素，專程來享受~他們仔細的創作連桌子椅子用上木材，桌面中間則鋪上皮檯布，menu框架都用上木料，可謂一絲不拘!第一個上菜的是由澳洲coffin bay的半打生蠔，店主話每日新鮮空運到貨，保證安全衛生入口輕微接近無金屬味，海水味濃郁，滑而爽口，乾淨無沙，肉質厚實飽滿，係一級上等蠔肉！跟住上了海鮮周打蜆湯，及香煎帶子配紅花汁!湯入口綿滑，鮮得來帶咸~帶子入口有驚喜，好嫩，係難形容的嫩!煎的外層襯托個汁，好香，好juicy!第一道水牛城雞翼配藍芝士 Buffalo wings with blue cheese sauce.賣相好特別，用了張外國報紙般的油紙托底，用小煎pan裝上半打香煎雞翼，成個菜精華在於個醬汁上。一份蕃茄香草醬，一份係藍芝士醬。味道全落於藍芝士身上，只要一口，味道久久不散，喜歡或討厭的都只是一線之差。男友不太喜歡，所以淨係吃雞翼點蕃茄醬。而我頗喜歡那種濃郁的味道，所以都在每隻雞翼上身上搽粉~被芝士包圍的雞翼被喧賓奪主，雞翼香脆的口感中和了芝士軟綿的細膩。臭香的芝士味令人差點忘記食緊的是雞

荃灣食肆愈開愈多，種類豐富，是日倆口子想食西餐，聽唔少朋友介紹，今晚我們就試試。踏入餐廳第一刻，被歐陸風味裝修吸引着好靚好有高雅，門口位置有吧枱設計，燈光暗暗地有D情調，侍應禮貌帶我們入座，門框餐牌特別同餐廳整體裝修好襯前菜煙三文魚薄片，煙香簿薄的魚色澤鮮豔，口感肥美豐滿，脂肪條紋清楚利落，肉質鮮味濃郁豐盈！餐湯選擇意大利菜湯香濃好飲！個餐包好鬆軟好香，真係好好食美國prime 牛柳配鵝肝配紅酒汁，首先上碟好吸睛，牛柳的油花分布平均，肉質比較軟滑多汁，有入口即溶的鮮甜美味同柔嫩的口感，Prime(極佳級)也是價格昂貴之一。矜貴嘅鵝肝外脆，內裏是剛剛六成熟的最佳口感！用口輕咬，滲出溫熱的鵝肝汁，令整體豐富而不油膩！贈送甜品意式奶凍口感會比較厚實棉密，奶香味濃！

對於住港島既我黎講，店鋪有點難找，不過如果知D park 係邊既其實都易搵，一入鋪頭，最吸引我既就係bar頭，裝飾好靚，餐廳好大，有兩層，不過我地坐樓下.入正題，有set dinner，包餐湯同甜品，另可以散叫main course同snacks。我地兩個人就叫左煙鴨胸配薯蓉，德國腸同芝士薯條!.野食真心冇得彈! daily soup有雜菜湯同南瓜湯揀，雜菜湯冇味精既味，又唔咸，配既餐包都好鬆軟。德國腸個人認為必試! 有4款，款款都各有特色，好正，唔辣的鴨胸口感不錯，d醫汁好match甜品有奶凍同焦糖蛋揀，成餐$500連加一有找! 美中不足既係上菜速度慢左小小