Cafe REVOL

营业中

休息中

放工去食。本來以為早餐未必夠飽，但上到黎個份量真係好夠。(唔記得咗呢個all day breakfast 既名)個包好好食，烤得啱啱好，香脆。個薯蓉好香，有薯粒果隻，好正。以為青豆醬會好怪，但其實甜甜地幾好味，可以用黎搽包。個蛋一流！豬肉煎得好香，腸仔好好食。唯獨係個煙內燶左少少。食完超飽。紫薯latte同green tea latte都有拉花。如果睇唔出綠茶果杯拉左咩，就睇下標題，真係估佢唔到。

鋪頭地址係佐敦同尖沙咀既中間住宅區內，平時真係唔會行去食。所以就專登搵左個假期去試試良心小台💛💛💛平時出街食西餐都鐘意嗌carbonara意粉，見到個個都推介緊係跟機！意粉係我鐘意既硬身，唔會淋batbat；仲有隻流心蛋係面，質感一流！味道都岩岩好，唔洗再落鹽/胡椒。朋友嗌左個健康version既all day breakfast，佢覺得份量岩女仔食，好味又健康。跟住又試左招牌red velvet cake，個cream真係好好味！推介！

自開張後，Revol就係我最喜愛的Breakfast Coffee & Lunch restaurant。有一排差不多隔日就去。而我都介紹好多朋友去，無一不讚不絕口。 佢地咖啡水準高而平均，唔會一時好一時差。同區有幾間都好，但唔知點解，水準好似無Revol咁穩定....而且差不多全部Coffee shop，飲品選擇都比Revol少(唔係齋講single origin)，因我唔係日日都飲同一款咖啡，會悶嘛.... 最近，Revol出了新lunch menu，我差不多全部食過，全部都好好（sorry, except Carbonara, 唔係唔好, 只係其他太好, 變得卡邦尼就一般好)其實我覺得Revol重點係lunch, 真係好出色。講究的食材，用心的烹調，溫暖的服務，出色咖啡.... 重點，這裡老闆好黃，可以睇下佢地Facebook, https://m.facebook.com/caferevol/店內有星火立場或其他支持五大訴求的捐款箱。唔食野，都捐下錢囉😳 最近，現在Revol生意越來越好，真心恭喜佢地！假日中午時間會有些擠迫，lunch輪候有時需10分鐘以上。建議早一些去

喺朋友公司附近出沒，緊係把握機會小聚片刻。朋友唔介意行遠啲食，又任我揀，於是我喺地圖上物色咗呢間Cafe Revol，1245左右到，只剩户外位置唔駛等，就要咗外面嘅位。先揀餐，之後入內俾錢，餐具自取，最後埋位等送餐。我哋叫咗個燒牛肉長通粉同All Day Breakfast一齊share。Breakfast跟個煙三文，味道正正常常，但估唔到嘅係個長通粉超好食！^_^ 我最鍾意係佢啲牛肉冧得嚟又唔會打渣，加上個長通粉辣辣哋，真係超like呀！😍有機會我都會再去食，希望大家去幫襯下

周末想搵間咖啡店，將步伐放慢一下，停下來，好好思想最近生活上的所有事。食完午飯，又唔想周圍行，寧願去下咖啡店好好嘆杯正咖啡。於是上網搵搵，就發現附近Cafe Revol，位置近地鐵站，走入橫街窄巷，就會見到呢間隱世咖啡店。Cafe Revol以工業風為主，空間感大，我地坐左餘下的最後一張枱，坐滿客人，但氣氛輕鬆，縱然置身於熱鬧的油尖旺區，卻有種讓人遠離繁囂的感覺。我仍然揀左最愛之選鮮奶咖啡，咖啡豆可以選擇重堅果味的Vintage，或是重花果味的Artistic，個人較喜歡nutty口味。咖啡香濃，泡沫細滑，而最令我讚嘆的則是特別的拉花藝術，從一杯咖啡看出咖啡師的熱誠和創意，說實話我猜不透究竟是什麽圖案，卻留著一份神秘感。

新發現左間喺佐敦嘅黃店，lunhchtime於是捉埋幾個同事做先頭部隊試一試先。入到黎覺得間Cafe嘅風格好時尚，座位唔會好迫坐得好舒服。呢一日lunchtime唔算好多人我哋一入去就有位喇Lunch set嘅價錢真心唔算貴，包咖啡/茶，同埋唔使加一。慢煮檸檬雞配華都夫沙律蕃茄長通粉配自家製肉丸培茶Latte野食非常高質，望落賣相又好靚同有心思，尤其係個自製肉丸長通粉，啲蕃茄汁唔會太酸，自製嘅肉丸配上芝士亦都好好食呀！總括嚟講覺得呢間餐廳嘅食材用料都好健康美味。下次必定會再捉多幾個同事嚟一齊試多幾款唔同嘅嘢食

真係好鍾意搵間coffee shop hea下睇下書咁過一個下午☺️bookmark咗 @cafe_revol 好耐感覺上工業風嘅裝修好靚好舒服而見到個個都大讚佢個carbonara 今次終於比我試到啦😍果然不負眾望 好食好食‼️個汁唔係太水個種 撈埋隻溫泉蛋 好正🤩而煙肉都煎得啱啱好 又有一片片脆脆地嘅 又有一粒粒有咬口嘅 加上意粉做得出al dente 硬硬地咁 所有野加埋口感層次上好豐富💯另外點咗bagel正正常常 個bagel唔算太林 cream cheese加三文魚 都好難難食嘅🤣大家唔好俾我張相誤會咗 其實佢仲會有番茄同菜 只係我唔食走晒佢🤣🤣雖然呢度地點唔係咩野旺區 但都幾多人架 要預時間排隊呀～.one of my favourite things to do on a sunday afternoon is definitely cafes-hooping☺️ i was attracted by the cozy interior design of @cafe_revol i saw online & WOW their carbonara surprised me 😍

還記得cafe revol以前門口的一個大logo現在logo都搬到上面了 走工業風格🤘🏼午餐普偏HKD$72-92 附送美式咖啡/花香柚子綠茶 其他飲品補差價🍳Revol 精選早餐+奇亞籽布丁HKD$88+3煙三文魚拼成花 非常精美🌹煎蛋是燶邊蛋非常香口🍳麵包雖然薄 但值得一讚是外脆內軟 有一些莓乾在內 🍞🍝香草蕃茄長通粉配自家製牛肉丸HKD$86吃過後終於明白為何限量發售‼️‼️超大顆的兩粒牛肉丸 雖然偏乾硬但調味香濃 口感豐富🥩而且肉汁流到牛肉丸下面的羽衣甘藍🥬不喜歡羽衣甘藍的小編就突然愛上了💝欣賞這裏的長通粉煮得比較硬身 有咬口滿滿的蕃茄汁包裹著長通粉內外 不會太酸 💘Follow Me

星期六知道佐敦附近有呢一間小黃店，就決定去懲罰一下佢午餐時間我們點了兩個輕食及咖啡，味道不錯！其實午餐嘅選擇不多，我們點了一個燒牛肉貝吉包埋三文治及慢煮班尼的蛋配牛油果多士兩個味道也不錯，下次會是是他的意粉。咖啡方面我們點了名字很特別的「宿醉」，其實是黑咖啡加肉桂粉，味道有一點怪怪的，不算難喝，但下次還是選擇正常的牛奶咖啡會比較安全

星期六朝早11點幾，要等等位，3分鐘就坐得低，得一個人又peak hour，要搭搭枱。落單姐姐都好有禮貌好Helpful，同個個客都講番餐具要係後邊自助拎。嗌左個Bagel同一杯咖啡，好似$80度，少貴但食物水準都唔錯🤤🤤🤤🤤值嘅，Bagel啱啱烘過，表面脆入面軟☺️Mocha咖啡味香啲，朱古力味無過左咖啡味，有個拉花仔，見到心情都好啲，雖然無其他人影個啲咁靚，但明白咁忙點得閒拉公仔，希望下次再去，會有公仔拉花😍呀！仲有佢Wifi都唔錯😂好唔好彩爆左Data，試到佢Wifi👍🏻 好嘅Cafe wifi，爆Data人士福音👼🏻最後輕踩下地方較窄，枱同枱之間有啲啲窄，出入驚驚hi跌人啲野😂 啲凳有啲重又係鐵腳拉後個陣有啲毛骨悚然嘅刺刺聲...

又到我放半日假嘅星期五喇😂 今日約咗某君去食間黃色靚女cafe💛 一去到，嘩，間野嘅門面係幾正幾chill，內內外外都坐滿晒人，我地等咗大約10分鐘終於有位✌🏿👲🏿Homemade Meatball Penne Marinara $86>顏色配搭好靚，兩大粒肉丸好吸引>長通粉唔會太腍，啲汁入埋通粉裡面，好豐富>羽衣甘藍好香油味，不過都真係比較油>肉丸比較硬，都有肉味，配合芥末醬係幾好，略嫌不夠熱>車厘茄鮮甜多汁==================推介指數 🌕🌕🌕🌕🌑Hojicha Latte $42 (lunch set+$8)>個拉花其實係咪龍貓嚟>焙茶味濃，奶味相對遜色>無乜甜味，多返少少甜味應會好好多==================推介指數 🌕🌕🌕🌖🌑Revol Special Breakfast $88>擺盤靚仔，有誠意>炒蛋幾香，不過略嫌不夠滑>果乾麵包一流，熱、脆、有包味，高質>燒牛肉有啲失望，無乜肉味>乳酪好味，生果鮮甜，加埋燕麥穀物脆片，正呀>粒芝士個味好

近來非常受歡迎嘅咖啡店之一，留意店家專頁，仲經常見到全部食物售罄嘅消息。即使到訪當日我們已食午飯，都要過黎試試。餐廳位於佐敦德成街一條巷仔，全店裝潢走工業風，水泥牆門面加上標誌一個「革」字，份外顯眼。當日試左意粉、甜點同飲品，果然唔錯，值得支持門外有兩個位置，週末經過的車輛不多，天氣不熱的話，其實坐門外挺chill的。進入店內，首先映入眼簾是一幅插畫，寫著"why so serious?"。抬頭又見到黑板上的手繪，立場鮮明。店內座位不少，只是週末人流頗旺，慶幸大部份是兩人以下用餐，音量不大，坐得很舒服，看看手機、聽聽音樂餐牌選擇不少，供應沙律、全日早餐、多士、意粉等，一律單點；甜點有乳酪杯、布甸、布朗尼、紅絲絨、戚風等，定價$30-40。飲料有咖啡、鮮奶、沙冰、茶類、果汁等。客人自行到櫃枱點單結帳，由店員送餐；清水、餐具則自取。經典卡邦尼煙肉意粉 $90黑松露嗰款賣相都很棒，不過另一半最後點了卡邦尼，也沒有失望呢是近期吃過比較有印象的意粉之一。意粉粗身有咬口，加上蛋黃、芝士碎、煎到香脆的煙肉，比一般只有忌廉或者濃縮醬汁的卡邦尼好吃多了。紅絲絨蛋糕 $40蛋糕自家製，朱古力、忌廉三層相隔

Cafe Revol, Tsim Sha Tsui 坐係四邊灰色混凝土牆之間，頭頂有塊寫有「香港人加油」嘅黑板，感覺份外親切。今日嘅尖沙咀同佐敦，特別多人。就連平日人煙稀少嘅林䕃道裏面呢間Cafe Revol 都要排隊等位。興幸嘅係，我聽到嘅，全部都係講廣東話。我叫左杯signature drink- Citrus Espresso bomb (柑橘咖啡特調)。好有層次，好清新。最大路地分佢嘅層次，可以飲到2種味道：上層嘅係咖啡，下層係香橙同西柚味。（當然如果再要細講佢嘅味道，你仲會飲到coffee blend中嘅檸檬，花香，同香柑味)第一啖飲落去，好濃嘅咖啡味。尤其是加埋梳打水果種泡泡威力，令到咖啡味係口腔裏面爆升。雖然總會飲到小小杯底嘅香甜味，但咖啡嘅香始終可以覆蓋下面嘅甜柑汁。飲到咁上下，咖啡味開始慢慢消失。但因為係循序漸進，以溫水煮蛙嘅形式去淡化原本有嘅咖啡味，所以如果唔細心留意，你基本上唔會發覺佢係被消失緊。但係當你飲到最後一啖嘅時候，你暮然回首，望住個杯，你會察覺杯中剩下嘅就只有橙色，冇晒啡色。果一刻，你果杯「柑橘咖啡特調」，變成左「柑橘特調」，咖啡被消失得無影無蹤。可能有

同友人行街，之後就四圍搵下小店支持下發現喱間隱世小店，店鋪細細，店外有小量位可以同朋友暢談，店內就佈置舒適有花心思去設計店舖叫得Cafe咖啡選擇當然唔少，喱到有十幾款飲品可以揀，而且仲有唔少輕食、沙律、主食同埋cake岩晒打卡玫瑰Latte、黑松露意粉咖啡一遞上黎就心心眼，拉左花而且好香咖啡味，飲得出同出面星星牌同M字牌唔同味，有別以往飲開既而意粉亦都好出色，好香黑松露味，亦都唔係啲軟淋淋意粉紅絨絲蛋糕本人超級中意，因為白色部份係芝士，成個蛋糕好香而且唔係海棉蛋糕咁淋 實實正總結，推薦喱間cafe，好舒服、食物又正

Cafe REVOL 係其中一間裝修唔錯的coffee shop，淨係個門口位已經好靚，店內亦係走型格工業風 第二次黎Cafe REVOL，最記得係佢個menu，多野揀到可以諗10分鐘都未決定到食咩lol早上11點，除左breakfast set外，仲有all day breakfast同light food可以揀到最後就揀左Bagel Sandwish同Avocado Scrambled egg on toast!先黎的係toast，完全冇想像過係甘大份 而且炒蛋好滑，超吸引的！然後就係bagel sandwish！呢個bagel以前食過一次，依然都係足料，好多塊煙三文魚！同朋友兩份分，我地大家食完toast之後已經冇乜肚食個bagel，可能牛油果太濟，toast真係好大份，食完成個brunch之後飽到夜晚六七點至於咖啡方面，兩杯的拉花都好靚，oat milk latte (左下)有甘甘地的感覺，本來以為溝左oat milk會冇咁大感覺，可能係本身的豆堅果味較重，朋友則覺得佢的Monka過甜啦