Chalet (已結業)

出黎荃灣開餐🥢 靠飲食平台高評分下搵到 Chaley✨ 睇佢地點雖然係愉景新城對面，但著實係核心既外圍🎯 係愉景新城既天橋落黎後行前多少少就見到門口放咗架裝飾單車🚲 加埋黑板寫咗今日set lunch, 穿過側邊既小門，原來餐廳大到分咗內外兩部份😯 內堂有個小酒吧，估計係晚上做埋酒類供應，被安排坐咗外堂高枱，面對住馬路既景色，係高樓底同冷氣下陽光射入黎，都幾寫意🤗 全間舖大大話話有50個位我估Menu 簡潔，5️⃣個主菜加野飲，mock tail🍹甜品🍮 揀咗羊架🐏同西冷牛🐂套餐係有麵包🍞湯🥣沙律🥗 一個小盤裝住黎上，麵包和暖唔盪手👍 磨菇湯夠碎小蓉，沙律既醋帶黎開胃酸味😋西冷牛同薯條先上，薄身牛扒呈現出辣粉紅既內心，絕對係我要既7️⃣成熟😍😍 黎到枱面胐到啱啱煎起既肉汁慢慢內收番去扒內😋鋸齒刀一劏輕刀鬆分開牛肉，亦都睇到用料同火喉既掌握💪後來既羊架，一黎已經吸引到隔離枱既心心眼😍😍三塊羊架似足三劍俠舉劍⚔️一樣浪咗係黃薑飯上，羊油同羶香隨住鋸齒刀鋒爆出🤩 充滿羊油既肉同乾身黃薑飯撈埋一齊黎食，減低咗羶胜，加大咗肉香🌬️臨尾既熱飲，清一清肉既油膩，黎個完美休止符🎶 Chalet 唔算係頂級，但細節

我同媽媽都特別鍾愛西餐，趁著復活節假帶媽媽食好啲！黎到位於荃灣的Chalet，餐廳燈光幽暗，裝修富情調，好適合情侶用餐。餐廳亦有供應各類酒精飲品，也適合朋友聚會飲番幾杯星期六黎到都有Set Dinner，二百零蚊起就有餐湯、前菜、主菜同甜品，都幾抵食！我同媽咪都叫左一個晚餐菠菜芝士忌廉汁焗帶子經火炙燒香過的帶子帶有火炙香，爽口彈牙，頗鮮甜味美！面上仲有三文魚籽增添鹹香味道野菌忌廉湯及餐包餐湯的野菌份量都幾多，所以帶有濃厚的菇菌香，好creamy，好好飲啊！旁邊的餐包口感好特別，內裏有點兒像千層酥，層層相隔；而味道則有點兒像印度薄餅，充滿麵粉香烤法國白春雞配地中海汁、松子仁、栗子蓉烤春雞有兩大件：分別係雞髀同雞胸。雞髀肉好入味同嫩滑！雞胸肉則好厚身大件，啖啖肉，雞味濃郁！地中海汁加入左提子乾一同煮製，甜甜鹹鹹的，味道好特別！配埋香甜栗子蓉，味道好創新法國麵包蟹意大利飯麵包蟹鉗啖啖肉，好鮮味且鮮甜！意大利飯醬汁濃稠度適中，飯粒偏軟腍，充滿忌廉奶油香味，質素不錯焗麵包布甸質感比較實淨。麵包同雞蛋布甸融合得好好，兩者味道好平均，唔會太甜，都幾好味

家姐一家難得由將軍澳出來荃灣探我，就選了這間感覺幾靚既西餐廳。平時揸車見到呢間野外型好靚，感覺是在荃灣區比較高級嘅西餐廳。諗住開開心心食餐好..............點知中咗伏！ 啲嘢貴都預咗㗎啦，貴唔係一個問題，但質素同價錢完全唔成正比。超級失望！ 一家五口食咗$1600，但嘢食水準只係個樣賣相靚，食落完全冇層次, 味道平淡無比。醬汁有好多西餐廳都比佢做得好好多。首先餐廳員工話唔供應水係連tap water都冇得揀, 要買一支水$28，已經有啲反眼㗎啦。之後我們叫咗以下嘅菜式青咖喱會羊膝配希臘乳酪雜豆$328食唔出係青咖喱，羊膝唔算好蘇，但都係唔夠軟身，味道平淡冇乜層次。啲雜豆都幾好食，但三百幾蚊得啲雜豆好食就認真要考慮下啦！肉眼扒$358肉眼扒就正常味道,沒grill嘅感覺,放落枱一陣已經凍哂，而且喺荃灣區屬於貴價但本人又覺得唔太值。海膽烏魚子意粉$248 飯嘅份量很少而且醬汁好鹹好濃味，點解唔索性加多啲飯令整體味道平均呢？其實加番多啲飯味道應該唔錯，但當時咸到一個點龍蝦配開心果香茅茄意粉$298龍蝦冇乜煎香左嘅感覺，而且醬汁好似怪怪地，有啲似平時麥X勞漢堡包上面既茄汁醬味嘅意粉

男友比個驚喜我，話帶我去荃灣食西餐🍴叫左個SET DINNER HKD358美國頂級肉眼12安士 （包餐湯，頭盤，主菜同甜品）另加左個帝王蟹餅配蛋黃芥末醬同埋一個羽衣甘藍🥬沙律羽衣甘藍🥬沙律🥗好豐富好足料， 有藜麥，炸淮山同神石榴，羽衣甘藍好新鮮，食落好脆口，淮崩口感好特別， 好似薯仔咁，藜麥食多都無壞可以減肥。帝王蟹餅係網上食評推介必叫，真係無錯。蟹餅入面一絲絲蟹肉，好新鮮，表面煎到好脆乾身，剛好配埋旁邊既醬汁，無得輸， 黃芥末提起左蟹的鮮味，仲有埋士多啤梨醬，甜甜的出奇地配合。SET DINNER 餐湯是洋蔥湯，滿滿的洋蔥，真材實料，而且配埋新鮮出爐面包🥯沾湯食一流。菠菜芝士忌廉汁焗帶子， 話就話係焗， 不過一點都吾乾身，反而好juice , 芝士忌廉汁好好味， 加埋三文魚子係面，更上一層。主菜到左：係牛排呀🥩， 拍拖當然要食牛排🥩，据下据下正呀🍴❤️，美國頂級牛排真係無得彈，好有咬口又juicy, 牛味好濃， 食完一啖又一啖😀最後食埋個麵包布丁🍮作結，細細口吾太甜， 完美既句號。服務員好細心， 小食同主菜之間會換碟，一定會再光顧。

店內環境舒適，果日都拎住好多野，比左個位我地放低，所以安心食飯☺️飲品造型可愛，完全睇唔到入面係咩野色😂主要係波蘿同熱情果味😋清新又開胃蟹餅做得鬆軟，外皮酥脆而且加埋醬汁減輕左油膩感，而且蟹肉有鮮甜😋😋好食啊熱氣依啲香口野通常都好食架啦😬芝士唔係太濃微微咁有提升左小小味道啦😊咁其實本身我地叫左ibreico 但黎到見唔對店員都有話換返🙈不過唔想浪費食物，咁就試下啦，乳豬都係比較肥，烤得個皮好脆😣而肉係比較小全個最好食係下面個薯蓉😋

見Openrice有咁多好評, 一早訂位來吃生日飯, 點知食到一肚氣! 餐廳預先安排了一張BB高椅喺長枱的"主席位", 已經迫住後邊果張枱俾人望望下, 但由於小朋友(兩歲幾)坐時覺得很窄"夾"住大腿位, 我地想換番張普通椅俾小朋友坐, 那位女侍應"理直氣壯"拒絶, 話我地訂位時講明有一位係BB, 所以安排了呢個位置, 只能放得落BB椅, 但放唔到佢地果啲普通椅... 並擺出一副煩厭的臉色, 重複了幾次話因為我地訂枱時講有BB。(我地早一星期前訂枱, 佢俾個咁窄既位我地, 放唔落自己餐廳的普通椅係食客的問題?) 食到尾聲, 另一位男侍應走嚟收哂啲嘢想趕客咁, 收嘢時仲不斷跌番啲落我地張枱度, 一句對唔住/唔好意思都無講! 本來諗住叫甜品都無叫, 埋單走人算!食物方面, 雖然味道OK, 但份量偏少, 平均$300~$400一道菜, 計番其實都幾貴!荃灣其實都有好幾間有水準的餐廳, 唔會再嚟呢間!

同朋友黎到荃灣，依間地點方便，雖然價錢較貴啲，但咁多好評，值得一試。店內環境舒服，有西式懷舊感覺，我同朋友坐大梳化，相當舒服🤗我地叫左兩個set dinner，大概三百蚊一位。前菜係忌廉汁焗帶子，食落彈牙，而且有鮮味，配上汁非常搭配🤗磨菇湯質素正常，creamy而有濃磨菇味。比較欣賞使用法包，煙韌而索到湯汁。一層層，層次分明。燒春雞外皮燒得好脆，外脆內軟好juicy🤤啲肉燒得好嫩，絕對唔乾配埋酸酸甜甜的果醬好開胃唔會太膩👍🏻配上少量蔬菜，中和油膩感美國頂級肉眼扒份量真係非常大，男士都會好夠飽。肉汁可以鎖住係入面，即使叫七八成熟都肉汁豐富。醬汁方面，比較鐘意橄欖汁，甜酸皆備，帶出牛扒既鮮味。芝士汁味道較濃，有啲蓋過左牛肉既鮮味😂麵包布甸細細舊，賣相精美😆甜度適中，唔會肥膩😂整體係相當高質既小店！雖然價錢較貴，但都係值回票價的😉

企外廳侍應黑口黑面，態度傲慢，全晚有個人黑口黑面企係你面前望住你，成餐飯都食得好大壓力。只有一位企內廳的男侍應態度好好多，有笑容，放低食物時更會跟返中高檔餐廳做法，介紹返係咩食物同材料，點解同一間餐廳啲侍應可以差咁遠，希望黑口黑面嗰位自己檢討下。講返食物， $300個烤雞餐，價錢本身冇問題，送到上嚟竟然只有兩隻雞槌，老實講亦唔講得上話好食。餐湯係豆湯，呢個真係唔啱飲，個湯好鞋，好多豆沙，冇乜鮮味，只係鹹鹹地嘅水咁，飲咗兩啖冇飲，可能我哋唔好彩，見其他食評有啲係蘑菇湯，可能會好啲。甜品係麵包布甸，細細格，兩隻手指公咁大，上邊吱舊假cream, 唔覺得好食。我係正常食量嘅女生，食完全餐飯返到屋企都覺得唔夠飽。計埋飲品加一埋單$450 ，食物質素及服務態度，完全唔值。一定唔會再去！

記得一兩年前和朋友慶祝生日都已經去過呢間餐廳。雖然位置比較偏，但食物質素唔錯，所以今次同老公再黎食野。呢度既室內裝修好特別，似一間瑞士小屋。我和老公點左一個套餐和一個意大利🇮🇹飯。黑松露意大利飯好好味，而且擺盤好靚，係大蘑菇上有泡沫。味道方面，有香濃既黑松露味，而且仲食到一片片既松露，果然真材實料。意大利飯煮得煙煙靭靭又唔會太生。芝士焗帶子：帶子半生熟，都幾鮮甜。烤法國🇫🇷春雞：春雞都幾鮮嫩，唔會焗得太乾，配埋松子仁，甜甜地，好開胃。甜品🍮係朱古力香蕉🍌摩士，都幾特別。

今天放假,所以約了好友食lunch , 選擇了荃灣區,之後又可以去大型傢俬店逛逛。朋友喜歡吃西餐 於是選了這間大馬路的cafe , 我們選了窗口位，感覺良好。我們叫了兩個set lunch , 有幾個選擇；有一樣幾好的是它可以選擇 latte / cuppaccino / mocha / expresso 作為餐飲而又不用加錢又或 加38 蚊 有雞尾酒 / 甜品裝修幾時尚 ，樓底算高午餐餐牌Set lunch 的頭盤 ：沙律菜也算新鮮，另外意大利麵包不錯，可以點黑醋及橄欖油；雜菜湯味道有香料，但本身湯味不算濃好在雜菜多這個西冷扒肉質都可以而且不韌，就是黑松露沒有黑松露味道，而最喜愛就是炒雜菇炒得很香，放了香料、蘆筍及薯仔這個意粉一般，炒得比較乾而且帶子有點燶這杯咖啡很creamy , 香濃度也不錯

還記得上次跟朋友來這裡慶生午餐時段非常抵食這晚難得又過黎附近做野，便早點過黎食晚餐環境不錯，很悠閒晚市套餐唔算選擇，另有其他單點套餐包餐湯，頭盤，甜品沒有飲品餐湯係羅宋湯，很足料配上鬆軟自家製麵包頭盤芝士忌廉汁帶子帶子鮮嫩有彈性美國頂級肉眼扒 12oz牛扒肉質粉嫩，筋位唔多牛肉味濃，水準不錯烤法國白春雞配地中海汁，松子仁，栗子蓉雖然說是烤雞，但肉質不算乾，配上香甜栗子蓉同吃，有驚喜最後當然要點杯啤酒解解渴

今晚拍住拖去試試『Chalet』👫入到去聞到淡淡嘅香氣同埋聽到柔和嘅音樂成個感覺好温馨、好浪漫💕本來想試Set Dinner不過Main Menu 好似岩食啲所以轉移目光選擇唔係太多，不過樣樣都好吸引前菜揀左帝王蟹餅配蛋黃芥末醬一上枱香味四溢蟹餅入面全部係絲絲蟹肉滿口都係蟹嘅鮮味😍外層煎到好香脆偏乾身，配埋旁邊嘅醬汁直係無得輸！炭燒澳洲羊架香味濃羊肉味唔會太騷羊架燒到外脆內軟連伴碟嘅薯菜都好有心思碟上所有食物都充斥著陣陣炭燒香氣🤤仲有慢煮牛膝肉意大利飯俾個份量嚇親好少見咁大碟意大利飯😮牛膝肉都好巨型煮得好透徹；意大利飯就吸收曬啲牛肉味同汁料食落好香、好軟熟👍🏼👍🏼飲品方面叫左Passion 同Chalet BeerPassion主角係熱情果果味濃郁，味道偏酸好在係沙冰可以中和返酸味👏🏼

每次係荃灣總站坐巴士返屋企，途中都會經過呢間門面環境好搶眼既「Chalet」，難得可以同男朋友撞岩一齊放假，今日既逛逛逛，食食食之旅既第二站就係佢啦🙆‍♀️.「Chalet」位於中染大廈既對面，只係行過一個天橋，約3分鐘即可到達，地點位置方便又易搵👍.餐廳既裝修佈置頗具心思，分為三區。外區係小木屋，內區係酒吧區，樓上係特色區～裝潢以木為主，昏暗既環境加上輕快既音樂，比到人好舒服放鬆既感覺💕.餐牌分為Soup，Appetizer & Snack，Pasta & Risotto，Mains 同Dessert 五大類別，當然亦有Set Dinner ，有餐湯，有Appetizer ，有Main Course 同Dessert，價錢仲幾抵食添🥰.Set Dinner - 烤法國白春雞配地中海汁，松子仁，栗子蓉 ($278)春雞用大火封汁但肉質仍然保持嫩滑又實肉，雞皮燻至香脆，松子仁同提子乾盡吸地中海汁，變得甜中帶點微酸，異常開胃💕.Set Dinner - 菠菜芝士忌廉汁焗帶子帶子既生熟程度拿捏得恰到好處，既保持帶子既軟滑既肉質，亦突出帶子既鮮味😍頂部仲有魚子做點綴，淋上菠菜芝士忌廉汁，啖啖都掛

由於去南豐紗廠逛逛，所以搵附近既餐廳試一試，友人話呢間ok ，所以就順路嘗一嘗，最好既係冇咩人，唔迫又自在。一行七個人，四大三小，為左唔好煩，一人一個餐，本身都好驚食唔晒，不過餐一到，憂慮就消除，因為個Portion 好細，小朋友及減肥既Lady 都食得晒。Lunch 係底食，有湯、沙律、Main Course及飲品。最亮點既係洋蔥湯，焦糖化既洋蔥，讓湯有自然既甜味。成餐飯其實好地地的，但到最後既飲品，真係一個敗不，未試過咁難飲既Latte，可能d 豆過左期。撇除呢個Point ，都係唔錯既。

中式情人節，我梗係補補飛，同女朋友去食番餐西餐，這間位於荃灣嘅 Chalet ，好多次經過都想試下。面佈局好英式，係荃灣真係好少呢類級數既西餐廳！頭盤有燒鵝肝、燒帶子及餐湯。燒鵝肝真係外脆內滑，燒得好甘香，帶子同樣好爽口！兩杯特色飲品，味道清新，而且賣相好得意！main course 喺牛柳配煎大蝦，真係好高水準，剛剛熟，肉汁豐富，外層仲有炭燒香味！呢度既芝士薯條都值得推介，全部新鮮即炸，上枱熱辣辣，芝士味濃、最後食埋個甜品，就真係大滿足！