BYOB Coffee Roaster

营业中

休息中

之前同friend食過一次感覺唔錯，今日就同屋企人食多次睇下是否保持水準。星期日六點半左右要等一兩枱，好快有位。**招牌咸豬手要時間整，最好入座就即刻叫定。**之後再叫墨汁意粉+黑松露意粉，汁好夠濃， 落足餸，粉又多，好足料。👍🏾豬手到，好大件！ 多過果間德國連鎖餐廳3成左右，燒得好香同脆，又無豬臭味。唯一缺點係量多，人少會唔夠肚食其他野。😂last茄汁闊條面就ok正正常常，唔係好闊果種面。中午佢係cafe黎，所以飲品都好豐富，可以話無咩死角，最大缺點係食物種類少啲，不過四個人都最少夠你食兩次😂要自助叫餐，攞餐具，免加一。介意就唔好入去。

因為都係日本返香港無耐！好耐無去屯門食飯了~因為同中學同學聚下舊就搵左間屯門既Cafe試下~又方便傾計d果日1830左右就入左餐廳，因為未到食飯時間所以即刻都有得入座，餐廳好大好寬敞！d位隔得開感覺闊d舒適d~但果陣餐廳入面都已經有一半位置坐滿人！就知道無去錯地方☺️果日揀左個大蝦意粉同埋榛子咖啡蝦好入味不錯！又大粒意粉d汁好creamy！啖啖都好juicy✨榛子咖啡都正常發揮！加埋真係一流！如果下次去開附近都會再去❤️

自從屯市開左壽司郎同Donki，真係迫爆，所以我行返去紅橋覓食，除左有好味拉麵店，仲有呢間Cafe，而且長期有人龍，今日預早少少黎，所以仲有位。主要都係意粉同小食，仲有德國豬手。飲品有齊各款咖啡或茶類，選擇都很多。先安排入座，自行去櫃檯點餐及付款，之後由店員送上食物。免加一抵讚。水牛城雞翼 $50炸得香口唔油膩，個醬先係靈魂所在，酸度同辣度都好突出，開胃又惹味，食唔停口。蟹肉牛油果他他沙律 $100賣相好靚，亦因為好睇又顏色豐富，所以點來食，順便打卡影相。味道都很好，拌勻來食，入口有軟綿潤滑牛油果，仲有大量蟹肉且唔腥，加埋蛋沙律真係好滋味，仲有蕃茄仔增加濕潤感，而面層大量蟹籽，增加脆口感又提鮮，好好食。北海道帆立貝明太子意粉 $100帆立貝微微煎熟，口感細嫩微彈，珍寶尺寸啖啖肉。意粉也煮得剛熟，保持咬口，加上微辣明太子醬汁，creamy又濃郁，咸中帶辣好正。京都宇治小山圓鮮奶抹茶 $37拉花好吸晴，令人心情開朗，抹茶味濃郁，茶濃微甘，加鮮奶中和濃茶味，甜度亦剛好。Dirty Coffee $40入口有暖熱濃縮咖啡同冰凍牛奶，凍熱之間，甘甜交雜，口感味道都獨特。咖啡酸度更高，味道濃郁，

又到OT日 放工19:00 去到好彩唔洗等位 每度菜都上得好快 即叫即做 放上台到仲出緊煙叫左個大蝦意粉 有四隻蝦 面頭撒上香料再香煎 食落超野味 肉質爽口彈牙意粉份量多 軟硬度適中 好creamy 條條都佈滿醬汁 唔會乾爭爭 會不斷想食落去😍帆立貝意粉 有三粒大帆立貝 唔會煮到過老 調味啱啱好 明太子比得好足 成個意粉粉紅色 每一啖都好重明太子味呢度仲有好多野飲 不過夜晚就唔飲咖啡啦 飲杯果汁fresh下西柚汁凍冰冰 酸酸甜甜解膩一流 下次再試叫多d朋友試下呢度最出名嘅豬手先😆😆

屯門牛又出動，去番自己地方食下cafe，唔洗山上水遠啦🤣去左虹橋嗰邊既BYOB Coffee Roaster，cafe開門就去食，所以一定有位，聽聞本身呢間都係要成日等位🤣依加BYOB Coffee Roaster 係屯門盈豐個頭都開左分店。-大蝦闊條麵 $78 （8/10）果然好有誠意，d蝦真係好大隻，肉質好爽口，仲好入味，蝦煎到金黃色，再配上忌廉汁嘅闊條麵掛到汁，闊條麵唔會太韌，岩岩好，整體成個意粉都做得好好。-墨魚汁海鮮意粉 $88 （7.5/10）繼續都有爽口蝦，不過就大蝦闊條麵啲蝦好食啲🤣 蝦Size就細啲，仲有青口，魚同魷魚，全部海鮮都唔錯，唔會食到雪藏味，意粉質感都岩岩好，不過我覺得個墨魚汁就唔夠重味啦，如果重啲就更加好，食到墨魚鮮味就正啦😍-水牛城雞翼 $48 (7/10)雞翼size都幾大姐，外脆內軟，個汁好惹味，所以整體成隻雞翼都好入味，唔錯唔錯👍🏻-整體來講成個用餐感覺都好快，可能因為好快就上到菜，cafe空間都好大，其實都好早就會坐爆人，建議大家黎都早d霸位，野食整體唔錯，但今次冇特別試咖啡，見好多人都大讚，有機會經過就買杯外賣啦🤣順帶一提餐具同水係自助式。

聽講紅橋有間有質素既cafe 食豬手同意粉都好出名今日就同朋友專登過黎食。呢邊不嬲多小店 但無諗到呢間都幾大 幾有風格 但坐位就有少少細 但總括黎講都係舒適。聽聞個豬手份量好大 所以我地兩日叫左一味就唔敢試其他野住。。等左廿分鐘到香噴噴熱辣辣既豬手終於都出現 😍份量的確好大 3-4人share都得但個皮無我想像中脆 但就燒得幾香朋友話佢d意粉都唔錯 下次有機會再試

想喺屯門搵好食意粉，見到呢一間舖頭好多人好評❤️即刻過去試吓午餐時段都幾多人排隊，我哋行咗幾個圈大概再返去就可以直接入坐🥳叫咗個牛油果三文魚他他沙律，德國鹹豬手，墨魚汁帶子意粉，嚟到嘅時候個份量同埋賣相都OK喎，以為佢唔夠大碟點知好夠飽🥳🥳而且個鹹豬手煮得啱啱好，開頭都擔心佢會唔會好乾，點知好好食，仲好大舊❤️真係大件夾抵食😎墨魚汁帶子意粉都好好味，我個人好鍾意牛油果三文魚他他沙律食完又想再食嘅感覺好清新而且好開胃😌加上佢杯咖啡都好有水準，所以已經覺得下次會再返嚟食啦😌😌希望你哋一直keep住個水準啦💪🏻😎

今日放假，忙咗一段時間係時候要休息輕鬆一下屯門呢邊呢間係我滿意嘅咖啡店之一點咗一杯凍榛子鮮奶咖啡價錢$40，咖啡味香濃得唻有淡淡嘅榛子味，入口順滑而且個樣好靚呀見到明顯嘅咖啡同鮮奶層次另外我仲叫咗個雞胸凱撒沙律好多芝士碎片喺面同麵包粒仲有青瓜同車厘茄碟邊點綴。賣相唔錯雞胸亦夠多不過個人喜好食沙律多沙律醬。所以對於我唻講稍嫌唔夠。食落去沙律菜夠爽脆，証明食材都幾新鮮。再講下間舖，坐落都幾舒服。感覺悠閒清靜。係我想輕鬆一下嘅時候會選擇嘅店舖之一

23.07.2021 今晚出發去睇話劇前，到BYOB Coffee Roaster食個早晚餐，好耐之前已經食過呢度，最愛佢地嘅沙律，好多生果同菜，啱晒我！😋店舖裝飾簡約風格，好喜歡門外的一個玻璃窗櫥，好漂亮呀。其實未疫情前，座椅之間已經很寛闊，本身樓底好高，所以坐起上來很舒適。餐牌選擇主要分意粉、沙律同各類咖啡/茶，小食主要星期六/日才供應。為咗要咖啡拉花，所以平時唔飲咖啡嘅我，都要咗杯鮮奶咖啡淺嚐。牛油果華道夫沙律：首先食自己最愛嘅沙律，果然仍然保持一貫水準，賣相十分吸引，牛油果好新鮮，配上沙律菜、蘋果之類，呢個值滿分。番茄忌廉蟹肉寬條麵：蟹子份量好多，食起上嚟咀裡卜卜聲；蟹肉混合在麵裡，味道口感不錯，值得推介。鮮奶咖啡：拉花好靚，不太苦。咁啱老闆坐喺我隔離枱食午餐（但我食晚餐🤣），於是可以閒聊咗一陣。佢好nice，好好傾，同我講呢期用澳洲牛油果，有時會用墨西哥，話雖然呢兩度貴啲，但質素會高啲。又介紹我去幫襯佢地喺建生（exactly應該珀御）嘅新舖，有新口味可以試試；仲主動問有無乜野值得改善嘅地方。正如佢話，喺Open Rice有人批評個職員態度唔好；但我所見就正好相反，由落單哥哥

由屯門站行去Cafe 的話大概10-15分鐘，地方未算係好就腳。天氣又熱又曬，職員會提供扇比客人，都係一個比較貼心既服務！😘店家只收cash,payme 同八達通。上菜速度都幾快，大概15分鐘左右。餐具、水以及調味料都係自助既，有需要嘅就需要自己出去拎👍🏻可以減少浪費👍🏻👍🏻對於豬手，我就比較卻步，因為份量都比較大但係好難切，可以講話係無從入手，最後都係是但切😹😹但係佢有包括薯條作為配菜，但係薯條就好硬，用叉都好難拮得入🤔😅薯條就可以有改善嘅空間🤔

呢間cafe地方出其地大 好有#呢間cafe地方出其地大 好有#工業風 亦好受歡迎👏🏻主打意粉同咖啡🍝☕️因為唔餓 所以淨係飲咗咖啡 咖啡拉花出色 味道nutty 🥜本來想點佢招牌冰咖啡 店員細心提醒係一個#expresso shot 嘅份量 所以最後揀返 #Dirty 同 Caramel Latte 😙💰熱焦糖鮮奶咖啡 $35污糟咖啡 $38👉🏻BYOB Coffee Roaster 屯門青桃徑5號文翔大廈地下2A號舖.

每次經過看到這間Cafe都感覺好舒服成日都好想入去，但每次看到人龍後也會響下退堂鼓。然後便去了附近都出名好味的咖哩牛腩河，但有一次女女嚷著一定要吃意粉，於是在吵鬧中屈服陪佢等，但誰不知一食便返不了轉頭。女女點了海鮮墨汁意粉，我和老公點了大蝦闊條麵。先來的海鮮墨汁意粉賣相十分吸引，有肥美青口，魷魚圈及煎蝦，材料十足。再來大蝦闊條麵，大蝦不多，開頭以為伏伏地，誰不知一食意粉，個醬汁超級好味，食得出是用蝦頭的膏製作而成，再加上隻蝦煎得好好味，連平時揀飲擇食的小女（6歲）也不停encore。

屯門區好有名氣既cafe, 可惜地點有啲偏離屯門市中心，所以都要特登過去。呢間總店都幾大，我哋2個人星期六12點幾去到好彩唔駛等。大約12:30出面已經開始排隊，不過好貼心，每人派把扇比你。入到去睇完餐牌要自己出去落單，餐具🍴自己拎，但待應會送餐比你。呢度座位闊落，走工業風。黑松露意粉🍝意粉條條掛汁彈牙，菇🍄好爽，好香黑松露味！明太子煎帶子意粉如圖所示，勁爆多料，好多明太子，個汁好味，帶子個面煎得香脆但入面仲係岩岩好。加埋木魚絲一齊食，好有層次同多添一份和風味道。呢度既咖啡☕️拉花好靚，都幾好飲。Bailey coffee (Bailey 味好出😋）最後食埋個焙茶cheesecake 做結尾，Perfect!(佢質地都幾實淨，焙茶味出，唔太甜）* 呢度可以用PayMe比錢，好方便！ 待應都好nice!

有朋自遠方來作為屯門地膽帶佢地去食我很喜歡、性價比高的紅橋小店平時午餐去我心水係大蝦闊條麵仲有牛油果他他都好靚好好味今日下午茶時段去咖啡依然不會令我失望每次個拉花都令到我好開心係用心拉的拉花估唔到「皇室婚禮」茶都好有驚喜茶具好靚不在話下，真係好香同焙茶同柚子芝士蛋糕好夾最滿足係朋友都好鍾意坐咗喺最入面嘅一張枱一個靜靜的角落好適合傾偈試埋手沖咖啡仲同店主傾咗一陣咖啡經最後佢仲叫我哋年青人加油其實都幾感動

星期六在紅橋 11:30左右辦完事，區內評價頗高的 BYOB 11:45 開始營業，時間啱啱好，無需等位，入內更可自行選座位 （當然不會2人選4人座 😉）兩個相連的舖位，座位之間有一定距離，工業風裝修，燈光不太強，開放式廚房就在入門口前方，不覺油煙味，坐得舒適。顧客要到櫃臺落單，餐具及水自助式，食物由店員送上，沒加一。菜單選擇算多，雖不是芫茜控，也不抗拒，憑個人感覺欣然來一客藍青口芫茜意粉。落單後返回座位等候，打開 openrice app 看一看食評對 BYOB 有什麼推薦 （哈哈，自已有點笨，應該看過才落單嘛）。第一篇食評就正正關於這道芫茜意粉，看內文是正面評價，幸好沒選錯。意粉來了，賣相佳，8隻帶殻藍青口圍在碟邊，意粉放中央，每條意粉均勻的掛上打碎的翠綠芫茜，上面再豪氣的來一把芫茜。芫茜味不會過重，意粉煮得剛好。可惜藍青口完全沒調味，美中不足，建議用蒜、鹽煮過，效果會更好。這裡的飲料以咖啡為主，點意粉時沒有一併點鮮奶抹茶，就是免得吃罷意粉，咖啡卻降溫。水吧內年青小伙子，很專注用心為每杯咖啡拉花，相片中的他正在制作我的飲品。😍😍😍美好的一頓午餐，為今個週末添上美好的記憶。