Café Kool

营业中

休息中

第一次食，我只吃了龍蝦(唔錯）蟶子(唔新鮮）皇帝蟹腳(偏咸）番茄海鮮粥(OK) 香蕉班戟 (竟然無忌廉）龍眼紅棗雪耳糖水 (唔錯)乳酪雪糕 (溶溶地)，沙律只得兩款菜所以無食 ，食品種類都偏少，甜品好多款但唔係太吸引。

幫襯過好多次，有幾個月冇去，最近有信用卡七折，去到食中午自助餐冇龍蝦，啲所謂麵包鞋同埋其他海鮮好似都唔係好鮮，選擇非常之少，煎釀三寶都夠膽擺出嚟。結果埋單嘅時候每人折實左先至收兩百幾，係咪因為閑日去菜式會唔同，定係減咗價所以將價就貨呢？冇心機寫夠200字比腐皮，更加唔會影埋啲咩相，拜拜

伏伏伏伏伏😭😭😭平常不寫食評的我，今晚食完，急不及待要馬上出文，我要爆發了！好多年冇食過香格里拉的buffet，諗住信用卡有75折，又睇左最近的食評都不太差來食下啦！坐低後，第一時間當然先食海鮮和冷盤，睇個賣相好吸引，首先食隻蝦，嘩！完全冇蝦味，d肉又硬又實😱再食龍蝦，嘩！雪味和怪怪的味道，d肉一樣又係死實實，從未食過咁難食！🤬🤬🤬再食pizza，好似塊紙皮一樣！熱盤種類又小！魚得盲曹，諗住今期有即燒乳豬，成晚都未見過已經被消滅了！最基本的金䱽魚魚生都冇，生蠔又冇，水果又唔甜，甜品種類又小！折埋＄520一位，食d次等質素食物，老實講，＄300都唔值！垃圾！黑名單！

幾年前曾經再這食過下午茶自助餐，覺得幾好食，希望會再來試夜晚buffet！今次終於來食，非常失望！平價buffet仲可能好食過佢！從來未試過食buffet係無一樣嘢想再食！可以難食到成家人係坐係諗可以食咩長腳蟹、皇帝蟹、龍蝦超級咸，咸到係你唔會再食得落第二件！咁都來了無法啦，咪去食其他熱食！牛扒老、德國腸還可以入口熱盤好少選擇，只有燒味、即叫即整意粉、湯麵、點心、湯、咖喱、肉丸之類！食buffet唔會想食呢啲囉甜點味道一般，本身唔好甜，嬲到對咗幾球雪榚來填包個肚！ 這餐buffet比錢買難受！

早排同埋表哥表姐一齊去食之前訂左位既韓牛午餐放題用餐時間為3小時首先當然去試左今日既主角 - 韓牛先啦有得食韓牛迷你漢堡，另外仲可以選串燒漢堡飽細細份，塊牛係好嫩滑，塊包又燒烤過，好脆口，串燒好多肉汁，有準由於唔係特別好鍾意食牛，於是又走左去係咁食長腳蟹同蟹蟹腳肉易拆真係成條蟹柳咁，肉質好鮮甜，啖啖都係新鮮肉🤤食到停唔到口呀反而蟹就一般，好多水成日都比人話我食放題或自助餐唔抵，因為我又走左去食粉呀，蟹粥呀，炒蛋呀咁炒蛋係黑松露炒蛋，粥係原隻蟹鉗粥，都唔過份姐最黎又去到要填飽第二個胃啦個焦糖燉蛋，真係食唔停口，唔太甜，滑，蛋味重成日覺得，食野質素係重要但如果唔係自己鍾意食既，咁就唔係享受啦😋😋😋爆到晚餐都無食到😂😂😂

為朋友庆生，恆生白金有75折優惠，以5百零蚊價錢，去香格里拉食番餐，諗住都0k啦，話哂係4至5星级嘛。点知勁揼心口，一次过，下次唔使預我。差到冇朋友第一:擺放食物的柜位太细，無論海鲜或燒烤肉類，都大排長龍，以為自己返咗大陸D三星酒店。 第二:除龍虾比較正常外，所有虾蟹有雪味冇鲜味同太咸。 第三:熱食種類少，又冇筒牌介绍，只寫中式美食，西式美食，大佬，究竞係牛猪定羊呢，唔知架。 第四:居然冇自助汽水或茶，有恒生白金卡落order侍應先捧比你，冇卡者齋飲水。第五:座位太密好逼，坐得唔舒服。總括一句，唔值咁嘅價錢，放題仲好过佢，千祈唔好上當。

若果你/妳是牛魔王，又或者是韓流迷，5月時曾造訪九龍香格里拉Cafe Kool就一定可以滿足閣下。 因為Cafe Kool從韓國引入有認證的正宗韓牛，絕非水貨可比擬。 愛吃牛的我，當然會重點出擊。 韓牛串燒 由於是即烤，所以會花時間排隊，建議早發出擊，先食兩round最好，單純的烤出牛肉香味，比起坊間的醃貨，根本是天堂與地獄的表現。 韓式迷你漢堡包 小巧得來不失認真，加入泡菜，更帶來了韓風，不錯。 另外，係燒烤位仲有傳統烤韓牛菜包與及烤韓牛配芥末蛋黃醬，同樣是風味獨特。 係灼料吧旁邊，有肉質軟稔入味既冬筍蘑菇炒韓牛、香口既洋蔥炒韓牛絲、滿是嚼勁的韓式炒年糕、多年來都喜歡的韓式炒粉絲、韓劇效應下的產物韓式炸雞配辣椒醬、辛辣刺激食慾既辣牛肉泡菜湯及甜香酥脆既韓國風梨撻，都可以在自助餐內找，實在超豐富。 Seafood Station 中間最吸睛的位置，一定是迎面的半開波士頓龍蝦山，每隻都散發新鮮的光芒，又夠大隻，除了是打卡點外，絕對是上佳的回本位。 另外，更加有龍蝦仔、麵包蟹、花甲、雪場蟹腳

自助餐可以說是香港人最愛吃的餐廳種類之一，因為自助餐的文章HIT RATE總是特別高，因此各大酒店都會經常轉換自助餐的主題來吸引客人。這次要介紹的是我在五月初時到Café Kool吃的韓牛美食節主題自助餐，除了韓牛之外，還有多款韓國地道美饌。不過進入主題之前，當然是先吃海鮮和刺身先呢~海鮮一如以往的種類多，而且refill得夠快。肉厚多膏的龍蝦當然不能錯過，但我最喜歡的是皇帝蟹蟹腳。蟹肉鮮甜，一點雪味都沒有，沾一點自家製泰式辣醬，十分惹味。至於刺身方面也不輸蝕，每片都切得很厚。韓牛串燒。弄成小串，一口一件，入口肉質軟腍，牛味濃郁。兩款韓式生菜包，一款是傳統做法，用菜包著米飯、泡菜、韓牛和韓式辣醬，而另一款則是新派做法，加入芥末蛋黃醬，與日式醬汁來個Crossover。兩者各有特色，因為作為主角的韓牛油花分佈平均，有肉香又不會過於油膩，難怪近年會大受歡迎。除了韓牛，還有不少韓式美食如韓式炸雞、韓式炒年糕、洋蔥炒韓牛絲，以及韓式醃菜等，完全可以滿足大家的韓國胃。東南亞美食特別推介馬來龍蝦喇沙和海南雞飯，喇沙湯底味道濃郁，辣度剛剛好，又有鮮味彈牙的龍蝦肉作配料，至於海南雞飯的雞件挺滑，雞油飯

許多女生也不愛踏進廚房，而自己則從小學便愛入廚觀摩，剛於五月有機會見識到一間 「Cafe Kool」的「自助式廚房」，開放式的廚房不單整潔，還舒適、氣氛和諧，放滿令人目不暇給的豐富食物，相信可令女生們回心轉意，立即愛上「入廚」。現在就讓我給大家介紹一下！ 海鮮廚房 眼花有點撩亂了麼？一連串的龍蝦、黑青口、帶子、東風螺、凍蝦、花蟹、麵包蟹、雪蟹腳等等等，豐盛的海洋美味掩沒了兩個眼球。 嘴刁的友人說這裡的龍蝦特別鮮甜美味，原來採用活龍蝦製作，怪不得友人一吃便能辨出龍與鳯！ 充滿蟹羔的麵包蟹，怎能抵得任邪惡的引誘！ 抹茶蕎麥麵伴蟹肉、蝦及醃蘿蔔 除了排山倒海的海鮮，海鮮廚房另有抹茶蕎麥麵伴蟹肉、蝦及醃蘿蔔作為第二款招牌美饌，我的小貼士是將它設定為第一試！ 日本廚房 質量上乘的北寄貝、油甘魚、八爪魚、三文魚刺身是我的強烈推介的必吃！另外各式壽司、卷物及冷盤也是值得留意的日味！ 中式廚房 小籠包、叉燒包、蝦餃、麻蓉包、豆沙包 ........ 不光是包，蒸點心是在中式廚房可找到的熱騰騰的滋味。 還有斬大件燒鴨！ 燒鴨配上海南雞，湊出一副雞同鴨講的惡搞情景！ 海南雞飯 除了基本食物，

韓牛一直被視為韓國的珍品。在韓國吃過這種牛味濃郁、油脂均勻的牛肉後，就深深被它吸引著。不過，韓牛一點也不便宜，吃太多會感到肉痛呢。九龍香格里拉大酒店的 Cafe Kool 最近便推出了韓牛主題自助餐。這個「韓牛吃到飽」的噱頭，真是相當吸引！即使最近正在努力減肥，還是抵不著它的誘惑。Cafe Kool 的韓牛美食節自助餐，只於五月份供應。除了韓牛之外，還有眾多韓風美食。當然，一向受食客歡迎的美饌，例如冰鎮海鮮和刺身，亦一一保留下來。而飽滿的龍蝦是必不可錯過的。由於正在減肥，所以即使偶爾吃個自助餐放縱一下，也要吃得夠精。今次自助餐的攻略重點，便放在主題的「韓牛」了。燒烤區的韓牛串燒軟嫩又富油香，十分惹味。而我特別喜歡粉紅岩鹽烤韓牛配芹末蛋黃醬，以及傳統韓牛生菜包。搭配蔬菜和特配醬汁同吃，風味更佳。也可減少油膩感。其他韓風美食還包括洋蔥炒韓牛絲、韓式炸雞、韓式炒年糕、韓式粉絲等等。除了韓式美食外，也有幾款不錯的美食。例如這個香烤牛肉漢堡，肉質鬆軟 juicy 就值得一試了。牛肉比例絕對不少，還好是迷你 size 所以也不會太飽。而馬來龍蝦喇沙也是推薦的啊。另一個攻略的重點，是甜品部。選擇豐富

這晚, 再臨Cafe Kool, 一個認識已久的地方. 由未開始寫飲食博文的日子, 已經跟CEO在吃. 這就是歷史. 今次來到, 有兩大重點. 第一, 韓牛美食. 第二, 招牌菜式.先由韓牛說起, 韓牛串燒, 最緊要燒得火候對辦, 最怕那些實實的牛串. 這裡的, 沒有這個狀況. 粉紅岩鹽烤韓牛配芥末蛋黃醬, 帶鹹香的粉紅岩鹽, 加上芥末蛋黃醬, 微辣而惹味. 傳統烤韓牛生菜包, 以生菜去包烤過的韓牛, 減輕了油膩感, 讚. 韓式迷你漢堡包, 用上竹炭包, 配上牛肉, 那陣肉香, 來得特別動人.當然, 我最喜歡的, 還數韓式炒粉絲, 平日吃韓菜, 前菜部份的炒粉絲, 例必是我主打的項目. 這晚的炒粉絲, 幾惹味, 讓我把時光, 重回昔日的日子. 吃韓菜, 近年的大熱一定是韓式炸雞配辣椒醬, 不過此品, 還是待即炸的時候拿取方為上算. 至於韓式炒年糕, 洋蔥炒韓牛絲, 冬筍蘑菇炒韓牛, 自家泡菜沙律, 跟自製青瓜泡菜, 這個晚上, 人很韓.慢著, 還有幾款韓式甜品, 如烤糯米餅, 烤糯米米菓, 跟黑糖燒米糕有點像我小時候吃到的學佬甜品, 挺有特色. 另外還有韓國風梨撻, 贏在撻皮薄, 用上

尖沙咀的酒店自助餐，我想都試得八八九九，其中一間在口袋裡放著已久的餐廳，九龍香格里拉的cafe Kool，是我一直希望儲的一張閃卡，只可惜，一直沒有機會試，早聽說過其精彩為尖沙咀區首屈一指，終於這天，有機會來到，還要撞上一個非常吸引的主題。 你以為五月去食自助餐肯定你像之前有些已經介紹過法國五月為主的主題，但今次同法國冇乜關係，相反，以近來非常受歡迎的韓國牛為主題，我相信如果你是來自馬場洞和睇韓劇的粉絲，你一定會為之一振吧。 第一次來Cafe Kool，感覺非常大又舒適，食物選擇多到不能盡錄， 有些自助餐你行三轉已經食晒所有美食，但我幾肯定這裏你行十轉也吃不完你想吃的東西。 先談這個韓國主題，的確要用多點時間，因為選擇多而味道出眾，不同的感覺此起彼落，不是你在馬場洞就這樣煎一塊牛扒這樣簡單。 最喜歡的就是幾個傳統美食，洋蔥炒韓牛絲的韓國濃味得很，洋蔥炒得又香，牛絲大條到直頭係一片片，完全毫不客氣讓你盡情吃。 烤韓牛生菜包和粉紅岩鹽烤韓牛各有自己的特色，不過看你喜歡寫邊種，我最愛卻是簡單的韓牛串燒。 韓式炸雞配辣椒醬當然要在韓國吃的一樣，辣椒醬的惹火令人一試愛上。 韓式炒粉絲一直