Cafe Paradise (已結業)

主題Cafe見得多，且多是樓上舖，但呢間則開設嚮地下，還以旋轉木馬為主題就更是少見，因而入去光顧一下。***餐牌內藏立體木馬摺紙，貫徹主題。***餐湯是黑松露蘑菇碎忌廉湯，很香濃。加埋個新鮮沙津，即時胃口大增。***Main course 是香脆豬手，真的是名乎其實，外層真的佷香脆，內層很軟唸。每客還會附上紫薯蓉，這比軟少見，要試試! ***餐飲揀了焦糖鮮奶，鮮奶很滑而且有淡淡薄荷味，很清新。最後，加埋過士多啤梨雪糕，好滿足呀! yummy!

我地點咗個卡邦尼意粉$63，一個黑松露野菌意大利飯$73，一個蟹籽蟹棒忌廉意大利寛條麵$73同一個黑松露薯條🍟$48。因為3個可以跟餐，所以野+15蚊就可以配各款飲品。野飲方面，叫咗一杯(鮮奶咖啡）latte$15跟餐，一杯金牛＄15跟餐，一杯Macchiato $29同一杯軟綿綿朱古力$15跟餐。飲品方法，latte重奶，我鍾意比較較多奶嘅咖啡。意粉方面：卡邦尼同蟹棒寛條麵較cream同膩，所以好容易飽，而蟹籽嘅份量真係好多。而個黑松露野菌飯反而份量唔多，但都有黑松露味，但如果野菌多少少會更好。薯條🍟$48元，好大份。如果薯條軟身少少應該更好食。

由於工作需要，最近很多時間在旺角太子一帶遊走，每逢午餐時間，定必四出發掘好飲好食的新地方，今日來到太子界限街，找到一間意式西餐廳，見它的裝修美觀，餐牌選擇多，價錢又合理，只不過五十多元，便有餐湯、主菜和餐飲，今次點了西冷扒配薯菜、伯爵咖啡和流心朱古力蛋糕。先講餐湯，是日餐湯為蘑菇忌廉湯，每口湯都是打碎了的蘑菇，富口感，而忌廉味亦重，十分足料好飲。飲完餐湯，便上主菜，西冷扒賣相吸引，而扒質質素高，廚師生熟掌握得宜，不會過熟，配菜沙律新鮮清新，為整個菜式增加額外的分數。吃到最後，喝了杯伯爵咖啡和吃了流心朱古力蛋糕，伯爵咖啡伯爵味突出，混合了咖啡的味道，感覺特別，至於流心朱古力蛋糕，一切開便流出如熔岩般的朱古力醬，配上雲尼拿雪糕，中和了朱古力的甜感。整體而言，這餐飯質素高，價錢又合理， 十分值得推介。

呢個越嚟越凍嘅冬天，我哋呢已經感受到濃厚嘅聖誕氣氛，自己個腦仲時不時唱緊Jingle bells! Jingle bells!Jingle all the way!今日我哋嚟到 Cafe Paradise - 佢地由門口開始已經裝飾佈置聖誕等緊我地！ 我哋睇得出店主花盡心思張餐廳咁每個角落頭掛上好靚聖誕嘅裝飾，12月25號聖誕夜仲會有”普天同慶晚餐”連椅都係聖誕帽！再黎share 下我哋食的野先是日餐湯先由黑松露忌廉湯開始，個湯好濃，飲完成個人好溫暖香煎澳洲羊架配燒汁 ($178)主菜香煎羊架配燒汁，羊架整得好冧，好有肉味， 大約煮到七成熟，切開見到羊扒中間仲係粉嫩的，不得不提配菜係紫薯蓉黎㗎煙三文魚蜆肉天使麵 ($123)煙三文魚配上芝士白汁都十分之好食，白汁份量足夠沾上每一條麵，麵也煮得恰到好處，煙韌有嚼感是日甜品是日甜品係藍莓雪糕，唔太甜亦食到幾重藍莓味

是日和好友飯聚，找到了這間有心意的cafe，臨近聖誕節，店內已充滿聖誕裝飾；店內座位不多，有點家庭式很 warm 感覺，餐牌很可愛，打開有立體城堡食物方面有晚餐可選，不過因為大家什麼都想吃，就決定單點：凱撒沙律 ($58)很多芝士，而且沙律菜很新鮮又夠爽，凱撒醬份量剛好，個人很怕那種超多醬的沙律，好味黑松露薯條 ($43)熱辣辣的而且很重黑松露味，薯條也頗厚身，所以吃起東西很有質感，正芝麻雞翼 ($48)有微微辣，再配上芝麻，非常惹味～肉質也夠嫩，而且炸得剛開剛好，正忌廉海鮮意大利粉 ($78)份量很多，忌廉汁意外地不膩，而且意粉是個人很喜歡那種帶點硬的口感，好好味朱古力心太軟 ($48)心太軟比想像中大，而且不膩，裡面的流心做得剛剛好，兩個女生輕易 KO玫瑰花茶 ($52)本人是茶控，這茶壺很可愛呢，下面有火輕輕暖著。有很香玫瑰花味～正軟綿綿朱古力 ($35)朋友點的朱古力，超多綿花糖又香呢總括來說很適合朋友聚會，食物水準高，又適合傾計，值得再 encore

今日放假決定帶媽咪去歎下，揀左呢間位於太子既cafe。喺門口已經見倒店鋪換左聖誕既裝飾，即刻加哂分，因為本人係十分中意聖誕節架❤️店內都佈置得好有氣氛，感覺好溫馨🥰我比較肚餓所以揀左個午餐，午餐仲送餐湯同是日特飲👍🏻首先送上既係南瓜湯，湯底係用南瓜打成蓉而成所以好濃南瓜味仲加左忌廉令個湯飲落更滑更香！是日特飲係青蘋果綠茶，飲落有淡淡青蘋果味，紅茶無沖得過苦，值得一讚係飲品甜度剛剛好！主菜黎喇！煙三文魚蜆肉天使麵！天使麵煮得岩岩好，係Al dente既口感，而且每條麵都有掛上醬汁！忌廉汁好香濃又唔會太膩不得不提，店鋪用既唔係急凍蜆肉而係連殻既原隻蜆肉！所以令成道菜食落多添一份鮮味媽咪唔太餓所以佢只叫左下午茶set，配一杯飲品。呢個係芝麻雞翼配田園沙律。田園沙律係配芝麻醬，生菜爽脆，好新鮮！芝麻雞翼炸得好香口，層皮十分脆而內裡既雞肉好滑，我仲食倒有啲椒鹽味，好惹味媽咪加左$10要左呢個荔枝沙冰，荔冰味濃到好似食緊真既荔枝仲有係超大杯，睇相都見倒係滿到漏哂出黎！價錢實惠而且質素好高店員服務都好好，會主動提供share plate同收碟。餐廳仲提供好多唔同野食，已經諗好下次要試下risotto

Set Dinner $168前菜田園沙律沙律汁用上我最鍾意嘅芝麻醬，沙律菜亦都好新鮮。西蘭花忌廉湯香滑又濃郁西蘭花味，仲食到有薯仔粒。淨係前菜同餐湯都已經覺得餐廳好有誠意辣辣芝麻雞翼 $48雞翼炸到脆卜卜，而且仲好入味，不算辣，水準之作。黑松露炸薯條 $43呢間用嘅係薯條，食得出用新鮮薯仔，薯仔味好重，灑上少許紫菜，加上黑松露醬，好好味呀！蟹籽蟹棒忌廉寬條麵 $73寬條麵上鋪滿忌廉汁同蟹籽個感覺十分好，勁多蟹籽，好滿足，而寬條麵亦煮得出色，份量亦夠晒多，正呀！香脆豬手配燒汁 $168因為即點即焗的關係，所以豬手最後先上枱！果然沒有令我失望呀！熱騰騰的豬手，外脆內香！配上我至愛的紫薯溶，正呀！

I wasn't informed by the staff until the SAME DAY, that my online booking made through openrice for a birthday dinner wasn't available! Just 6 hours before my arranged dinner time! The staff kept explaining to me that they weren't able to see my online reservation and it was due to their limited venue space and asked me to move my reservation to 8pm or later... I shouldn't accept such explanation, as in that case, they shouldn't have accepted any online booking at all if they are SO concerned wi

今日行行下街，經過太子，見到呢間咖啡天堂，印象中聽過朋友之前閒談中介紹過，就比個名吸引左入去，位置都幾方便，太子一出行兩分鐘就到！黑松露野菌意大利飯一向係黑松露控的我們，一上菜就香味四溢，即時胃口就大開，當然就大家互搶，每人一口，食落有很Creamy的感覺，雖然份量唔算好大碗，但竟然食完兩人都有飽意，正！辣辣芝麻雞翼芝麻的香味完全滲入了雞翼當中，唔算好辣，由於我地唔係上菜時即時食，但係咬開脆脆的皮，入面的雞肉仲係熱辣辣，好有驚喜！黑松露薯條黑松露配薯條的確係近年幾常見的一個菜式，兩者配合起上來，比起用傳統的茄細，的確有另一番風味，仲要是我最愛的厚切薯條呀，薄薄的外層包住內裡的薯蓉，一口已經很滿足～

當日放工，好忙好攰。自己去試一試真正正宗德國香脆豬手。這家餐廳在鬧市中心。以我所知道德國正宗的香脆豬手在香港不多, 能夠做到德國人口中所說及的 'AL DENTE', 我認為祇有這一間餐廳做到。AL DENTE 的意思是, 肉類鬆軟度剛好, 最重要是有炭燒的口感。這款鹹豬手是非常特別, 入口滲透濃濃的炭燒味 我相信去過德國都食過這款名菜。他們的set dinner, 配搭一流。除了有湯之外,亦有一款沙律,以及甜品。同時西蘭花忌廉湯, 這款湯味道濃郁,質感一流。這款沙律，用料新鮮，沙律醬是芝麻醬。本人極力推薦。😊buon appetito!

見到界限街的cafe paradise 晚餐有德國豬手食，就諗住入去試下。飲品叫了榛子牛奶，飲落十分順口有cream主菜要香煎澳洲羊架配燒汁 - wow~ 份量足，有三件羊架，面頭有少少香草碎。配菜都不馬虎，有翠玉瓜件、矮瓜，仲有好靚顏色嘅紫薯蓉，見到賣相都已經吸引。我叫咗7成熟，羊肉切開有少少粉紅色，剛好最後抹茶雪糕，抹茶香濃可口，絕對合適。下次可以再試試

呢間餐廳位於紅綠燈對面，一過路就會見到， 門口有一個飾櫃， 擺左旋轉木馬擺設， 加上招牌好有浪漫特色， 就好似美國愛情電影中男女主角邂逅的街角餐廳。​​晚餐有五度菜，頭盤我叫咗薯仔忌廉湯， 湯入面有薯仔粉末 ，睇得出係真材實料唔係開罐頭。 前菜有沙律配芝麻醬，份量唔少，好健康！ 主菜，我要咗肉眼扒五成熟煎出嚟嘅肉質好嫩滑。 可惜比較薄身，唔係好夠喉。 甜品係cookies and cream雪糕。 最後配上一杯香濃咖啡， 成個晚餐5度菜只係二百鬆啲蚊，超值！​​朋友要咗蟹籽蟹棒意粉意粉醬好creamy好好味。另外叫咗心太軟甜品，係一個雲呢拿 雪糕加上朱古力蛋糕。朱古力蛋糕内有熱朱古力醬。一啖冰凍嘅雪糕加一啖熱嘅朱古力，真係食到冧曬！心都軟曬！可惜今日不是同老公來。​​餐廳位置唔多，記得訂位！

記得我約一至兩年前曾經到Cafe Paradise吃午餐，當時印象其實是普普通通的。近日發現它在太子地鐵站附近新開了一間分店，在好奇心的驅使下，便再次到訪，果然已脫胎換骨。店外的佈置很豐富，遠遠便看到，有旋轉木馬、水晶球、乾花，和相信是聖誕限定的聖誕花圈和聖誕樹。一進店內，有更多聖誕裝飾，座椅也穿上了聖誕老人裝，真的令人感覺聖誕快要到了！晚市有套餐和單點可供選擇，我們想試一試小食，因此便決定單點。瑞士雞翼（6隻）雞翼火喉控制得不錯，雞肉很嫩滑，也醃得非常入味，每人三隻，很快清碟，有點小驚喜是伴碟的沙律菜也有dressing的，有淡淡的柚子醋味道。蟹籽蟹柳忌廉意大利闊條麵蟹籽的份量非常慷慨，闊條麵口感al dente，加上蟹柳，整道菜很有口感，忌廉醬汁亦令人食慾為之一振，是非常美味的意粉菜式。黑松露野菌意大利飯意大利飯比想像中的份量要多很多，在飯面上的相信是mozzarella芝士碎，以及混入飯粒內的黑松露，也同樣給得慷慨。 吃下去令人感覺滿足又飽足，芝士和黑松露迷不容錯過。可能是Cafe樓底頗高的緣故，即使有不少客人，感覺仍然不嘈吵，是可以寧靜地享受晚餐的地方。

今天與好友逛過二手書店後，沿途看到這間Cafe門外的迴旋木馬及聖誕裝飾，十分吸睛，加上餐牌有大家喜歡的菜式，便入去吃個下午茶。當打開餐牌時，漂亮精緻的迴旋木馬紙雕彈起，打卡一流!我們點了煙三文魚蜆肉天使麵套餐、朱古力心太軟及飲品~忌廉湯，溫熱暖和，入口滑順，加入蜆肉及粟米粒豐富口感，香甜中滲出黑椒的辛香味，味美可口~煙三文魚蜆肉天使麵，天使麵條纖幼軟滑，滿佈濃稠的忌廉醬汁，配搭煙三文魚及蜆肉，細嫩鮮味，為天使麵添上濃厚鮮香的海鮮風味~朱古力心太軟，外層蛋糕鬆軟香口，富濃厚的朱古力味，內層的朱古力醬濃稠厚滑，甜香細膩的朱古力及牛油香味口中不散，與香草雪糕味道襯絕! 不得不讚心太軟切開後，香氣四溢，有流心效果，但又不至於全數流出，吃時不會像吃空氣般，也不會吃得狼狽!橙汁雜飲，果香四溢，香甜的橙味混合微酸的檸檬味，酸香怡人~焦糖鮮奶，口感柔順細滑，鮮奶中滲出微微甜香的焦糖味，甜而不膩，跟餐加配抵飲!店舖雖小， 但食物水準相當高，優質味美，朋友更大讚這裏的朱古力心太軟是最香口味美的! 眼見還有多款甜品可供選擇，值得再來品嘗!

同老公又黎食西餐，呢間之前同朋友係杏花邨食過唔錯，原來太子呢頭都有分店，門面裝飾好靚，好有聖誕氣氛！set dinner有好多唔同既配搭！樣樣都想試，豬手我好想試，但老公唔食我一個人食唔哂，唯有留返下次先試豬手，今次叫返其他野先「田園沙律」&「是日餐湯」沙律菜新鮮，白湯夠哂濃厚！今次叫左個「280克美國頂級肉眼牛扒配燒汁」$228肉眼扒肥瘦均勻，肉質鮮嫩有口感，配上燒汁十分Juicy配菜方面有紫薯蓉同茄子十分可口好味另外叫左個「香辣蜆肉炒意粉」$73估唔到都幾辣下，本身仲問左佢地拎辣椒仔，點知都唔洗落了個意粉本身已經好辣，好刺激好好食，意粉好入味！