Chalet (已結業)

今晚又約左朋友去食好西😋首先跟餐送湯和餐包，湯是南瓜忌廉湯，個湯好甜好滑，幾好飲。餐包好軟熟，食落幾正。頭盤是菠菜芝士忌廉汁焗帶子: 帶子好鮮味，芝士味又好香，非常好吃。法國麵包蟹燴意大利飯:貌相非常靚，意大利飯又好多汁，d飯一點都唔硬，好軟熟，麵包蟹嘅蟹肉好鮮味，蟹肉份量都算多，啖啖肉，真係好好食。美國頂級肉眼扒12安士:肉眼排點了7成，剛剛好，不會太生又唔會太熟，好好食，好有肉味，12安士份量夠哂食，肉質好鮮嫩，一點都唔會覺得韌，好易切開。肉眼扒點埋牛油，又好夾，更加惹味。而且連配菜都好好食，番茄又煮得淋，幾好食。食完最後仲有甜品，係麵包布丁:真係好正，唔會太甜，好滑好香，d cream又軟綿綿，勁好食!埋單$667，價錢唔算太貴，但真係好好食，值得一去😋

原來星期五嘅夜晚都幾多人，好彩一早就book咗位，一到餐廳職員很快安排我哋入座，服務態度很好😌兩個人點左一個Set dinner，另外order生蠔&香煎鵝肝配蘋果蓉。很喜歡這裡的環境，成間餐廳的氣氛給人一種好舒服、好relax的感覺。生蠔生蠔都幾新鮮，入口好肥美，鮮甜😋 感覺下次可以點生蠔配白酒，但是今天開車就不點酒精飲品。香煎鵝肝配蘋果蓉鵝肝都幾大舊，蘋果蓉嘅酸酸甜甜配一啖鵝肝感覺幾清新是日餐湯好creamy 將餐包浸落個湯度食更加滋味。Set dinner既頭盤系🥬 菠菜芝士忌廉汁焗帶子菠菜芝士忌廉汁令帶子更鮮甜，三文魚子在帶子上，帶子好大粒，都幾有口感，而且吾會煎得太熟主菜點左美國頂級肉眼扒12安士嘅牛扒，估唔到佢嘅肉眼扒都幾大塊，而且有少少肥美嘅感覺呢塊肉眼煎得好香脆，配埋兩種特別嘅醬汁，同埋青豆煎到好似蘆筍嘅口感，仲有好多粒蕃茄仔，無論係主菜定係配菜都能夠以原汁原味去保留食物嘅鮮味。甜品：感覺似雞蛋布甸味道唔會好甜，而且布甸上面d cream甜甜地配埋好正😋如果如果下次慶祝我生日都嚟呢間餐廳我應該都會好滿意🙈🙈

係荃灣行街行到肚餓就就上OpenRice度睇下有咩好食,見到呢一間裝修好靚而且有咁多好評梗係要試吓啦！餐廳位置都好多，但坐位唔擠逼，而且勝在樓底高，顯得空間感更大🤔！一入到去就已經有侍應去接待我哋，之後佢帶咗我哋上樓先知道原來有兩層，樓上坐位唔多，大概坐到十幾人，感覺更有私人空間👏🏻。上層有類似19世纪西方世界古典家具裝飾，配埋漆皮製梳化，有典雅懷舊的氣氛。到食物喇！我哋叫咗一個set dinner，是日例湯係雜菜湯，湯頭吸收蔬菜、雜豆同香草精華，味道鮮甜，配上外脆內軟餐包浸落湯度更加好味！頭盤係菠菜芝士忌廉汁焗帶子，帶子煎至金黃色帶火炙香，爽口彈牙又鮮甜味美，淡淡都點上菠菜芝士忌廉汁，十分開胃！帶子爽口主菜就叫咗傳統慢煮青咖喱燴羊膝配希臘乳酪雜豆，羊膝燜得嫩滑又不帶騷味，青咖喱濃郁但辣味較為不足，加上印度食法，配上乳酪就可清清口腔的咖喱味😋😋另外一個主菜就係北海道蟹肉意大利飯，都係店內招牌菜。Risotto質感軟稔中帶點煙韌，雖不至於淡啖蟹肉，但每一啖蟹味都好濃郁，好creamy！鍾意重口味就可以加埋佢塊芝士片食，提高濃郁度😈😈甜品就係士多啤梨醬麵包布甸賣相都唔差又唔會話好甜都唔錯！

今日去荃灣宜家睇傢私同家居用品， 約埋密友LW一齊食晚飯，LW知我鍾意周圍試新嘢，就帶我去對面馬路嘅Chalet。 就咁睇門面， 除咗架單車就無咩特別，不過入咗去就別有洞天。入咗門口， 又見另一個門口，呢個門口就似木屋嘞，未入裡面之前， 先望清楚兩度門之間的環境，用石砌的牆和一些木椅坐位，令人想起在瑞士觀光的日子，原來店名意思就是瑞士小屋店內燈光昏黃，甚有情調大家都唔肚餓，先來半打生蠔西班牙珍珠蠔，肉質肥美口感爽滑，海水味濃蠔隻肉身肥厚芝士薯條，芝味香濃的芝士溶成醬，覆蓋住成杯薯條，又香又脆，勁滋味啊法式海龍王係一個海鮮煲，內有半隻波士頓龍蝦、2隻馬刀貝、2隻青口、2件帶子、2件魚肉、鮑魚圈海鮮鮮甜彈牙，充滿海水味，個湯底吸收晒海鮮嘅精華味道猶勝龍蝦湯，忍不住差不多飲曬呢杯Refreshing好好飲，由新鮮西柚汁、檸檬汁、梳打水混合而成，加埋一株薄荷，既清新又好味，仲好開胃添。

好耐無食西餐喇 今日特登黎左荃灣呢到食呢間餐應都係朋友推介 其實係愉景新城對面 不過行呢邊就比較少 就未必咁覺因為叫左set 所以就黎左個starter 係一個煎帶 子 佢前得好香口 外脆內軟 而且個汁都好好味 同帶子好夾之後叫左乳豬仔 好好食啦當然 皮脆 但唔會燶 帶肉汁 唔會又乾致硬 調味岩岩好 伴碟既配菜同薯蓉都係一百分另一個主菜就係青咖哩羊膝 呢個羊膝好大份 咖哩唔辣 以濃滑為主 配上肉味較重既羊膝 就好夾在 羊膝大份得黎 肉質都軟滑 而且羊味係咖哩味之下依然好香濃主菜份量好大 所以雖然唔算平 但計返味道份量都一定物有所值

在落雨天晚飯時間剛好來到這間chalet，是位於荃灣，環境精美，所以被吸引順道可以避一避雨。周打海鮮湯：湯的味道很好，質感綿滑，不是水稀稀的，材料甚豐，滿滿的海鮮加配點點的薯仔，足令我們每啖湯都能品嚐到海鮮。帝皇蟹餅配蛋黃芥末醬：蟹餅上的PLATING非常精美，蟹餅表面煎到金黃，香味四溢，滿滿的蟹肉，每啖都能感受到絲絲的蟹肉充滿口中，口感十足，醬汁亦是非常出色好味。美國PRIME 牛柳配虎蝦黑松露汁：上菜時充滿好香的黑松露的味道，牛柳是用上美國PRIME級，所以肉質有保證，牛柳火候控制得宜，剛好正是我所要的五成熟，而配上牛柳上的炸洋蔥一齊品嚐，會令味道更有層次，而虎蝦肉質爽口彈牙，足證其何等新鮮。法式海龍王：是一道用上數款海鮮配上龍蝦湯製成的菜品，而海鮮方面材料十分豐富包括有：波士頓的龍蝦，帶子，青口，馬刀貝，魷魚和盲曹等。而材料全都非常新鮮，濃郁的龍蝦湯浸泡過部份的海鮮，令所有海鮮都充滿了濃郁的龍蝦湯，而龍蝦湯亦融合著各種海鮮帶來的不同鮮味，令其味道充滿了復雜的層次。這次誤打誤撞來到這間令人充滿驚喜的餐廳，下次一定會專誠再來拜會餐廳其他不同的餐品，期望會有更好的享受。

經朋友介紹下，就黎試呢間餐廳，佢個裝修都幾靚，午市去食冇乜人，唔洗等就入得，靜靜地，幾有feel。呢度食西冷扒又幾平，所以就點左呢個幾試，質素又唔錯，黑松露薯蓉好好食，西冷扒冇乜筋，叫7成熟，煮得岩岩好，好易切，肉質鮮嫩，好juicy呢個係跟set送既湯+沙律，沙律菜好新鮮，配左黑醋黎食，酸酸地好開胃。而南瓜湯都幾甜，好飲生日優惠係有得送蛋糕，但我個fd book果陣冇講，搞到冇得送，好彩即場叫，都可以寫Happy Birthday，侍應哥哥仲主動話幫我地影相，服務唔錯

今日難得約左個住荃灣既朋友聚一聚 順道梗係要食餐好架啦～ 佢就推薦去呢間chalet，位置就喺D park對面 位置都幾方便 可能時間尚早 (係 六點幾 無法啦 老左食飯都要早啲）都仲未有好多人 我地就坐低睇下可以食啲咩啦～ 其實佢地係有set dinner ,但我地都睇唔啱 所以就決定散叫喇我地先share 左個湯 周打海鮮湯因為我幾鐘意食海鮮 所以想試試呢個湯味道很好，而且好多料，啖啖湯都有海鮮！跟住就再點左個前菜帝皇蟹餅配蛋黃芥末醬蟹餅小小一舊 好厚身 外面煎得金黃一咬落去一絲絲蟹肉 好滿足！法式海龍王呃～～～ 我最期待的主菜黎喇！其實佢就係重料版海鮮湯！海鮮有龍蝦、青口帶子馬刀貝魷魚等等，全部都好新鮮，個底呢就係龍蝦黎 味道超濃 因為吸收左海鮮鮮味 令成個湯完全level up!! 至於朋友既就係美國PRIME 牛柳配虎蝦黑松露汁上菜時已經遠遠聞到黑松露味，牛柳是用上美國PRIME級，肉質鮮嫩 五成熟剛好～虎蝦呢肉質爽口彈牙，勁鮮！係有驚喜！因為食物質素真的不錯！

—雜菜湯 好足料餐包 外脆內煙韌前菜菠菜芝士忌廉汁焗帶子帶子表面微微燒過 有三文魚籽點綴烤法國白春雞配地中海汁•松子仁•粟子蓉($278)雞肉頗腍 蘸埋甜甜嘅粟子醬一齊食而松子仁有滋陰潤肺 美容抗衰嘅功效傳統慢煮牛膝肉配番紅花意大利飯($248)牛膝肉已經煮到相當軟爛 輕輕一拮 肉即分離仲有好大嚿骨一齊上枱 配埋獨特番紅花嘅氣味甜品士多啤梨醬麵包布甸————————————————Chalet荃灣青山公路407-411號金荃大廈地下B鋪 (8咪半對面)

約左朋友周末食個lunch朋友選了試呢間老實說set lunch 的價錢不便宜連加一$100+點了豬仔脾配椰香飯前菜沙津和湯。湯其實好淡味，麵包反而唔錯！上主菜，好失望認真麻麻地豬仔脾d 肉好鞋 。椰香飯係有少少椰香味但兩樣個味加埋又唔係好match 。。我見朋友點的rissotto 賣相似乎比較好但問佢地都係話味道一般。大家都agree 係個麵包最好食😅😅😅餐廳環境係唔錯，同朋友來傾計係坐得舒服嘅裝修都係靚靚的。但是侍應的對答和表情如之前食評所說好有茶記feel😅呢個價錢我吃過同區有更好選擇所以應該不會encore 了。

是晚男朋友生日，特登揀咗呢間有情調的小木屋餐廳慶祝，食物質素唔錯，最推薦焗帶子、燒春雞同芝士薯條餐廳環境好浪漫，坐得又舒服，好啱慶祝生日/紀念日預早一日訂枱當月生日的壽星會送一客自選甜品，不過呢個優惠只限現金付款，記得㩒定錢去食呀是日餐湯焗帶子烤春雞燒羊架芝士薯條甜品

見到好評多，便在這裡跟好朋友慶生。首先，訂位要比訂金已令我有點意外，我們不是大時大節來，餐廳又不在旺區.....見OpenRice 有優惠卷，朋友生日有一份甜品送, 問餐廳有沒有，他們先說....要早一日致電通知才有，之後再說問一下經理，之後說可以送但要比現金.....結果我們放棄他們所謂的優惠，我們一行12人，怎樣數現金比你呢！食物方面，味道好一般，但收費偏貴，沒有水提供，只有要付費的sparkling water 或mineral water.....差點以為至中區吃fine dinner. 不推薦再來

今日係朋友生日，我哋一早就book咗呢一間「Chalet」為佢慶生。「Chalet」位置方便又易搵，而且仲好近朋友嘅屋企，真係一舉兩得👍.「Chalet」位於8咪半嘅對面，只要行一條一分鐘路程嘅天橋，即可到達。.我哋叫咗一套Dinner Set ，3款main course同2款side dish一次過食到多款唔同嘅美食，好正啊！.Dinner set嘅價位屬中等價錢，喺喺$278-$358之間。套餐已包括是日餐湯，頭盤，主菜同甜品🍮，比起散嗌抵好多！.烤法國白春雞配地中海汁.松子仁栗子蓉 （$278）兩對大大隻法國春雞，肉質嫩滑又實肉，雞皮仲好香脆，旁邊有松子仁同提子做伴碟，地中海汁入口甜中帶點微酸，異常開胃🥰.菠菜芝士忌廉汁焗帶子帶子口感軟滑，好有鮮味😘頂層仲有幾粒魚子，加上菠菜芝士忌廉汁，一流呀!.忌廉湯忌廉湯軟綿幼滑，配上口感香脆嘅麵包，perfect match 呀🙈.麵包布丁甜品控最岩，甜度偏甜，小小一口，入口柔軟～.燒原隻菠士頓龍蝦配開心果香茅茄蓉意粉 ($298)大大隻原隻龍蝦，用大火燒至香脆，而龍蝦肉爽口彈牙，仲有好多龍蝦黃添！而茄蓉意粉味道特別，集合香茅同茄蓉嘅味道

今晚lady night收工唔煮飯😺 約我個好朋友食下西餐傾吓計先😽由於兩位女士唔食得幾多野 我哋就叫咗一個set dinner再打算加多一個main course share食😽餐廳燈光柔和 環境比較暗幾有氣氛😸 set dinner有三款選擇：白春雞/羊膝/牛扒 我哋揀咗白春雞😸頭盤既菠菜芝士忌廉汁焗帶子有兩粒 雖然話係焗 但唔會全熟 切開仲好滑😽 菠菜芝士忌廉汁夠哂creamy 配埋三文魚子鹹鹹地食落特別有層次😻😻餐湯係法式洋蔥湯 雖然唔似平時飲開咁濃稠 但味道唔會過鹹 正常啦😹 反而個包就脆得來好軟熟！waiter知道我哋share食 就安排先上咗另一個main先 烤比目魚配海鮮牛油汁 咁就唔會攤凍哂 都幾細心😸 比目魚魚肉嫩滑 雖然睇落好薄 但其實兩邊都好多肉😼 海鮮牛油汁再落咗啲檸檬🍋 一啲都唔腥 食落都清新D😽烤法國白春雞啲配料就幾有特色😻😻 松子仁栗子蓉味道好香甜 本來白春雞嘅脂肪含量 油份比較少😼 連埋幼滑嘅栗子蓉一齊食 肉質特別細嫩鮮美 食晒成隻雞都冇咁漏 仲要讚一讚個雞皮焗得好脆😼最後上埋個甜品 係香蕉布甸 入面仲有啖啖香蕉蓉😽 一個唔夠食阿😹

是晚同四月之星的好友慶祝生日，朋友選擇咗呢間位於荃灣的西餐廳Chalet，地點鄰近愉景新城，都幾方便！餐廳嘅燈光好昏暗，感覺好有情調，我地一行三人被安排到半室外的座位，以高腳椅為主，令人像在置身於酒吧裡餐牌嘅選擇唔算好多，但都有多款意粉飯類同主菜，仲有晚市套餐添帝王蟹餅配蛋黃芥末醬我地揀咗呢個蟹餅作為前菜，果然冇失望，蟹餅分量十足，差唔多有一個拳頭咁大，金黃色的外表好吸引呢！內裏全都是蟹肉，並沒有混入麵粉或其他配菜偷工減料，啖啖蟹肉鮮甜味，好正啊！燒原隻波士頓龍蝦配開心果香茅茄蓉意粉波士頓龍蝦燒得熟度剛好，都幾厚肉，爽口彈牙，蝦肉鮮甜美味意粉味道幾特別，香茅茄蓉融合在一起有獨特的香氣，而意粉的口感則偏軟美國Prime牛柳配虎蝦及黑松露燒汁牛柳好厚身，Request左要七成熟，生熟程度剛好，肉質香軟而且牛肉味好濃郁，好好食啊！虎蝦新鮮彈牙，頗高質素！另外值得推薦的仲有牛柳底下的薯蓉，用新鮮薯仔做成的，仲有細粒的薯仔口感同薯皮，食完都幾飽滯芝士薯條呢個係另加的side dishes，金黃香脆的薯條配上芝士簡直係完美配搭，非常好味哦