Butlery

营业中

休息中

香港剛剛通關，約咗朋友由大陸過來於沙田新城市廣場相聚，朋友話聽聞Butlery 幾好，我以前曾經食過，都不錯，咁就帶佢去試吓。餐廳唔算大，但服務員都好 nice，用餐時間為90分鐘，我哋先order雞沙律，有牛油果，煙肉，温泉蛋，羅馬生菜，雞扒撈蛋黃沙律醬。雞扒嫩滑，生菜新鮮加蛋黃醬提鮮，入口爽脆，係一道開胃菜。主菜order咗芥末忌廉墨魚意粉同煎牛扒。廚師用魷魚加蕃茄莎莎炒意粉，每條意粉都掛滿芥末忌廉醬，非常惹味。牛扒有濃牛肉味及 juicy ，簡直係我朋友至愛。最後叫咗個我至愛的 pancake，這個我覺得係這餐廳必食之選，入口鬆化，香濃蛋白味，加上每款不同配料，真係食極都唔厭，結賬都係六百多元，朋友話抵食，一定會推介給朋友來香港食！

難得同媽咪兩個撐枱腳，就帶媽咪去呢間復古橙綠色調歐陸式餐廳 Butlery🧡⭐️ Burger MO 漢堡入面夾住安格斯牛肉，炒洋蔥磨菇同芝士。芝士微融，口感好好。安格斯牛肉煎得外層焦香，肉質都算滑嫩。洋蔥炒到焦糖化，好香甜。加咗side chips同Sour Cream Works醬汁。酸忌廉牛油果醬好有墨西哥風味。⭐️ Calamari Squid Ink Pasta意粉用咗芥末忌廉汁，味道好特別，微酸微辛。魷魚圈彈牙有嚼口。⭐️ Banoffee Creme Brulee Pancake見到好多人推薦Pancake🥞即叫即製，食完主菜就可以熱騰騰上枱。賣相吸引，有蛋香，口感鬆軟。唔會甜到膩。⭐️ Strawberry Milksha好好味道🍓媽味好快飲曬🥰⭐️ Honeycomb Caramel Milksha奶昔加上焦糖，味道香甜不膩。

今日和老婆往沙田新城市廣場butlery食晚餐,我們點了白酒青口,魷魚忌廉汁墨汁意粉,鵝肝安格斯芝士漢堡,抹茶忌廉班cake和白利咖啡忌廉甜酒奶昔,白酒青口是藍青口,食落肉質鮮甜,有啖啖白酒香味,忌廉味香滑,湯底蒜香味濃,配菜有車厘茄食落開胃,而多士食落香脆,整份白酒青口新鮮美味,魷魚忌廉汁墨汁意粉魷魚食落彈牙,意粉食落爽口,意粉吸收了香滑忌廉汁和香濃墨汁,食落層次豐富,口感滿足,鵝肝安格斯芝士漢堡材料豐富,鵝肝煎得金黄,入口即熔,安格斯牛肉和芝士味道香濃,漢堡食落軟綿,配上無花果醬食落開胃,整份鵝肝安格斯芝士漢堡口感豐富,食落美味,抹茶忌廉班cake熱辣辣,抹茶和厥餅味香濃,吉士醬食落香滑,紅荳甜度適中,脆米食落香脆,整份抹茶忌廉班cake食落口感美味滿足,最後白利咖啡忌廉甜酒奶昔賣相吸引,白利咖啡味道香濃,忌廉甜酒味道香醇,奶昔味道香滑,餐廳座位舒適,闊落光猛,食物美味,我和老婆食了一頓美味西式晚餐

Tom Yum Gong Risotto 冬陰功味好特別 酸酸辣辣冇牛油芝士味既選擇 $188 份量唔多 算貴 但蝦都幾大隻同有鮮味Tiramisu Pancake 難怪咁多人推薦 真心好食 鬆軟蛋味濃郁 價錢都算合理Pomegranate Lime soda 石榴青檸梳打，酸酸甜甜似洛神花/山楂味 幾特別

一個星期六既中午大約12點, 諗住好好哋坐低食 brunch, 點左個 all day brekky, waiter 都話 pancake 要啲時間, 咁我無問要幾耐, 旦其實等15-20分鐘都好合理, 所以我話OK。隨着時間流逝, 發覺隔籬枱嘅客人都開始鼓譟, 亦見我杯咖啡都飲完, 我就問 waiter 份早餐整好未, 佢竟然覆我話未整, 我都唔想浪費時間再等, 就叫埋單。隔離枱既 burger 應該等左起碼30分鐘, 佢哋仲早過我到, 佢女朋友個意粉都食完, 再到我埋單走都未到, 究竟佢個burger 要整幾耐?

Butlery裝修精美，撞色對比強烈，樓底夠高，感覺覺不錯，menu款底幾多選擇。燒春雞配有大啡菇，牛油果，小蕃茄等， 春雞燒到金黃香脆，肉質幾夠嫩配上自家製酸辣醬更加惹味，risotto唔會太膩，味道剛好，整體好食夠大份量。安格斯牛肉漢堡餡料非常豐富， 非常大堆頭！有生菜，蕃茄，洋蔥，蘑菇等， 安格斯牛肉肉汁夠多，一啖咬落去夠哂層次，洋葱蘑菇醬汁清新帶甜。香蒜蛋黃醬薯條，醬汁夠咸香！配上脆薯條香脆過癮，還有3隻蝦做 topping, 味道醃得幾濃香。Butlery's Pancake, pancake夠厚身，質感幾鬆軟豐盈，蛋香味幾濃郁，配上糖漿味道都唔會太甜！朱古力奶昔味道唔死甜，朱古力味夠濃又幾香。

Butlery••••••••••••••••••••••••••••••located at Shop 479A, 4/F, New Town Plaza Phase I••••••••••••••••••••••••••••••今日嚟咗新城市廣場到行, 見到呢一間幾有特色嘅餐廳，於是去試下😉☺️店員十分有禮貌, 而且亦有客人至上既感覺,事關我一入去就倒瀉嘢😂今次叫左幾樣野,White Wine Mussels $79個青口好好味同個汁都好夾☺️有兩件蒜蓉包又可以點汁食✌🏻Iron Grilled Flank Steak $192叫左5成熟 肉質鮮嫩 Juciy☺️薯條夠脆唔會好咸 .海膽意粉🍝 $178呢個冇好驚艷,但都幾好食☺️叫左個薄荷朱古力, 好飲😛

原來呢間係人氣餐廳我地食完至知😂食物飲品都唔差不過份量唔算大如果女仔食就ok男人有機會唔夠芥末八爪魚墨汁意粉食落有輕輕芥末味意粉質地都幾好係份量偏細墨西哥餅不過不失雞肉同醬汁都夾沙律新鮮龍蝦拼牛牛係好食嘅淋同嫩整得啱啱好龍蝦尾唔算大但肉質都彈伴碟嘅配菜都okPancake樣子平平無奇但確實係招牌菜好香牛油味但食落唔會覺得膩厚厚地又唔會太過空氣感食落無野咬😂最後想講個邪惡vanilla milkshake 好飲嘅Vanilla味唔假

🙋🏻‍♂️餓底探員今日去咗沙田調查呢間人龍打卡cafe，聽講佢嘅梳乎厘pancake好好食，但餓底今次只係調查咗佢嘅主食，有機會下次會調查埋梳乎厘pancake🍝 Sea Urchin & Scallop Linguine $178📸表示個意粉有好大嚿海膽，兩隻帶子同蟹肉，仲有塊紫蘇葉同紫菜做裝飾，成碟意粉好吸睛🙋🏻‍♂️表示個意粉食落軟硬適中，好掛汁，啖啖都充滿住香濃creamy嘅海膽忌廉汁，海膽味道回甘，帶子煎到好香脆，食落口感軟腍，連埋蟹肉一齊食成碟意粉有豐富嘅層次，好好味🍔 Le Foie Gras Burger $138📸表示個burger望落雖然有啲的骰，但入面有厚切鵝肝，安格斯牛肉，芝士，蕃茄同生菜，好豐富足料🙋🏻‍♂️表示個包內層有烘過仲搽咗牛油，食落內脆外軟又有牛油香味，鵝肝煎得香脆而且厚切，安格斯免治牛肉充滿香濃肉汁，口感唔鬆散，配上無花果醬食落好清甜，加埋車打芝士嘅咸香同清新嘅蕃茄生菜，成個burger好有驚喜🦐🍟Cajun Prawn Aioli Chips $64📸表示個薯條望落份量唔算太多，面頭有幾隻大蝦，個薯條一上枱時香噴噴，聞到都流晒口水， 好期待佢係咩味道🙋

最近新城市開既新餐廳都好有驚喜又打卡一流😆今次呢間Butlery就岩哂甜品控📣最多甜品同特飲選擇🥰🍄 新鮮海膽·香煎帶子·蟹肉海膽忌廉意粉($178)海膽帶子闊條麵 超級Creamy🥰帶子煮到剛剛熟 唔會太韌🍄酸忌廉牛油果醬薯條（$55）超級多酸忌廉果醬 薯條熱辣辣香口嘢應該冇人會抗拒😆🍄厚班戟·香蕉拖肥醬·吉士醬·脆焦糖（$119）見到個樣都覺得動L動L😆唔算好甜好膩 班戟好鬆軟🥰🍄焦糖脆脆奶昔（$69）呢杯真係甜到牙都有少少痹😂同埋焦糖會痴牙 嗰種甜簡直係揮之不去愛嚐甜既朋友唔好錯過啊🫶🏻

呢間既Pancake可以話係全個沙田最高質既一間，間唔中黎呢邊都會食佢安格斯牛肉肉醬闊麵&溫泉蛋肉醬味道濃郁得黎恰到好處食到濃濃既牛肉香，同酸酸甜甜好開胃既蕃茄味再將隻溫泉蛋撈埋一齊食，口感更多左份creamy燒法國春雞&Risotto好難得地燒到外皮香脆得黎，肉質依然嫩既燒春雞Risotto有少少東南亞風味，非常特別伯爵茶醬Pancake呢到既pancake真係做得十分出色pancake勁鬆勁軟，好似食緊棉花糖咁入口即溶，仲有好香既蛋香當然佢既伯爵茶醬亦都好緊要，令成個味道都口感都上升唔止一個層次抹茶吉士醬Pancake除左伯爵茶，呢到仲有抹茶醬特別之處係佢唔單止係普通既抹茶醬，更係抹茶吉士醬令佢既口感更加creamy更加rich另外仲有口感軟糯又香甜既日式抹茶蕨餅作配料，所以食極都會有新鮮感

之前有一次行過，見到店面有啲復古風，已經比佢吸引住😳後尾知道原來係The Pantry既姐妹店，之前喺嗰間食過佢嘅Pancake好有驚喜，所以就黎試埋呢間☺️假日下晝兩點半左右到，等左十分鐘就有位，不過要留意返公眾假期有最低消費，大人$200/位，小童就$100/位，限時120分鐘就足夠既😌▪️ Wild Wings（8/10）💲72大概係即叫即炸，食完主食隔左陣先上小食😅有時想同食物影大合照都真係幾難🥲六隻炸雞翼熱辣辣，入口有肉汁又嫩滑，蜜糖是拉差醬會帶點辣，感覺比較惹味，青瓜酸忌廉醬就幾清新，可惜稀身左啲🤏🏻▪️ Sea Urchin & Scallop Linguine（7/10）💲178海膽會有少少腥，勝在微微煎過既帶子幾鮮嫩，扁意粉比較幼身，但都幾掛汁既，以蟹肉海膽甜味為主，帶點Creamy，不過份量唔多🍝▪️ Earl Grey Pancake（7.5/10）💲125需時大概20分鐘，梳乎厘班戟軟綿有空氣感之餘，又唔會係重到食左陣風咁💨唯獨係其中一塊好似偏濕潤有啲水氣🙈有陣陣既蛋香，伯爵茶醬同埋忌廉香濃帶甜，配上既無花果、果仁脆餅、白朱古力脆米好脆身😚🔎 整體評分（7.5/10）

這次去了家歐陸風的餐廳，位於沙田新城市廣場，餐廳裝修挺美的。在平日去人流少一點，可以跟朋友慢慢享用☺️。食物有套餐和散點，我們是為Ricotta 厚班戟而來的，所以要點兩份吃啦🙈。-▪︎All Day Brekky HKD$155這個賣相吸引😍，食材用料豐富，包括：Ricotta 厚班戟、炒滑蛋、英式香腸、煙肉及炒蘑菇。厚班戟的味道很香，味道微甜口感鬆軟。炒蘑菇味道微辣挺惹味🤤。-▪︎青口紫蘇蕃茄汁墨汁意粉 HKD$148味道很香的午餐，擺盤賣相挺好的。一份青口大約六件，肉質爽口鮮味。配料有小蕃茄和茴香，醬汁味道酸酸的很開胃🤤。墨汁意粉香口惹味，口感煙韌軟適中。-▪︎Tiramisu Pancake HKD$122賣相很吸引的班戟，搖晃有舞動的感覺🤩。Ricotta厚班戟口感鬆軟濕潤，蛋味濃郁充滿空氣感。配料有提拉米蘇醬、燕麥松子仁及咖啡糖漿，整體味道甜而不膩，可因喜好加配糖漿。-▪︎熱鮮奶咖啡 +HKD$10｜熱抹茶鮮奶 HKD$45▪︎有機甘菊花茶 HKD$46午餐可跟餐升級飲品，飲品選擇有很多。熱鮮奶咖啡味道香濃，熱抹茶鮮奶味道甘香。花茶用茶壺裝著，一大壺可以慢慢喝。-

今次帶朋友嚟到沙田嘅一間西餐廳，食物好食，環境坐得舒服，仲有靚靚甜品可以打卡影靚相～～想留肚食甜品，所以揀多咗小食，一個主食，一樣食到好滿足～白酒藍青口，香濃忌廉好creamy, 蒜香十足，仲有配塊甜甜香脆嘅多士，好味～炸雞翼大大隻，有兩款醬，不同口味同樣好夾，橙色嘅係蜜糖是拉差醬，甜絲絲～另一個係青瓜酸忌廉醬，凍凍地幾fresh, 唔會溜～辣味芝士牛肉汁薯條，超多芝士係底，少少辣幾惹味～芥末忌廉墨汁意粉，配魷魚同蕃茄莎莎，唔使擔心墨汁會整污糟啲牙，呢個墨汁意粉係預先染色嘅，放心食好好味，蕃茄加入清爽口感，醬汁好開胃～當然唔少得後上嘅甜品，伯爵茶醬梳乎厘，有粒粒白朱古力脆米點綴，靚靚擺盤睇得又食得，空氣感十足，一定要留肚食甜品！

Happy Friday~和同事下班後就到附近Butlery晚餐，6時半已有不少人在等位，而入座後有90分鐘用餐。食物選擇眾多，頭盤小食、burger、薯條、意粉、All Day、甜品、奶昔等，每款都想試！Caesar Salad $96羅馬生菜新鮮脆口，有炸麵包粒、小蕃茄、parmesan芝士、適量沙律醬，當中的煙肉相當香口，味道突出。Burger 揀了 MO $99，另加$25 有薯條上檯時香噴噴，賣相又很吸引。有juicy安格斯牛肉、炒洋蔥磨菇、惹味的芝士，個包也香脆，而薯條炸得是香脆可口。White Wine Mussels $79青口嫩滑，白汁夠熱又多洋蔥、蕃茄配菜，而且質地creamy，加上多士夠脆又有牛油香，點白汁食一流。Buttermilk Chicken Waffle $120看到已是心心眼，香脆的炸雞，外皮脆得來不油，雞肉仍是多肉汁，點蜜糖芥末醬，配窩夫來享用味道幾夾。甜品也是這裡值得點Tiramisu Pancake $122 輕輕搖一下碟 Pancake 晃來晃去相當動彈，有空氣感，質感鬆軟，入口即溶，有朱古力香味。