Café Lab (已結業)

繼續長沙灣覓食！可能位置較偏，假日條街人流明顯較少，12點左右都係得我地一枱，包場感覺唔錯😙 環境裝修好舒適帶文青feel! 我地揀左Lunch Menu (包沙律、主菜同飲品）吉列魚柳竹炭漢堡包伴他他汁配薯條 $78 呢個漢堡大推👍🏻 竹炭包脆皮唔會淋帶芝麻香，魚柳炸得好香脆，配上芝士同他他汁，真係好食！薯條新鮮炸起，好味😋香煎慢煮豬梅頭配香草燒新薯仔 $78相比漢堡，呢個就較遜色了… 不過豬梅頭好淋帶少少𡁻口，份量唔會太少本來仲想叫件巴斯克芝士蛋糕，不過今日無，只好食少當減肥😂😂如果想舒服傾下計，呢間係唔錯既選擇，食物質素唔錯👍🏻==================== 推介度：❤️❤️❤️❤️CP值：👍🏻👍🏻👍🏻好味指數：👅👅👅👅====================

呢期鐘意試新餐廳，就約埋有興趣既一個朋友一齊去左一間隱世cafe試新野。佢位置唔太近地鐵站，但係店外有得泊車，都算幾方便。炸薯條配黑松露粗薯條加埋黑松露忌廉醬係一個超夾既snack，黑松露味又夠香，係一個十分好既snack🤤風乾巴馬火腿伴蜜瓜擺盤勁有心思，好靚❤️除左好食之外，仲係一個值得打卡既starter🥰慢煮加拿大豬胺豬胺夠厚肉又juicy，有咬口，加埋餐廳自己整燒汁，好好味😋side dish既薯仔輕輕焗過，加左少少鹽同香草既調味。燒法式香草羊架7成熟既程度剛剛，而且佢地做得唔會太膻，但係又會保留番羊肉獨有既膻香味道。肉質好軟嫩，可以算係我近期食過最滿意既羊架之一👍side dish既薯蓉都好正，調味同質地都剛剛好。反而係蔬菜既side dish我就覺得可以調味再重手少少。焙茶latte我最鐘意既飲品之一，味道夠濃郁，奶都打得唔差，推薦👍蝶豆花玫瑰荔枝梳打好靚好打卡既一杯飲品，朋友話荔枝味幾重幾好飲👍雲greek yogurt味既外層，包住酸酸甜甜既熱情果味mouse同蛋糕，食落去感覺好舒服🥰而且佢上枱既方式有驚喜，建議可以去試一試👍

又係時候出城尋找好野食嘅時候😋今次聽朋友介紹去左一間性價比好高嘅餐廳☺️雖然餐廳位置比較偏僻，但肥妹仔都覺得好值得一試家👍🏻餐廳入面嘅裝修好似家嘅感覺，好舒服🏠員工就只有2夫婦，一個負責廚房，一個就做樓面，所以野食可能會耐少少，個質素一啲都唔差家帶子刺生薄片$108簿簿嘅帶子好鮮甜，配合埋白松露油同山葵沙律醬好特別，擺設仲好靚😍燒法式香草羊架$178羊架用左slow cook 嚟煮左個半鐘，大約六/七成熟，但肉質都唔會有臊味😻配合埋薯蓉真係好好食慢煮加拿大豬鞍$168肉質柔軟多汁🐽佢地嘅燒汁都好特別，一啲都唔會好似出面果啲得個死咸果隻😋另名伴碟嘅蔬菜都好爽口，薯蓉口感滑溜👍阿根廷紅蝦扁意粉$98🍝意粉用鮮蝦煮成嘅醬汁炒埋一齊，扁意粉口感好爽口，另外蝦都好新鮮，經火炙之後，半生熟食落爽口🦐凍芝麻牛奶$38🥛芝麻味都好濃郁，而且唔會太甜，清清地幾好飲玫瑰洛神花茶$48🫖微微酸甜甜地，飲落好舒服同開胃☺️月亮Moon $58Oreo 曲奇餅底，加上朱古力慕絲，包住榛子碎同埋榛子忌廉，月亮嘅外型，岩曬中意打卡嘅人🥰

90s👦🐥情侶吃貨|😚飲食著數|🇭🇰hkfoodie🍽️(👦)自稱三星米芝蓮食評家(🐥)自稱拉麵沾麵專家👉 主打不專業食評🍽️👉 快閃飲食著數🤑____________👉 不專業食評🍽️.【芒果蟹籽蟹肉沙律】HK$88【燒美國安格斯封門牛柳】HK$198【燒法式香草羊架】HK$178【雲 - 藍莓乳酪味】HK$58.(👦) 餐廳新開裝修唔錯，內裡空間唔算太多，文青木系風格非常適合打卡。今次就試咗餐廳推介既幾道菜式，👦打開menu第一個感覺就覺得以晚市西餐黎講，價錢相宜，一份安格斯封門牛柳都只需要$198，CP值唔錯👍👍.味道方面，👦比較喜歡安格斯封門牛柳😍😍 外表煎香內裡仍然有5成熟既嫩滑，口感唔錯！再加上有黑椒等調味，另到牛柳更加惹味😋😋 燒法式香草羊架採用慢煮方式處理，其實同樣值得大家一試，👦就覺得羊羶味可以再重d就更好🤪🤪 .另外小店都有幾款精緻蛋糕甜品揀選👍👍 👦覺得食完主食唔夠飽可以考慮一下🤣🤣 今次👦係晚市去的，所以能夠以優惠價$48加購的話都唔錯！店家可以考慮下以呢個蛋糕甜品做埋節日慶祝寫字的話確實呢度都幾合適同朋友一齊食生日飯~.👦總分評價：⭐⭐⭐⭐(3/5)--- 食物：⭐

依排成日係長沙灣周圍捐窿捐罅搵野食😁，係元州街同青山道行嚟行去都唔知食乜好，肥仔我就靠住為食嘅精神一直行到尾，就係近明心醫院附近俾肥仔我發現到依隻係漆黑中嘅螢火蟲 @cafe_l_a_b 🤩四圍黑孖孖，唯獨CafeLab鋪面透出好柔和嘅。肥仔當然要搵埋朋友嚟一齊食啦😬餐廳佈置偏向木系，係鬧市中都可以俾到人一種溫暖嘅感覺，加上播放音樂令人覺得好放鬆🧘重點食物都唔錯呀😋帶子刺生薄片$108帶子新鮮鮮甜，再白松露油同山葵沙律醬一齊食味道再多啲層次🤤擺碟又靚，啲花花仲可以食埋添🌸阿根廷紅蝦扁意粉$98🍝用蝦頭煮汁意粉食起上嚟蝦味好濃郁，另外蝦身夠新鮮再經火炙，半生熟口感彈牙味道鮮甜🦐廚師仲特意根據香港人口味改良意粉嘅煮法慢煮加拿大豬鞍$168慢煮一個鐘，肉質柔軟多汁，再配埋燒汁味道更出🥩配菜薯蓉非常出色，蔬菜爽口，薯蓉口感滑溜👍燒法式香草羊架$178慢煮一個半鐘，上碟果陣羊肉呈粉紅色 ，大約六/七成熟，肉質非常柔軟又冇臊味😻落單時會主動問需唔需要再煮熟啲，咁就因各人口味決定啦😬再配上出色嘅薯菜芝麻牛奶/凍$38🥛飲落似芝麻雪糕唔會好甜，輕身唔漿口，仲有黑芝麻碎玫瑰洛神花茶$48🫖微微酸甜甜地，

高CP值西餐 & 甜品打卡靚😍 位於長沙灣/荔枝角中間！Pet-friendly餐廳🐶 我哋當晚去到，隔離枱都有帶🐶入嚟一齊坐添！🥇燒法式香草羊架。$178慢煮得好好食！仲見到羊肉係呈粉紅色，入口肉嫩多汁，羊騷味唔會太重，配埋香草味好夾，個人覺得唔使沾佢旁邊嘅燒汁已經單食都好好食！ 配菜嘅薯蓉亦都好滑，睇得出店家連配菜都係用心製作👍 呢個價錢食得出咁高嘅慢煮質素，同埋有成3大支羊架，整體CP值都幾高㗎！必定推介🧡🥈雲 -藍莓乳酪味。$58一上枱已經好適合打卡，成朵雲嘅外型咁，真係少女心爆棚😍 入面blueberry yogurt味道好濃好突出，mousse唔會太甜， 用嚟做飯後甜品解膩都幾正！呢間餐廳其他甜品都好靚好適合打卡！下次有興趣想試下其他款式😉🥉芒果蟹籽蟹肉沙律。$88顏色搭配得比較靚同精緻，蟹肉都好夠多，食到最尾都仲有好多蟹肉同芒果，沙律菜配甜甜嘅芒果醬汁，配埋青瓜同車厘茄，又fresh又甜嘅口感個人都幾滿意👍4️⃣ 燒美國安格斯封門牛柳。$198個人覺得單食唔點燒汁已經幾好食，旁邊嘅薯條好脆好香口，令人食過唔停， 我哋嗌五成熟，肉質依然粉嫩，火侯控制得幾好

位於長沙灣區，原來又開左間新cafe店内坐位唔多！但食物質素真係非常好係高水準既cafe👍🏻一邊牆上掛上乾花 另一邊有兩幅油畫 餐廳整體環境好舒服☺️慢煮加拿大豬鞍$168一塊塊切好哂🤤勁方便我呢啲懶人😂醬汁係配照燒汁肉質勁嫩，好香 好好食👍🏻燒法式香草羊架$178慢煮羊架7x熟，呈現粉粉地紅色本身唔食羊既我都忍唔住要切一塊試下🤤對面的羊肉愛好者表示，非常正👍🏻👍🏻👍🏻小食炸薯條配黑松露$68勁多黑松露醬🤤每條都食到風乾巴馬火腿伴蜜瓜$98一黎到個擺盤非常美😍好似個花藝術品😆培茶牛奶（熱）蝶豆花玫瑰荔枝梳打（凍）成杯飲品勁令💜係我鐘意既顏色甜品揀左白色既雲💭(Mousse, passionfruit curd & coconut dacquoise )一上碟既時候打開蓋有白色煙燻真係好襯個甜品主題😍其實除左位置唔算係大街呢個問題整體我覺得都好正，值得再去既餐廳👍🏻每個甜品都好吸引😍😍😍

長沙灣穩世小清新餐廳， 位置旺中帶靜，有幾幅油畫點綴，晚上漆黑中一望就見到的簡潔招牌，環境非常舒適，同幾個朋友過嚟食個晚飯，夠晒chill!所有出品都是用心之作！從出品的細緻度和老闆的用心介紹都睇得出老闆對西班牙意大利菜的一份堅持！玫瑰洛神花茶造型同樣是簡約風，有陣陣玫瑰清香，簡單而味道一點也不馬虎！芒果蟹籽蟹肉沙律🥗用料新鮮，味道非常清新，還有精美食用花點綴，望到已經非常開胃！巴拿火腿伴蜜瓜造型精美，有不同形狀的蜜瓜配襯，設計有心思！阿根廷紅蝦扁意粉，有大大隻新鮮刺身蝦加一點點火炙，味道非常清新！ 扁意粉入口沒有太creamy的油膩感，加上精美的食用花點綴，絕對是誠意之作。燒法式香草羊架， 是最驚喜的一道菜。用慢煮方式調製，約六成熟，配襯非常creamy 的薯蓉和醬汁，完全沒有羶味，是少有的清新感。

約左個護士朋友黎左間隱世清新小店，就係明愛醫院隔離。放工想refresh 去chill唔洗去咁遠，平平地就係長沙灣這條斜路上。靜靜地chill 下傾下計，扮文青一下，看着掛在牆上的油畫，在繁忙的都市裡感覺到一絲法式的詩意。每道菜都感受到店主二人夫妻檔的心思和甜蜜。玫瑰洛神花茶 - 玫瑰花的香氣配上洛神花的養顏，相當醒胃。見到飲品menu都已經心心眼😍 玫瑰碟豆花荔枝梳打。賣相不但只吸引，荔枝味清新不太甜，推介👍🏼真蟹肉芒果蟹籽沙律- 最驚喜係有真蟹肉及我最喜歡的火箭菜，火箭菜的比例超過一半。 👍🏼👍🏼👍🏼吸晴哈密瓜Pama ham 聖誕圈。最最最欣賞這店的擺盤，每一碟都是藝術品，充滿着詩意。紅蝦扁意粉🍝唔單止賣相夠chill, 火炙紅蝦帶着煙薰的香氣，蝦身爽脆加上非常入味的扁意粉，盡顯大廚功價。絕對不是汁還汁，麵還麵。是高級法國菜才有的配搭和口感。慢煮羊架👍🏼👍🏼👍🏼- 好食到暈😋肉質軟滑，羊味不霸道和那陳年的黑醋汁相得益彰。薯容也不馬虎，不是普通的料子。喜歡羊及薯蓉的萬勿錯過。 每道菜都不計成本用上高級的食材加上精緻的擺盤，感受到大廚對食材的用心和執着。值得支持！ HA員工仲有9折，

呢期成日去長沙灣通常都係食餃子多，食到悶悶地，今次去咗明愛出面一間新開嘅文青小店，返咗成個星期，獎勵下自己。佢鋪頭裝修簡約日系，可能因為閑日夜晚，比較少人，我哋可以任坐。我估主廚同waitress係兩夫婦，精心打理自己嘅鋪頭，所以野食等都好用心整，下面講返。首先叫咗芒果蟹籽蟹肉沙律同炸薯條配黑松露同朋友share。等咗一陣，首先黎係沙律，七彩繽紛，砌得好靚。佢啲醬汁係芒果肉打碎淋上面，唔係一般餐廳用醋。沙律同蟹肉都好新鮮，配埋啲芒果醬，甜甜地，而蟹籽就提供少少咸味。令外芒果係鮮芒果，而且好甜，好好食。之後薯條。滿滿嘅黑松露醬，香得黎又唔太搶，外面食開果啲黑松露醬陣煤油味太重，呢度就平衡得好好。炸野油溫控制好緊要，要夠高先可炸得靚，之後先係控制時間，唔好炸過龍，佢兩樣都做到，好好食，十分推介。主菜有魚同肉，之前睇openrice餐牌有肉眼，不過現場轉咗封門牛柳，正合我意，少啲脂肪，冇咁大罪惡咁。如果係扒或者我會叫全熟，不過係牛柳，所以叫七成。汁係燒汁，開頭倒少少黎試覺得有啲太甜，不過點牛柳食嘅話，意外地夾。牛柳表面燒得好夠火候，有啲高溫加熱先有嘅牛肉焦香味，而入面都幾淋。雖然冇脂肪，但都

近日長沙灣既話題文青cafe! Cafe Lab.，打破我對文青cafe得個樣既印象。經明愛醫院朋友介紹，話最近開左間裝修好靚，好坐，味道好食既文青cafe，慕名而試。入到去真係冇令我失望，木系裝修再加上符合人體工學既枱櫈（很重要！否則會腰骨痛），入面播住宮崎駿嘅純音樂，舒服嘅環境令人喺假期嘅時候可以帶着輕鬆嘅心情用餐。餐廳以西餐為主，另外見佢仲可以預訂蛋糕。主食：阿根廷紅蝦扁意粉($98)紅蝦係火炙上，食落去有甜蝦既感覺，幾特別，意粉口感al dente，加上大蔥+紅蝦汁，每啖都充滿鮮味。我自己就唔係好鍾意食忌廉，所以依個意粉就係一個好選擇。燒美國安格斯封門牛柳($198)：封門柳無咩筋，食落去口感柔軟，煮七成熟唔會過熟，本身舊圭門柳已經好有牛味，加上微量調味，唔會蓋過原有肉味，非常好食，覺得唔夠味仲可以加燒汁。芒果蟹籽蟹肉沙律($88)大大碟，沙律菜同蟹肉都好新鮮，芒果食得出係新鮮既，而且好甜，係誠意之作。黑松露薯條($68)份量勁多，薯條係即炸，但唔會炸得太脆，口感岩岩好。松露醬亦都調配得岩岩好，唔會有種強勁既石油氣味。然後就到我最期待既甜品！佢個甜品有櫃有唔同款打卡able既甜

上星期約咗閨蜜去 一間新開嘅cafe。我哋揀去呢間cafe係因為比佢杯飲品吸引到。估唔到佢啲食物都幾得！蝶豆花玫瑰荔枝梳打 48蚊味道好豐富/幾好味嘅一杯飲品。面頭加咗幾朵玫瑰花乾/ 一大粒荔枝肉。有啲紫色嘅碟豆花汁。底部有透明色嘅荔枝梳打。 荔枝味好出，加埋淡淡嘅玫瑰花味，幾好味。 賣相都好得芒果蟹籽蟹肉沙律 88蚊呢個好清新好新鮮好fresh😜初初以為會有好多沙律醬, 點知佢用芒果汁做醬汁, 我覺得係更好嘅選擇!! 佢啲火箭菜同埋其他沙律菜都睇得出好乾淨😆同完全冇苦味😍芒果肉食落好甜，啲蟹肉又係好鬼死多香煎盲鰽魚柳 158蚊魚嘅份量好大, 皮脆肉滑, 下底有個薯蓉伴碟😍， 佢個忌廉汁另外用器皿畀我哋， 可以畀我哋鍾意倒得多又得倒得少又得！打卡仲好靚添😍📸巴斯克芝士蛋糕 58蚊巴斯克芝士蛋糕面頭燒至焦脆，芝士蛋糕好creamy，唔會太甜太漏。面頭嘅焦香味中和左蛋糕嘅甜味，唔錯。P. S. 當日隔離枱有一枱女仔慶祝生日，佢地應該預先同餐廳order左，兩件mousse蛋糕擺係寫上happy birthday嘅碟上，好靚♥️

今晚同另一半食晚餐，去左cafe天堂-長沙灣。不過就冇去到好hit嘅cafe, 揀左間新開嘅cafe。雖然係閒日，但舖頭都算多人。叫左封門柳同蟹肉意粉燒美國封門柳 198蚊本身餐廳嘅主食係燒美國極佳級牛肩胛肉眼。當日menu已轉，賣緊封門柳。餐廳表示封門柳嘅肉味會更加濃郁。的而確係！牛肉味好濃， 好juicy， 同好林❤️❤️❤️ 薯條相伴, 佢啲薯條用粗嘅，超脆好有薯仔味, 初頭仲以為係新鮮薯仔整嘅😂😂碟上總共有兩大塊肉，非常之厚， 目測有平均3cm高。我哋叫咗七成熟, 牛排的確做到要求熟度。香蒜蟹肉扁意粉 88蚊上碟熱辣辣, 擺盤都好靚❤️, 面頭有朵花 🌼意粉嘅質地烚得啱啱好👍🏻, 撈埋蟹肉🦀同埋佢啲配料好正, 重點係佢啲🦀肉一啲都唔少

餐廳由一男一女👨‍🍳🙎‍♀️打理，女仔負責咖啡拉花/樓面工作，男仔負責喺廚房煮野食。兩位都非常落力用心。見到隔離食客嘅咖啡拉得好靚，食物亦都煮得好好味。🦐阿根廷紅蝦扁意粉 98蚊✨亮點1阿根廷紅蝦係刺身級嘅紅蝦，可以選擇火炙或者煎至全熟，我哋揀咗火炙。火灸嘅效果幾好，蝦味濃郁。總共有2大隻。✨亮點2意粉質地煮得非常好，選擇得幾好，扁意粉嘅粗度同厚度都揀得幾好。意粉好似用左龍蝦湯去煮，亦都可能係用左紅蝦頭＋蝦殼去煮，意粉索到湯嘅味道，不過唔會太濃味。✨亮點3意粉只售98蚊，但質素喺中環200蚊嘅貨色，性價比超高🐖慢煮加拿大豬鞍 168蚊豬鞍份量好多，有好香嘅炭燒味，啖啖肉嘅感覺。配菜有驚喜，用左creamy有薯粒牛油香味嘅薯蓉做底。上面仲舖左青瓜黃瓜青椒蘿白條等嘅蔬菜。

喺長沙灣One New York附近，通常都係得茶餐廳或者一啲餃子店，如果想食西餐通常要行去荔枝角附近選擇先比較多。好開心呢頭開咗一間唔錯嘅西餐。前菜要咗個parma ham配蜜瓜沙律，餐廳採用嘅ham質素唔錯，唔會有油億味，亦都唔會好肥。會想蜜瓜一齊食，超正而且上邊林上咗黑醋嘅醬汁，味道甜甜酸酸，口感非常清新。呢個價錢來講，其實真係幾抵。主菜要咗個封門牛柳，要咗五成熟，廚師手勢非常好，生熟程度恰到好處，切開仲有粉嫩嘅紅色，肉質比較軟熟，唔會話好銀好乾柴。