Café East

营业中

休息中

以前叫日航酒店，本想食物質絕不會差隔離其他酒店的自助晚餐，點不知，海鮮唔新鮮，青口腥，凍蝦霉，長腳又鹹，三文魚刺身色澤暗唖，唔鮮甜，基本三文魚質素差過超級市場。非常失望，七折都要四人都要四百六十蚊位。

今日細佬請食buffet慶中秋立即上openrice有咩野好介紹，比我發現cafe east 有7折，仲有食評讚不絕口，馬上book位，但去到見到只屬一般，若原價598/位而沒有生蠔就不算抵食，而且冷熱盤亦不多，樣樣有點，海鮮種5-6有龍蝦長腳蟹總算頂得下，最值得讚就是甜品，種類多而且好食，最緊要有哈根大師雪糕，食多幾杯都補返現在有7折價錢還可以接受，但正價唔好再來

繁忙工作之後奬勵下自己,見有openrice 七折就去此餐廳試下自助晚餐,早到了半小時大約六点到,職員有禮貌地招呼我們入坐,所以可以未開動前盡情拍照, 大約六点半侍應就到每枱通知自助餐開始啦!我至愛龍虾, 長腳蟹,爆膏麵包蟹,青口同虾都好味.魚生有三文魚,甜虾,北寄貝,吞拿魚.......大路D,都ok熱薫有全條石班,鼓汁蒸鳝,燒乳鵨,燒大虾,白汁焗蠔.......等等都非常好味其他亞洲美食还有日式天婦羅,印度咖喱海鮮同雞都ok。地中海即煎海鮮味道0K但比較油煙大D,坐近客人會有影响。堂灼海鮮粉麵都有。但太多選擇放棄左此部份汽水都係自助任飲, Haa......牌子雪糕任食。不过甜品及蛋糕放在雪櫃内,有D位置太高我未能看清楚有甚麽選擇。好彩还有即製甜脆椰絲薄餅同法式燉蛋補番数。

每次想食自助午餐或長腳蟹，第一時間都諗起依度，水準不能說是最好，但以7折折後的價錢，再加上小孩六歲前都免費，甘就超值啦！雖然款式不是最多，但樣樣都合胃口！甜品又好味！平均一兩個月都去一次的

延續上篇寫開Buffet, 就順勢寫多幾間食得過的Buffet介紹給食友吧~老友生日過往幾次都是去Cafe on M 因為大家都知好食, 但又係嗰句: 我唔悶啫, 都怕人家悶呢~  今次試試新地點, Hotel Nikko 改名後我都未嚟過食Buffet, 見到Openrice的食評都無咩喊面,  近來有優惠午餐七折, 原價$358 折後加一都只是$280有找,  單看值得一試, Let's Go, Go go go~一去到, 餐廳位置開揚, 日光充沛, 人都開胃啲, 快啲巡一巡睇睇有咩好食開餐喇喂!其實熱食都係例牌有一個粉麵檔, 一邊長枱就放了些炒粉麵飯但因為我全部沒吃, 所以當時連相片都沒拍下, 今篇食評的資料略為不足請見諒.  知我者...食Buffet食嚟食去都係刺身/生果/甜品/雪糕, 有蠔最好, 沒有就沒辦法, Hotel Nikko 午餐沒有供應生蠔, 但因價錢經濟, 當然要拉上補下. 今個自助午餐每位只需$280, 算是抵食之選, 環境很舒適而且客人不算多只有半滿, 付出這個價錢由12:00坐到14:30同好友舒舒服服hea食個悠閒週末午餐, 真是一個不錯的選擇!

我們一家人都很喜歡日航酒店的自助午餐，自從它改名之後，今天是我第一次來吃。很奇怪，餐枱上竟沒有枱墊，我們只好把刀叉湯匙放在紙巾上。雖然食物款式比改名前少了，但選擇總算不少。我選吃的食物如下：蟹鉗：蟹肉很冰涷多汁大蒜薯蓉湯：薯蓉味道很入味，湯裡有洋蔥煙肉粒，味道不錯黑椒牛仔骨：雖然牛仔骨面有蒜粒調味，但欠缺黑椒的辣未，肉質很靭泰式串燒：串燒肉質軟腍，醬汁味道香濃，可惜不夠熱大阪燒餅：燒餅由廚師即場燒，味道不錯清蒸海上鮮：魚肉很軟但不夠滑胡椒炒鴨片：配菜的青豆爽囗，鴨片切得厚，不夠熱，沒胡椒味焗蠔：質地很軟多款薄餅：意式薄餅味道一般、雜肉腸片微辣、甘荀薄餅甜甜地很有驚喜、印式薄餅香脆、蝦片微辣脆卜卜天掃羅：款式多，味道不錯! 洋蔥圏很美味可口！西蘭花：味道一般羊脾：肉質很靭日式丼飯：有三款任取，味道佳而且醒胃日式餃子：餡料味道好，可是餃子底部的皮有點硬點心：豬肉燒賣味道一般薑汁拉茶：由女侍應即場拉茶，很熱辣，有香濃薑汁味甜品：款式很多，當中我最喜歡熱的焦糖燉蛋和心太軟，味道甜美，質地亦恰到好處雪糕：有4款味道，分別是草莓、曲奇、朱古力和咖啡，我選吃咖啡味總括而言，食物的選擇依然很多。最後，

下午去左呢度食lunch buffet,用左優惠券7折，二百幾蚊位，食完覺得都幾抵食的，食物質數真唔差，都有好多野食，又有肉骨茶，薑汁奶茶飲，幾好飲呀！熱食款都有好多，甜品類仲多，食到暈咁濟，有h字頭雪糕4種，食完都覺滿足，又有汽水機，我覺得價錢都幾合理，真唔差!下次都會再尼試下晚餐buffet,尖咀酒店buffet尼講,千禧食物質數唔差，值得一試的呢！

一年多前，到了這家前身是日航酒店的餐廳吃自助餐。重遊這地，酒店名稱已改了，不知道質素如何呢？先繞場一周，食物和甜品的種類很豐富，令人目不暇給，相信會是一頓不錯的自助晚餐呢！拿了點沙律和冷盤熱身。蔬菜新鮮爽口，清甜醒神；parma ham很有鹹香味，把它包裹著蜜瓜吃，鹹和甜味，感覺交融；煙薰的三文魚和鯛魚片都滑不溜口。拿了一大碟熱薰。（由右上角開始）忌廉汁龍脷柳肉質細嫩；瑤柱炒菜，炒得香濃入味；薑蔥蟹鉗炒得很有鑊氣，連蟹肉亦很惹味；芝士焗蠔，芝士汁不會太飽滯，焗蠔很有鮮味；中間的是茄汁青口，酸甜而開胃；左上角有黑毛豬柳，肉質軟腍；清蒸石斑，但似乎蒸得過久，魚肉失去嫩滑的口感；泰式烤雞肉，有點辣，刺激了味蕾。此外，還有波菜忌廉湯，但忌廉味不夠濃郁，亦煮得太稀。接著吃海鮮，蟹鉗、波士頓龍蝦、青口以及蟹腳都是我的最愛，它們全都鮮甜多汁，很有海水的味道。再拿另一些熟食。西冷牛扒巨型、煎得medium well，仍能保持肉質的鮮嫩，入口軟腍，不會難於咀嚼，配了燒汁、薄荷啫喱及芥末，更加惹味。左上角是串燒牛肉，但燒得太乾身，肉質比較堅硬。還有天婦羅蝦，脆漿香脆，蝦肉仍有肉汁，而天婦羅紫薯香甜。還有羊

今天我來這酒店吃的是lunch buffet,以lunch buffet來說, 食物種類算多!刺身: 有三文魚、吞拿魚和劍魚...三文魚新鮮肥美!但其餘兩種魚有腥味...凍海鮮: 有長腳蟹、龍蝦鉗、蝦、青口...沒有鮮味可言...芝士焗蠔: lunch buffet竟然都有蠔食...芝士非常多!蠔肉較細粒...lunch buffet竟然有Häagen-Dazs雪糕任食...絕對值得一試的lunch buffet!!!

好開心有龍蝦任食，又無人爭，我一人吃了兩隻，即四件，好味，咖哩羊及薄餅我至愛，名牌雪糕也吃了五杯，最後2030hrs 有薑奶茶飲，感覺好舒服，這裏環境舒適，我比較喜歡地方細一點，人少少，比起一些大間，超多人，似酒樓感覺較舒適。

食開日航，轉左手之後第一次食，睇過食評最想食既焗蠔仲有，加上OP 有七折coupon，去馬!之前焗蠔係魚生附近，唔見既? 好失望.... 原來搬左去熱葷到，即拎兩隻，一樣咁好味。西冷又要左一塊，同朋友兩份食岩岩好，食晒成塊好飽呢~海鮮多過之前，又有蟹又有龍蝦鉗，由頭到尾都有得食，無話食完無晒架~仲有白灼海蝦，呢個竟然會無架喎，之後會轉左螺? 無食，綠綠地色有shell，唔知係咪螺呢? 講返個蝦，當努力同蟹同鉗搏鬥之際，聽到隔離檯話上次黎無晒海蝦，又讚好食，即去拎啦，見到已經擺左啲螺上面，搞左好耐拎到六隻，兩人分食剛剛好，真係好好味，好有蝦味，仲好彈牙。唔怪得刺身無咩人拎，因為大家都努力搞緊啲海鮮 刺身拎左一次，鯛魚、三文魚、吞拿魚各四件，正~ 一人兩件大滿足。西湯係蟹肉粟米忌廉湯，出乎意料好味喎，其實之前食呢間都係飲沙冰，但今次得返汽水，所以試新野，最後飲左兩碗。 但係.... 可唔可以整返沙冰呀~~~~~ 好掛住個沙冰呀~~~~ 天婦羅呀，芒果芋頭卷都好味，但會飽肚所以淺嘗一件夠啦。食飽飽食返個沙律清下，一貫水準，無咩特別啦，加埋黑醋就無咁飽啦，之後轉戰甜品。甜品保持水準，仲多左心太

好幾年沒有來過這裏吃自助餐，以前是日航酒店，如今裝修陳設依舊，但已變成千禧新世界香港酒店 這裏的自助餐有優惠，打折後算是抵食 冷盤有基本選擇，煙三文魚 smoked salmon、燒西冷 roasted sirloin、沙樂美腸 salami、凍肉腸 cold cut、鱈場蟹腳 snow crab leg、龍蝦鉗 lobster claw、青口 blue mussel、沙律等。刺身有三文魚 salmon、呑拿魚 tuna 、鯛魚 tilapia壽司飯 chirashi這個幾特別，其實是魚生飯日式冷麵海南雞飯hainan chicken rice海鮮意大利飯seafood risotto意大利飯可自選配料，即叫即做野菜天婦羅及泰式魚餅vegetable tempura and thai fish cake自選粉麵，有多種選擇：蝦籽麵 shrimp roe noodle, 日式拉麵 local ramen, 烏冬麵 udon noodle, 油麵 oil noodle, 米粉 vicemillie, 粗麵 flat noodle, 幼麵 noodle, 河粉 ho fan, 菠菜麵 s

闊別好像轉眼又半年了，於是一家人又來襯吓，一心想著有些信用咭有折，但發現openrice 有7折優惠劵，好開心囉。有7折優惠，我絕對推這家餐廳因為環境食物值，有8折我都來，何況7折，我咱家就覺得很值哎。酒店正在裝修，所以雖然餐廳只在一樓，但要乘坐電梯都要走小小迂回，但不影響用餐環境。這裡坐位寛尚，又開陽，有街景，取食物地方又闊落，好正。今天我吃了太多飯同印度薄餅，所以太飽，沒吃甜品和雪榚。老媽子通常去食自助餐只是為了join 我們仔女活動，老人家愛喝中茶，說自助餐口味不合，一般去到都百彈莊主。但今回卻讚不絕口，說好多食物都好到胃，而且好味，肉類方面又林，不會無牙的吃不到我個人最推海南雞，可能剛吃過the market 的有比較，這裡勝the market成個馬頭啦，雞又滑又香，累我吃了幾碟同連飯都吃埋。(亦幸好，那餐咁貴，如果海南雞好味，咁我豈不時蝕桌）第二位就是印度薄餅，這裡廚師是我吃咁多間自助餐供應印度薄餅的最好，真的是無得输。亦喜歡佢地有小小深的碟子，可供盛咖喱用，我個人就喜歡薄餅同咖喱分開盛，吃時才浸薄餅入咖喱汁內。再加佢既薑拉奶茶，我連喝3杯，一向臨尾happy ending

這晚朋友相約去尖東千禧新世界香港酒店食自助餐。之前當這酒店招牌仍是日航酒店時偶爾都會來這裡的日本餐廳吃吃飯，至於食自助餐就真是第一次。Cafe East環境舒適整潔，空間感不錯，氣氛輕鬆。這裡自助餐全晚只有一輪不分時段，大家食完後還有時間可以舒舒服服坐坐傾吓計，不用趕還枱。冷盤和前菜有頗多選擇。刺身有北寄貝、吞拿魚、三文魚等，全是大家即點、師傅即切。另外還有壽司與卷物。我就選了冰鎮海鮮，波士頓龍蝦和鱈場蟹腳，肉質都頗鮮美。這東南亞風的碎洋蔥免治豬肉春卷，軟春卷皮再包著爽口生菜，層次豐富，味道清新，亦很不錯。各款熱食中我最喜歡就是印度薄餅roti canai，texture鬆脆，不油不膩。蘸些咖喱汁一起吃，風味就像在星馬吃到的。忍不住要encore。即煮麵檔有多款麵條，配料和蔬菜，大家只需告訴師傅喜歡什麼，轉頭再返counter就可以pickup有得食。我就選了碗烚雜菜，食得舒服（亦自我感覺良好和健康XD)。其他熱食還有燒牛肉，鐵板燒，芝士焗蠔和浸煮龍脷三文魚配黑松露菌忌廉汁亦是不錯的選擇。甜品的款式有超過三十款。蛋糕每款都切成細細件，方便淺嚐不怕浪費。此外，亦有木桶豆腐花，frozen

朋友在早前的日航酒店內工作，自從改名為千禧新世界香港酒店後，已經有好一段日子沒見面，就找了個晚上，大家見見面，聊聊天。自助餐的格局因環境所限，改動的地方不多，但食物卻是明顯地有改善。Seafood Station一向是Buffet最受歡迎的食物，在日航時期已經不錯，今次一見，陣容更加豐富，龍蝦開邊，而且是任食，只見隻隻佈滿豔麗的蝦膏，真是令人吃得滿足；另外，龍蝦鉗是啖啖肉又鮮甜；藍青口肉質嫩滑；長腳蟹及海蝦都是新鮮甜美，好味。刺身亦是另一個回本位，鯛魚、吞拿魚、甜蝦、三文魚、北寄貝、八爪魚及玉子，品種可算夠多了吧！選了其中好幾款試試，解凍的處理相當好，沒有令人討厭的雪味或冰凍感，肉質柔韌而富自然彈性。鐡板燒位置沒改變，今晚的主題是鐡板牛肉粒伴甜椒蘑菇配黑松露菌燒汁，特意跟廚師要求medium rare，緊緊的包裹肉汁，令肉味更濃郁，而甜椒蘸了肉汁就更惹味，至於伴碟的燒粟米及燒新薯，都是一個不錯的選擇。在鐡板燒旁邊有牛肉咖哩、雜菜咖哩及雞咖哩，興趣不大，但朋友試過，反應是最好用酥餅蘸汁。以往的焯吧位又有新意，海鮮酸辣翅湯以滬式酸辣湯底，配以客人自選海鮮料即煮，最後灑上香蒜粒，真是三扒兩撥