影片
开饭介绍
由卖千层蛋糕为主起家，蛋糕工场亦是在同栋工厦中。千层蛋糕每日供应至少有10款口味选择，亦会不时推出新口味。Cafe主打轻食意粉，All Day Breakfast，经典卡邦尼意粉用63度慢煮温泉蛋，口感滑顺。
继续阅读
营业时间
今日营业
详细营业时间
星期一至日
详细营业时间
公众假期
12:00 - 22:00
公众假期前夕
12:00 - 22:00
*星期一至日: 12:00-22:00
公众假期前夕: 12:00-22:00
公众假期: 12:00-22:00
以上资料只供参考，请与餐厅确认详情
-
网上订座服务暂停
食家推介
-
千層蛋糕
-
沙律
-
雪糕
-
香煎柚子雞腿肉配香甜蕃茄燴飯
-
水果茶+17
相关文章
好少好少写食评，但真心想支持一下小店！前排少咗去观塘，少咗帮衬，今日去开骆驼漆特意再去食晚餐，原来而家叫餐可以任食沙律/shake shake薯条，叫咗紫菜味薯条，薯条一上食到停唔到，好好味🤤可能今日平日，人客唔多，又可以舒服坐低慢慢倾偈。☺️🫶点咗香煎柚子鸡腿烩饭，肉质嫩，皮又脆，今次啲饭感觉食极都系暖笠笠嘅！呢个鸡腿永远都系心目中no. 1好味嘅❤️另外点咗烟三文鱼配蒜香青酱炒意粉，感觉今次份量多咗，食物仍然keep到水准 😋👍呢度环境静静地又有歌听，唔洗上商场排队又要同人逼，同朋友食饭吹下水真系一流。老板说话唔多，但系有礼又亲切，永远见佢密密做唔停手。佢哋有订造蛋糕，都有唔少人来拎蛋糕。门口有玻璃柜可以叫千层蛋糕做饭后甜品，价钱合理又好食。香港最近有好多餐厅结业，唔想周围都被大集团垄断，真系要身体力行支持小店💪
继续阅读
呢度啲嘢食本身我都几钟意，但系店里面嘅服务态度真系会令到我唔会再想去第二次。👎👎👎 𠮶位后生女店员挂住坐喺度包饺子，我话要落单嘅时候佢望住我一眼继续喺度包，跟住喺冇雷公咁远问我想食啲咩？佢唔系想我大声咁嗌我想食嘅嘢呀？？答案就系😌跟住我就要劲大声咁叫出我想食嘅嘢，全间餐厅都听到我叫卡邦尼意粉…. 呢样都算，问题系我叫完之后佢冇帮我落单，要等佢包晒成盘饺子先去部机度落单，过程大概10分钟，真系浪费我劲多时间😡
继续阅读
今次嚟食一间喺观塘骆驼漆大厦，几出名嘅平价贴地西餐厅～Menu上嘅食物主要分为 🍝西式主食（意粉、饭、汉堡）同埋 🥟木金饺子制作所嘅饺子。🔸 法式诺曼第黄油苹果奶油炖鸡配扁意粉 高质！意粉入口真系有淡淡嘅苹果味🍎，同普通奶油意粉有分别。炖鸡嫩口，煮得啱啱好，份量十足。但意想唔到嘅系，意粉入面加咗粟米粒同翠肉瓜片，感觉同意粉唔系好夹，失去咗少许高级感。🔸 香芋千层蛋糕另外亦嗌咗个香芋千层蛋糕，但有少少失望，因为饼皮同cream食落去唔软身，似雪咗较长时间，味道正常。
继续阅读
店员服务态度真系差到极点，我今次去嘅时候大概系下午三点，入面只有一个后生女店员，当时见佢准备紧自己嘅下午茶食紧。当我哋坐低起位之后，准备叫餐之际，就同坐咗喺隔篱枱望紧手机嘅女店员讲唔该一个A餐同B餐，个后生女店员望都冇望过我哋，继续望住佢部手机萤幕，然后问我哋B餐系唔系食意粉𠮶个餐？我心谂黐线咩，咩服务态度啊？我哋落餐你都好应该攞纸同笔或者企喺我哋隔篱听住我哋想嗌咩餐！OK落完单唔够1分钟，竟然同我讲B餐冇意粉，你会唔会转饭？ 𠮶下已经反晒白眼。。。。乜嘢食物材料唔够你又唔落闸，你咁忙住食自己个下午茶，你又唔落场？个后生女店员一脚踢，跟手就去煮我哋两个餐，重点嚟啦，由于呢间餐厅系open kitchen关系，一入到餐厅，已经劲大浸油烟味，闻落好反胃，梳化虽然系粉红色，实情非常多头发在梳化上，10分肮脏。我哋到后生女店员一到煮嘢食嘅时候一到疯狂咳，我就喺度犹豫究竟咳嘅时候有冇将细菌咳落我哋嘅饭上面，唔够一日我哋都病咗。点解呢间餐厅仲有有人帮衬㗎！我真系唔会再帮衬之余都会叫身边嘅朋友千祈唔好去。
继续阅读
哈哈，当晚同朋友黎食饭，目睹一场大龙凤食左个花生。 事源有两公婆带住个bb黎食饭，啱啱入坐无耐，就推跌左台面一兜酱，应该系菜脯之类（我食西餐无试个酱），我谂系比客配饺子既。 咁两公婆就同职员讲倒泻左，请职员帮手抹返地下。ok以为事情已经完结。 果台客埋单既时候，佢地就开始吵起上黎啦🤣 咁我梗系听下佢地讲乜，原来系店员要求赔返个菜脯钱，好似七八十蚊咁上下。 个老婆就问个职员，台面兜酱本身系咪免费比客人食，点解要赔钱之类（又好似有道理窝😂）。 然后吵左几句，双方开始拍片，最后店员就话要报警。 期间两公婆多次想走，有几位店员唔比佢地走。 哈哈，多谢店员为左七八十蚊为在座客人上演一场大龙凤🤣 期间门口有客本身想入黎食野，都掉头走左，我都拿拿临埋单走，无等到警察黎。 有冇人知道后事如何？🤣分享下 不过我都唔敢再帮衬😹除非老板换下新血，今时今日咁既服务态度，怕怕🙂↔️
继续阅读