Cafe Paradise (已結業)

聞說Cafe Paradise經常滿座，今日有幸訂了晚市時段。首先上菜的南瓜汁海鮮意大利飯，整碟飯沾上滿滿的南瓜獻汁， 飯粒有嚼勁。份量適中，但海鮮款式不多，只有兩粒小蝦，一粒小型帶子，兩條魷魚圈及幾條蟹柳絲。來到我至愛的豬手上枱，可能菜式不是此店專長，味道只是普通普通，豬手皮未能烤出脆身。反之，以壼與爉蠋盛上的花茶，更具風味，滿有溫暖的感覺，足夠倆人分享。

今晚約了姪女八點鐘晚飯, 慶祝她剛轉工成功, 又升了一級.  她提議去近太子地鐵站的 Cafe Paradise,  我同意了.  也先行打电話訂位.   行到店前, 見到很多客人正在等位,  細想幸好已訂枱, 否則要改去其他餐廳了.   細看這餐廳的外觀時尚,  白色的牆磚, 有兩朵雲端伴著, 頗卡通化. 右邊大玻璃窗可見餐廳內的熱鬧氣氛,  而我們的眼睛立即被窗前的彩色旋轉木馬及小擺設吸引.看看門前的晚餐推介, 食品豐富, 價錢大眾化.服務員替我們編好座位.  餐廳面積不太大, 但佈置設計用心, 入門有大大個木櫃內藏有不少精品擺設, 我們可細心欣賞.牆上有告示板貼滿客人留念照片, 有似曾相識的朋友 ??  我們要找找 !餐廳內裝修的顏色是柔和天藍色, 帶有英式風格, 使人感覺悠閒舒適.忽見店內有 "毛公仔狗" 在我們隣座 .  原來是餐廳的守衛, 幫店留位給客人, 太有創意 !!餐桌上有一瓶清水及餐具,   店員親切地送上餐牌. 我和姪女決定点晚市套餐,  (包括沙律, 餐湯, 主菜, 飲餐及甜品.  主菜七選一),  我們選了美國九安士西冷扒及煎龍利柳.  店員送隨即上:餐湯:

聽朋友講這間餐廳細細地，但等候的人都不少，所以今晚六點就過嚟試下Set Dinner 有湯，沙律，主菜，甜品及餐飲，份量十足甘筍忌廉湯，香滑清甜，好creamy 沙律菜清爽鮮甜，店員禮貌地說，如果不夠沙律小醬可以跟她說，服務態度一流香脆豬手配燒汁，名符其實，表皮真的很香脆，真的可謂皮脆肉嫩侍應還解釋，是廚師炆了半天，然後再半煎炸豬手皮，才做到肉夠入味，皮脆而肉嫩白色不是肥肉，而是像牛筋般口感，溶在口中，美味無比配菜有薯角和什菜條，份量真的非常足夠，但味道真的很誘人，不得不全部吃清隨餐附上士多啤梨慕斯，香滑，不會太甜，Sweet Ending 滿足的一餐很多粉絲呢

我在星期六訂了八時入席，但員工在八時用私人電話致電confirm booking而非用公司電話，於是我不以為然沒有回電。 後來我準時扺達但員工態度非常惡劣，拒絕讓我們入座並且沒有提供解決方案，以後絕不會光顧!

早排同男朋友慶祝一下記念日,就選擇book咗依間餐廳。入到去餐廳空間唔算大,不過暗暗嘅燈光都幾有氣氛。望望餐牌都有好多選擇,不過晚餐套餐方面冇我地想食,店員表示可以叫其他飯同意粉加錢轉套餐。其後我地叫咗南瓜海鮮意大利飯同三文魚蜆肉天使麵再加個芝士肉醬焗薯角。個南瓜海鮮意大利飯好好食,個南瓜汁好夾,不過大食嘅你食完個飯係唔會飽。而個三文魚蜆肉天使麵個汁唔會太脷，天使麵比意大利飯感覺上多其後上嘅薯角都好味,不過愈食愈咸話明記念日係book枱之前已經問過店員有冇蛋糕可以寫字店員話有。之後嚟咗我原本叫嘅士多啤梨慕絲蛋糕,見到冇字有點失望.食咗啖OMG有點怪怪 男朋友話似藥水味.其後有店員發現錯咗order補送翻個檸檬撻俾我地仲畫得好靚幫我地影咗相整體嚟講不過不失,服務都貼心嘅

八點三左右來到「Cafe Paradise」 見到一班人排隊 睇嚟好受歡迎.... 好彩小妹有book檯嘅良好習慣 唔洗等好耐～～店外有精美嘅小擺設 店內又貼滿客人留影和留言坐低之後 店員率先送上menu和一瓶清水 咁客人就唔洗成日叫人加水 方便得多啦呢度嘅set dinner頗豐富 有湯、沙律、主菜、甜品和飲品... pasta散叫都只係$5x-6x 唔算貴「荔枝疏打」的味道幾自然 底部有荔枝味糖漿 攪勻之後唔係特別甜 加上檸檬 感覺清新是日例湯係「野菌忌廉湯」 份量唔多 作為頭盤 剛剛好 裡面嘅菇唔係一舊舊/一塊塊 而係切成好細粒 飲得出蘑菇和忌廉一齊熬過一段時間 兩者的味道融和了沙律醋本身落得唔多 不過店員話唔夠可以加 小妹欣賞呢種做法 因為太多就無得減 始終食太多調味料無益 蔬果都係天然啲好Main course係「煙三文魚蜆肉天使麵」 煙三文魚全熟 煮得好淋 好易碎開一粒粒 同麵撈勻食都唔錯... 很喜歡個汁 有一定嘅濃度和黏性（好驚啲麵煮到汁還汁 麵還麵）食落好有risotto嘅feelmad 蜆肉細細粒 但都有差不多十隻追加一客小食——「香煎墨魚餅」 襯以泰式辣醬 魚餅裡

星期六的晚上，我相約了相識差不多10年的舊同學來到她工作的地方附近吃晚飯，晚上7時多全場都滿了，我只好們在門外相等了一會！當日我們選擇了:2套餐+2小食我們選擇了:2個套餐加2個小食小食:。炸薯條配黑松露醬。(hkd38)炸薯條熱騰騰，加上淡淡黑松露醬即刻食也不錯，但是過了15分鐘左右就不脆了，炸薯條油溫和時間是否要再調較？。瑞士雞翼。(hkd45)別以為雞翼黑黑的一定得咸，但其實味道剛剛好！甜甜的！另外2套餐有:2碗南瓜湯。沙律。我不喜歡飯飲南瓜湯，淺嚐並學得湯味道是清淡的，只有淡淡的南瓜味，而且瓜肉全磨成蓉沙律是新鮮的，沙律汁沒什麼特別！兩個主菜我們選擇了。卡邦尼意粉。(hkd118)這意粉不是每間餐廳都煮得好，這裡的煙肉質素略嚴差，但味道香份量也很足，意粉不是一早烚定的，不會過腍不會過硬。香辣蝦意大利飯。(hkd128)意大利飯是微硬，以蕃茄汁作基底，微微的辣很醒胃！除了幾隻鮮蝦之外，另外有一隻日本吉列炸蝦，這令我覺得是日式意大利飯！飲品:。黑牛。(套餐加15元)是可樂加朱古力雪糕，雪糕內有朱古力碎，非常好飲！。薄荷朱古力。(套餐加15元)朋友飲的，不知味道如何甜品是日百香果慕絲

昨天到這裡一試 all day breakfast, 點了Paradise Vegetarian 同 mocha, 食物質素ok。但想特別一提的是店內一位帶眼鏡的女侍應，她特別令人印象深刻。當時店內人流不多，她允許人客可以隨便挑選座位。（這是現在香港很多食肆不容許的，即使店舖人流不多）點餐時一個眼神，她便過來詢問我的需要。點餐以後，她自動捧上我可能需要的調味料。進食時不小心把食物濺到衣服，她立刻提供濕紙巾。離開時，她更主動為我開門。這種服務，即使是香港的酒店也少有這種服務質素。所以懶寫評論的我，也一定要在這裡表揚一下。

約左朋友去旺角行街，行行下大家行到去太子個頭，索性係個邊覓食，上網睇睇下發覺有間叫Cafe Paradise，個名勁熟口面，睇真d上個月係長沙灣個邊幫襯過佢既分店，上次感覺都唔錯，今次決定再試理太子呢間。餐廳既外觀同長沙灣個間係孖生兄弟，一樣係純白色磚牆，門外的旋轉木馬擺設，絕對唔會認錯。座位方面 ，就有6張4人枱， 距離唔係太大，但都可以接受。我地張枱旁邊重有一對狗狗坐緊，好搞笑。上次試左佢個肉眼扒，今次就試下佢地個意大利飯啦。海鮮南瓜汁意大利飯 $73....外表睇落唔錯，分量就少左dd,岩細食既女生，男仔應該唔夠。意大利飯混合左南瓜同濃濃既忌廉，都係第一次試南瓜汁配飯，估唔到好match，飯粒有咬口，海鮮係切到幼絲混理係飯入面，個飯好正～瑞士雞翼$45...本來侍應推薦芝麻雞翼，但係唔太想食炸野，所以叫左呢款小食，有6隻雞翼，佢地用左中型雞翼，味道似黑醋混左糖調味，雞翼非常入味，朋友好搞笑話一食落好有媽媽牌既感覺，似屋企菜。野莓沙冰$38.....夏天甘熱，叫番杯凍野是好正常的。杯野飲好足料，飲得出有莓同理無特別加糖水落去，呢個沙冰可以抗氧化，又粉紅色甘少女，抵飲啦，哈哈哈

夜晚食番餐好既Cheer up 下，行行下就比呢間Cafe外面舊雲吸引左個眼球，白色外牆係芸芸眾多黑漆漆既店鋪中相當突出，門口有個迷你旋轉木馬，再望落少少餐單，價錢OK, 再望理下入面，環境好似好得，好! 即刻入去試下。時間都算尚早，剛好是餐廳第一輪入座時間，餐廳是L 字型排列餐台，左邊是一些簡單擺設，雖然店內空間不大，但比客人感覺舒適放鬆。我地6點鐘入座，過左15 分鐘就聽到侍應同walkin客講滿座， 門口有人想入來都已經無位，果然無選錯。美國肉眼牛扒配燒汁（7 成熟）$208真係好大塊，可以兩個人share。配菜都唔馬虎，薯角外脆內軟，點住茄汁甘食，我趁住朋友幫手据開塊扒之際一個人都ko左大半，真係食唔停口，翠肉瓜同甘筍好長啊，同塊扒甘上下，講番塊扒，真係無得頂，10 分有9 分，醃得非常入味，肉汁鮮嫩，非常有肉味，燒汁有點綴作用，唔會搶主角既味道，呢個菜值得一叫。墨魚餅$32餐廳好細心幫兩塊餅切開6件，餅上面有香草調味，但如果入面墨魚分量再多少少，口感會更豐富。檸檬mousse 好重檸檬味道，好fresh 既感覺，細細舊，作為飯後甜品岩岩好chocolate@paradise

生日同朋友試新味道，參考其他食評路線，兜左一陣就見到cafe paradise。地方有點窄，每檯位置真係好近。食物方面，我點左西冷牛扒set dinner。前菜：是日餐湯同沙律餐湯：侍應姐姐話有少少薑，其實唔係好重薑味，整體不過不失沙律：應該放左酸醋，有啲菜嚼完會苦西冷牛扒：老闆（？）有問要幾成熟，叫左5成。裡面真係仲有紅紅地，唔會太老。跟餐薯角：好熱好脆，好幸福加15蚊換野莓沙冰：好滿好滿，但有點失望，因為唔夠酸。以往都係唔同店飲過野莓沙冰，係好夠味，呢個反而做唔到，味道略淡。是日甜品：應該係檸檬慕絲蛋糕，無咩特別，有淡淡檸檬味。有樣要讚，我未見過咁服務周到嘅店，訂位會有電話confirm+wtsapp通知。會同你講解菜式有咩特別，侍應姐姐仲同我朋友講杯凍檸茶茶味會有啲淡😂😂老闆又上多左一次甜品（我地有同佢講，無食到），走個陣侍應姐姐幫我地開門。雖然只係小事，但佢地好似當客人係朋友咁，好窩心。服務而言，我係覺得爆燈

見食評唔錯，於是同個朋友黎tea 下，先點tea set 加$20轉花茶，點知侍應話花茶只有一壺，無得refill問我o唔ok? 加錢仲要無得refill 啲熱水？ 真係十萬個？？？ 最後我轉叫玫瑰朱古力，味道不錯，但不夠熱。松露蛋同多士都ok。最奇怪係到五點幾叫我地埋單，跟住話六點有人book左枱，到六點十五分，侍應吹我地走，話有人book左枱，望晒全場仲有咁多枱，走嗰時只見一個女人喺入口㩒電話。其實如果佢地只係想休息落場，只要老實講就可以，剛才的花茶事件同訂枱事件，只比人感覺趕客。*行去洗手間時要小心，有個女人頭先成個人冼到仆左落地，之後講左一句「點解個地咁冼」，當時都幾應聲下，但就無侍應去問侯一聲，好奇怪。總結我唔會再黎呢間餐廳！

2016年8月31日(三),係我生日!細妹知我對呢間Cafe一直心思思,決定同Joey妹一齊請我去食生日LUNCH!一去到門口,旋轉木馬,集張郵先!我哋中午12:10去到,啱啱開門無耐,所以唔駛等位!環境優美,卡位舒服,但地方唔大,相信只能容納唔夠卅人!由於事前已喺Openrice做過唔少功課.我好快揀咗西蘭花雞肉意粉,細妹同Joey妹揀咗All Day Breakfast,另加一碟芝麻雞翼!等餐期間,問起四眼哥哥點樣可以成為牆上面即影即有相片主角?四眼哥哥話佢哋俾部相機我哋影兩張,一張歸Cafe,一張歸我哋,我哋決定幫襯!有幾點想讚吓先,店員員態度溫文有禮,我問問題願意詳細解釋!每張枱有一大樽水任客自己添之餘,我未出聲,店員已主動成支地捫茄汁送上枱(因All Day Breakfast有薯角),真係大方又得體!食物方面,我碟意粉好味又大碟,我加咗好多茄汁,更加好味!食完已飽!細妹同Joey妹份All Day Breakfast亦唔錯,我試咗少少炒蛋,好味又好滑!薯角熱辣辣,點茄汁Ichiban!跟餐橙汁明顯係果汁先生,味道不過不失!我碟意粉加$15換咗細妹杯咖啡,奶同糖分開上,方便客

等左45分鐘， 終於可以坐低食野， 落完單之後等一陣有野食黎啦， 但係食飯當然係同朋友有傾有講啦， 野都未食完蝕侍應就急住收野， 叫左幾次話仲食緊都係要收， 最後近一小時果陣仲叫我埋單話夠鐘， 冇野呀？

入去一小時未夠，食緊野時，已不停想收我們未吃完的食物，個多小時後，更要求我們結賬，話出面有客等緊。如果限時，為何不事先講明或寫明？結賬後，我們收好東西，又不斷望實我們。