Call Me Chef

营业中

休息中

講開觀塘工廈，我都很少來的，但是一想到有西餐吃，便順便上去看一看，原來工厦已經有很大的變化，不像我們以前所謂的工廠區，我們來到駱駝漆大廈三座，在下面等lift的人很多，我索性走樓梯上去，當上到去4樓，分一個個獨立單位，已經變得非常時尚，裝修亦都非常跟上潮流。我們進到餐廳，門外有一個甜品櫃放滿了很多樣式的甜品，座位亦非常寬闊環境亦非常優雅，一位廚師在一個很寬敞廚房工作，可以看得出對美食嘅尊重及熱誠，到這間餐廳的時候，我點了一個套餐：沙律餐湯跟市面上忌廉湯的味道不一樣，可見他的配方非常獨特很難在市面上飲到， 很好味我亦不懂怎樣形容這種味道。黃咖喱忌廉青口意粉這個意粉的味道非常不錯而且不會很油膩明太子帶子扁意粉帶子非常彈牙而且用火炙了很少部份，炙得很均勻水果茶水果茶嘅茶底很清甜，水果包括蘋果和橙

聽聞Call Me Chef既千層蛋糕好食，專程黎食兼食晚飯。晚餐餐牌以套餐供應，每款都包沙律，餐湯，主菜，意大利雪糕球同飲品，而且不設加一，性價比超高今晚係蘋果甘荀沙律同薯仔忌廉湯。兩款都好有驚喜，沙律好新鮮，好開胃，令人感覺清新；餐湯好濃薯仔味，薯仔控一定鐘意~主菜分別係香煎法式鵝肝配經典白菌忌廉芝士意大利飯同封煎北海道帶子配明太子奶油扁意粉。鵝肝肥美，飯粒屬於肥短型，幾特別，帶子煎得好香，好好食。最後送上特盛水果茶同熱檸茶，仲有朱古力同紅豆雪糕，好滑又唔太甜。當然唔少得千層蛋糕啦，我揀左香芋奶蓋味。果然出色，每層皮同忌廉都配合得好好，甜度適中，奶蓋鹹鹹地，一齊食幾得意。只係$32一件，又抵又美味

成日黎呢度食lunch，好中意佢個Handmade 雪糕，今晚同同事黎試下佢個dinner先！餐廳logo好cute，係一隻熊熊廚師👨‍🍳🐻餐廳裝潢係型格feel，座位唔算多，不過夠寬敞，坐得幾舒服。吞拿魚沙律、羅宋湯<香煎法式鵝肝經典白菌忌廉芝士意大利飯>超大塊鵝肝呀！仲要好厚！好邪惡呀！煎得好香口，同個忌廉risotto 好夾，risotto好creamy，推介！<芝士釀焗青口配泰式黃咖喱忌廉炒意粉>呢個意粉好驚喜！估唔到黃咖喱配意粉味道係咁夾咁惹味，意粉質地軟硬度適中，唔會過淋，青口大大隻夠肥美，充滿好多芝士！我至愛！呢度嘅handmade icecream! 雪糕質地好煙韌，我地揀咗抹茶同紅豆味！perfect ending！

某日路過觀塘工廈，路過呢間餐廳，見到個冰櫃有好多款口味既千層蛋糕，於是就決定買兩件拎走同請一件俾朋友食，點知，一係唔食，當我地打開黎食既時候竟然食唔停口，大家都話兩件cake都好好味，點解？因為同平時食既千層蛋糕好唔同，平時食既千層蛋糕食無兩啖就飽到一個點，但係呢兩件蛋糕係食左幾啖好想繼續食，好味既原因係因為佢一d都唔膩又唔會食兩啖就好飽甘既感覺，入面好鬆軟，海鹽芝士蛋糕好香鹽味而且好creamy,另一件係香芋味，呢個味都比較特別，少見，好香芋頭味，而且紫色好靚，下次路過應該會再試下買其他味。

又黎到工廠尋覓美食，見到門口有個蛋糕櫃，我就比入面多款千層蛋糕吸引左。晚餐平均百幾蚊就已經包湯沙律，主食，甜品同飲品。上網睇得知原來係一間由網店變實店嘅餐廳，整體黎講係一間值得支持嘅小店。沙律沙律菜新鮮，仲有蘋果清甜爽口。餐湯係羅宋湯，湯料幾多。香煎柚子雞腿肉配甜蕃茄燴飯 $128雞扒好大塊，唔鞋仲幾滑，因為有柚子醬令到雞扒甜甜地仲多左清新味道。而茄飯真係甜唔酸，好香蕃茄味。封煎北海度帶子配明太子奶油扁意粉 $108 非常推介呢個意粉，奶油味好濃好滑，杰度岩岩好，意粉愈食愈香。帶子大大粒，煎到兩面少少香脆，鎖實肉汁。雪糕雪糕有兩種味道，芒果同曲奇味，兩味道都好濃。香芋奶蓋千層蛋糕 $32芋頭味好濃，好似雪米糍咁濃味，而且口感軟綿綿，又唔太甜。

要支持一下小店，今晚上左駱駝漆西餐慢食。餐牌有呢個，意粉又有，all day breakfast 又有，當然亦唔少得牛排啦。一 set 套餐已包餐湯、沙律、主菜、甜品同飲品，價錢由 88 至 288 不等。粟米什菜沙律套餐跟的沙律，都幾精神，粟米夠甜多汁又卜卜脆南瓜洋蔥湯是日餐湯，淡淡地，多洋蔥，但略嫌唔夠 creamy 原條煙燻燒烤豬仔骨配特色炸飯球 $188 （set)好大條的豬仔骨，醬汁幾得，又唔會燒得太乾，好惹味。夠大份，兩個人分享都好夠食。旁邊仲有好多配菜，食吓肉又食吓菜，減低罪惡感。旁邊的炸波波原來係飯球，第一次的新嘗試，幾得意喎！封煎北海道帶子配明太子奶油扁意粉帶子夠大粒，煎過之後特別香口。扁意粉用上明太子醬，好滑好濃好好食。特盛水果茶套餐包的，不另收費。好多鮮果，凍凍地幾 fresh 烘焙咖啡套餐以外要另加 $12， 因為閒到隔離枱果杯超香，我都忍唔住了，加啦！果然冇失望 意大利雪糕球真正的雪糕球，雪到好硬吓，size 唔算細，飯後甜品一流。仲有好多唔同口味的千層蛋糕，好想試伯爵茶味，不過已經飽飽了，留返下次。

我特別喜歡open kitchen, 全男班, 廚師又係他, 樓面又係他。 唔係嗰種服務一流，話頭醒尾，仲唔識自動自覺畀兩杯水，但係我就係鍾意呢種率直，哈哈！晚餐set dinner都幾抵，一個沙律，羅宋湯，加main dish意粉，加雪糕，加咖啡奶茶，咁多樣加埋先108元。 唔好以為位於工廠大廈先咁平，其實而家觀塘啲工廠大廈餐廳，真係非常貴，這個價錢係其他餐廳的午餐價錢。北海道帶子奶油扁意粉，帶子煎得好靚， 剛剛熟、好嫩口， 奶油扁意粉幾香唔漏， 啱我胃口。焗青口配香辣泰式黃咖哩炒意粉，幾野味，不過對我來說太辣了，比較肥膩D。雪糕球好大個。叫咗個花茶，原本以為係用壺裝好靚嗰種，原來係用茶包！他的千層蛋糕有好多款， 有岩鹽栗子、摩卡、什霉，32元一件，都唔貴，不過因為太飽飽了，所以冇點，下次啦！

見到呢間野好多好評所以黎試，點知完全中伏！！1點左右叫餐，午餐個沙律已經冇晒薯仔，用咗啲超級怪嘅芒果汁淋左落個沙律度，隔離枱問佢點解咁參差，個侍應之後直接拎走左啲薯仔。羅宋湯都應該係罐頭湯但係起碼正常味。隔離幾台都甩單，我哋叫嘅其中一個carbonara 1:15上菜，但係另外一個咖喱炒意粉就1:40先上，每一台都係有一個食完望住另外一個人食。食物水平還可以除咗青口係overcooked，但應該唔係藍帶嘅水平。隔離枱叫咗幾杯凍檸茶，竟然上茶時發現無落檸檬！之後切個檸檬都遲咗10分鐘！最痴線嘅係嗰兩個侍應工作能力太低，搞到個廚師要出嚟同佢地執手尾，例如傳菜、連收銀機都唔識用！

今晚去觀塘搵食，同好朋友去一間一直處於OpenRice 人氣高企既工廈餐廳晚餐 - Call Me Chef～ 先黎野菜田園沙律 – 別以為前菜沙律都是屬普普通通水平, 外觀平平無奇得黎, 食落口勝在新鮮爽脆, 講到沙律, 最重要的當然係新鮮, 所以只是前菜沙律已經足以encore餐湯 – 羅宋湯, 甜甜酸酸, 入味得黎好開胃, 可以稱之為酸中帶甜、甜中帶香, 用料豐富主菜一 – Carbonara, 材料豐富, 有芝士忌廉煙肉蘑姑, 仲有溫泉蛋. 意粉口感又爽又彈牙, 韌度十足,芝士味又令人又愛又恨, 非常多汁 主菜二 – Ribs伴BBQ醬&薯蓉飯波波&伴菜, 個Ribs好正, 輕輕一拉就離骨, 不用花太大氣力.. Ribs味道方面卻很入味, 有濃厚的煙熏味, 能夠增加胃口 甜品方面有抹茶雪糕, 濃濃的抹茶苦澀味, 又苦中帶甜, 日本旅行時食的抹茶雪糕味道返晒黎 飲品 – 凍柚子蜜：柚子味足, 又清甜潤喉；凍水果茶：眼亂有蘋果、西瓜, 新鮮的, 不是很甜的茶

阿媽話好耐冇兩母女一齊出去食飯我負責搵餐廳~夾好時間撇低阿爸XD搵到位於駱駝漆3座嘅西式餐廳~因為比佢啲千層蛋糕吸引左每個餐都跟沙律, 湯, 雪糕同飲品點左封煎北海道帶子配明太子奶油扁意粉同芝士釀焗青口配香辣泰式黃咖哩忌廉炒意粉好快就上左沙律同湯沙律以生菜舖底(可惜生菜有少少氧化左), 但食落都新鮮嘅面頭係Cesar salad醬, 加左蝴蝶粉同蘋果..配搭幾有趣蕃茄雜菜湯。幾香香料味, 偏少少甜香煎帶子好香好鮮, 估唔到忌廉意粉配翠肉瓜係咁襯撈埋明太子少少鹹香, 成個意粉好清新唔會膩芝士釀焗青口配香辣泰式黃咖哩忌廉炒意粉一上檯已經勁香黃咖哩味芝士帶子用火槍燒過, 好香意粉彈牙加埋三色椒同黃咖哩好惹味少少可惜嘅係偏油雪糕要左抹茶味。奶味比較重一邊食晚飯一邊已經發現好多人買千層蛋糕好彩買到最後一個伯爵茶果然係藍帶。個餅皮好薄Cream好香員工積極好快手。要繼續努力

最近參加了一個課程，經常嚟觀塘區上堂，上堂前當然要先醫肚，新相識的同學話此餐廳廚師係藍帶畢業，估唔到喺工廠大廈都有藍帶水平嘅餐廳，同學特登請我黎試吓。嚟到發現個價錢比我想像中平，晚餐都係大約$110樓下已經包餐湯、沙律、主菜、甜品同埋飲品，基本上係一個傳統五道菜套餐。裝修都係比較簡約，開放式廚房睇到個廚師喺度煮食，你問到啲食物嘅香氣好吸引。門口有個蛋糕櫃食完唔夠喉可以買蛋糕返屋企食。今日的餐湯係羅宋湯，比一般羅宋湯甜，湯料亦多。頭盤沙律醬似吞拿魚醬，所以唔太甜，加埋蘋果一齊食唔錯。封煎北海道帶子配明太子奶油扁意粉似日式西餐，帶子煎得好而中間部位仍然保持嫩滑。芝士釀焗青口配香辣泰式黃咖哩忌廉炒意粉好明顯係fusion 菜，泰式黃咖哩炒得乾身但唔算好辣，青口的質素高無渣，雖然芝士焗但係都唔會太油膩。最係甜品係雪糕有朱古力同埋綠茶，質素都唔錯。

之前係網上面睇到E間餐廳由藍帶廚師👩🏻‍🍳主理已經想試一試, 今日襯男朋友係觀塘收工, 就捉埋佢一齊去試下☺️ 餐廳環境唔算好大但坐得幾舒服, 仲播住周杰倫嘅歌👦🏻🎹🎵🎶😆😆 我地叫左兩個set dinner, 等左10分鐘到就有得食啦😋😋是日沙律🥗, 沙律主要係用左紅蘿蔔粗絲, 口感爽脆, 配上吞拿魚醬令本身唔太中意食紅蘿蔔嘅小妹都覺得唔錯😊是日餐湯🥣, 今日嘅餐湯係羅宋湯, 餐湯幾足料而且無味精, 味道唔錯!凍韓式柚子蜜🍊🍹(左), 味道正常凍特盛水果茶🍎🍉🍊🍹(右), 水果茶味道唔錯, 同出面飲嘅唔同, 並沒有果種死甜, 反而飲到嘅係水果本身嘅清甜味, 茶底唔會太濃蓋過左水果嘅味道, 唔錯👍🏻封煎北海道帶子配明太子奶油扁意粉🍝, 封煎帶子外層甘香, 肉質軟腍鮮嫩, 意粉軟硬度適中, 幾有口感。明太子奶油醬汁濃而不膩, 加埋少少瓜類令口感同味道不再單一, 推介!😋👍🏻Call me chef全日早餐🍅🥓🍳🍄🥔, all day breakfast總共有八個items, 英式焗豆, 封煎蕃茄🍅, 翠玉瓜炒磨菇🍄, 白菌忌廉炒滑蛋🍳, 香炸薯餅🥔, 香脆煙肉🥓, 蘋果雞肉腸🍎🐔, 煙三文

平時都鐘意食lady M既千層蛋糕，無意中見到呢間有藍帶廚師主理既餐廳都有得食，想試好耐，趁住我個fd幫我慶生就嚟左～🤩🤩 嚟到人唔多，不過出面keep住有人買千層蛋糕，暫時睇嚟應該無嚟錯🤤我地一人叫左一個dinner set，個set都包左幾多野，首先有個沙律，味道都正常。跟住個湯真係好飲，又滑又香～個水果茶都幾fresh，又唔會好甜個飯忍唔住要讚，鵝肝同個飯都香，值得再翻叫，詳細comments我就寫喺張相到🤩🤩個ribs都唔錯，多肉得嚟唔會乾個set都真係抵，食完沙律、飲埋湯同野飲，食埋個main dish都仲有埋雪糕真係大滿足，個feel都似自家製，同樣高質😍終於到千層蛋糕啦～ 因為慶生所以加左10蚊畫碟，雖然畫得麻麻地，但係攞出嚟既時候background music轉左播生日歌，可能係小店先可以有既service，令到成個氣氛都好！跟住又食到性價比高既cake😍😍 又香又滑，層次都幾分明！原本無諗住寫食評，食落真係唔錯，忍唔住要寫！好支持有特色既小店～ 通常小店更加好食同埋有自己既特色，除左去食lady M，呢道都可以係另一個選擇👍🏻👍🏻

觀塘工廈好多隱世嘅樓上Cafe，Call Me Chef亦係其中一間。今次同朋友係lunch hour尾上去慶祝生日，人唔算多。可惜買左蛋糕先發現餐廳最出名嘅係千層蛋糕，下次有機會要留肚試一試。🙈一開始會上左一個西湯同埋沙律。之後先會上主菜。蘑菇忌廉汁芝士野菌意大利雲吞🌟意大利雲吞入面包左芝士同野菌，忌廉汁煮到好香好滑，雲吞細細隻所以每隻都沾到足夠嘅忌廉汁，食完另一隻停唔到口再食第二隻。真係好正🤤香煎柚子雞腿肉配香甜蕃茄燴飯🌟睇到第一張相就知佢好足料，雞腿肉大到見唔到啲蕃茄燴飯😂，雞腿肉夠厚，煎得好香口，食落去啖啖肉，個燴飯（risotto），用蕃茄煮到好入味，食落亦都好清，好健康好fresh😋微辛奶油明太子帶子意粉🌟雖然佢係白汁樣，但食落去係有少少辣，所以唔會好膩，好開胃，加埋明太子有少少日式感，好特別！飯後甜品😋意大利雪糕球🌟網絡平平無奇，但個雪糕好香好滑，感覺應該用咗好濃郁嘅牛奶。最後食埋呢個雪糕球令到滿足度爆分。🤤

👭Call Me Chef(觀塘)👭所有是日套餐都包含：沙律、餐湯、意大利雪糕球、冷熱飲品。1⃣餐湯 - 洋蔥南瓜湯有南瓜蓉及洋蔥碎，但味道較淡，有啲似溝左水咁，質地好稀🥴。2⃣是日沙律有少少吞拿魚醬，肉絲好薄好細塊，菜微微苦。3⃣經典卡邦尼意粉配63度慢煮溫泉蛋及香脆煙肉 $88整體味道偏咸，溫泉蛋味濃，煙肉口感都幾脆，意粉幼身所以好吸汁，整體滯但其實份量好少🥺4⃣芝士釀焗青口配香辣泰式黃咖哩忌廉炒意粉 $108青口內既芝士少到食唔出味道，同38想像中既好唔同。而咖哩味都幾香濃，又帶有香茅味，辣度好足夠，但同樣食多幾啖就好滯了。5⃣飲品 - 特盛水果茶 水果甜可惜得幾粒，茶味好淡唔濃但又唔係好清新個種，似飲緊一杯走甜既凍茶，水果同茶味融合唔到一齊🤨6⃣飲品 - 檸檬紅茶同樣茶味好淡，檸檬無味，係連酸味都無😂唔知係咪因為唔新鮮呢🤔不過唯一讚賞係糖漿另上，客人可以因應自己鍾意既口味而加😉7⃣雪糕球 - 芒果雪糕口感較煙韌唔會過甜，芒果味算濃。可惜38唔係太好芒果雪糕，但餐廳無其他口味選擇，呢樣較令38失望😔。另外店員服務態度一般，目無表情之餘對話唔望客