Café Kool

营业中

休息中

好耐好耐冇食過BUFFET 同朋友食餐生日飯 佢又諗唔到食咩好咁我就發板話食BUFFET 因為咩都有得食 唔洗煩呀嘛我地當日食6:30 我地一行2人就好準時到左見到成堆龍蝦山已經流曬口水啦我地又有蟹腳青口 好多好多海鮮 但好值得一讚係佢個叻沙細細碗 好好味 魚片豆卜果D索曬D汁 正呀 果日掛住食食食 其他相都冇咩影到 食到攬住個肚走呀真係

國際風味特色自助餐提供多種風味既菜式,有印度,日本美食開放式廚房 一次過曬冷各種各樣食材每日不同既招牌菜有多款口味既雪糕可供食客選擇招牌海鮮湯,烤和牛,魚子醬多士,西班牙烤豬黑毛豬火腿,片皮鴨等等甜品有自己招牌心太軟,芝士蛋糕,馬卡龍海鮮有龍蝦,蟹腳,麵包蟹,蠔就視乎季節供應不同品牌每人限取,食完再拎,即叫即開蠔熱食款式不算多,但整體水準賣相一般有點心,燒味,五花腩斬到碎濕濕 賣相有改善空間蟹腳,螺蜆等海鮮凍盤質素可以接受刺身 以三文魚同八爪魚相對出色甜品都係一杯杯小巧精美,但味道真係比較一般煎PANCAKE最好食唔係每樣都好食,但如果未黎過,可以豪一次開飯喇有優惠卷,可以有折扣

預早兩星期book位都好期待，之前在openrice睇過食評介紹服務和食物質素極佳。果然無伏。環境和坐位非常舒服。待應們招呼和服務真好好，不單有笑容而且會介绍他們食材配搭，真不錯。冷盤海鮮每一幢都擺放得好宏偉和整齊，而且非常鲜味。熱盤選擇多，有印度咖哩，湯麵，点心，壽司刺身，車輪大芝士，意大利粉，炸物等。燒味，竟然有片皮鴨。牛扒和羊肉質嫩滑。甜品也花多眼亂，只試了幾款，芝士蛋糕好味道。新鮮水果製雪糕也不錯。整體超出我預期好。

·呢輪真有食神，肥榮星期晚中咗馬，請晒我哋今晚去香格里拉食自助中午餐，呢次係今個星期第二個自助餐了。 貴為老牌五星級酒店，啲嘢食的確係高級好多。芝士、麵包好、火腿都係高級，連Parma Ham 都有得食，真心好食。 連燒肉、油雞都有，迎合到中國大叔和大媽口味。我食咗一粒燒肉，個皮好脆好正。 海鮮類有蜆、蝦、蟹，仲有較少有得食的蟶子，一味道鮮甜可口。 新鮮刺身都有，最受歡迎當然係三文魚。 意粉是即叫即造，揀好材料配菜之後，靚仔廚師就好快手整俾你食。唔鍾意食意粉的話，就可以食魚蛋粉，配料好多任人揀。 印度嘢都有得食，不過我就嘛嘛，怕辣。 甜品款式好多，馬卡龍做成棵樹，就係要影張相呃個like先。· 聽講呢度個自助晚餐仲多嘢食，希望肥榮下次中多啲，再請我哋來食過。

都一排無再去九龍香格里拉cafe Kool，我比較喜歡來九龍呢間因交通就腳，但兩間服務都係一流，我剛坐低想要杯熱水，waiter二話不說就成壺熱水攞俾我，而且非常有禮貌，呢點無得彈而且最開心係當晚係朋友歐會，而九龍香格里拉Cafe Kool又安排係邊角位俾我地，比較靜不影響講野，否則坐中間位都幾嘈九龍呢間食品種類一直都係比較多，今晚蟹應該係主題，有好多不同煮法的蟹，但好多都好細隻及欠鮮味，我反而會推介佢既炸軟殻蟹包，軟殻蟹自己加sauce及用白色中式包夾住食，非常正，如非怕熱氣，我會食多幾份，當晚仲有即場燒烤也不錯，自己就主力食蟹腳，雖然唔算最靚級數但已經算幾鮮味，而最有驚喜就係中湯，椰子煲豬肉，勁清甜，一晚飲左三碗😋

話說個幾月前我已經物色緊自助餐黎慶祝結婚週年紀念日。本來諗住過大海，但最後都係留港消費。紀念日前兩日先book位，好彩係平日，仲有位。不過book完之後睇到啲comment 都有啲擔心⋯終於唔理博一舖！我地由6:30開始就食，今期係蟹做主題，真係好多蟹，基本上乜都放啲蟹肉上去，牛油果沙律又放，芒果沙律又放，緊有啲蟹肉响左近！食到咁上下，我突然有啲蟹蟹恐懼症！不過整體上超出我預期咁好。龍蝦係大隻嘅，好多膏。仲有麵包蟹，多膏！不過三點蟹真係好細隻，所以冇試。其他凍海鮮都算正常，不過老公話長腳蟹唔食冇損失喎！仲有樣令我驚喜嘅係風乾牛肉！真係比較少食到！好重味，好正！鵝肝、羊架，燒到啱啱好，好香，好好味！仲有啲隱藏mode食物，得個牌放响度，例如魚子醬多士，我忍唔住問當值廚師幾時先有，佢答我話：有㗎啦，你要我整比你！跟住佢即刻整咗兩塊比我，我當然禮上往來咁整咗條人龍比佢！有啲嘢真係唔可以怕羞，要開口問㗎！北京填鴨都係隱藏mode，不過唔試冇損失again!仲有多款哈根大師，正！不過呢間唔係食甜品嘅酒店，除非係好鐘意好甜嘅人，如果唔係可以直接skip!仲有件事令我大開眼界，今次遇到一名國內女子同

👁‍🗨 自助午餐 💲價錢根據日子有所變動星期一至五 大$378 小$278星期六至日及公眾假期 大$468 小$318好似都半年無出酒店自助餐文，其實中間一路都有食，不過食物款式同內容相對地多無時間打😢今次呢間係同屋企人比較經常去食自助午餐既一間🤔頭盤（7.5/10）依舊係大路既沙律菜、煙三文魚、風乾火腿、沙樂美腸，但勝在新鮮同唔會過鹹，🌟六款芝士、餅乾🍪冷盤（7/10）以前係自己夾既，不過可能衛生問題，近排轉左做每檯一個海鮮盤，出到去等人地夾🤭款式有蟶子、螺、比較新鮮爽口既🌟蝦、幾多膏既🌟蟹蓋、青口、蜆肉多沙唔太建議、長腳蟹多肉但就真係太鹹，同埋無生蠔既刺身（7/10）魚生不過不失，都係普通三文魚、吞拿魚、八爪魚🐙湯類（7/10）當日係中式既老黃瓜豬骨湯熱食（7/10）西式方面有牛排、雞翼、腸仔，呢啲係入面個爐度燒無特別擺出黎，不過經過嗰區既時候廚師會主動問下你要唔要，味道不過不失🤤中式有湯麵、燒味、點心、酸酸地開胃既蕃茄粥🌟印度薄餅熱辣辣帶點脆邊同煙靭、咖喱選擇都唔少，泰越式有串燒同埋豬頸肉🐷甜品（7/10）雪糕係🌟起碼十款Haagen Dazs，普通同獨特口味都有，仲可以整炒雪糕

也算是星級酒店.這種自助餐.唉.服務很好.但食物的質素實在太差.哈密瓜變咗.成個餐廳夜晚都冇乜人.至於食物.樣樣都好唔新鮮.甜品.擺喺出邊.已經融左.金鐘嗰間香格里拉.就好好食.下次唔會再嚟

一黎當然要拎一輪海鮮啦，真係正到無朋友。因為樣樣都咁新鮮，值得ENCORE!三點蟹係爆膏!估你唔到，瀨尿蝦都係有膏，好耐冇食瀨尿蝦了。基本上熱食真係好普通，都係炒面炒飯之類，仲有好飽肚既薯角，老實講睇到都唔想拎，所以係黎食海鮮嫁炸，好快就到甜品了。有起碼六種味既哈根達師，之後就拎左唔同款既甜品。樣樣試D既心態，CHEESE CAKE係最好食既，其他都真係好一般。

第一次食，我只吃了龍蝦(唔錯）蟶子(唔新鮮）皇帝蟹腳(偏咸）番茄海鮮粥(OK) 香蕉班戟 (竟然無忌廉）龍眼紅棗雪耳糖水 (唔錯)乳酪雪糕 (溶溶地)，沙律只得兩款菜所以無食 ，食品種類都偏少，甜品好多款但唔係太吸引。

幫襯過好多次，有幾個月冇去，最近有信用卡七折，去到食中午自助餐冇龍蝦，啲所謂麵包鞋同埋其他海鮮好似都唔係好鮮，選擇非常之少，煎釀三寶都夠膽擺出嚟。結果埋單嘅時候每人折實左先至收兩百幾，係咪因為閑日去菜式會唔同，定係減咗價所以將價就貨呢？冇心機寫夠200字比腐皮，更加唔會影埋啲咩相，拜拜

伏伏伏伏伏😭😭😭平常不寫食評的我，今晚食完，急不及待要馬上出文，我要爆發了！好多年冇食過香格里拉的buffet，諗住信用卡有75折，又睇左最近的食評都不太差來食下啦！坐低後，第一時間當然先食海鮮和冷盤，睇個賣相好吸引，首先食隻蝦，嘩！完全冇蝦味，d肉又硬又實😱再食龍蝦，嘩！雪味和怪怪的味道，d肉一樣又係死實實，從未食過咁難食！🤬🤬🤬再食pizza，好似塊紙皮一樣！熱盤種類又小！魚得盲曹，諗住今期有即燒乳豬，成晚都未見過已經被消滅了！最基本的金䱽魚魚生都冇，生蠔又冇，水果又唔甜，甜品種類又小！折埋＄520一位，食d次等質素食物，老實講，＄300都唔值！垃圾！黑名單！

幾年前曾經再這食過下午茶自助餐，覺得幾好食，希望會再來試夜晚buffet！今次終於來食，非常失望！平價buffet仲可能好食過佢！從來未試過食buffet係無一樣嘢想再食！可以難食到成家人係坐係諗可以食咩長腳蟹、皇帝蟹、龍蝦超級咸，咸到係你唔會再食得落第二件！咁都來了無法啦，咪去食其他熱食！牛扒老、德國腸還可以入口熱盤好少選擇，只有燒味、即叫即整意粉、湯麵、點心、湯、咖喱、肉丸之類！食buffet唔會想食呢啲囉甜點味道一般，本身唔好甜，嬲到對咗幾球雪榚來填包個肚！ 這餐buffet比錢買難受！

早排同埋表哥表姐一齊去食之前訂左位既韓牛午餐放題用餐時間為3小時首先當然去試左今日既主角 - 韓牛先啦有得食韓牛迷你漢堡，另外仲可以選串燒漢堡飽細細份，塊牛係好嫩滑，塊包又燒烤過，好脆口，串燒好多肉汁，有準由於唔係特別好鍾意食牛，於是又走左去係咁食長腳蟹同蟹蟹腳肉易拆真係成條蟹柳咁，肉質好鮮甜，啖啖都係新鮮肉🤤食到停唔到口呀反而蟹就一般，好多水成日都比人話我食放題或自助餐唔抵，因為我又走左去食粉呀，蟹粥呀，炒蛋呀咁炒蛋係黑松露炒蛋，粥係原隻蟹鉗粥，都唔過份姐最黎又去到要填飽第二個胃啦個焦糖燉蛋，真係食唔停口，唔太甜，滑，蛋味重成日覺得，食野質素係重要但如果唔係自己鍾意食既，咁就唔係享受啦😋😋😋爆到晚餐都無食到😂😂😂

為朋友庆生，恆生白金有75折優惠，以5百零蚊價錢，去香格里拉食番餐，諗住都0k啦，話哂係4至5星级嘛。点知勁揼心口，一次过，下次唔使預我。差到冇朋友第一:擺放食物的柜位太细，無論海鲜或燒烤肉類，都大排長龍，以為自己返咗大陸D三星酒店。 第二:除龍虾比較正常外，所有虾蟹有雪味冇鲜味同太咸。 第三:熱食種類少，又冇筒牌介绍，只寫中式美食，西式美食，大佬，究竞係牛猪定羊呢，唔知架。 第四:居然冇自助汽水或茶，有恒生白金卡落order侍應先捧比你，冇卡者齋飲水。第五:座位太密好逼，坐得唔舒服。總括一句，唔值咁嘅價錢，放題仲好过佢，千祈唔好上當。